शनि का सिंह राशि में प्रवेश : शुभ या अशुभ

shani ka sinh rashi men pravesh : shubh ya ashubh  

Ank ke aur Lekh | Sambandhit Lekh | Views : 4289 |  
shani 15 julai 2007 ko 28 bajakar 45 minat par kark se sinh rashi men pravesh kar raha hai aur 9 sitanbar 2009 tak isi rashi men rahega. kark rashi men adhikanshtah shani ne mansik kasht evan tanavyukt vatavaran rakha. jin kinhin jatkon ki sarhesati ya dhaiya chal rahi thi unhonne atyant mansik kasht jhele. un sabko ab ek vishesh shanti ka anubhav prapt hoga. sinh rashi surya ki rashi hai evan shani surya ka putra hai, lekin bigra hua hai, jise surya ki avagya men koi kasht mahsus nahin hota. lekin surya shani ko sarvada putra samjhte hue uski raksha hi karte hain aur use keval apna putra hi samjhte hain aur uske krur svabhav ko bhi najar andaj kar dete hain. sinh rashi men shani ka yah gochar keval kanya evan makar rashiyon ke lie ashubh rahega anyatha sabhi rashiyon ke lie shubh rahega. visheshakar mithun rashi valon ke lie sarhesati purnataya samapt ho jaegi aur ve age apne karm kshetra men saflta prapt karenge. vrish rashi ke lie shani ka yah gochar koi vishesh santap lekar nahin aega balki kuch shanti pradayak hi siddh hoga, kyonki tisre bhav men kark ke shani ki tulna men chaturth men sinh ka shani kam tanav deta hai. kanya v makar rashiyon ke jatkon ko karm v arthik kshetron men kuch kasht de sakta hai. yadi sanbhav ho, to apni punji ka bahut soch samajhakar hi nivesh karen. kark v sinh rashiyon ke jatkon ki sarhesati abhi jari rahegi lekin fir bhi shani ke is rashi parivartan se unhen kuch shanti hi milegi kyonki kark rashigat shani adhik kashtadayak hai. lekin unhen shani ki shanti ke upay jari rakhne chahie taki uske kisi maha prakop se bachav ho sake. shani ke rashi parivartan ka vibhinn rashiyon par prabhav is prakar hai: mesh: shani ki laghu dhaiya samapt hone ke karan is rashi ke jatkon ko mansik shanti milegi, ghar ka vatavaran anukul hoga, nae kam banenge aur ay ke srot barhenge. vrish: shani ka tisre bhav men koi shubh bal nahin tha v ashanti bani hui thi. lekin ab shani ke rashi parivartan se usmen kuch kami aegi. nae vahan kharidne ka yog banega. avas parivartan ki bhi sanbhavna hai. avivahiton ke vivah ke yog banenge. mithun: sarhesati purnataya samapt ho jane ke karan shani ka rashi parivartan shanti evan saubhagyavardhak hoga. ab ap behichak nae kam aur punji nivesh shuru kar sakte hain, chahumukhi labh milenge. karka: sarhesati ka mukhya prakop ab shant hota najar aega. bigre kam sanvrne lagenge. shani ki shanti ke upay karte rahen taki sarvadhik labh prapt ho aur kasht dur ho sake. kuch achanak labh ke bhi yog banenge. sinh: apki sarhesati ka pratham evan sabse kashtadayak bhag samapt hone ja raha hai islie kafi shanti ka anubhav karenge. lekin abhi yada kada kasht v mansik tanav ka samna karna par sakta hai, atah shani ki aradhna jari rakhen. kanya: apki sarhesati shuru hone ja rahi hai. shani ke prakop ko kam karne ke lie dan, mantra jap, dev darshan adi ka sahara len anyatha bari hani hone ki sanbhavna hai. jue, sharab v sattebaji se dur rahen aur punji ka bahut soch samajhakar hi nivesh karen. kisi ek pariyojna men bahut adhik dhan nivesh n karen. ho sake to patni v bachchon ke nam se karobar karen. tula: shani ka sinh men pravesh apke lie ati labhdayak rahega. samay ka sadupyog karen aur shubh samay ka purn labh prapt karne ka yatn karen. vrishchik: apke nae kam shuru hone ki prabal sanbhavnaen hain. sarkari karmachariyon ki padonnati ho sakti hai. karmapradhan banen aur shubh samay ka purn labh uthaen. dhanu: pichla samay kafi kashtamay raha hoga. shani ke rashi parivartan se sabhi kasht anayas dur ho jaenge, karobar chalne lagega. yadi karya men koi pareshani rahi hai, to vah dur ho jaegi. ane vala samay bahut achcha hai. samay ka sudpyog karen. makr: shani ka rashi parivartan apke lie shubh nahin hai. uttejna se bachen, dhairya banae rakhen. apne varishth se kisi prakar ka vivad adi n karen. shani ke dosh ke shaman ke lie sarson ke tel ka chayadan tatha hanuman chalisa v sundrkand ka path karen. kunbh: samay shubh hai. lanbi yatraen ho sakti hain. sajhidar ko vishvas men rakhen. dhan labh ke achche asar hain. min: shatruon ka shaman hoga, ruke hue kam banenge aur karya kshetra men vistar hoga. svasthya ka dhyan rakhen. bahut adhik parishram se bachen. bharat ki rashi kark hai v chandra ke sath surya, shani, budh v shukra grah tisre bhav men sthit hain. is prakar bharat par shani ki sarhesati purn prabhav ke sath vidyaman hai, lekin shani ke sinh men pravesh karne ke sath is sarhesati ka shubh prabhav najar aega v chahumukhi vikas teji se hoga. kark rashigat shani ke karan mudrasfiti ki dar adhik rahi, jo ab bahut had tak niyantran men a jaegi. shani ka purn shubh prabhav to bharat ki kundli men kanya rashi men jane par hi hoga, lekin fir bhi sinh rashi ke shani ka fal bahut santoshajanak hoga. kul milakar bharat ke lie ane vala samay svarnim kal hoga aur desh ki unnati se har bhartvasi ko labh milega.
Kya aapko lekh pasand aaya? Subscribe
Kya aapko lekh pasand aaya? Subscribe


shiv shakti  July 2007

shiv kaun hai ? shakti bina shav hai shiv , shiv shakti ke strot, vedon men shiv ka svarup, shviya pujan ka mahatmay, kaljyi mahamrityunjay mantra, shiv aur tantra shastra ka sambandh, tantra shastra shiv pranit hai aur tin bhavon men vibhakt hain- agam, yamal aur mukhya

Subscribe

Apne vichar vyakt karein

blog comments powered by Disqus
.