लिंग पूजन का विधान एवं महत्व

ling pujan ka vidhan evan mahatva  

Ank ke aur Lekh | Sambandhit Lekh | Views : 4468 |  
ling pujan ka vidhan evan mahatva gopal raju shiv ke vibhinn namon ke sath-sath lingopasna ki mahima ka varnan shastron men milta hai. ling shabd ka sadharan arth chihn athva lakshan hai. dev-chihn ke arth men ling shabd shivji ke hi ling ke lie ata hai. puran men laynalingmuchyate kaha gaya hai arthat lay ya pralay se ling kahte hain. pralay ki agni men sab kuch bhasm hokar shivling men sama jata hai. ved-shastradi bhi ling men lin ho jate hain. fir srishti ke adi men sab kuch ling se hi prakat hota hai. shiv mandiron men pashan nirmit shivlingon ki apeksha banlingon ki visheshta hi adhik hai. adhikansh upasak mrinmay shivling arthat banling ki upasna karte hain. garur puran tatha anya shastron men anek prakar ke shivlingon ke nirman ka vidhan hai. uska sankshipt varnan bhi pathkon ke gyanarth yahan prastut hai. do bhag kasturi, char bhag chandan tatha tin bhag kunkum se ‘gandhling’ banaya jata hai. iski yathavidhi puja karne se shiv sayujya ka labh milta hai. ‘rajomay ling’ ke pujan se sarasvati ki kripa milti hai. vyakti shiv sayujya pata hai. jau, gehun, chaval ke ate se bane ling ko ‘yav godhumshalij ling’ kahte hain. iski upasna se stri, putra tatha shri sukh ki prapti hoti hai. arogya labh ke lie mishri se ‘sita khandamay ling’ ka nirman kiya jata hai. hartal, triktu ko lavan men milakar lavaj ling banaya jata hai. yah uttam vashikaran karak aur saubhagya suchak hota hai. parthiv ling se karya ki siddhi hoti hai. bhasmamay ling sarvafal pradayak mana gaya hai. gudotth ling priti men barhotri karta hai. vanshankur nirmit ling se vansh barhta hai. keshasthi ling shatruon ka shaman karta hai. dugdhodbhav ling se kirti, lakshmi aur sukh prapt hota hai. dhatrifal ling mukti labh aur navnit nirmit ling kirti tatha svasthya pradayak hota hai. svarnamay ling se mahabhukti tatha rajat ling se vibhuti milti hai. kansya aur pital ke ling moksh karak hote hain. parad shivling mahan aishvarya pradayak mana gaya hai. ling sadharntya angushth praman ka banana chahie. pashanadi se bane ling mote aur bare hote hain. ling se doguni vedi aur uska adha yonipith karne ka vidhan hai. ling ki lanbai uchit praman men n hone se shatruon ki sankhya men vriddhi hoti hai. yonipith bina ya mastakadi ang bina ling banana ashubh hai. parthiv ling apne anguthe ke ek por ke barabar banana chahie. iske nirman ka vishesh niyam acharan hai jiska palan nahin karne par vanchit fal ki prapti nahin ho sakti. lingarchan men banling ka apna alag hi mahatva hai. vah har prakar se shubh, saumya aur shreyaskar hota hai. pratishtha men bhi pashan ki apeksha ban ling ki sthapna saral v sugam hai. narmada nadi ke sabhi kankar ‘shankr’ mane gae hain. inhen narmadeshvar bhi kahte hain. narmada men adha tola se lekar manon tak ke kankar milte hain. yah sab svatah prapt aur svatah sanghtit hote hain. unmen kai ling to bare hi adbhut, manohar, vilakshan aur sundar hote hain. unke pujn-archan se mahafal ki prapti hoti hai. mitti, pashan ya narmada ki jis kisi murti ka pujan karna ho, uski vidhipurvak pran-pratishtha, sthapna adi ki vidhiyan anek granthon
Kya aapko lekh pasand aaya? Subscribe

Kya aapko lekh pasand aaya? Subscribe


shiv shakti  July 2007

shiv kaun hai ? shakti bina shav hai shiv , shiv shakti ke strot, vedon men shiv ka svarup, shviya pujan ka mahatmay, kaljyi mahamrityunjay mantra, shiv aur tantra shastra ka sambandh, tantra shastra shiv pranit hai aur tin bhavon men vibhakt hain- agam, yamal aur mukhya

Subscribe

Apne vichar vyakt karein

blog comments powered by Disqus
.