सावन में सोमवारी व्रतों का महात्म्य

savan men somvari vraton ka mahatmya  

Ank ke aur Lekh | Sambandhit Lekh | Views : 9446 |  
savan men somvari vraton ka mahatmya pan. sharad tripathi barah mason men savan mas men hi shivpujan sabse adhik hota hai. savan mas men desh bhar ke shivalay shraddhaluon se pat jate hain. bhagvan shankar ne svayan apne shri mukh se brahmaji ke manas putra santkumar savan mas ki mahima is prakar batai thi. ‘‘mere tin netron men surya dahine chandra vam netra tatha agni madhya netra hain. chandrama ki rashi kark aur surya ki sinh hai. jab surya kark se sinh rashi tak ki yatra karte hain, to ye donon sankrantiyan atyant punya faldayi hoti hain aur yah punyakal savan ke mahine men hi hota hai arthat ye donon hi sankrantiyan savan men hi ati hain. atah savan mas mujhe adhik priya hai.’’ kark sankranti se sinh sankranti tak surya ki yatra ka adhyatmik evan vaigyanik mahatva surya jab kark rashi men hote hain, jo bhagvan shankar ka bayan netra hai, to bhagvan shiv ke bayane netra men sthit karuna, daya ityadi ko dravit arthat adhik taral kar dete hain aur jab kark rashi arthat bayen netra se sinh rashi (dahine netra) ki or chalte hai to surya ki kirnon ke sath bhagvan shiv ki karuna aur daya bhumandal par barsti hui chalti hai. surya ke sath-sath bhagvan shiv ke netra bhumandal ke samast jivon ko apni kripa drishti se dekhte aur jalasikt karte hue chalte hain. savan ke pavitra yog men kiya gaya shiv pujan aur vrat asim faldayi hota hai. vaigyanik drishti se kark sankranti se sinh sankranti tak ki avdhi men vashpikaran adhik hota hai aur varsha hoti hai. varsha se anekanek vanaspatiyon ka poshan hota hai. shravan mas men somvar vrat adhik prachlit hai. lage sale h same var vrat karte hain. chandra bhagvan shiv ke netra hain aur unka dusra nam som hai. som brahmanon ke raja aur aushdhiyon ke devta hain. atah somvar ka vrat karne se samast sharirik, mansik aur arthik kasht dur hote hain aur jivan sukhamay ho jata hai. is mas ke somvar vraton ka palan karne se barah mahinon ke sabhi somvar vraton ka fal mil jata hai. somvar ke vrat ka vidhan atyant saral hai. snan karke shvet ya hara vastra dharan karen, din bhar man prasann rakhen, krodh, ishrya, chugli n karen. svayan ko shivamay (kalyankari) manen. din bhar shiv ke panchakshari mantra ¬ namah shivay ka man hi man jap karte rahen. sayankal ko pradosh bela kahte hain. is samay yadi bhagvan shiv ka samipya mile, samast dosh dur ho jate hai atah sayankal shiv mandir men ya apne ghar men hi mitti se shivling aur parvati tatha shri ganesh ki murti banakar solah prakar se pujan karen, inmen solah duvi, solah safed ful, solah malaon se shivpujan samast kamnaon ko purn karne vala hota hai. ant men solah baÿiayon ke dipak se arti karke kshama hetu prarthana karen. solah somvar vrat men solah ki sankhya ka abhipray kya hai? prachin kal men ujjain men sugandha namak ek veshya thi. purvajanm ke punya se uske sharir men sugandh ka akshay srot tha. uske sharir se nikli sugandh ek kos tak faili rahti thi. vah gayan vidya men chah ragon tatha 36 raginiyon men nipun thi. nritya men ranbha adi devangnaon ko piche chor chuki thi. prithvi par uske rup lavanya ki khyati dur-dur faili hui thi. apne in gunon se usne kai rajaon, yuva purushon, brahmanon, brahmachariyon aur vyapariyon ko dharm bhrasht kiya aur unka shoshan kar unhen apmanit aur tiraskrit bhi kiya. ek bar savan ke mahine men anek rishi kshipra nadi men snan kar ujjain ke mahakal shiv ki archana karne hetu ekatra hue. vah abhimani veshya bhi apne kutsit vicharon se rishiyon ko dharmabhrasht karne chal pari. kintu vahan pahunchne par rishiyon ke tapabal ke prabhav se uske sharir ki sugandh lupt ho gai. vah ashcharyachkit hokar apne sharir ko dekhne lagi. use laga, uska saundarya bhi nasht ho gaya. uski buddhi parivartit ho gai. uska man vishyon se hat gaya aur bhakti marg par barhne laga. usne apne papon ke prayashchit hetu rishiyon se upay puchana. ve bole- ‘tumne solah shanrigaron ke bal par anek logon ko dharmabhrasht kiya, is pap se bachne ke lie tum solah somvar vrat karo aur kashi men nivas karke bhagvan shiv ka pujan karo.’ veshya ne aisa hi kiya aur apne papon ka prayashchit kar shivlok pahunchi. solah somvar ke vrat se kanyaon ko sundar pati milte hanai tatha purushon ko sundar patniyan milti hain. chahkri21 barah mahinon men vishesh hai shravan mas shravan mas men shiv ki puja karne se prayah sabhi devtaon ki puja ka fal mil jata hai. is mas men kal ke devta bhagvan shiv ki puja karna, katha sunna tatha puran aon ka shravan karna chahie. iske atirikt kutsit vicharon ka tyag kar svabhav men namrata rakhte hue dhairya nishthapurvak bhagavat katha ka shravan karna chahie. brahman ki seva men vishvas rakhte hue aur brahmacharya ka palan karte hue tapasvi vriÿia men lin rahna chahie. is mas ka mahatmya sunne matra se hi manokamnaen purn ho jati hain, islie ise shravan mas kaha jata hai. purnamasi ko shravan nakshatra ka yog hone ke karan bhi yah mas shravan kahlata hai. is mas ki sanpurn kala ko keval brahma ji hi jante hain. is mas ke kul tis din vrat v punya karyon ke lie hi hote hain. iska arth yah hai ki is mas ki sari tithiyan vrat athva punya karyon ke lie hi hoti hain. jap, tap adi ke lie yah mas sarvashreshth hai. bhagvan shiv ko yah mas sarvadhik priya hai. varsha ritu ke is mas ko yogi purush niyam v sanympurvak, tap karte hue vyatit karen. ek mas tak rudrabhishek karen, rudraksh ki mala dharan karen tatha usse ¬ namah shivay ka jap karen. in dinon vrati ko apni kisi ek priya vastu ka tyag kar dena chahie. pushp, tulsi dal, fal, dhanya aur bilvapatra se mahadev ki puja karni chahie. bhumi par shayan karna chahie, brahmacharya ka palan karna chahie aur jhuth nahin bolna chahie. pratahkal snan kar ekagrachiÿa ho purush sukt ka path karna chahie. is mas kotihom grah yagya karne par manovanchit fal ki prapti hoti hai. shravan mas men varon ka mahatva shravan mas ke pratham somvar se shuru kar nirantar kiya jane vala vrat sabhi manokamnaen puri karta hai. somvar ka vrat rotak, manglvar ka manglagauri, budhvar ka budhavrat, brihaspati ka brihaspati vrat, shukravar ka jivantika vrat, shanivar ka hanuman tatha nrisinh vrat aur ravivar ka surya vrat kahlata hai. shravan mas men tithiyon ka mahatva shravan mas men bahut se mahatvapurn vrat kie jate hain. shukla dvitiya ko kiya jane vala vrat audunbar vrat, tritiya ko gaurivrat, chaturthi ko durva ganpti vrat (ise vinayak chaturthi bhi kahte hain), panchmi ko nag panchmi vrat (saurashtra men nagpanchmi shravan krishn paksh men sanpadit hoti hai), shashthi ko supaudan vrat, saptami ko shitladevi vrat, ashtami aur chaidas ko devi ka vrat, nauvin ko naktavrat, dashmi ko asha vrat aur dvadshi ko kiya jane vala vrat shridhar vrat kahlata hai. mas ki antim tithi purnamasi ko visarjan kar sabhi striyan sabse pahle apne bhai ko apne jivan ki raksha hetu rakshabandhan bandhti hain. prathma se amavasya tithi tak kie jane vale upvason ke dev deviyan bhi bhinna-bhinn hain. pratipda ko kie jane vale vrat ke devta agni, dvitiya ke brahma, tritiya ki gauri, chaturthi ke vinayak, panchmi ke sarp, shashthi ke skand, saptami ke surya, ashtami ke shiv, nauvin ki durga, dashmi ke yam, ekadshi ke vishvedev, dvadshi ke hari narayan, trayodshi ke ratipti kamdev, chaturdashi ke shiv, purnamasi ke chandradev aur amavasya ko kie jane vale vrat ke aradhya pitar hain.. shravan men shiv rudri ke path ka vishesh mahatva hai. iske fal ka varnan is prakar hai: shiv pujak sarvapratham sankalp karen. tatpashchat shivling ko panchamrit se snan karakar aur nishthapurvak yathashakti ¬ namah shivay ka jap karen. suyogya brahmanon dvara rudrashtadhyayi ka path karvaen aur uska shravan karen. rudri ke ek path se bal grahon ki shanti hoti hai. tin path se upadrav ki shanti hoti hai. panch path se grahon ki, sat se bhay ki, nau se sabhi prakar ki shanti aur vajpey yagya fal ki prapti aur gyarah se raja ka vashikaran hota hai aur vividh vibhutiyon ki prapti hoti hai. is prakar gyarah path karne se ek rudra ka path hota hai. tin rudra path se kamna ki siddhi aur shatruon ka nash, panch se shatru aur stri ka vashikaran, sat se sukh ki prapti, nau se putra, pautra, dhan-dhanya aur samriddhi ki prapti hoti hai. isi prakar nau rudron se ek maharudra ka fal prapt hota hai jisse rajabhay ka nash, shatru ka uchchatan, dharm, arth, kam aur moksh ki siddhi, akal mrityu se raksha tatha arogya, yash aur shri ki prapti hoti hai. tin maharudron se asadhya karya ki siddhi, panch maharudron se rajya kamna ki siddhi, sat maharudron se saptalok ki siddhi, nau maharudron ke path se punarjanm se nivriÿia, grah dosh ki shanti, jvar, atisar tatha piÿa, vat v kaf janya rogon se raksha, sabhi prakar ki siddhi tatha arogya ki prapti hoti hai. bhagvan shankar ka shreshth dravyon se abhishek karne ka fal jal arpit karne se varsha ki prapti, kusha ka jal arpit karne se shanti, dahi se pashu prapti, ikh ras se lakshmi ki prapti, madhu aur ghi se dhan ki prapti, dugdh se putra prapti, jal ki dhara se shanti, ek hajar mantron ke sahit ghi ki dhara se vansh ki vriddhi aur keval dudh ki dhara arpit karne se prameh rog se mukti aur manokamna ki purti hoti hai, shakkar mile hue dudh arpit karne se buddhi ka nirmal hota hai, sarson ya til ke tel se shatru ka nash hota hai aur rog se mukti milti hai. shahad arpit karne se yakshma rog se raksha hoti hai tatha pap ka kshay hota hai. putrarthi ko bhagvan sadashiv ka abhishek shakkar mishrit jal se karna chahie. uparyukt dravyon se abhishek karne se shivji atyant prasann hote hain aur bhakton ki manokamna puri karte hain. rudrabhishek ke bad gyarah vartikaen prajvalit kar arti karni chahie. isi prakar bhagvan shiv ka bhinna-bhinn fulon se pujan karne se bhinna-bhinn fal prapt hote hain. kamalapatra, belapatra, shatapatra aur shankhpushp dvara pujan karne se dhan-dhanya ki prapti hoti hai. ak ke pushp charhane se man-samman ki vriddhi hoti hai. java pushp se pujan karne se shatru ka nash hota hai. kaner ke ful se puja karne se rog se mukti milti hai tatha vastra evan sanpti ki prapti hoti hai. har singar ke fulon se puja karne se dhan sampati barhti hai tatha bhang aur dhature se jvar tatha vishabhay se mukti milti hai. chanpa aur ketki ke fulon ko chorakar shesh sabhi fulon se bhagvan shiv ki puja ki ja sakti hai. sabut chaval charhane se dhan barhta hai. gangajal arpit karne se moksh prapt hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


shiv shakti  July 2007

shiv kaun hai ? shakti bina shav hai shiv , shiv shakti ke strot, vedon men shiv ka svarup, shviya pujan ka mahatmay, kaljyi mahamrityunjay mantra, shiv aur tantra shastra ka sambandh, tantra shastra shiv pranit hai aur tin bhavon men vibhakt hain- agam, yamal aur mukhya

Subscribe

Apne vichar vyakt karein

blog comments powered by Disqus
.