विभिन्न रूपों में भगवान शिव

vibhinn rupon men bhagvan shiv  

Ank ke aur Lekh | Sambandhit Lekh | Views : 2615 |  
vibhinn rupon men bhagvan shiv dae. punit sharma bhagvan shiv devadhidev hain. ve ashutosh hain- bhakton par shighra prasann ho jane vale. yahan unke kuch rupon ka varnan prastut hai jinki nishthapurvak puja upasna se kamnaen puri hoti hain aur pap se mukti milti hai. bhagvan ardhanarishvar shiv ke is rup ka ek bhag nar arthat shiv ka aur ek bhag nari arthat mata parvati ka hai. donon ka rup spasht rup se ek hi pratima men vyapt hai. ek ke hi pujan se jagatpita shiv aur jaganmata parvati ke pujan ka fal prapt ho jata hai. panchmukh shiv bhagvan ke is rup men panch mukh hain. inmen pahla mukh udhrvamukh hai jiska rang halka lal hai. dusra purva mukh hai jiska rang pila hai. tisra dakshin mukh hai jiska rang nila hai. chaitha pashchim mukh hai jis ka rang bhura hai. aur panchvan uttar mukh hai jis ka rang purn lal hai. in sabhi mukhon ke upar mukut men chandrama sushobhit hain. is sanpurn mukh mandal se ek adbhut abha futti hai. pashupti shiv bhagvan ke is rup ko pashuptinath ke nam se jana jata hai. nepal ki rajdhani kathmandu men is rup ka vishva men sarvadhik prasiddh mandir hai. bhagvan ke is rup men surya, chandrama v agni ko tinon netron men sthan mila hai. mahamrityunjay shiv jaisa ki nam se hi spasht hai, bhagvan ka yah rup mrityu ko bhi harane vala hai. unke is rup ka dhyan kar mrityu ko bhi jita ja sakta hai. is rup ka ek vishesh mantra hai jiske sava lakh jap karne ya karvane se asadhya rogon se mukti prapt hoti hai tatha akal mrityu se raksha hoti hai. nil kanth bhagvan ke is rup men bhagvan ka kanth arthat gala nile rang ka hai. ek bar bhagvan shiv ne vishpan kar liya tha jisse un ka samast kanth nila ho gaya. isilie unka yah vigrah nilkanth kahlaya. bhagvan ke is rup men unke mukh men atyadhik tej vyapt hai jiski tulna hajaron suryon ke tej se ki ja sakti hai. natraj shiv yah bhagvan shiv ka raudra rup hai. is rup men bhagvan nritya mudra men hain. unhonne yah nritya yuddh ke samay kiya tha. ise tandav nritya kahte hain. is men bhagvan ki jataen khuli hui hain tatha unka mukh krodh se lal hai. in rupon ke atirikt bhagvan shiv ke anya anek rup hain. inmen barah jyotirlingon ke rup, gauripti shiv, agnikeshvar, mahakal, maheshvar adi pramukh hain. sadashiv bhagvan ka yah rup atyant prasann tatha shant mudra men hai. inke mastak par chandrama tatha gale men sarp virajman hai.
Kya aapko lekh pasand aaya? Subscribe

Kya aapko lekh pasand aaya? Subscribe


shiv shakti  July 2007

shiv kaun hai ? shakti bina shav hai shiv , shiv shakti ke strot, vedon men shiv ka svarup, shviya pujan ka mahatmay, kaljyi mahamrityunjay mantra, shiv aur tantra shastra ka sambandh, tantra shastra shiv pranit hai aur tin bhavon men vibhakt hain- agam, yamal aur mukhya

Subscribe

Apne vichar vyakt karein

blog comments powered by Disqus
.