दशा-फल विचार और उसकी इतिकर्तव्यता

dasha-fal vichar aur uski itikartavyata  

Ank ke aur Lekh | Sambandhit Lekh | Views : 760 |  
bhartiya jyotish shastra men fal shabd karmafal ka vachak evan bodhak hai. kyonki karmafal vartaman jivan men uske ghatnachakra ke rup men ghatit hote hain, atah jivan men ghatit hone vali ghatnaon ko athva jivn ke ghatnachakra ko bhi fal kahte hain. karmafal janm janmantron men arjit karmon ka fal hota hai, jise yah shastra thik usi prakar abhivyakti deta hai jaise dipak andhkar men rakhe hue padarthon ka spasht rup se bodh kara deta ho. karmavad ke siddhantanusar janm janmantron men arjit karm tin prakar ke hote hain- sanchit, prarabdh evan kriyaman. in trividh karmon ke fal ko janne ke lie jyotish shastra ke pravartak maharshiyon ne tin paddhatiyon ka avishkar evan vikas kiya hai, jinhen horashastra men yog, dasha evan gochar kaha jata hai. sanchit karm paraspar virodhi hote hain. islie unke fal ke suchak yog bhi paraspar virodhi hote hain. sanchit karma evan grahyog men karya-karan sanbandh hain. jaise kali mitti se kala ghara, lal mitti se lal ghara, pili mitti se pila ghara ya safed dhage se safed kapra aur rangin dhage se rangin kapra banta hai; usi prakar paraspar virodhi sanchit karmon ke parinam ke suchak yog bhi paraspar virodhi hote hain. is prasang men arishtayog evan uske bhang tatha raj yog evan uske bhang ko udaharanasvarup prastut kiya ja sakta hai. is vishay men ek bat dhyan men rakhne yogya hai ki sabhi karmon ka fal manushya ko vartaman jivan men nahin milta, apitu yogon ke samast fal ko bhogne ke lie kai janm lag jate hain. atah samast yogon ka fal manushya ko uske jivn-kal men nahin milta. samasta yogon men se keval unhin yogon ka fal manushya ko milta hai jinki dasha uske jivn-kal men ati hai. is prakar kaha ja sakta hai ki manushya ko uski kundli ke sabhi yogon ka fal nahin mil pata, islie jivan ke ghatnachakra ka purvanuman karne men yogon ke fal ki apeksha dasha-fal adhik upyogi hota hai. dashafal ke bhed: jatak granthon men tin prakar ke dashaflon ka ullekh milta hai. û samanya fal û yogafal evan û svabhavik fal samanya fal: dashakal men grahon ka jo fal unki sthiti, yuti, drishti, bal, avastha adi ke anusar jatkon ko milta hai, vah samanya fal kahlata hai. yah samanya fal chalis vividh adharon par nirnit hone ke karan 40 prakar ka hota hai. is fal ke nirnayak pramukh adhar is prakar hain- 1. parmochch 2. uchch 3. arohi 4. avrohi 5. param nich 6. nich 7. mulatrikon 8. svagrihi 9. atimitra grihi 10. mitragrihi 11. samgrihi 12. shatrugrihi 13. atishatru grihi 14. uchch navanshastha 15. nich navanshasth 16. vargottamastha 17. shatru navanshasth 18. shubh shashthyanshastha 19. pap shashthyanshasth 20. parijatdivasargasth 21. shubh dreshkanastha 22. krur dreshkanasth 23. uchchasth ke sath 24. shubh grah ke sath 25. pap grah ke sath 26. nichasth grah ke sath 27. shubhdrisht 28. pap drisht 29. sthanbli 30. digbali 31. kalbli 32. cheshtabli 33. naisargikbli 34. krurakranta 35. balhin 36. margi 37. vakri 38. avasthanusar 39. rashi men sthiti ke anusar tatha 40. bhav men sthiti ke anusar. yogfl: horagranthon men anek prakar ke yogon ka varnan milta hai. ‘‘sarveshan ch fal svapake’’ is niyam ke anusar sab yogon ka fal un yogkark grahon ki dasha-antardasha men milta hai. ye yogafal vishesh fal hain, kyonki jis jatak ki kundli men jo-ja yog hote hain, unka fal use un-un grahon ki dasha-antardasha men milta hai. horagranthon men pratipadit sabhi yogon ki sankhya aur unke bhedopbhedon ka kahin bhi ek sthan par sankalan nahin ho paya hai. fir bhi anek prasiddh evan upalabdh horagranthon ke kosh ka nirman karne ke lie kie gae ek sankalan men pramukh yogon ki sankhya 832 milti hai. is sankhya men dvigrah adi yog, arishtayog, arishtabhang yog, ayu yog, shodashavarg yog, sannyas yog aur stri yog ka samavesh nahin hai. 832 yogon se alag yogon ko nimnalikhit 22 vargon men vargikrit kiya ja sakta hai. 1. pramukh yog (lagabhag 832) 2. dvigrah yog 3. trigrah yog 4. chaturgrah yog 5. panchagrah yog 6. shadgrah yog 7. saptagrah yog 8. ashtagrah yog 9. arisht yog 10. arishtabhang yog 11. shodashavarg yog 12. rajyog 13. strijatak yog 14. rog yog 15. alpa-madhya-dirghayu yog 16. dhan yog 17. daridri-bhikshu-reka yog 18. vyavsay yog 19. karkansh yog 20. svansh yog 21. pad yog evan 22. upapad yog. in 22 prakar ke yogon ke grahon ki dasha-antardasha men inka yogafal milta hai. svabhavik fal: grahon ke atma bhavanurupi fal ko svabhavik fal kahte hain. yah fal mukhya rup se bhav sanbandh evan sadharm par adharit hota hai. dashafal men samanya evan yogafal ki tulna men yah svabhavik fal nirnayk hota hai. grahon ka samanya fal evan yogfl in donon men bahudha virodhabhas laga rahta hai; jaise koi bhi grah uchch rashi men hone par nich adi ke navansh men tatha nich rashi men hone par uchch adi ke navansh men ho sakta hai. isi prakar koi bhi grah kendra men sthitivshat panch mahapurush yog banane ke sath reka yog ya marak yog bana sakta hai athva malika yog ke sath-sath kalasarp yog bana sakta hai. sanbhvtah inhin karnon se laghuparashri men grahon ke samanya evan yogafal ka vichar nahin kiya gaya. in sab virodhabhason ko dhyan men rakhkr isse bachne tatha fal men ekrupta rakhne ke lie hi laghuparashri men vinshottari dasha ke adhar par grahon ke svabhavik fal ka pratipadan kiya gaya hai.3 grahon ke svabhavik fal ki yah pramukh visheshta hai ki ismen parivartana hota to hai kintu vah sakaran hota hai aur uski tarkapurn vyakhya ki ja sakti hai. grahon ke samanya evan yogfl men virodhabhas jitna sanyogik hai, unke svabhavik fal men utna sanyogik nahin hai. svabhavik fal men virodhabhas lagta hai par hota nahin hai- jaise yogkark grahon se sanbandh hone par papi grah bhi apni antardasha men yogaj fal dete hain.4 yahan pratham drishti men lagta hai ki yogkarak grah ki dasha men papi grah ki antardasha men yogaj fal milna ek virodhabhas hai, kyonki yogkark evan papi grah apas men viruddh dharmi hote hain. kintu vastav men in donon ka parasparik sanbandh is virodhabhas ko dur karne men saksham hai. karan yah hai ki koi bhi grah apna atmabhavanurupi (svabhavik) fal apni dasha aur apne sanbandhi ya sadharmi grah ki antardasha men deta hai.(5) is niyam ke anusar yogkarak grah ka yogaj fal uski dasha men uske sanbandhi (pap ya shubh) grah ki antardasha men milna niyam, tarka evan yuktisangat hai. islie kaha ja sakta hai ki svabhavik fal men virodhabhas lagta hai par hota nahin hai. grahon ka atmabhavanurupi ya svabhavik fal: grahon ka atmabhavanurupi ya svabhavik fal vah hai jo grahon ke bhav-svamitva, unke apsi sanbandh evan sadharm adi par adharit hota hai. jaise samay evan paristhitiyon ke dabav vash vyakti ki mansikta men kabhi-kabhi kuch antr dikhlai dene par bhi uske svabhav men antar nahin parta, lagabhag usi prakar grahon ke svabhavik fal men bahudha koi antar nahin parta. ek bat avashya hai ki is svabhavik fal ka nirnay karne ki prakriya men kabhi-kabhi kuch antar dikhlai deta hai jaise kendradhipatya dosh; sadosh kendra-trikonesh evan papi grah, jinka svabhavik fal shubh nahin hota, trikonesh se sanbandh hone par parm shubhfldayak ho jate hain6 athva mark grahon se trishdayadhish shani ka sanbandh hone par marak grah amarak ho jate hain.7 vastutah yah antar prakriya ki gatishilta ka ang ya prakriya ki vividh avasthaon ka gun hai, kyonki nirnay ki samast prakriya se nirnit hokar niklne ke bad grah ka svabhavik fal badlta nahin hai. yah alag bat hai ki svabhavik mishrit fal men hi virodhabhas ki kalpana kar usmen virodhabhas khojne ya prastut karne ka prayas kiya jae. vastutah mishrit fal milajula hota hai. atah ismen virodhabhas lagna svabhavik hai, kintu ismen mishran ek sunishchit matra men hota hai aur vah tark par adharit hota hai n ki sanyog par. islie mishrit fal ke mishran tatha uski matra ka nirdharan tark evan niyam ke dvara kiya aur batlaya ja sakta hai. svabhavik fal ke pramukh adhar: svabhavik fal ka nirdharan chah adharon par kiya jata hai- 1. svabhav 2. anyabhav 3. yogaj 4. sadharm 5. drishti evan 6. yuti. in chah adharon par niyam evan upniyamon ki prakriya (anushasn) se gujrne ke bad nirnit fal svabhavik fal kahlata hai. is fal ka nam svabhavik islie hai ki iske nirnay ke ukt adharon men sarvapratham evan sarvapramukh adhar sva-bhav hai. yahan svabhav ka arth apna bhav hai n ki grah ki prakriti. islie svabhav arthat apne bhav adi ukta chah tatvon par adharit fal ko svabhavik fal kaha jata hai. svabhav: grah ke apne bhav ko, jiska vah svami hai, svabhav ya apna bhav kahte hain. is bhav ka gun-dharma grah ke shubhashubh fal ka nirdhark hota hai. jaise sabhi grah trikon ke svami hone par shubh fal aur trishday ke svami hone par pap faldayak hote hain8 tatha bhagya bhav se barhven bhav ka svami hone se ashtamesh shubhafal nahin deta.9 anya bhav: grah ke fal nirnay ka dusra adhar uska dusra bhav hai. jis prakar ek bhav uske shubhashubh fal ka nirnayak hota hai usi prakar dusra bhav bhi nirnayak hota hai.10 jaise yadi ashtamesh lagn ka bhi svami ho to shubh fal deta hai.11 dvidrvadshe apne anya bhav ke gun dharmanusar shubhashubhafal deta hai.12 naisargik krur grah kendresh ke sath-sath trikonesh ho to shubhafal hote hain13 tatha kendresh evan trikonesh yadi ashtamesh evan lagnesh hon to unke sanbandhmatra se yogaj fal nahin milta. yogj: yadi kendra evan trikon ke svamiyon men apsi sanbandh ho to doshyukta hone par bhi ve yogkarak ho jate hain15 aur is prakar dosh hone par bhi parm shubhafal milta hai. islie yogkarkta ko svabhavik fal ka adhar mana jata hai. isi prakar ‘kendra ya trikon men sthit rahu athva ketu ka trikonesh ya kendresh se sanbandh unhen yogkarak bana deta hai.16 sadharmi: saman gun-dharm vale grah paraspar sadharmi hote hain. jaise trikonesh trikoneshon ka, kendresh kendreshon ka trishdayadhish trishdayadhishon ka dvidrvadshesh dvidrvadsheshon ka, kark karkon ka tatha marak markon ka sadharmi hota hai. yah sadharmi fal nirnaya men mahatvapurn bhumika nibhata hai. atah svabhavik fal ka ek adhar mana jata hai, jaise kendradhipti apni dasha evan trikonesh ki bhukti men shubhfl deta hain.17 rahu evan ketu navam ya dashm men hon to sanbandh n hone par bhi papagrah ki antardasha men marte hain.19 yahan sanbandh n hote hue bhi sadharmata ke prabhavvsh fal mil raha hai. drishti: grahon ki paraspar drishti ek mahatvapurn adhar hai jo drishti sanbandh ya anyatar drishti sanbandh dvara grahon ke fal men mahatvapurn parivartan kar deti hai. atah drishti ko dashafal ka pramukh adhar mana jata hai. udahrnarth yadi rahu v ketu kendra athva trikon men sthit hane aur ve yathakramen trikonesh ya kendresh se yut ya drisht hon to yogkarak hote hain.20 vastutah chaturvidh sanbandhon men do sanbandh -drishtisanbandh evan anyatar drishti sanbandh - drishti par adharit hote hain. atah drishti ko dashafal ka adhar mana gaya hai. yuti: grahon ki apsi yuti dashafl ka nirnayak adhar hai kyonki iski grahon ke shubhashubh fal ka nirdharn karne men nirnayak bhumika hoti hai. yatha dvitiyesh evan dvadshesh anya grahon ke sahacharya (yuti) ke anusar shubhashubh fal dete hain.21 rahu evan ketu jis bhavesh se yut hon, uske anusar shubhashubh fal dete hain.22 iske alava chaturvidh sanbandhon men yuti ek sanbandh hai jo grahon ke fal men kabhi-kabhi chamatkar ya svabhav fal anya bhav yogaj sadharm drishti yuti parivartan paida karti hai. atah yuti ka dashafal ke nirdharan ka pramukh adhar mana gaya hai. svabhavik fal ke pramukh adhar chah ya char: is prasang men kuch log kah sakte hain ki yadi svabhav, anya bhav, sanbandh evan sadharm in charon ko svabhavik fal ka adhar man liya jae to yog, drishti evan yuti ka sanbandh men antarbhav hone ke karan un sabhi ka in charon men samavesh ho jaega aur svabhavik fal ke nirdharan men koi kathinai nahin aegi, apitu adharon ki sankhya chah se ghat kar char ho jane par suvidha rahegi. kintu yog, drishti evan yuti ke sath sanbandh ko adhar manne se laghuparashri ke kuch prasang achute rah jate hain. jaise dvitiyesh evan dvadshesh - anya grahon ke sahacharya (yuti) se shubhashubh fal dete hain ya rahu evan ketu jis bhavesh se yut hon vaisa shubhashubh fal dete hai23 adi. yogkarta ke prasang ko chorakar anyatra yuti evan drishti ke fal se do grahon men se ek prabhavit hota hai jabki yuti drishti donon sanbandhon ko prabhavit karta hai. atah yuti evan drishti ka sanbandh men antarbhav karne se dvitiyesh, dvadshesh rahu evan ketu ke shubhashubh fal ke nirnay men kathinaiyan a sakti hain. islie svabhavik fal ke nirdharn hetu char adhar n man kar ukt chah adharon ko hi manna samichin hoga. ukt adharon ki kasauti ka parinam: svabhavik fal ke ukta chah adharon ki kasauti par kaskr nirnay karne ke parinamasvarup grah chah prakar ka hota hai- shubh, yogkarak, papi, marak, sam evan mishrit. shubh grah ke do bhed hote hain - shubh tatha atishubh. papi grah ke tin bhed hote hain papi, keval papi, param papi. shubh: jo grah lagnesh, panchmesh ya navmesh ho kintu trishdayadhish n ho, vah shubhfldayak hone ke karan shubh kahlata hai jaise mesh lagn men mangal, surya evan guru. atishubh: jo grah kendra evan trikon donon bhavon ka svami ho, vah svatah karak hone ke karan atishubh mana jata hai. jaise vrish evan tula lagn men shani, kark evan sinh lagn men mangl tatha makar evan kunbh lagn men shukra ati shubh hota hai. papi: tritiya, shashth evan ekadash bhavon ke svami tatha markesh grah papi kahlate hain jaise mesh lagn men shani evan shukra. keval papi: jis grah ki donon rashiyan trishday men hon ya jis grah ki ek rashi trishday evan dusri rashi dvidrvadash men ho, vah grah keval papi kaha jata hai. keval pap sthan ka svami hone ke karan uski sangya keval papi hoti hai jaise mesh lagn men budh, vrish men chandrama, mithun men surya, tula men guru, dhanu men shani tatha kunbh lagn men guru adi. param papi: jis grah ki ek rashi ashtam men tatha dusri trishday men ho, vah param papi kahlata hai jaise vrish lagn men guru, kanya men mangal, vrishchik men budh evan min lagn men shukra. kark: jin do kendreshon evan trikoneshon men paraspar sanbandh ho aur unmen se koi ashtam ya ekadash bhav ka svami na ho, ve kendresh evan trikonesh kark kahlate hain. yadi kendra men sthit rahu ya ketu ka trikonesh se sanbandh ho athva trikon men sthit rahu ya ketu ka kendresh se sanbandh ho to ve bhi kark kahlate hain. mark: dvitiyesh, saptamesh, dvitiya evan saptam men sthit trishdayadhish aur dvitiyesh ya saptamesh se yut trishdayadhish pramukh markesh hote hain. iske alava vishesh sthiti men vyayesh, vyayesh se sanbandhit grah, ashtamesh evan keval papi grah bhi markesh ho jate hain. sam: jo grah shubh ya ashubh fal nahin dete, ve sam kahlate hain. udahrnartha mithun evan sinh lagnon men svarashistha chandrama, kark evan kanya men svarashistha surya aur dvitiya ya dvadash men sthit akela rahu ya ketu. mishrit: jis grah ki ek rashi trikon men aur dusri trishday ya ashtam men ho, vah mishrit kahlata hai. kyonki vah donon bhavon ka milajula fal deta hai, atah uski sangya mishrit hoti hai, jaise mithun evan kanya lagnon men shani, kark evan sinh lagnon men guru tatha makar evan kunbh lagnon men budh. is prakar ukt chah adharon ki kasauti par janch-parakhakar dekhne par yah nirnaya hota hai ki grah shubh, karak, papi, marak, sam ya mishrit hai. is antim nirnay ke adhar par uska atmabhavanurupi ya svabhavik fal nishchit ho jata hai. ta sandarbha: 1. ‘‘yadupchitamanyajanmani shubhashubhan tasya karmanah panktim. vyanjayati shastramettmsi dravyani dip iv..’’ 2. yogon ko banane vala grah 3. dekhie - laghuparashri shlok 3 4. dekhie -tatraiv shlok 19 5. dekhie -tatraiv shlok 30 6. dekhie- laghuparashri shlok 6 7. dekhie -tatraiv shlok 9 8. dekhie udyottika shlok 9. laghuparashri shlok 9 10. tatraiv shlok 8 11. tatraiv shlok 12 12. tatraiv shlok 22, 13. tatraiv shlok 15 14 tatraiv shlok 21 15. tatraiv shlok 32 16. tatraiv shlok 36 17. tatraiv shlok 39 18. ‘‘yadi kendera trikone va nivsetan tamograhau. nathenanyaterenadhyau drishtau va yogkarkau.’’ 19. laghuparashri shlok 8 20. laghuparashri shlok 13 21. tatraiv shlok 8 evan 13
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  August 2006

bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

Subscribe

Apne vichar vyakt karein

blog comments powered by Disqus
.