लघुपाराशरी के अनुसार अंतर्दशाफल की मीमांसा

laghuparashri ke anusar antardashafal ki mimansa  

Ank ke aur Lekh | Sambandhit Lekh | Views : 514 |  
dashadhish ke viruddh faldayak grahon ki antardasha ka fal: laghuparashri ke anuchched 54 ke anusar antardashadhishon ko nimnalikhit ath vargon men vargikrit kiya ja sakta hai. 1. sanbandhi-sadharmi 2. sanbandhi-viruddhadharmi 3. sanbandhi-ubhayadharmi 4. sanbandhi-anubhayadharmi 5. asanbandhi-sadharmi 6. asanbandhi-viruddhadharmi 7. asanbandhi-ubhayadharmi 8. asanbandhi-anubhayadharmi in ath prakar ke grahon men se pahle panch prakar ke grah ya to sanbandhi athva sadharmi hote hain. atah inki antardasha men dashadhish ka atmabhavanurupi fal milta hai. avshisht tin prakar ke grahon-asanbandhi viruddhadharmi, asanbandhi-ubhayadharmi evan asanbandhi-anubhayadharmi ki antardasha men kaisa fal milega is prashn ka samadhan karne ke lie laghuparashrikar ne kaha hai- dashadhish ke viruddh faldayk anya grahon ki antardasha men vidvanon ko unke fal ka bhali bhanti anugunn kar fal ki kalpana karni chahie. is prasang men dashanath ke viruddha faldayak ka arth hai- ve grah, jo dashanath jaisa fal n dete hon. asman gun-dharmon vale grah paraspar viruddha faldayak hote hain. ye viruddh faldayk antardashadhish tin prakar ke hote hain- 1. asanbandhi viruddhadharmi 2. asanbandhi ubhayadharmi evan 3. asanbandhi anubhayadharmi viruddhadharmi se abhipray un grahon se hai jinke gunadharm saman n hon, jaise trikonesh evan trishdayadhish athva karak evan marak adi. ubhayadharmi un grahon ko kaha jata hai, jo shubh evan ashubh donon prakar ka fal dete hanai. jaise chaturthesh, saptamesh evan dashmesh. ubhayadharmi ki yah visheshta hoti hai ki yah shubh evan pap grahon ka anshik rup se sadharmi aur anshik rup se viruddhadharmi hota hai. ismen donon prakar ke gun-dharm hone ke karan hi yah ubhayadharmi kahlata hai. aur anubhayadharmi un grahon ko kahte hain jo n to shubh ho aur n hi pap ho jaise dvitiyesh evan dvadesh svarashisth chandrama evan surya. inmen shubh evan pap donon dharm nahin hote. atah ye n to sadharmi hote hain aur n hi viruddhadharmi. laghuparashri ke siddhantanusar grah chah prakar ke hote hain- 1. shubh 2. pap, 3. karak 4. marak 5. sam evan 6. mishrit. inmen se shubhagrahon ke shubh, papagrahon ke pap, karak grahon ke karak, mark grahon ke marak, sam grahon ke sam tatha mishrit grahon ke mishrit sadharmi hote hain jabki shubh evan pap, karak evan marak, shubh evan marak tatha pap evan kark ek-dusre ke viruddhadharmi hote hain. inmen se mishrit grah ubhayadharmi tatha samagrah anubhayadharmi hote hain. kyonki mishrit grah men donon prakar ke gun-dharm hote hain aur mishrit ko ubhayadharmi evan sam ko anubhayadharmi kaha jata hai. islie viruddhadharmi, ubhayadharmi evan anubhayadharmi- ye tinon viruddh faldayk hote hain kintu yadi inka dashanath se sanbandh ho to ye us sanbandh ke prabhavvsh dashadhish ka svabhavik fal dete hain jaisa ki laghuparashri ki shlok sankhya 19, 21, 32 evan 33 men batlaya gaya hai.kintu yadi inka dashadhish se sanbandh n ho to inka fal dashanath ke viruddh hota hai. yahan ek svabhavik prashn utpann hota hai ki dashanath ke viruddh faldayk asanbandhi viruddhadharmi, asanbandhi ubhayadharmi aur asanbandhi anubhayadharmi ki antardasha men kya inka fal saman ya asman hoga? aur vah fal kaisa hoga? ise janne ke lie laghuparashrikar ne ek riti batlayi hai- ‘‘yadi antardashadhish dashanath ka sanbandhi ya sadharmi n ho to us (asanbandhi viruddhadharmi, asanbandhi ubhayadharmi evan asanbandhi anubhayadharmi) ke falon ka anugunan kar vibhinna sthitiyon men fal ki tadnurup kalpana kar leni chahie. nirnayk-sutra: is vishay men nirnayak sutra hai ‘‘tattad falanugunyen’’. laghuparashri ke is sanketik sutra ka arth hai- un dashadhish evan antardashadhish ke falon ka anugunan kar fal ka nirdharn karna chahie. is sutra ka sar ‘anugnn’ shabd men antarnihit hai. anugunan ka tatparya hai- anu=bar-bar, gunn=gunon ka mulyankan arthat samagra paristhiti evan sandarbh men dashadhish evan antardashadhish ke falon ka gunon ke adhar par mulyankn karna anugunan kahlata hai. udahrnarth, man lijie ki dashanath dhandayak tatha antardashanath dhannashk hai. to is dasha-antardasha men dhan labh evan dhan nash donon hi fal honge. is vishay men smaraniya hai ki dashanath evan antardashanath in donon men se jiska samathrya adhik hoga, anttogatva vaisa hi fal milega. yadi is sthiti men ek hi grah men bhavadi svamitvashat donon viruddh lakshan hon, jaise navmesh evan dvadshesh ek hi grah ho ya panchmesh evan dvadshesh ek hi ho athva ashtamesh-navmesh ek hi ho ya panchmesh-ashtamesh ek hi grah ho to us grah ke gun-doshon ki saman satta ke karan gun evan avgunon ka nash ho jaega. kintu yadi ek grah men ek aur dusre men ekadhik gun hon, jaise dashadhish evan antardashadhish men se ek vyayesh ho aur dusra dhanesh-panchmesh ya dhanesh-lagnesh athva dhanesh-bhagyesh ho, to dhandayak do hetu tatha dhannashk ek hetu hone ke karan anugunan ke adhar par (2-1=1) ek dhandayk gun shesh rahega. islie is udahrn men dhan labh evan dhan nash ke bad lagabhag adha dhan bach jaega. isi prakar dashadhish evan antardashadhish ki sabhi sthitiyon ka samagra sandarbh men gunon ke adhar par mulyankan kiya ja sakta hai. pathak chahe to is prasang men anuchched 37 men di gai bhav evan uske gunon ki talika ka upyog kar sakte hain. is sandarbh men ek bat spasht hai ki dashanath ke asanbandhit-viruddhadharmi, ubhayadharmi evan anubhayadharmi grahon ki antardashaon men donon ka fal milta hai. in donon ke falon men paraspar viddhata bhi hoti hai. kintu in donon prakar ke falon men se kiska fal kam aur kiska adhik hoga iska mulyankn un donon ke gunon ke adhar par samagra drishti se karna chahie. sanbandh hone ya n hone par kendresh evan trikonesh ki dasha-antardasha ka fal: trikonesh laghuparashri ke anusar shubh tatha kendresh ubhayadharmi hota hai. atah in donon men sanbandh hone par yah sanbandhi-ubhayadharmi aur sanbandh n hone par asanbandhi-ubhayadharmi ka udahrn mana jata hai. sanbandh hone par tatha sanbandh n hone par kendresh ki dasha evan trikonesh ki bhukti men athva trikonesh ki dasha evan kendresh ki bhukti men kya evan kaisa fal hoga is prashn ka samadhan karte hue laghuparashrikar kahte hain ki ‘‘sanbandh hone par kendresh apni dasha evan trikonesh ki antardasha men shubh fal deta hai aur vah trikonesh bhi apni dasha evan kendresh ki antardasha men shubh fal deta hai. yadi un donon men sanbandh n ho to pap faldayak hota hai. karan yah hai ki kendresh evan trikonesh apas men sadharmi nahin hote. islie in donon men jab tak sanbandh n ho tab tak ye ek-dusre ki dasha-antardasha men papafal dete hain jaisa ki kathan hai- ‘‘uktan shubhattvan sambandhat kendrakoneshyoah pura. sambandhe'tra shubhan tasmadasambandhe'nyatha falam.’’ is prakar kendresh evan trikonesh ka apas men sanbandh ho to kendresh ki dasha aur trikonesh ki antardasha men shubh fal milta hai. isi prakar trikonesh ki dasha evan kendresh ki antardasha men shubh fal milta hai. aur inmen sanbandh n hone par ek-dusre ki antardasha men pap fal milta hai. yogkarak ki dasha evan marak ki antardasha ka fal samanyatya karak evan marak grah ek dusre ke viruddhadharmi hote hain. atah yadi inmen paraspar sanbandh n ho to shlok sankhya 31 ke anusar pap fal milega. kintu shlok sankhya 33 men marak grah ki antardasha men ‘‘rajyogasya praranbh‘‘ arthat rajyog ka praranbh batlaya gaya hai. rajyog ka yah fal tabhi sanbhav hai jab inmen sanbandh ho. kark grah ka marak se sanbandh hone par shlok sankhya 30 ke anusar karak grah ki dasha men uske sanbandhi marak grah ki dasha ki antardasha ke samay men rajyog ka fal milna sanbhav hai. islie yah sanbandhi viruddhadharmi ka udahrn hai. is kundli men shani svayan yogkarak hai aur uska saptamesh mangal se yuti sanbandh hone ke karan donon yog kark hain aur dvitiyesh budh saptam sthan men sthit hone ke karan marak hai. is vyakti, jo ki prasiddh filma abhineta evan rajyasbha ke sadasya hain, ko dinank 18 march 1991 men shani ki dasha shuru hui. is shani ki dasha men dinank 21 march 1994 tak shani ki antardasha men anuchched 53 ke anusar shani ka atmabhavanurup yogjfl nahin mila. taduprant shani ki dasha men dinank 28 navanbar 1996 tak budh ki antardasha men inhen rajyasbha ki sadasyata mili. vastutah karak shani ki dasha men marak budh ki bhukti men inhen rajyog ka fal mila hai. is fal ka ashtamasth ketu evan shashthesh shukra ki bhukti men vistar hona chahie. yogkarak ke sanbandhi/asanbandhi shubh grah ki antardasha ka fal: sushlok shatak ke anusar yogkark grah ki dasha men sanbandhit shubh grah ki antardasha men tej, sukh, yash evan dhan barhta hai jabki yog karak ki dasha men asanbandhit shubh grah ki antardasha men sam fal arthat vishesh shubh nahin hota. yadi tulnatmak drishti se vichar kiya jae, to yogkarak grah ki dasha men karak grah ki antardasha men yogaj fal milta hai. yah fal vishesh ya utkrishta fal hai. aur yogkarak ki dasha men uske sanbandhi ya asanbandhi shubh grah (trikonesh) ki antardasha men jo fal milta hai, vah usse kam hi hota hai. karak ke sanbandhi shubh grah ki dasha men karak ki bhukti ka fal: laghuparashri ki shlok sankhya 35 men karak grah ke sanbandhi shubh grah ki mahadsha mane karak grah ki bhukti men kya aur kaisa fal milega is bat ka pratipadan karte hue batlaya gaya hai ki is (yogkark) ke sanbandhi shukra grah ki (dasha men) yogkarak grahon ki bhuktiyon men kabhi-kabhi ya kuch-kuch yogaj fal milta hai.kintu yah kathn tarkasangat ya uchit nahin lagta. kyonki yogkarak ka shubh (trikonesh) se sanbandh hone par yogajafal ka utkarsh hota hai. aisi sthiti men karak grah ke sanbandhi shubh grah ki dasha men (uske sanbandhi evan sadharmi) yogkarak grah ki bhukti men nishchit rup se rajyog ka fal milna chahie n ki kadachit kabhi-kabhi ya kuch-kuch. is vishay men sushlok shatkkar ka mat spasht evan tarkasangat hai. unka kahna hai ki shubh grah ki dasha men uske sanbandhi yogkarak ki antardasha men rajsaukhya nishchit milta hai. karn spasht hai ki yahan trikonesh evan kark sanbandhi bhi hai aur sadharmi bhi. atah yah sanbandhi sadharmi ka udaharan hai. atah anuchched 53 ke anusar yahan nishchit rup se yogajafal milna chahie. shubh sthan men rahu-ketu ki dasha men asanbandhi grahon ka fal: is vishay men laghuparashrikar ka kathan hai ki rahu evan ketu shubh sthan men arurh (sthit) hon to, (kisi yogkarak se) sanbandh n hone par bhi yogkarak grah ki antardasha men yogkarak hote hain. is prasang men shubh sthan ka arth kuch acharyon ne trikon sthan to kuch anya acharyon ne chaturth sthan mana hai. kintu yadi aisa man liya jae, to shlok sankhya 30 se kam chal jaega aur shlok sankhya 36 ki rachna ki avashyakta nahin rahegi. yadi shubh sthan ka arth keval trikon sthan man liya jae, to pancham men rahu ya ketu men se ek ke rahne par dusra ekadash men rahega tatha navam men rahu ya ketu men se ek ke rahne par dusra tritiya men rahega. is sthiti men panchamasth rahu ya ketu ka ekadashasth ketu ya rahu se sanbandh kya inki karkta ko prabhavit nahin karega? kyonki ekadashasth rahu ya ketu labhesh ke saman hota hai aur labhesh tatha ashtamesh ka sanbandh rajyog ko bhang kar deta hai. atah shubh sthan ka arth ‘‘karmadharmo shubhau proktau’’ ke anusar navam evan dasham sthan men donon shubh sthan hain. dharm svabhavtah shubh sthan hai aur karm bina dharm ho hi nahin sakta. vastutah dharm evan karm ek dusre ke purak hote hain tatha laghuparashri ke anusar ye donon shubh sthan bhi hain. islie shubh sthan ka arth navam evan dasham sthan manna chahie. rahu evan ketu jis bhav men hon, us bhav ke anusar fal dete hain. islie navamasth rahu-ketu navmesh ke saman aur dashamasth rahu-ketu dashmesh ke saman shubh faldayak hote hain. yadi inka yogkarak grah se sanbandh ho, to ye anuchched 53 ke anusar yogjfldayak ho jaenge. kintu yadi inka yogkarak se sanbandh n ho to inka fal kaisa hoga is prashn ka vichar evan nirnay karne ke lie shlok sankhya 36 ki rachna ki gai hai aur is shlok men batlaya gaya hai ki rahu-ketu yadi navam ya dasham sthan men hon, to inki dasha men inse asanbandhi karak ki antardasha men yogjfl milta hai. yah asanbandhi sadharmi ka udaharan hai. is kundli men rahu dasham (shubh) sthan men sthit hai tatha lagnesh evan dashmesh yuti ke karan rajyog hai. inhen dinank 18 navanbar 1995 se 17 navanbar 1998 ke madhya rahu ki dasha men shukra ki antardasha ke samay men do bar bharat ka pradhanmantri pad mila. shukra ke ashtamesh hone ke karan pratham bar men rajyog ka bhang hona aur karak ki antardasha ke karan punah yogaj fal milna spasht rup se parilakshit hota hai. is kundli men kark rashi men kendrastha rahu parashar ke anusar rajyog kark hai, yatha- ‘‘ajakarkalikanyain yugmasth kendragah fani. parashar muni prah rajyogkrah svaym..’’ arthat mesh, kark, vrishchik, kanya, makr ya mithun rashi men kanedra sthan men rahu ho, to parashar ka kathan hai ki vah svayan rajyog karak hota hai. nishkarsha 1. navam ya dasham men sthit rahu evan ketu ki dasha men asanbandhit yog kark ki antardasha men yogajafal milta hai. 2. navam ya dasham men sthit rahu-ketu ki dasha men asanbandhit trikonesh ki bhukti men shubh fal milta hai. 3. navam ya dasham men sthit rahu-ketu ki dasha men asanbandhit kendresh ki bhukti men alp matra men shubh fal milta hai. 4. navam ya dasham men sthit rahu-ketu ki dasha men sanbandhi karak ki bhukti men vishesh yogajafal milta hai. 5. navam men sthit rahu-ketu ki dasha men sanbandhit trikonesh ki bhukti men purna shubh fal milta hai. 6. dasham men sthit rahu-ketu ki dasha men sanbandhit trikonesh ki bhukti men yogj fal milta hai. 7. trikonasth rahu-ketu ki dasha men asanbandhit karak grah ki bhukti men paristhitivash yogaj ya shubh fal milta hai. taratamya shubh bhavon men rahu-ketu ki sthiti ke anusar fal men is prakar taratamya hota hai- 1. dasham men sthit rahu ya ketu ki dasha men men asanbandhi karak ki bhukti men yogajafal sarvadhik hota hai. 2. usse kam yogaj fal navamastha rahu-ketu ki dasha men asanbandhi kark ki bhukti men hota hai. 3. usse kam yogaj fal chaturthastha rahu-ketu ki dasha men asanbandhi kark ki bhukti men hota hai. 4. aur sabse kam yogaj fal panchamastha rahu-ketu ki dasha men asanbandhi kark ki bhukti men hota hai. 5. yadi navamasth ya dashamasth rahu-ketu ki dasha men sanbandhit karak ki antardasha ho, to yogaj fal param manna chahie. sandarbha: ‘‘itreshan dashanathviddhafaladayinam. tattatfalanugunyen falanyuhyanisuribhiah..’’ laghuparashri shlok 31 ‘‘svadshayan trikoneshbhuktau kendraptiah shubham. dishetso'pi tatha no chedasambandhen papkrit..’’ -laghuparashri shlok 32 ‘‘papaah yadi dashanathaah shubhanan tadsanyujam. bhuktayo papflda............’’ -laghuparashri shlok 37 ‘‘arambho rajyogasya bhavenmarkbhuktishu. prathayanti tamarabhya kramshah papbhuktayah..’’ -laghuparashri shlok 33 ‘‘arambhe rajyogasya papmarkbhuktishu. nannaiv s bhavedraja tejohinolpasaukhyabhak..’’ sushlok shatak dashadhyay shlok 1 ‘‘sanbandhi rajyadaturyah shubhasyanrdasha bhavet. prarambhe rajyogasya tejah saukhya yasho'rthada.. asambandhi shubhasyeh sama chantardasha bhavet..’’ -tatraiv shlok 2-3 ‘‘tatsambadhishubhanan ch tatha punrsanyujam. shubhanan tu samattven sanyogo yogkarinam..’’ -laghuparashri shlok 34 ‘‘shubhasyasya prasaktasya dashayan yogkarkaah. svabhaktishu prayachchanti kutrachidyogjan falam..’ -laghuparashri shlok san. 35 ‘‘shubhagrahasya sanbandhi yogakarta hi yo grahah. asyapyantardashamadhye rajsaukhyan bhaved dhruvm!..’’ -shlok shatk-dashadhyay shlok 25 ‘‘tamograhau shubharudhavasambandhenkenchit. antadarshanusaren bhavetan yogkarkau.’’ -laghuparashri shlok 36
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  October 2006

plenchit se karen atmaon se bat fluto ab keval laghu grahon ki shreni men navratra men kyon kiya jata hai kumari pujan shardiya navratra evan panch parva dipavli ke shubh muhurt

Subscribe

Apne vichar vyakt karein

blog comments powered by Disqus
.