जियोपैथिक स्ट्रेस व अन्य नकारात्मक ऊर्जाए

jiyopaithik stres v anya nakaratmak urjae  

Ank ke aur Lekh | Sambandhit Lekh | Views : 2251 |  
har sajiv ya nirjiv vastu men apni ek urja hoti hai. us ank men apko sakaratmak aur nakaratmak urja ke vishay men bhi avagat karaya gaya tha. har ank men apko nakaratmak urja upkrnon ke bare men kuch jankari dene ka prayas kiya ja raha hai. jiyo ka arth hai prithvi, pathoj ka arth hai pareshani. arthat prithvi se milne vali pareshani. islie ise jiyopaithik nam diya gaya hai. prithvi ke akar ki tulna ek nariyal se ki ja sakti hai jiska vyas 12,756 kimi. hai. nariyal ki upri kathor satah ki tulna prithvi ke upri avaran ke sath ki ja sakti hai jiski gahrai lagabhag 7 kimi tak hai. uske niche taral maigma jis par pani par lakdi ke gutkon ki tarah kontinents ke tukde tairte rahte hain. prithvi ke madhya men kobalt aur nikil namak padarth garam pighli hui taral sthiti men hota hai. yahi pighla padarth prithvi ke chumbakiya kshetra ke astitva ke lie uttaradayi hota hai.kbhi-kabhi hamare kontinents ke tairte hue tukde idhr-udhar ho jate hain jinhen bhugarbh vaigyanik plets taiktoniks kahte hain. vaigyanikon ne yah nishkarsh nikala ki in tukdon ke bich jo gharshan shakti utpann hoti hai sthirta ki sthiti ane tak ve apne apko santulit karti rahti hai. is santulan ke dauran is samayojan ke antargat jo tarangen prithvi ke andar utpann hoti hain unhen tala nahin ja sakta hai. yahi bhukamp tatha jvalamukhi fatne adi ghatnaon ka mukhya karan hota hai. in plets taiktoniks ke prabhav ke karan prithvi ke andar choti badi tut-fut ya gadbdi hoti hai yahi jiyopaithik stres ka mukhya karan heata hai. chunki teji se gatiman chumbakiya tarangen in tute-fute raste se gujrne ke lie sangharsh karti hai tatha prithvi ke andar pani bhi in choti badi dararon se hokar teji se bahta hai jab chumbakiya kshetra bhi is pani ke sath vidyaman hota hai to inke takrav se nakaratmak rediyeshan niklti hain. karan hota hai is pani ke andar bahut hanikarak rasayan jaise- yureniyam, argan aur shisha adi milte hain. ye rediyeshan sabhi ke lie bahut hi hanikarak hoti hain. khadanen khodna, prithvi ke chumbakiya kshetra ko chedna ek manushya janit karan hai. jiyopaithik stres ko kai log kai nam se jante hain yah nimn prakar haiah vatrlain-prithvi ke andar bhukamp ane ke bad bahut halachal ho jati hai jiske karan prithvi ke andar hi andar bahut uthl-puthal hoti hai jo prithvi ke andar ek tanav utpann karti hai. is uthl-puthal ki vajah se kabhi-kabhi prithvi ke andar kuch khali sthan utpann ho jata hai jo kuch mitar se lekar hajaron mitar tak ho sakta hai. is khali sthan men kahin bahut adhik gahrai ya unchai hone ke karan yah prithvi ke chumbakiya kshetra ke prakritik bahav men rukavat paida karta hai jiske sath bahne vale pani men kai prakar ke hanikarak rasayan bhi mile hote hain jisse yah prakriya ek vidyutiya urja utpann karti hai jo prithvi ki satah se nikalakar antariksh men jati hai. yah vidyutiya urja manushya jati ke jivan ke lie bahut hi hanikarak hoti hai. hartamain gridsa- ek jarman chikitsak ne prakritik rup se dharan kiye hue kuch lainon ka nirikshan kiya jo uttar se dakshin, purva se pashchim ki taraf prithvi ke andar se gujrti hai. unhonne inhen nakaratmak urja vali lainon ke rup men parichit karaya jo tanav ka mukhya srot hai. unhonne inke sath hi sath sakaratmak urja vali lain bhi dhundhi. jahan par do lainen milti hain vah unka kendra bindu hota hai. vahan par do guni sakaratmak ya nakaratmak urja ka pravah hota hai. yah rediyeshan prithvi ki satah se upar uthakar antariksh tak jati hai inka jal puri prithvi par faila hua hai. kari lain- ye prakritik rup se vidyut tarangen dharan ki hui lainen hoti hain. da0 maimafraid kari aur vitman ne inko khoja tha. uttara-purva se dakshin-pashchim tatha uttara-pashchim se dakshin-purva ki taraf inki urja pravahit hoti hai. da0 kari ne yah nirikshan kiya tha ki in lainon ke kendra bindu par agar koi vyakti samay vyatit karta hai to usko kainsar jaisi bimari hone ki sambhavna adhik rahti hai. blaik lainsa- ye lain bhi prakritik rup se urjanvit hoti hain. ye kahan se nikli abhi tak nahin jana ja saka hai. in lainon ka jal hartamain aur kari lainon ke saman nahin hai. in lainon ko fengshui men bahut hi hanikarak urja ke rup men bataya gaya hai. mi0 vilhailm rich ne kali, chamkdar aur kathor tej grid ke rup men inki vyakhya ki hai. le luis- hamare purvajon ne pattharon men stri aur purush urja ke bare men vyakhya ki hai. jab ham kisi chattan ko patthar ya hathaude se todte hain tab agni us chattan se bahar nikalti hai jo purush urja dharan kiye hue rahti hai. cheni, hathaude adi ka prayog karke patthar ko ek akar diya ja sakta hai. iska arth yah hai ki ham patthar ke anuon ke bich jo anvik bandhan hota hai uski shakti ke viprit jakar patthar ko tod rahe hain. is todne ki prakriya ke antargat jo urja niklti hai jiske parinamasvarup pattharon ke kinare se le luis rediyeshan pravahit hoti hai vah hanikarak hoti hai. uprokt nimn prakar ki kuch prakritik nakaratmak urjaen hain jinhen jiyopaithik stres kaha jata hai. kuch manav nirmit nakaratmak urja pravahit karne vali vastuen bhi hain jo ajakal badi matra men bimariyon ka karan ban rahi hain. manav nirmit nakaratmak urja pravah karne vale upakaran hain jaise haitenshan lain, transfarmar, mobail tavar, mobail aur anya vidyutiya upakaran jo pratidin ham prayog karte hain. vidyutiya chumbakiya tarangen hamare paryavaran men bahut sare tanav ka karan ban raha hai jo manushya par bahut hi hanikarak prabhav dalta hai. sanchar vyavasthayen jaise- rediyo, ti0vi0, fon adi bhi hanikarak rediyeshan pradan karte hain. hamare pas karodon ki sankhya men fon, ti0vi0, kanpyutar v laiptap han jiska istemal ham vigyan ke labh ka upyog karne ke lie karte hain. vibhinn sthanon men netavark ko pahunchane ke lie imarton ki chat par ya kisi unche sthan par tavar adi lagaye jate hain. ye tavar transafarmar se bhi adhik hanikarak urja pravahit karte hain. ajakal bade-bade shahron men badi-badi imarton par ye tavar dikhayi dete hain jo panchbhut ke akashiya tatva ko bhi pradushit kar rahe hain. ham sabhi maikrovev rediyeshan par rediyo kampan shakti se prabhavit ho rahe hain. jiyopaithik stres ke kendra bindu ki sthiti aur unke prabhav- yunivarsal tharma skainar ki sahayta se ham jiyopaithik stres ki lainen v uska kendra bindu dhandh sakte hain. yadi jiyopaithik stres ka kendra bindu dakshin-pashchim men a raha hai to ghar men patni ke bich ladai jhagde hona, unko svasthya sambandhi samasya hona, yadi koi us lain par so raha hai to usko sharirik rup se bimari hona tatha mansik samasya ka samna karna pad sakta hai. kabhi-kabhi yah pati-patni ke bich talak bhi karva deta hai. yadi iska kendra bindu purva-dakshin ki taraf hota hai jo rasoighar ka sthan hota hai to us ghar ke sadasyon ko arthik samasya ka samna karna padta hai tatha ghar ki aurton ko sharirik v mansik samasya bhi ho sakti hai. yadi iska kendra bindu uttara-pashchim ho jo vayu ka kshetra v bachchon ka kshetra mana jata hai to us ghar ke bachchon ki unnati thik prakar se nahin hoti hai. ve padhai achchi prakar se nahin kar pate hain tatha unki shadi v naukri adi men vilamb hota rahta hai tatha unko sharirik v mansik samasyaon ka bhi samna karna pad sakta hai. yadi iska kendra uttara-purvi sthan par ata hai to us ghar men rahne vale apna nam aur khyati khone lagte hain tatha unhen arthik samasyaon ka samna karna padta hai. vyapar adi men bhi hani hoti hai. jiyopaithik stres v vidyutiya upakaran ka manav par prabhav- 80 pratishat daktar aur vaigyanik jiyopaithik stres ki tarangon ke bare men jagruk nahin hain jo bure bhagya ka karan hai. ye tanrgen 80 pratishat pareshaniyon aur lambi bimariyon ki mukhya jad hai. yah jarmani, frans aur ab bharat men bhi vaigyanik rup se sabit ho chuka hai. hamare purvajon ne bhi is prakar ki hanikarak tarangon ke bare men bataya tha aur aise kshetron men n rahne ki salah di thi. yah vishay paryavaran sambandhi vigyan ke antargat ata hai. duniya men jarman pahle the jinhonne in tarangon ko nyutralaij kiya tatha apradhik samasya aur bimariyon se bachne ke lie logon ko rahne ke lie nakaratmak urja se mukt ghar pradan kiye. jiyopaithik stres vale sthan par chah mahine ya usse adhik lagatar rahne par arthik v sharirik samasyaen prarambh ho jati hain. yah manushya ke imyuniti sistam ko itna kam kar dete hain ki manushya ko koi bhi sadharan bimari akar gher leti hai. yadi vyakti usi urja kshetra men rah raha hai to davai bhi us par apna 100 pratishat prabhav nahin dikhati hai aur bimari badhti chali jati hai. isi prakar vidyutiya shakti ka bhi manushya ke urja kshetra par bahut nakaratmak prabhav padta hai. jab urja ek kandaktar ke dvara bahti hai tab yah nirikshan kiya gaya ki uske charon taraf ek chumbakiya kshetra ban jata hai. vaigyanikon ne sels par iske prabhav ke bare men adhyayan kiya hai. manushya ki sel rasaynik tatvon se milakar bani hai jo nan kandaktar maimbren ke dvara surakshit hoti hai. vidyut chumbakiya urja tarangon ki apeksha kanon ke rup men karya karti hai. kuch vidyut kampan shaktiyan dikhai dene vale spektra se age hoti hai. chumbakiya shaktiyon ke karan hi mukhyatah hanikarak prabhav dekhne ko milte hain. kuch risarch pepar si0ar0di0 ke upar adharit hain jisse yah nishkarsh nikla hai ki vidyut chumbakiya kshetra ka prabhav manushyon ke sels par asar dalta hai. 50 pratishat logon men jo is vidyutiya kshetra ke as-pas karya karte hain kainsar hone ki sambhavna adhik rahti hai. islie inse bachne ki salah di jati hai jaise- transfarmar, tavar tatha adhik voltej vali lainen ityadi. dhatu v chamde ki kuch vastuen bhi hanikarak urja pravahit karti hain. yadi dhatu adi ki vastuen jiyopaithik stres kshetra men rakhi rahti hain to ve yah nakaratmak urja apne men le leti hain. fir infrarend rediyeshan ke rup men niklti hain jo ki bahut hi hanikarak hain jaise- artifishiyal, dhatu v plastik ki vastuen, kabhi-kabhi imarat men jo kachcha mal prayog hota hai jaise- sariya adi, intiriyar dijainar jo tedhe-medhe akar ghar men prayog karte hain jinka astitva prakriti men nahin ho, ve bhi hanikarak urja dete hain. mrit vyakti ki kuch dhatu ki vastuen, kichan ke bartan jaise tava, kadahi adi jo bahut salon se ham prayog kar rahe hain, tanbe se bane yantra, chandi aur sone ke abhushan, entik vastuen, divaron par tange purane hathiyar talvar, khanjar adi bhi nakaratmak urja pradan karte hain yadi ye jiyopaithik stres vale nakaratmak urja kshetra men rakhe hue hain. jiyopaithik stres ko pahchanne vale prakritik srot- kuch prachin chijen bhi hain jinke dvara koi bhi vyakti yah jan sakta hai ki yahan par jiyopaithik stres hai ya nahin: 1. kisi bhi samanya vyakti ki yadi kisi ek sthan par jakar nadi ki sanvedna badh jati hai ya vah us jagah par apne ap ko bahut hi asamanya mahsus kar raha hai to vahan yah nakaratmak kshetra ho sakta hai. vyakti ko rat men bhayanak sapne ate hain vah thik se so nahin pata hai lagatar ek hi sthan par durghatana hona, kisi ke svasthya ka lagatar kharab hona, billi, dimak, madhumakkhi aur chamgadad aise sthan par rahna pasand karte hain, kutta aur gay aise sthanon par nahin baithte hain. svasthya sambandhi v anya lakshana- jiyopaithik stres kshetra men rahne se vyakti men nimn prakar ke svasthya se sambandhit lakshan dikhayi pad sakte hain: pindaliyon men dard, kraimp padna, nind n ana, sahi nirnay lene men kathinai, admi ghar ki apeksha bahar adhik aram mahsus karta hai. nind men chalna, daravne sapne ana mansik samasya ka samna karna, nirashavadi hona, achanak kisi ki mrityu hona, atmahatya ki pravritti hona, lailaj bimari hona jaise kainsar, daibitij, kauma men jana, haipar aiktiv bachche, stri ka garbh dharan n karna, bar-bar garbhapat hona ya mansik ya sharirik rup se aviksit bachche hona , bachchon ka padhai men dhyan n dena, shadi ya naukri men vilamb hona, gharelu jhagde bahut adhik matra men hona adi. sankshep men apko jiyopaithik stres v anya nakaratmak urja kya hai unke prabhav adi ke bare men bataya gaya. ham yunivarsal tharma skainar ki sahayta se kisi bhi prakar ki nakaratmak urja ko pahchan sakte hain chahe vah ghar ho ya kisi vyakti ke sharir men. iske dvara apko ane vali svasthya sambandhi pareshaniyon se bhi avagat kara sakte hain.
Kya aapko lekh pasand aaya? Subscribe

Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.