आवश्यकता है शोध की

avashyakta hai shodh ki  

Ank ke aur Lekh | Sambandhit Lekh | Views : 1542 |  
pichle kuch dashkon see kal sarp yog dhumketu ke saman bhartiya falit jyotish par chaya hua hai. is yog ka janmanas par itna adhik prabhav hua hai ki alpagya, ya ardh shikshit jyotishi bhi iske lakshan, upalakshan, falit tatha anisht aur arisht falon ka bakhan adhikadhik rup se kar baithte hain. parantu bat jab yog ki shastriyata ki ho, to ve kuch bhi batane men asamarth ho jate hain. kal sarp yog ka koi shastriya adhar upalabdh nahin hai. falit jyotish ke kisi bhi granth men iska ullekh nahin milta ki is yog ka pravartan kis acharya ne kiya. varah mihir, parashar, vaidyanath, mantreshvar, manitth, kalyan varma aur narsinh daivagya ne kyon is yog ki charcha nahin ki? bhatotpalla jaise vigya tikakaron ne apni tika men is yog ka ullekh tak nahi kiya. katipay falit granthon, yatha saravli, brihajjatak, parashar hora shastram adi men varnit sarp yog, nag yog, sarp veshthit yog adi yogon ka vartaman men prachlit kal sarp yog se n to yog rachna, athva grah sthiti ke star par samya hai aur n falit ke star par. shatmanjri rajyog namak granth men to ‘nag yog’ ka fal atyant shubh kaha gaya hai. jyotish vigyan men navin shodh, navin chintan tatha adhyayan pratibandhit nahi hai. samay ke sath-sath navin abhigam samne ate hain. prachin siddhanaton ki mahatta tatha svikaryata men sanshodhan avashyak ho jata hai. kal sarp yog ka pradurbhav isi prakar ke chintn-manan se hua hai tatha is yog se pirit saikrane-hajaron vyaktiyon ki kunrliyan tatha unhane milne vale arisht fal iske praman hain. jyotish vigyan men nirantar chintn-manan hane, vah adhunik yug men kal-dharm ke anusar sabhi ke lie hitkari ho tatha usmen samajik hit ke lie anusandhan ho, isapar kisi ko apatti ho hi nahi sakti. parantu kal sarp yog ke samast jatkane ka arisht ho, yah bhi vyavharik rup men dekhne men nahin ata. atah yah samjhna avashyak hai ki kis prakar sansar ke kai mahanatam purush, apni kundliyon men arishtakarak kal sarp yog ki upasthiti ke bavjud, saflta ki sirhiyan charhte rahe. kahin aisa to nahin ki kal sarp yog vishayak mul avdharna hi doshpurn ho tatha falit jyotish ke sthapit niyamon ki avelhna ho rahi ho? falit granthon men varnit jyotishiya yogon ki rachna ke 4 mulbhut niyam hain. pahle niyam ke antargat yoganane ka nirman grahon ke paraspar sanbandhon ke adhar par, dusre prakar se grahon ki sapeksh sthiti ke adhar par, tisre prakar se kundli men sthit grahon ka kisi akriti vishesh se samya hone par tatha chaturth prakar se yogon ki rachna grahon ki rashi vishisht men sthiti ke adhar par hoti hai. kal sarp yog ki prachlit paribhasha ke anusar surya se shani tak saton grahon ka rahu tatha ketu ke madhya ane par kal sarp yog hota hai. jyotishiya yogon men is prakar se kinhi 2 grahon ke madhya grah ane ki sthiti ko kartari kaha jata hai. yadi kartari shubh grahon ki ho, to shubh kartari, anyatha pap grahon se kartari hone par pap kartari yog hota hai. nam ke anurup hi inka fal bhi hota hai. parantu yah kartari yog kisi ek bhav ke donon or grah hone par hota hai aur kisi ek grah ke lie hi hota hai. udaharan ke lie yadi lagnesh ke donon or pap grah hane, to kaha jata hai ki lagnesh pap kartari men hai. surya se shani tak 7 grahon ki kartari kisi bhi falit jyotish ke granth men dekhne men nahi ati. mansagri ke chaturth adhyay ke shlok 27 men 2 grahon-guru tatha shani ke madhya anya grahon ki sthiti se rajyog kaha gaya hai. parantu rahu-ketu ke kal sarp yog tatha guru-shani ke madhya grah hone ki sthiti men kitna antar hai, yah pathak svayan dekhen. mansagri ka shlok hai: adau jivah shanirnante graha madhye nirantaram. rajyogan vijaniyat kutunbblmuttamam.. arthat guru lagn bhav men ho tatha shani vyay bhav men ho aur guru tatha shani ke madhya anya grah hane, to rajyog hota hai. is yog men jatak ko kutunb se bahut bal milta hai. yah yog bhav vishesh par adharit hai. is yog men samast grahon ki sthiti lagn tatha dvadash bhav ke madhya vanchit hai, kisi bhi bhav se kisi bhi bhav tak nahin. yadi tark ke lie man liya jae ki kal sarp yog men pap grahon rahu tatha ketu ki kartari ke madhya 5 bhavon tatha 7 grahon ke a jane se jatak ko kashtadayak falon ki anubhuti hogi aur uska jivan kashtamay hoga, to kya naisargik pap grahon mangal tatha shani ke madhya anya sabhi grah a jane par kashtaprad falon ki anubhuti nahin hogi? kisi bhi siddhant ke pratipadan ke lie niyamon men ekrupta tatha unmane sthayitva avashyak hai. lagabhag 3790 varsh purva shri balabhadra mishra ne hora ratn ki rachna ki thi. yah falit ka pratishthit granth hai. granthkar ne iske adhyay 5 men rajyogane ka varnan karte samay rahu se hone vale rajyog ka bhi varnan kiya hai. yahan prasangavash granth ke kuch shlok uddharanasvarup prastut hain, jinmen tathakthit purn kal sarp yog bana hua hai. yadi janm samay men lagn men budh se yut chandrama uchch rashi men, dasham men shani, dusre bhav men rahu, gyarhven bhav men guru, barhven men surya ,dasven bhav men mangal tatha shukra dasven, athva gyarhven bhav men se kisi ek men ho, to jatak, madamast hathiyon ki sena se yukt, raja hota hai. is shlok men batayi gayi grah sthiti ke anusar dvitiya bhav men sthit rahu tatha ashtam bhav men sthit ketu ke madhya avasthit grah hain. dvitiya bhav men sthit rahu ka bhav fal arishtakarak hota hai. fir bhi rajyog hai. balabhadra mishra ne kal sarp yog, athva kisi arisht fal ka kinchit bhi ullekh nahin kiya hai aur yahi kyon? isi granth ke isi adhyay ke 18ven shlok men batayi gayi grah sthiti bhi pancham bhav ke rahu se kal sarp yog bana rahi hai. parantu balabhadra mishra ke anusar yah bhi rajyog ki sthiti hai. janm samay men kunbh lagn men guru,dusre bhav men shukra, tisre men surya ,barhven men mangal, chaturth bhav men chandrama se yukt budh tatha pancham bhav men rahu ho, to jatak nrip samuday men indra ke saman raja hota hai. lagn bhav, navam bhav, dasham bhav adi anya bhavon men rahu ki sthiti se bhi rajyog hone ke udaharan upalabdh hain. falit jyotish ke manak granthon ke anusar kisi bhi grah ki apni rashi men, apni mul trikon rashi men, apni uchch rashi men sthiti grah ke shubhatva men vriddhi karti hai. rahu-ketu ki svarashi, mul trikon rashi ,uchch rashi ke vishay men jyotish granthon men vibhinn mat upalabdh hain. yahan par yah ullekh avashyak hai ki kal sarp yog men rahu bhale hi apni rashi men ho, apni mul trikon rashi men ho, ya apni uchch rashi men ho, uska ashubh fal hi nirdharit kiya gaya hai. yah, apvad n ho kar, jyotish shastra ke adharbhut niyamon ki spasht avhelna pratit hoti hai. trishray bhavon men sthit rahu ko sabhi granthkaron ne prashast kaha hai. in bhavon men sthit rahu se rajyogon ka hona shastrasammat hai. yadi trishday bhavon men sthit rahu par shubh grahon ki drishti ho, to vah svayan arishtakarak nahin rahta, balki arishton ko dur karne vala grah ho jata hai. mansagri men kaha gaya hai ki yadi rahu tisre, chathe, athva gyarhven bhav men ho tatha usapar kisi grah ki shubh drishti ho, to vah sabhi doshane ko usi prakar har leta hai, jis prakar pavan rui ko ura deta hai. tab kya trishday bhavon men sthit rahu par kisi shubh grah, yatha guru, shukra, athva budh ki drishti ke bavjud jatak kal sarp dosh se pirit hoga? rahu tatha ketu chaya grah hain. ye dikhai nahin dete hain. inka pind nahin hai. laghu parashri men inke fal ke vishay men kaha gaya hai: ‘yad yad bhavgtau vapi yadri yad bhavesh sanyutau’. ye donon grah jis bhav men sthit hon, athva jis grah ke sath sthit hon, usi ke anurup fal dete hain. bahuprachlit evan svikarya krishna murti paddhati men rahu-ketu ke falon ke vishay men kaha gaya hai ki ye donon grah jis grah ke sath yuti men hon, uska, jis nakshatra men sthit hane, us nakshatra svami ka, jis rashi men hane, us rashi svami ka fal dete hanai. sath hi yadi koi grah in donon chaya grahon par drishtipat kar raha ho, to drisht grah ke anusar fal dete hanai. spasht hai ki prachin, athva arvachin kisi bhi acharya ne rahu-ketu ko svatantra fal dene vale grah nahin mana hai. inke fal dusre grahon par ashrit hanai. atah kal sarp yog ke rup men in donon grahon ke svatantra fal dene ki kshamata par prashn chihn lag jata hai. is sandarbh men falit jyotish ka ek aur sarvamanya siddhant ullekhniya hai. kisi bhi kundli ka shubhatva, ya ashubhatva kisi ek yog ke nahin, varn usmen sthit grahon ki sthiti tatha samast yogon ke vashibhut hota hai. darjanon aisi kundliyan hain, jinmen rajyog spasht hai. kal sarp yog bhi nahin hai, fir bhi jatak sadharan jivan vyatit kar rahe hain. unhen rajyog ka labh prapt nahin ho raha hai. in sab yogon ke falibhut n hone ki prishthabhumi men yogon ka bhang hona pramukh karan hota hai. rajyogon ka bhang hona, grahon ka nichatva bhang ho kar rajyog hona, arisht bhang hona adi ke yog jyotish granthon men upalabdh hain. parantu kal sarp yog kaise bhang hota hai, isapar kahin koi yog upalabdh nahin hai. tathakthit kal sarp yog ki sainkron kanudliyan hain, jinke jatak, saflta ki sirhiyan charhte hue, jivan men mahanatam upalabdhiyana prapt kar sake hain. unapar kal sarp yog ka dushprabhav nahin hua. atah siddhant rup se kal sarp yog abhigam apurn hai. grah ganitanusar rahu tatha ketu sadaiv ek dusre se 180 anshon ke antar par rahte hain. donon ek dusre se satven bhav men rahte hain. in 7 bhavon men, rahu evan ketu sahit, 7 grahon ki sthiti ke karan, kisi n kisi bhav men 2, ya 2 se adhik grahon ki yuti hona avashyanbhavi hai. is yuti men kenderash-trikonesh ki yuti hogi, to rajyog hoga. rahu-ketu kendra-trikon sthan men sthit ho kar yogkari hote hain. is avastha men rahu-ketu ki kisi kanederash-trikonesh se yuti mani kanchan yog hogi. jaimini sutram 3 -1-7 men maharshi jaimini ne atmakarak grah ki ketu, shukra tatha mangal ke sath yuti ko rajyeagkarak bataya hai. aisi avastha men rahu paryant 5 grah hone par kanudli men kal sarp yog hoga tatha uske dushparinamon se jatak ka pirit hona chinta ka vishay ho jaega. rahu tatha ketu ke madhya anya sabhi grahon ka a jana samanya ghatna hai. isi varsh mai mas men 18 mai se 28 mai tak, jun mas men 13 jun se 24 jun tak, julai mas men 10 julai se 22 julai ke madhya purn kal sarp yog hai. in mason men tatha iske purva aur pashchat bhi anshik kal sarp yog ki sthiti banti hai. is avdhi men janme sabhi jatkon ko arisht fal prapt honge tatha unka jivan kashtamay hoga, yah avashyak nahin. jis prakar ki bhrampurn sthiti kal sarp yog ki hai, vaisi hi bhrampurn sthiti kal sarp shanti ke lie kiye ja rahe upayon ki hai. kuch varsh purva tak kal sarp shanti nag panchmi ke din ki jati thi. ab kisi bhi mas ki panchmi ke din kal sarp shnaati ke anushthan, bina kisi shastriya adhar ke, kiye ja rahe hain. kal sarp shanti ke vidhanon men itna adhik antar hai ki dekh kar ashcharya hota hai. kisi bhi grah ki arisht shanti ke lie dharm shastron men spasht vidhan hai ki sanbandhit grah ke adhidevta, pratyadhidevta ki puja-archana ki jae. kal sarp yog ki shanti ke lie kiye ja rahe vidhanon men nag pujan kiya jata hai, rahu tatha ketu ke adhidevta, pratyadhidevta ki puja nahin. atah tathakthit vidhan bhi shastrasammat nahin hai. kal sarp yog se grasit kisi ek jatak ko shubh fal prapt hona tatha kisi dusre ko ashubh fal prapt hona adhyayan ka vishay hai. lagabhag 100 aise jatkon ki kundliyon ke adhyayan tatha vishleshan se pata chala ki unhonne apne jivan men sarvottam saflta prapt ki aur uchch pad par asin rahe tatha unka jivan prernaspad raha. in jatkon ki kundliyon ke adhyayan se spasht hua ki in jatkon ki kundliyon men mangal athva shani ka sanbandh navam bhav se tha. ye donon grah, athva inmen se koi ek bhi grah svayan navam bhav men sthit tha. ek mat hai ki navam bhav se mangal tatha shani ka sanbandh jatak ko urjavan banata hai; kuch kar dikhane ka, kam men jute rahne ka junun deta hai. atah jatak apne prayason tatha parishram se jivan men nishchit saflta prapt karta hai. lagn bhav ka svami arthat lagnesh mangal, athva shani men se koi ek grah tha. yah keval mesh, vrishchik ,makar tatha kunbh lagn ki kudliyon men hi sabhanv hai. jin kanudliyon men yah sthiti nahi nthi, unmen mangal evan shani ka lagnesh se sanbandh tha. mangal evan shani jin rashiyon men sthit the unke svamiyon men paraspar kendra, athva vyatyay sanbandh tha.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.