रोगों के देसी उपचार

rogon ke desi upchar  

Ank ke aur Lekh | Sambandhit Lekh | Views : 2052 |  
jara soch kar dekhie, ap subah 7-8 baje bari harbrahat men apne karyalay ke lie ghar se niklte hain, raston men gariyon ki lagatar avajahi, rasta pane ke lie ruki hui gariyon ke harn ka shor aur inke chalti mashinon se lagatar niklta dhuna, jo din-ba-din barhti jansankhya tatha sikurte van ke karan barhta hi ja raha hai. yahi nahin, iske sath hi lagatar vatavaran ka tapman bhi barhta ja raha hai. is paristhiti se do-char ho kar insan apne karyalay pahunchte hain. karyalay men nirdharit karya samay ke pura hote sharirik aur mansik thakan se vah nidhal ho chuka hai. sir men dard, ya bharipan mahsus karne laga hai. ab subah ki in bechain kar dene vali paristhitiyon se ho kar rat 8 baje ghar pahunch rahe hain. yah roj ka kam hai, dinacharya hai. kaisa mahsus kar rahe hain ? ab fir vicharie. yadi koi sir ki malish kar de, panvon ko halke hathon daba den, to vah! kuch hi pal men sara dard gayab. thakan thi bhi, ya nahin? par har roj yah sanbhav nahin ki ghar lautne par koi seva men jut jae. to kyon n koi aisa rasta nikala jae ki aisi taklif se do-char hi n hona pare aur yadi aisa ho, to is tarah ke ilaj ke lie kisi se minnaten n karni pare. kya aisa ho sakta hai? han, aj vigyan ke bare-bare yantron aur bare-bare namon ke pashchimi ilajon evan davaiyon ke chakravyuh men fans kar virasat jo purvajon ke varshon ke prayogon ke bad mili hai, use bhul gaye hain. aisa gharelu upyog men ane vale padarthon evan jivanacharya ke niyamon ke sath bhi hua hai. koi yah nahin kahta ki kisi ke bataye gaye raston par ankh band kar chal parie. aj vaigyanik jin ki khoj kar rahe hain, unhen purvajon ne varshon pahle siddh kar dikhaya hai. unapar svayan prayog kijie aur fir apnaie. ilaj hetu bhatkne se apni dinacharya men savdhani behatar hai. jara si niche bataye gaye niyamon ke anusar parivartan kar dekhie. yah gyat hai ki sharir ko kai bhagon men banta gaya hai. isi kram men deh suraksha ka karya karti hai ‘tvacha’. is tvacha men anginat chote-chote rom chidra hote hain, jo sharir ke tapman ko samanya banae rakhne ka karya karte hain; sath hi pasine ke rup men sharir ke atirikt jal ko bahar nikalte hain aur shuddh vayu ko avshoshit karte hain. aj ke pradushit vayu men, jiska jikra pahle kiya ja chuka hai, sharir ki is prakriya ka sucharu rup se chalna sanbhav nahin. aise men tel malish ke dvara in kathinaiyon par kafi had tak kabu pa sakte hain. tel malish ke lie shuddh sarson evan til ke tel labhaprad hain. pratyek ang par tel malish ki jani chahie. lagatar upyog se sir dard, balon ka girna, khujli, dad, vat rog adi se bacha ja sakta hai. tel ki malish tvacha ko komal banati hai, nason ko sfurti deti hai aur rakt ko gatishil banati hai. tel malish ke labh se to parichit ho gaye hain. yah bhi jan chuke hain ki vigyan ne svikar kiya hai ki prachin rishiyon ki khoj dhakosla nahin hai. parantu unhonne tel malish ke kuch niyam bhi nirdharit kiye hain, jinhen ab bhi svikar nahin kiye gaye hain aur unko le kar prayog kiye ja rahe hain. rishiyon ke tay kiye gaye mapdand ka vaigyanik pahlu hai. unhen janie. fir kahiega ki vah sarthak hai, ya nirarthak. andhadhundh sir se panv tak tel dal kar tel malish ka labh nahin milta. shastranusar ravivar, manglvar, guruvar, shukravar ko tel malish nahin karni chahie. prashn uthta hai kyon? ravivar ke din ko pura vishva surya ka din manta hai tatha surya aisa grah hai, jo vishva ke lie tej prapti ka ek hi sadhan hai, jiski garmi karoron varg mil se milne par ashniya hoti hai. yah surya se milne vali garmi hi prithvi par jivan ka adhar hai. sharir men pitt (garmi) nishchit matra men hoti hai, to log svasth rahte hain. jab deh men jara bhi ‘pitta’ ka santulan bigrta hai, to sharir vibhinn rogon ki chapet men a jata hai. ravivar anya dinon se adhik garm hota hai, jiske karan sharir men pitt bhi barha hota aur aise men tel, malish ke dvara, sharir ki garmi ko aur barha den, to kya hoga? iska anuman lagaie. isi prakar mangal grah prithvi ki hi tarah ki prakriti vala hai, jabki dharmanusar prithvi ka putra hai. mangal grah ko tej lal rang ka mana gaya hai. atah yah uttejnakari hai aur sharir men iske prabhav se rakt dabav barh jata hai, jo vibhinn rogon ko janm deta hai. aise hi guru aur shukravar ke lie bhi mana jata hai. guruvar bauddhik karya ke lie nishchit hai aur shukravar ko, shukra (virya) men tap vriddhi ke karan sharir rogagrast hone lagta hai. aj chikitsak ise, purana rivaj man kar, nakarte hain. parantu vaigyanik drishtikon se prayog kar inke gunon ka labh liya ja sakta hai. yahan yah batana jaruri hai ki aj sarson, giri, mungfli sabhi ki chiknai ko tel kahte hain, jabki tel ka arth ‘til ka tel’ hota hai. diye gaye uparyukt vivechan ‘til ke tel’ par hi lagu hota hai. ta
Kya aapko lekh pasand aaya? Subscribe
Kya aapko lekh pasand aaya? Subscribe


  April 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.