योगकारक का फलप्राप्ति काल

yogkarak ka falaprapti kal  

Ank ke aur Lekh | Sambandhit Lekh | Views : 539 |  
laghuparashri ke yogadhyay ke shlok sankhya 14-17 tatha 20-21 in chah shlokon men yogkark grah ka lakshan evan udaharan ki vistar se vivechna ki gayi hai. is prasang men yah svabhavik prashn hai ki yogkark grahon ka fal kab aur kaise milega? is prashn ka uttar yogadhyay ke shlok sankhya 18-19 tatha dashadhyay ke shlok sankhya 33-36 men diya gaya hai. is anuchched men shlok sankhya 18-191 ke anusar yogkarak grahon ke falaprapti ke samay ka vichar kiya ja raha hai. jaise sabhi grahon ka fal unki dasha men milta hai usi prakar yogkarak grahon ka fal unki mahadsha men milega. yah jan lene se thik-thik faladesh nahin kiya ja sakta kyonki grahon ki dashaen varshon-varshon tak chalti hain. atah fal prapti ka thik-thik samy nirdharit karne ke lie antardasha evan pratyantar dasha ka ashray liya jata hai. is vishay men maharshi parashar ka spasht mat hai ki koi bhi grah apni dasha men apni hi antardasha ke samay men apna atmabhavnurupi shubh ya ashubhafal nahin deta. apitu vah apni dasha men apni sanbandhi ya sadharmi grah ki antardasha men apna fal deta hai. dashafal ke is siddhant ke anusar yogkarak grahon ke fal ki prapti ka samay nirdharit kiya ja sakta hai, yatha-jab yogkarak grahon men se ek ki dasha men dusre ki antardasha ati hai tab yogj-fal milta hai. athva jab yogkarak grah ki dasha men usse sanbandh n rakhne vale kisi shubhkark grah ki antardasha ati hai tab bhi yogajafal milta hai kyonki shubhkark yogkarak grah ka sadharmi hota hai.2 kuch vidvan yahan ‘shubhkarin’ ka artha trikonesh mante hain.3 yadyapi trikonesh shubhafal hi deta hai tathapi shubh faldayak hone ke karan ‘shubhkarin’ ka arth keval trikonesh nahin mana ja sakta kyonki laghuparashri ke sangyadhyay men trikonesh ke alava lagnesh tatha kendra-trikon donon ke svami krur grah ko bhi shubhfldayk mana gaya hai.4 atah is prasang men ‘shubhkarin’ ka arth trikonesh, lagnesh, lagnesh-ashtamesh tatha kendratrikon donon ka svami krur grah manna uchit hai. ye sabhi grah shubhfldayak hote hain aur shubhdayak hone ke nate yogkark grah ke sadharmi kahlate hain. kyonki yogkarak grah bhi shubhfldayak hota hai islie yogkarak grah ki dasha men jab usse sanbandh n rakhne vale shubh karak grah ki antardasha ati hai tab yogafal milta hai. vastutah yogkark grah ka anya yogkarak sanbandhi hota hai tatha shubhkarak grah sadharmi hota hai. islie inki antardasha men yogkark grah apna yogafal deta hai. isse yah bhi pratit hota hai ki yogkark grah se sanbandh n rakhne vale kisi shubhkarak grah ki dasha men kisi yogkarak grah ki antardasha ane par bhi yogaj fal milta hai. grahon ki antardashaen bhi kafi lanbe samy tak chalti hain. in antardashaon ke samy men yogaj fal kab milega, yah janne ke lie pratyantrdsha ka ashray liya jata hai. yatha-jab yogkarak grahon men se ek hi mahadsha men, dusre ki antardasha tatha unse sanbandh n rakhne vale kisi shubhkarak ki pratyantar dasha ati hai tab yogajafal milta hai. athva yogkarak grahon se sanbandh na rakhne vale kisi shubhkari grah ki mahadsha men jab ek yogkarak ki antardasha tatha dusre ki pratyantar dasha ati hai tab bhi yogajafal milta hai. yathoktatam ‘yogkarkyoah karyan svadshasu tathaiv hi. vardhayanti shubha yogan sanbandhrhita api..’’ vicharniya bindu û grahon ke dashafal ka vichar mukhyarup se nimnalikhit baton par adharit hota hai- 1. gunaj, 2. anugunaj, 3. yogaj, 4. sahayaj, 5. drishtij evan 6. mitaj. grah ke svabhavik (apne bhav ke pratinidhitva ke anusar) fal ko gunajafal kahte hain. apne anyabhav ke pratinidhi ke anusar, anya grahon ke sahacharya ke karan tatha bhav men sthitivsh milne vala fal anugunaj kahlata hai. apas men sanbandh karne vale kendresh evan trikonesh ka fal yogaj kaha jata hai. ek jaisa fal dene vale sadharmi grahon ka fal sahayaj kahlata hai. paraspar ek-dusre ko dekhne vale grahon ka fal drishtij kaha jata hai aur bhav/rashi men sthiti, bal evan anya grahon se yuti ka fal mitaj fal kahlata hai. grahon ka dashafl nirdharit karte samay in sabhi adharon ka vichar kar lena chahie. û antardasha ka fal nirdharit karne ke mukhya adhar ath mane jate hain- 1. sanbandhit sadharmi, 2. sanbandhit viruddhadharmi, 3. sanbandhit ubhayadharmi, 4. sanbandhit anubhayadharmi, 5. asanbandhit sadharmi, 6. asanbandhit viruddhadharmi, 7. asanbandhit ubhayadharmi tatha 8. asanbandhit anubhayadharmi. inmen se pratham panch grahon ki antardasha men dashadhish ka atmabhavanurupi fal ek nishchit taratamya ke anusar milta hai. shesh tinon grahon ka fal shlok sankhya 31 ke anusar nirdharit kiya jata hai. û inmen taratamya is prakar hai- sanbandhit sadharmi ka fal sarvadhik, sanbandhit anubhay dharmi ka usse kam, sanbandhit ubhayadharmi ka usse kam tatha sanbandhit viruddhadharmi ka fal sabse kam hota hai. isi prakar asanbandhit grah ka fal bhi janna chahie. kundli sankhya 1 men budh evan shukra yogkarak grah hain atah budh ki mahadsha men shukra ki antardasha ke samay men inko mukhyamantri pad mila. kundli sankhya 2 men shubhkarak guru ka yogkarak grahon se sanbandh nahin hai. atah guru ki dasha men svatah yogkarak mangl ki antardasha men inko bharat ka videsh mantri banaya gaya. yogkarak ke sanbandhi papi ki antardasha men yogfl: pichle anuchched men batlaya gaya hai ki dashafal ki jankari ke lie grah ke svabhavik ya atmabhavanurup fal ka nirdharn gunaj adi chah adharon par tatha antardasha ke fal ka nirdharan sanbandhit sadharmi adi ath adharon par kiya jata hai. yogkarak grah ek aisa parsmni hai ki jisse sanbandh ya sanpark hone se papi grah bhi yogj fal deta hai. jaise paras ke sanpark se loha sona ban jata hai vaise hi yogkark se sanbandh hone par papi grah bhi yogjfldayak ho jata hai. is vishay men laghuparashrikar ka kathan hai ki yogkarak grahon ke sanbandh se svatah papigrah bhi yogkarak grahon ki dasha tatha apni antardasha men yogajafal dete hain.5 laghuparashri ke anusar trishdayesh, markesh evan ve ashtamesh-jo lagnesh na hon-papi grah hote hain. ye papigrah bhi do prakar ke hote hain: 1. jinki dusri rashi pap sthan men ho aur 2. jinki dusri rashi kendra men ho. in donon prakar ke papi grahon se yogkarak grah ka sanbandh ho to ye papi grah bhi yogkarak grah ki dasha aur apni antardasha men papafal na dekar yogajafal dete hain. dashafal ka mukhya siddhant hai ki koi bhi grah apna svabhavik (atmabhavanurupi) fal apne sanbandhi ya sadharmi grah ki antardasha men deta hai.6 tatparya yah hai ki jab kisi grah ki dasha men uske sanbandhi ya sadharmi grah ki antardasha ati hai tab dashadhish ka atma-bhavanurupi fal milta hai. yadi yogkarak grahon se papigrahon ka sanbandh ho to papi grah yogkarak ke sanbandhi ho jate hain. islie yogkarak grah ki dasha men jab unke sanbandhi papi grah ki antardasha ati hai tab yogkark grah ka atmabhavanurupi yogaj fal milta hai. laghuparashri ke kuch vyakhyakaron ne ‘‘tattadbhuktyanusaresh’’- ka arth - ‘‘us yogkarak grah ki antardasha ke anusar’’ - aisa man kar shlok sankhya 19 ka yah arth liya hai ki -‘‘svayan papigrah bhi yogkarak grahon se sanbandh hone par apni dashaa men yogkarak ki antardasha men yogajafal dete hain.’’ kintu yah artha laghuparashri ke dashafal siddhant ke pratikul hai kyonki papi grah ki dasha men uske sanbandhi yogkarak grah ki antardasha men mishrit fal milta hai7 na ki yogaj fal. atah ‘‘tattad bhukatyanusaren’’ - ka arth un (papi) grahon ki antardasha ke anusar mankr is shlok ka artha- ‘‘yogkarak grahon ke sanbandh se svatah papigrah yogkark grahon ki dasha tatha apni antardasha men yogaj fal dete hain’’ - yah manna uchit evan tarkasangat hai. yatha - ‘‘sanbandhe sati sadhunan khalo'pi hitsadhkah. tadvat pape'ni sanbandhe sati yogafalapradah. sandarbha: 1. ‘‘dashasvapi bhavedyog praysho yogkarinoah. dashadvayimadhyagatastadayuk shubhkarinam.. yogkarak sanbandhatpapino'pi grahaah svatah. tattad bhukatyanusaren dvisheyuryogjan falam..’’ -laghuparashri shlo. 18-19 2. dekhie-laghuparashri shlo. 29-30 3. dekhie-laghuparashri bhashya-divan ramchandra kapur pri. 58 4. dekhie-laghuparashri shlo. 8 evan 12 5. ‘‘yogkarksanbandhppino'pi grahaah svatah. tattadbhukatyanusarenn disheyu yogijan falam..’’ -laghuparashri shlo. 19 6. û laghuparashri-tatvarth prakashika pan. shri sita ram jha pri. 50 û laghuparashri-subodhini tika-pan. shri achyutanand jha pri. 40 û laghuparashri-bhasha tika-shri vasudev gupt pri. 54 û dekhie-laghuparashri shlo. 8-9 7. dekhie-laghuparashri shlo. 37-38
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  March 2006

totke dhan agaman men rukavat kyon apke vichar mandir ke pas ghar ka nishedh kyon mahakaleshvar: vishva men anokhi hai mahakal ki arti

Subscribe

Apne vichar vyakt karein

blog comments powered by Disqus
.