दिल्ली में सीलिंग ! वास्तु एवं ज्योतिषीय विश्लेषण

dilli men siling ! vastu evan jyotishiya vishleshn  

Ank ke aur Lekh | Sambandhit Lekh | Views : 414 |  
desh ki rajdhani dilli men vartaman samay men pratyek vyakti ke mastishk men ek hi prashn bar-bar kaundh raha hai ki siling ka kya hoga? kya yah siling isi tarah se lagatar chalti rahegi, ya kuch samy pashchat ruk jaegi, ya iska kuch samadhan nikal paega? akhir itne bare vyapari varg ki roji-roti ka kya hoga? kya yah vyapari varga berojgar hokar idhr-udhar bhatkta rahega aur anttah dilli se bahr palayan kar jaega? ya kya chote-chote vyapariyon ke vyapar band ho jane se chori, dakaiti ki ghatnaon men vriddhi hogi aur ve asamajik tatvon men tabdil ho jaenge dilli bharat ki rajdhani hai aur desh ka dil arthat hriday kahlati hai. dilli ka dil kaha jae to vah kanaet ples ka kshetra hai. dilli men siling ka prabhav yadi dekha jae, to vishesh rup se vyapari varg par hi par raha hai. arthat siling ka sidha-sidha prabhav vyapari varg hi jhel raha hai aur sabse adhik pirit vyapari varga hi hai. yadi dilli men torfor aur siling ke lie vastu ka vishleshan kiya jae, to sarvapratham hamen apna dhyan dilli ke kanaet ples kshetra par kendrit karna hoga, jise dilli shahar ka brahm sthal mana jana chahie. jab se dilli ke kanaet ples kshetra men metro steshan ka nirman karya aranbh kiya gaya, jiske lie dilli shahar ke brahm kshetra men gahri khudai karke bhumigt metro steshan ka nirman kiya gaya, tab se dilli men avaidh nirmarnon ki torfor aur siling jaise karya aranbh hue. vastu shastra ke anusar brahma sthal ko sadaiv thora sa uncha hi rahna chahie, jabki vahan bhumigat metro steshan banakar use nicha kar diya gaya. gyat ho ki hamare desh ki nyaypalika ne 16 farvri 2006 ko avaidh nirman hatane ke lie bari-bari gair kanuni imarton ko dhahane ke adesh parit kie the. em. si. di. dvara 28 mach 2006 ki tithi nirman dhahane aur siling ki prakriya praranbh karne ki nishchit ki gai. vastu ke anusar purva, uttar aur uttara-purva disha jal tatva ka kshetra hai. iske viprit dakshin, pashchim aur dakshin-pashchim prithvi tatva ka kshetra hai. islie jal tatva ke kshetra ko halka-fulka tatha prithvi tatva ke kshetra ko bhari bharakam v uncha rakha jata hai taki vastu ka santulan bana rahe. jahan ek or dilli shahar men brahma sthan men khudai ka karya shuru kiya gaya vahin, pichle 2 ya 3 varshon men dilli ki purva disha men nirman karya ki bharmar barh gai. dilli ke purvi kshetra ke antargat gajiyabad, noeda, shahdra, indirapuram, gretar noeda adi kshetra ate hain. yadi ap gaur karen to paenge ki in kshetron men pichle 2-3 salon ke andar kai mahatvapurn bildaron aur yahan tak ki sarkar ne bhi unchi-unchi imarton ka nirman karke rihayshi flaiton ki tatha shaping maelsa ki barh si la di hai. in imarton ke falasvarup dilli shahar ki purvi disha, jo halki aur khuli honi chahie thi, band si aur bhari ho gai hai. iske viprit dakshin, dakshin-pashchim ya pashchim disha bhari honi chahie aur isi disha men unchi imarten honi chahie. is disha men soniya vihar jal sanyantra ka nirman kiya hai. jiske liye bhumigat jalashyon ka nirman bhi kiya gaya hai. arthat jahan uncha hona chahie tha vahan nicha kar diya gaya aur jahan nicha kiya jana tha, vahan uncha kar diya gaya iske atirikt dakshini disha men purva ki tulna men n to utna adhik nirman ho paya aur na hi unchi imarten hi ban pain. dilli ke dakshin kshetra men vishesh rup se jo kshetra ate hain ve hain sauth eksatenshan, hauj khas, grin park, sainik farm, saket ar. ke. puram, nauroji nagar, sarojni nagar, moti bag adi. in kshetron men ya to adhikatar sarkari rihayshi makan hain, ya bare-bare ek manjila ya do manjile sarkari ya gair sarkari flait ya fir farma haus. kahne ka tatparya yah hai ki dilli ka dakshini kshetra nichi imarton vala, kam ghana v khula-khula kshetra hai. jabki is kshetra men unchi tatha bhari imarten honi chahie thin. metro ke nirman karya ke karan bhi dilli ka vastu bigrta ja raha hai. kyonki iske liye unche aur bhari khanbhon ka bhi nirman kiya ja raha hai. jiske karan vastu purush ke marmasthal aur atimarm sthalon par bhi khudai karni par rahi hai tatha unche-unche bhari-bhari khanbhon ka nirman kiya ja raha hai. is prakar nirman karya ki pragti aur disha dekhen to yah nirman kay vastu ke niyamon ke thik viprit ho raha hai. yahi karan hai ki dilli jaise samriddh aur desh ka dil kahe jane vale shahar ka vastu asantulit ho gaya hai, jiske karan dilli shahar men torfor aur siling jaisi karyavahi ho rahi hai. jab tak yah asantulan nahin roka jaega, dilli men torfor ki karyavahi ya kisi anya daivik apda jaisi sthiti ki ashanka bani rahegi. iske atirikt yadi in sabhi ghatnaon ka jyotishiya vishleshan kiya jae, to 27 aktubar 2006 ko guru ne apna rashi parivartan kar tula rashi se vrishchik rashi men pravesh kiya hai. udhar shani ne 1 navanbar ko karka rashi se sinh rashi men pravesh kiya hai. yadi bharat ki kundli par vichar kiya jae, jo ki 14-15 agast 1947 ko 12.00 baje madhya ratri ke adhar par banai gai hai, uske anusar bhart ka lagn vrish hai aur chandra rashi karka hai. kalpurush ki kundli ke anusar chaitha bhav hriday ka hai aur parashri paddhati ke anusar saptam ko vyapari sajhedari ya vyapar ka bhav mana gaya hai. prapt suchna ke anusar yadi dilli ki kundli ka nirman karna ho, to dilli ki adharshila rakhne ka din 12 disanbar 1911 hai atah is tithi ko janmatithi manna chahie, kyonki is din king jarj pancham ne dilli darbar men kalakatte se dilli rajdhani sthanantrit karne ki ghoshna ki thi. us din chandrama pure din sinh rashi men hi sthit tha. yadi adharshila ka anumanit samay 12.00 baje dophr man liya jae to dilli ki jo kundli banti hai vah yahan di ja rahi hai. is kanudli ke anusar dilli ki janm rashi sinh hai aur 1 navanbr 2006 ko shani ne apni shatru rashi sinh men pravesh kiya hai aur dilli par pichle dhai varshon se sarhesati chal rahi hai. isse yah bat sabit hoti hai ki dilli men shani ke prabhav ke karan torfor aur siling jaisi ghatnaen hui hain. mote taur par dekha jae to bharat evan dilli donon ki kundli par shani ki sarhesati chal rahi hai. aur yahi din siling praranbh karne ka nishchit kiya gaya tha. yah kal purush ke anusar desh ke hriday dilli arthat dil par gochar kiya hai aur dilli shahar par hi yah gaj giri hai. jab ki desh ke anya pramukh shahron jaise munbai, kolkata aur chennai jaise mahangron men avaidh va gair kanuni vyaparik nirman hone ke bavjud aisa kuch nahin hua. guru ka gochar kyonki vrishchik ra imen hua hai, jo ki bharat ki kundli ka saptam bhav hai aur saptam bhav vyapari varg ko darshata hai islie is siling v torfor ka sidha prabhav dilli ke vyapari varg par hi para hai. isse pahle bhi ab se lagabhag 30 varsh purva jab shani ne sinh rashi men 7 sitanbar 1977 ko pravesh kiya tatha 3 navanbar 1979 tak raha us samy eshiyai khelon ke karan dilli men dheron flai ovron ka nirman kiya gaya tha. isi ke sath hi 1977 ke uttararddh aur 1978 ke purvaddh ke madhya dilli ke turkaman get par vishesh abhiyan chalaya gaya tha jiske antargat vahan se slam kshetra ko hata kar trilokpuri aur kalyanpuri kshetra men sthanantrit kiya gaya tha, jo ki ek chunautipurn karya tha, yah karya sanjay gandhi ke dvara karaya gaya tha. us samay bhi janta ka bhari virodh ka samna karna para tha. us samay bhi dilli men kafi uthl-puthal ho gai thi. us samy guru bharat ki kundli men dusre bhav arthat mithun rashi se gochar kar raha tha. dvitiya bhav kutanub ka bhav hai, jiske karan desh ki janta (desh ka kutanub) ko kafi asuvidha ka samna karna para tha. us samy bhi shani sinh rashi men lagabhag dhai sal raha tha aur guru mithun rashi men agast 1978 tak raha tha. us samy san 1982 men eshiyai khel hone the atah ratorat flai ovar pulon ke nirman ke lie, dheron jhuggi jhopriyane tatha rihayshi makanon ko nuksan pahuncha tha. vaise bhi dekha jae to bharat ki kundli ke chaithe bhav men shani ka gochar shatru rashi men hua hai aur kundli ka chaitha bhav janta ka pratinidhitva karta hai, jiske karan desh ki janta prabhavit hoti hai. shani ki saptam drishti desh ki kundli ke dasham bhav par parti hai, jo karya, vyavsay v roji roti ka bhav hai. atah shani ki saptama drishti desh ke rojgar, vyapar v roji roti ko sabse adhik prabhavit kar rahi hai. aur dasham drishti lagn par par rahi hai, jiska prabhav hai ki janta ki nigahen sarkar par tiki hui hain. guru ki saptam drishti shatru rashi vrish par lagn par par rahi hai, jiske karan bharat ki sarkar bhi sankat men a gai hai aur kuch bhi n kar pane ki sthiti men pangu bani hui hai. saranshtah ham kah sakte hain ki jab tak shani sinh rashi men rahega, tab tak dilli men siling ka karya jari rahega. parantu jab shani vakri hokr punah kark rashi men 11 janvri 2007 ko pravesh karega to siling ka yah karya ya to samapt ho jaega ya ruk jaega ya samasya ka koi anya hal dhundh liya jaega. punah shani sinh rashi men 16 julai 2007 ko pravesh karega, tab tak siling ka karya ya torfor band rahegi. iske pashchat guru 22 navanbar 2007 ko vrishchik rashi se dhanu rashi men pravesh kar jaega. us samay guru ki saptama drishti vrish rashi se arthat lagn se hat jaegi. us samay sari sthiti samanya ho jane ki asha hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.