बालारिष्ट
Ank ke aur Lekh | Sambandhit Lekh | Views : 1261 |  
balarisht, yani avkash men ghum rahe grahon ke jis yog se balak ko arisht hota hai, yani jab kisi jatak ka janm hota hai, tab avkash men ghum rahe grahon ka koi aisa yog ban jaye ki navjat shushu ke ayushya, svasthya par uska bura prabhav pare aur balak barah sal ki umra tak kashtamay jivan bitaye, ya uska jivan barah sal ki ayu tak simit rah jae, to is yog ko balarisht yog kahte hain. rishi-muniyon ne is yog ke bare men unke dvara likhe gaye granthon men jor-shor se charcha ki hai. balarisht men keval balak ko hi arisht nahin hota, apitu uske janm lete hi uske sath jure hue logon ko bhi arisht hota hai, jaise balak ke janm lete hi mata ki mrityu ho jana, pita ki mrityu ho jana, mata evan pita par koi bara sankat a jae, jo matri kasht balarisht evan pitri kasht balarisht ke nam se jane jate hain. yahan ek aisi kundli ki charcha karte hain, jismen balak ke janm ke 6 mahine men mata ki mrityu ho jati hai. yah sinh lagn ki kundli hai. lagn men budh, chaturth sthan men ketu, saptam sthan men mangal, dasham sthan men rahu, shani gyarhven bhav men aur surya, chandra, shukra evan brihaspati barhven sthan men hanai. navansh tula lagn ka hai. tula navansh men surya, chandra, shani, rahu, makar navansh men sthit hai. mangal kunbh navansh men, brihaspati min navansh men hai, budh, ketu aur shukra, anukram se vrishabh, kark evan sinh navansh men hain. parashar hora shastra ke arishtadhyay men shlok nanbar 24 men kaha gaya hai ki chandrama, pap grahon se yukt ho kar, balvan pap grahon se dekha jae to yah yog banta hai. chandrama papyukt ho tatha chandra se chah-sat bhavon men ek sath pap grah ho, yah dusra yog hai ismen balak ki mata ki mrityu hoti hai. is kundli men, jatak tatvam, jo pandit mahadev pathak ki rachna hai ke anusar shukra, ya chandrama pap kartari men ho tatha ve pap grahon se drishtit ya papyukt ho, to mata ki mrityu ho jati hai. is kundli men chandrama, pap grahon se yukt ho kar barhven bhav men baitha hai, lekin kisi balvan pap grahon se dekha nahin jata. dusre yog ke anusar chandrama papyukt hai tatha chandrama se chathe evan satven bhav men pap grah nahin hai. yahan donon hi yog adhure aur hote hue bhi, balak ki mata ki mrityu hui. tisre yog men likha hai ki shukra, ya chandrama pap grahon ke antral men ho tatha vah pap grahon se yut, ya drisht ho yahan shukra aur chandrama donon hi pap grah se yukt hanai tatha pap grahon ke antral men bhi hai, purn rup se lagu hota hai. is kundli men n keval matri kasht balarisht yog hai, apitu balak par svayan balarisht lagu hota hai. hora shastra ke anusar chandrama do pap grahon ke bich men ho tatha 1, 8, 7 aur 12ven bhav men se kahin bhi sthit ho, to balak ki mrityu ho jati hai. yahan chandrama 12ven bhav men surya aur shani ke bich rahta hai. 12ven bhav men surya 11 ansh ka, chandrama 10 ansh ka hai evan shani ke 11ven bhav men rahne se chandrama surya aur shani ke bich a jata hai. chandrama ki kshinta, 1, 8, 12 ven bhav men pap grah ka rahna, kendra men pap yog evan shubh grah ka abhav, ye arisht ke maulik karan hain. is yog men shubh grah yog n rahne par hi satyacharya ne isse mrityu hona bataya hai. is kundli men chandrama dvadash bhav men kshinta prapt karta hai. dvadash bhav men surya pap grah hai. tinon kendron men ketu, mangal, rahu baithe hain. charo kendra men shubh grah ke n rahne se balak ki mrityu nishchit hai.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.