श्री संतोषी माता व्रत

shri santoshi mata vrat  

Ank ke aur Lekh | Sambandhit Lekh | Views : 7152 |  
shri santoshi mata vrat pan. braj kishor brajvasi shrisantoshi mata vrat shukravar vrat ke nam se bhi prasiddh hai. yah vrat mah men parne vale kisi bhi shukravar ya pratyek shukravar ko kiya jata hai. yah ek param pavitra vrat hai jiske shraddha bhakti purvak karne aur katha shravan se sadgrihasth praniyon se yukt ghar men sabhi prakar ka sukh aur santosh ata hai. is vrat ke prabhav se dhan-dhanya ki prapti, dhandhe men barakat aur daridrata tatha grih klesh ka nash santan sukh ki prapti aur shok, vipatti, chinta adi se mukti milti hai. is vrat men khatai ka prayog nahin karen. pratah kal brahm muhurt men jagakar nitya karm s e nivritt hake r shri satan ashe ai mata ke vrat hetu sankalp lekar ganesh, gauri, varun, navagrahadi devtaon ka pujan kar shri santoshi mata ka shodshopchar paju n kar.ne navai dye m ne mata ko gur v chane ka prasad charhaen. santoshi mata ki jay, santoshi mata ki jay bolte hue hath men gur chane v lekar prem se katha ka shravan karen. katha vishram ke bad hath ka gur v chane gau mata ko khilaen. mata ko arpit naivedya prasad rup men sabhi bhakton ko bant den. kalash men bhare hue jal ko sanpurn ghar men chirak den tatha kuch jal ka pan kar len. iski katha is prakar hai. ek burhiya thi. uske sat bete the. chah kamane vale the, ek nikamma tha. burhiya man chahon putron ke lie rasoi banati, bhojan karati aur piche jo kuch bachta use satven ko de deti thi, parantu vah bara bhola tha, man men kuch vichar n karta. ek din vah apni stri se bola, ‘dekho, meri mata ka mujh par kitna prem hai?’ vah boli ‘kyon nahin? isilie to sabka bacha hua jutha tumhen khilati hain.’ vah bola- ‘bhala aisa kabhi ho sakta hai? main jab tak ankhon se n dekhun tab tak man nahin sakta.’ bahu ne hansakar kaha- ‘dekh loge tab to manoge?’ kuch din bad tyohar aya, ghar men sat prakar ke bhojan aur churme ke laddu bane. vah pata lagane ke lie sir dukhne ka bahana kar patla vastra sir par orh rasoi ghar men soya raha aur kapre se sab dekhta raha. chahon bhai bhojan karne ae. usne dekha ki usne sundar asan bichae hain aur sat prakar ki rasoi parosi hai. agrah karke unhen jimati hai. vah dekhta raha. chahon bhai bhojan kar uthe. ab burhiya man ne unki thaliyon se laddu ke tukre uthae aur ek laddu banaya. juthan saf kar burhiya ne use pukara ‘uth beta. chahon bhai bhojan kar gae, ab tu hi baki hai, uth n, kab khaega? vah kahne laga- ‘mujhe bhojan nahin karna hai. main pardesh ja raha hun.’ mata ne kaha- ‘kal jata ho to aj hi chala ja. vah bola - ‘han han, aj hi ja raha hun.’ yah kahakar vah ghar se nikal gaya. chalte samay bahu ki yad ai, vah gaushala men kande path rahi thi. vah jakar bola- ‘main pardesh ja raha hun. tum hriday men dhiraj rakh kar apna dharm palan karte, rahna. main kuch din bad aunga. mere pas aur to kuch nahin, kave l yah agan thu i hai, so ise le le aur apni kuch nishani mujhe de de.’ bahu boli - ‘mere pas kya hai? yah gobar bhara hath hai? usne uski pith par gobar ke hath ki thapi mar di. vah chal diya. chalte-chalte dur desh men pahuncha. vahan ek sahukar ki dukan thi. vahan jakar kahne laga- ‘bhai ! mujhe naukri par rakh lo.’ vyapari ko naukar ki jarurat thi. bola- ‘rah ja.’ larke ne pucha - ‘tanakhvah kya doge?’ sahukar ne kaha- kam dekhakar dam milenge.’ sahukar ki naukri mili. vah sabere sat baje se rat barah baje tak naukri bajane laga. thore hi din men vah dukan ka len den, hisab-kitab, grahkon ko mal bechna adi sara kam karne laga. sahukar ke 7-8 naukar the, ve sab chakkar khane lage. vah to kafi hoshiyar ho gaya. seth ne bhi kam dekha aur tin mahine men hi use adhe munafe ka hissedar bana liya. bahar varshon men hi nami seth ban gaya aur malik uske jimme sara karobar chor kar bahar chala gaya. idhar bahu par kya biti, sunen. sas-sasur use bahut dukh dene lage. sari grihasthi ka kam karake ve use lakri lene jangal bhejte. is bich ghar ki rotiyon ke ate se jo bhusi niklti, uski roti banakar rakh di jati aur fute nariyal ki nareli men pani. is prakar din gujrte rahe. ek din vah lakri lane ja rahi thi ki usne dekha ki raste men bahut si striyan santoshi mata ka vrat kar rahi thin. vah vahan khari ho gayi, katha sun puchne lagi- ‘bahno ! yah tum kis devta ka vrat karti ho aur iske karne se kya fal milta hai. iske karne ki kya vidhi hai? yadi tum apne us vrat ka vidhan mujhe samjhakar kahogi to main tumhara bara upkar manungi.’ tab ek stri boli- ‘yah santoshi mata ka vrat hai, iske karne se nirdhanata ka nash aur lakshmi ka agaman hota hai. sath hi bahar gaya hua pati vapas ghar ata hai, putra ki prapti hoti hai, chintaon kalah, klesh adi se mukti milti hai aur sabhi kamnaen puri hoti hain. vah puchne lagi- ’yah vrat kiya kaise jae, yah bhi bata do to bari kripa hogi.’ us stri ne kaha, ‘sava ane ka, sava panch ane ka ya sava rupye ka gur-chana lena.’ pratyek shukravar ko nirahar rahakar katha sunna. yah kram tute nahin, niyam ka palan karna chahie. sunne vala koi n mile to ghi ka dipak jala age rakh ya jal ke patra ko samne rakh kar katha kahna, parantu niyam n tute. jab tak karya pura n ho, niyam ka palan karna aur karya siddh ho jane par vrat ka udyapan karna. tin mas men mata fal pura karti hain. ismen yadi kisi ke grah khote hon to bhi tin baras men avashya hi karya ki siddhi karti hain. fal ki siddhi hone par hi udyapan karna chahie, bich men nahin. udyapan men dhai ser ate ke khaja tatha isi pariman men khir tatha chana ka shak karna. ath larkon ko ismen bhojan karana. yathasanbhav devar, jeth, bhai-bandhu v kutunb ke larke lena, yadi ve n milen to rishtedaron aur parosiyon ke larkon ko bhojan kara yathashakti dakshina dekar mata ka niyam pura karna. dhyan rakhna us din ghar m ne khartai rkaie n khae.n us stri se vrat ka vidhan sunakar vah chal di. raste men lakri ke bojh ko bech diya aur un paison se gur v chane lekar mata ke vrat ki taiyari ki. samne ek mandir dekh usne logon se pucha ‘samne mandir kiska hai?’ logon ne kaha- ‘santoshi mata ka.’ yah sun mata ke mandir men ja, unke charnon men lotne lagi aur vinti karne lagi - ‘man ! main nipat agyani hun. vrat ke niyam janti nahin. main bahut dukhi hun. he mata ! jag janni ! mera dukh dur karo. main tumhari sharan men hun.’ mata ko daya a gai. ek shukravar bita. agle hi shukravar ko uske pati ka patra aya aur tisre ko uska bheja hua paisa a pahuncha. yah dekh ghar ke sabhi log usse jalne aur tane dene lage. bechari sarlta se kahti- ‘bhaiya kagaj ae ya rupya, ham sabke lie to achcha hi hai. unke tane sunakar vah ankhane men ansu bharakar santoshi mata ke mandir men jati aur unke charnon men girakar rone lagti- ‘mainne tumse paisa kab manga hai? mujhe paise se kya kam ? suhag se kam hai. main to apne svami ka darshan aur seva mangti hun.’ tab mata ne prasann hokar kaha- ‘ja beti, tera svami aega.’ yah sun khushi se bavli vah ghar ja kam karne lagi. udhar santoshi man us stri ke pati ke svapn men prakat huin usse apni patni ki sudh lene ko kaha. is par vah bola- ‘han man ! yah to mujhe malum hai parantu jaun kaise? pardesh ki bat, lene-den ka koi hisab nahin, koi jane ka rasta najar nahin ata, kaise chala jaun?’ tab man bolin- ‘meri bat man, sabere naha dhokar santoshi mata ka nam le, ghi ka dipak jala, dandavat kar, dukan par ja baith. dekhte-dekhte hi tera len-den chuk jaega, jama mal bik jaega aur sanjh hote-hote dhan ka bhari dher lag jaega.’ agli subah usne aisa hi kiya sham tak dhan ka dher lag gaya. man men mata ka nam le, unka chamatkar dekh prasann ho ghar jane ke lie gahne, kapre adi saman kharidne laga. yahan ke kam se nipat turant ghar ko ravana hua. udhar, bechari bahu jangal men lakri chun rahi thi. lautte vakt roj ki tarah mata ke mandir men vishram karne lagi. itne men dur dhul urti dekh, usne mata se pucha- ‘he man ! yah dhul kaise ur rahi hai?’ man ne kaha- ‘putri ! tera pati a raha hai. ab tu lakriyon ke aise tin bojh bana la. ek nadi kinare rakh, dusra mere mandir par aur tisra apne sir par. tera lakri ka gattha dekh use moh paida hoga. vah yahan rukega, bhojan adi bana khakar man se milne jaega. tab tu lakri ka bojh uthakar jana aur bich chaike men gattha dalakar tin avaj jor se lagana, ‘lo sasuji ! lakriyon ka gattha lo, bhusi ki roti do, nariyal ke khopre men pani do, aj mehman kaun aya hai?’ ‘bahut achcha’ kahakar vah prasann man ho lakriyon ke tin gatthe le ai. ek nadi par, ek mata ke mandir par rakha, itne men hi ek musafir a pahuncha. lakri dekh uski ichcha hui ki yahin mukam dalen aur bhojan bana kha-pikar ganv jaen. is prakar rukakar bhojan aur vi. shram kar vah ganv gaya. sabse prem se mila. usi samay uski bahu sir par lakri ka gattha lie utavli si ai lakri ka bhari bojh angan men dal jor se tin bar avaj di, ‘lo sasu ji ! lakriyon ka gattha lo, bhusi ki roti do, nariyal ke khopre men pani do, aj mehman kaun aya hai?’ yah sunakar uski sas bahar ai aur kaha- ‘tera malik hi to aya hai. a baith, bhat ka bhojan kar, kapre, gahne pahin. itne men avaj sunakar uska svami bahar aya aur anguthi dekh vyakul ho utha aur man se pucha- ‘man ! yah kaun hai ?’ man boli- ‘beta ! yah teri bahu hai. aj barah baras ho gae hain, sare ganv men janavar ki tarah bhatkti firti hai. kam kaj kuch karti nahin, char bar akar kha jati hai. ab tujhe dekhakar bhusi ki roti aur nariyal ke khopre men pani mangti hai.’ vah lajjit ho bola- ‘thik hai man! mainne ise bhi dekha hai aur tumhen bhi. ab mujhe dusre ghar ki tali do to main rahun. tab man boli thik hai beta ! teri jaisi marji ho vahi kar.’ yah kah kar tali ka guchcha patak diya. use lekar dusre makan men ja usne tisri manjil ke upar ka kamra khola aur vahin saman jamaya. ek hi din men vahan raja ke mahal jaisa that-bat ban gaya. itne men agla shukravar aya. usne pati se kaha- ‘mujhe santoshi mata ka vrat udyapan karna hai.’ uska pati bola-‘bahut achcha. khushi se kar le.’ vah turant hi udyapan ki taiyari karne lagi. fir jeth ke larkon ko bhojan karne ke liye kahne gai. larkon ne manjur kiya. lekin jethani ne apne bachchon ko samjhaya- ‘dekho !- bhojan ke samay sab log khatai mangna, jisse udyapan pura n ho.’ larke jimne ae. sabhi ne khir adi ka khana pet bhar khaya. fir bat yad ate hi kahne lage- ‘hamen kuch khatai do, khir hamen achchi nahin lagti, dekhakar aruchi hoti hai.’ usne kaha -‘bhai ! khatai kisi ko nahin di jaegi. yah to santoshi mata ka prasad hai.’ larke uth khare hue aur bele- ‘to fir paisa hi dakshina men do.’ bholi bahu kuch janti n thi, unhen paise de die larke usi samay hath karke imli khane lage. yah dekh bahu par mata ne kop kiya. raja ke dut uske pati ko pakar le gae. jeth jithani khote vachan kahne lage. ab sab malum par jaega, jab jel ki mar khaega. bahu se yah vachan sahan nahin hue. roti-roti mata ke mandir gai aur pucha- ‘mataji ! yah tumne kya kiya? hansa kar ab kyon rulane lagi.’ mata boli - ’putri ! tune mera vrat bhang kiya. itni jaldi sari baten bhula din.’ usne kaha- ‘mata ! bhuli to nahin, kuch apradh kiya hai? mujhe to larkon ne bhulave men dal diya. mainne bhul se unhen paise de die, mujhe kshama karo man.’ man boli - ‘aise bhi bhul hoti hai.’ vah boli-‘man ! mujhe maf kar do . main tumhara udyapan punah karungi. man bolin- ‘ab bhul mat karna. vah boli- ‘ab bhul n hogi man! ab batao man mere pati kab aenge?’ man bolin- ‘ja putri. tera malik tujhe raste men hi ata milega. vah nikli, rah men use pati ata mil gaya. usne pucha- ‘tum kahan gaye the?’ vah bola- ‘itna dhan jo kamaya hai uska taiks raja ne manga tha, vahi bharne gaya tha. donon ghar gae. agle shukravar ko usne fir mata ka udyapan kiya. fir jeth ke bachchon ko bhojan ke lie kahne gai. is bar jethani ne larkon se khatai pahle mangne ko kaha. larkon ne vaisa hi kiya. is par usne unhen chor brahmanon ke larkon ko bulakar bhojan karaya aur yathashakti dakshin aa di. unhen ek-ek fal bhi diya.
Kya aapko lekh pasand aaya? Subscribe

Kya aapko lekh pasand aaya? Subscribe


shiv shakti  July 2007

shiv kaun hai ? shakti bina shav hai shiv , shiv shakti ke strot, vedon men shiv ka svarup, shviya pujan ka mahatmay, kaljyi mahamrityunjay mantra, shiv aur tantra shastra ka sambandh, tantra shastra shiv pranit hai aur tin bhavon men vibhakt hain- agam, yamal aur mukhya

Subscribe

Apne vichar vyakt karein

blog comments powered by Disqus
.