सम्मोहन उपचार

sammohan upchar  

Ank ke aur Lekh | Sambandhit Lekh | Views : 4906 |  
kai pathkon ne ichcha jatai hai ki sammohan ke bare men kuch mul bhut baten aur batai jayen tatha koi bimari keval sammohan se thik kaise ho sakti hai isapar bhi vistar se prakash dalen . atah is ank men sammohan kalantar se kaise prachlit raha hai aur iska upchar men kya yogdan hota hai is vishay par charcha ki ja rahi hai. sammohan aur logon ki dharnaen jab bhi sammohan shabd ka prayog hota hai to log iska kai prakar se arth nikalte hain. kuch log ise behosh karne ki kala samjhte hain, kuch log ise vash men karne ki kala mante hain, kuch log ise kala jadu samajh lete hain, kuch anya log ise man padhne ki kala samjhte hain. uprokt baten vo log karte hain jinhen ya to sammohan ki samajh nahin hain ya galat samajh hai ya adhuri samajh hai. durbhagya ki bat yah hai ki market men sammohan par jitni kitaben milti hain unmen se chand kitaben chod baki keval gumrah hi karti hain. sammohan sanbandhi kuch tathya sammohan to manovigyan ki ek vidhi hai jo ki avchetan man se jud kar hamare vyavhar ya vicharon ko prabhavit karne ke lie prayog ki jati hai. yah n to koi jadu hai aur n hi kala jadu. ismen na to kisi ko behosh kiya jata hai, na hi vash men kiya jata hai aur n hi man ko padha jata hai. sammohan janne ke lie man ke bare men janna avashyak hai. aksar kaha jata hai main tan, man aur dhan se apke sath han . is vakya se lagta hai ki tan, man aur dhan tinon alg-alag hain jo ki sahi bhi hai. hamara tan vibhinn angon ka ek mila jula rup hai. ismen hamare ang, hamare sharir ki kriyayen, manspeshiyan, haddiyan nas, nadi, tvacha, bal ityadi sab kuch a jata hai. arthat yah hamara bhautik svarup hai. har insan ki shakla-surat, ankhen, hathon ki rekhaen, likhavat, chal, svabhav ityadi anek vishisht pahchan hoti hain jo dusron se hubhu nahin milti hain. hamare sharir men panch gyanendriyan hoti hain jo ki vatavaran se gyan arjit karti hain. hamara mastishk ek mahatvapurn ang hai jo ki gyan ka prayog karne men ek bada yogdan deta hai. man ek manovaigyanik tathya hai jiska koi apna svarup nahin hota. man ke mukhya rup se do dharatal hote hain chetan man v avchetan man. in dharatlon ko alg-alag nam se log jante hain. chetan man hamari gyanendriyon ke madhyam se gyan prapt karta hai tatha avchetan man us gyan ko sangrah karta hai aur prayog karta hai. chetan man apni tarkashakti ka prayog karta hai jabki avchetan man keval svikar karna janta hai aur us gyan ko prayog karta hai. arthat avchetan man ek bhandar ya stor ya pustakalay ki tarah hota hai. man matra ek amaulik avdharna hai jisko sharir ke ang ke rup men nahin manna chahie. sabhi jante hain ki dhan ek bhautik mudra hai. kuch log shiksha ko bhi dhan kahte hain. lekin yahan par isko ek bhautik padarth ke rup men samjhna adhik uchit hai. sammohan avchetan man se judne ki prakriya hai taki chetan man ki tark shakti avrodhak n bane. avchetan man bina tark ke svikar karne ki kshamata rakhta hai tatha paristhiti anusar us svikar kiye gaye gyan ka prayog bhi bina kisi purva soch ke karta hai. chetan man aur avchetan man donon ek dusre ko hamesha sahyog dete hain. chetan man ke apne kuch vishisht gun hain jinke adhar par vah karya karta hai. un gunon ke bahar vah karya karne men asamarth rahta hai. us asamarthata ki dasha men avchetan man karya bhar ko sanbhal leta hai. yah avastha sammohan ka adhar hai sammohan kriya ke ansh sammohan kriya ke mukhya anshon ke bare men charcha karne se pahle pathkon se yah prarthana hai ki kripya puri tarah sikhe bagair in anshon ka svayan prayog n karen. yahan par jankari islie di ja rahi hai taki ap sammohan ki avdharna ko samajh jayen tatha pathabhramit n hon. sammohan prakriya ke tin mukhya bhag hote hain. 1. dhyan 2. vishram 3. nidan. ab in tinon bhagon ko samjhne ki koshish karte hain. dhyan dhyan shabd hamare samaj aur sanskriti men kafi prachlit hai. ham sabhi isko kafi ya kuch had tak samjhte hain. hamara man svabhav se chanchal hota hai, ismen vichar ate rahte hain aur jate rahte hain. ek roj men lagabhag 60000 vichar hamare man men ate hain. har vichar man men apna prabhav chodta hai. kuch vichar hamare man men bar-bar ate hain. kuch vichar naye hote hain. jab ham apna dhyan kisi ek sthan, ek kriya ya ek vichar par janbujh kar lagate hain to vicharon ki sankhya par prabhav padta hai tatha ek vishisht dasha ban jati hai jo ki chetan man ke anukul nahin hoti. atah avchetan man sakriya ho jata hai aur vyakti sammohan ki dasha men chala jata hai. dhyan ke lie anekon vidhiyan sujhai jati hain. in sab se pramukh ya jise log jyada jante hain vah tratak hai. tratak ke lie bindu ya shakti chakra ka prayog prachlit hai iske atirikt bhi anekon dhang se tratak kiya ja sakta hai. kuch vyakti tratak ko hi sammohan ka nam dete hain jo ki sahi nahin hai. tratak to ek vidhi hai, ek madhyam hai jo ki sammohan men sahayak hai. yah ek prachin vidhi hai is vidhi ka vistar se agle ankon men varnan kiya jayega. dhyan lagane ki dusri pramukh vidhi shvans hai. shvans ko atma ka vahan mana jata hai. sans hamare sharir ko jivan shakti deta hai. har ate aur jate sans par dhyan lagana asan hai. inke atirakti dhyan lagane ke lie log ankhon ka, sharir ke angon ka, paindulam ka tatha man ki ankhon ka bhi prayog karte hain. dhyan ki sabhi prakriyaon ka uddeshya matra mastishk ki tarangon ko prabhavit karna hota hai. vishram sammohan ka dusra kadam vishram hai. kasht aur vishram ek-dusre ke virodhi hain. agar ap vishram ki sthiti men hain to ap par kasht ka prabhav ghat jata hai. dhyan ka charan pura karne ke bad vishram ki dasha lai jati hai. jab dhyan ki dasha prapt ho jati hai to avchetan man ka prabhav badh jata hai aur vyakti sujhav svikar karna arambh kar deta hai. avchetan man men yah shakti hoti hai ki vah sharir men prabhav paida kar sakta hai. vishram sharir ke har ang men tatha har kriya men paida kiya jata hai. vishram ka prabhav badhane ke lie sharir ki kuch kriyaon ke sath ise joda jata hai jaise shvans kriya. kalpana shakti ko bhi vishram badhane ke lie prayog kiya jata hai. vishram ka uddeshya ek aisa dharatal banana hota hai jahan se apchar kiya ja sake. nidan nidan arthat upchar sammohan kriya ka uddeshya hota hai. jaise kisi adat ko badlna, vicharon ko prabhavit karna ityadi. hamara avchetan man stor ki bhanti karya karta hai. ismen sabhi purane vichar, anubhav, adten ityadi jama rahte hain. nidan karte vakt jis vyavhar ya adat ko thik karna ho us par program kiya jata hai. yah kampyutar ki tarah karya karta hai. prastavit vyavhar man ko pahle bataya jata hai, fir dikhaya jata hai tatha fir joda jata hai. in tinon bhagon ko pura karne par ek sammohan ki prakriya ho jati hai jo ki avashyaktanusar dohrai jati hai. is prakriya se pahle, madhya men tatha ant men kai laghu charan hote hain jo yahan batana avashyak hai. man aur bimariyan bimariyan to tan ko hoti hain ismen man ka kya kam aur isi prakar ilaj jo tan ka hota hai ismen man ko kyon shamil karna ityadi kuch bahut hi pramukh saval hain jinko samjhna ati avashyak hai. bhagvan buddh ne kaha tha ki manushya man ki hi rachna hai. arthat manushya jo bhi karta hai vah man dvara sanchalit hota hai. iska arth hua tan to matra karne vala hai karane vala to man hai. isi prakar kaha jata hai ‘man ke hare har hai man ke jite jit.’ yahan par man ka prabhav darshaya gaya hai. man ka sambandh vichar se hai. hamare man men jo vichar svikar kar liye jate hain vah tan dvara kriyanvit kiye jate hain. pahla badlav vichar se hota hai fir vah vyavhar men ata hai. ham apne bachapan se sari umrabhar anekon karya sikhte hain, baten jante hain, adten palte hain lekin vo sabhi hamare sharir ke hit men ho ye avashyak nahin hai. jo bhi ham karya karte hain ya sochte hain uske prabhav hamare mastishk men pad jate hain jo ki hamari sanvednaon ko prabhavit karte hain. fir yah prabhav hamari urja par padta hai tatha sharir men bimari ke lakshan paida ho jate hain. sammohan upchar men mastishk par bane prabhav ko prabhavit kiya jata hai tatha vyavhar men badlav laya jata hai. yah ek vaigyanik prakriya hai jo ki manovaigyanik dhang se sammohan ka prayog karke ki jati hai.
Kya aapko lekh pasand aaya? Subscribe

Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.