manav jivan par grahon ka prabhav parta hai, yah to ham sabhi jante hain. lekin agar ham yah kahen ki grahon ka manav jivan par prabhav avashya parta hai aur vah akatya hota hai to ismen shayad mat bhinnata ho sakti hai. bahut se buddhijivi, visheshakar vaigyanik, jo khagol vidya (estronaemi) ko to satya mante hain lekin usse utpann jyotish shastra (estrolaeji) ki sachchai ko svikar karne men sankoch prakat karte hain, isse sahamat nahin honge. aise log jyotish shastra ko vigyan manne ke lie bhi taiyar nahin hote. lekin ham jyotirvidon ke lie jyotish n keval ek vigyan hai, balki uchch shreni ka vigyan hai. iski pramanikta tathyon par adharit hai. jivan men jo kuch ghatit hota hai, vah bas yon hi nahin ho jata hai. vah sab pahle se suniyojit evan yojnabaddh hai jiski suchna hamen grahon dvara pahle hi prapt ho jati hai.
udaharan ke lie, is kahavat ko hi len. kahte hain ‘‘shadi svarg men tay hoti hai, dharti par to uski sirf rasm adaygi hoti hai.’’ agar yah kahavat sach hai to iska matalab yah hua ki kisi vyakti ke jivan men jo vyakti jivan sathi banakar ata hai uska us vyakti se sanbandh pahle se hi tay hota hai. ji han, chainkie nahin, aisa hi hota hai. apka aur apke hone vale jivan sathi ka sanbandh grahon dvara pahle hi jora ja chuka hota hai. chahe apki shadi man bap dvara tay ki gai ho ya ap svayan karen (prem vivah ki sthiti men), ismen grahon ka mahatvapurn yogdan hota hai. aie, janen kaise? jab vivah yogya var ya kanya ki kundli kisi jyotishi ke pas var paksh ya kanya paksh ke log lekar ate hain yah janne ke lie ki shadi ke bad donon ka sanbandh kaisa rahega to aksar jyotishi donon ke janm nakshatron aur charnon ko not karke melapak sarni dekhakar ashtakut ki samuhik sankhya ke adhar par apna nirnay suna dete hain ki kul 36 men se 18 ya usse adhik gun mil rahe hain atah donon ka sanbandh ho sakta hai. jitne adhik gun milen, sanbandh utna hi achcha hoga, aisa unka kahna hota hai.
iske sath mangal dosh ka vichar kar lete hain. lekin var-kanya ki kundliyan dekhne ke pashchat jyotishi ke rup men unka pahla kadam kya hona chahie? mere vichar se, unhen sabse pahle yah janch karne ki koshish karni chahie ki ve donon (var evan kanya) ‘ek duje ke lie’ bane hain ya nahin arthat donon ki shadi ho sakti hai ya nahin. yah janne ke lie, niche kuch mahatvapurn niyam die ja rahe hain jo jyotishiya anubhav evan anusandhan par adharit hain tatha 80 pratishat se jyada mamlon men sahi baithte hain. û pati aur patni donon ka lagn ya lagnesh ek ho sakta hai. û donon ka chandra lagn ya chandra lagnesh ek ho sakta hai. û lagnesh jis rashi men baitha hai, vah rashi jivan sathi ka lagn ya chandra lagn ho sakti hai. û janmakundli ke 7ven ghar men jo rashi hai, vah jivan sathi ka lagn ya chandra lagn ho sakti hai.
û 7 ven ghar ka malik jis rashi men baitha hai, vah rashi jivan sathi ka lagn ya chandra lagn ho sakti hai. û lagnesh jis rashi men baitha hai, usse 7 vin rashi jivan sathi ka lagn ya chandra lagn ho sakti hai. û lagnesh jis navansh men hai, vah rashi jivan sathi ka lagn ya chandra lagn ho sakti hai. û 7 ven ghar ka malik jis navansh men hai, vah rashi jivan sathi ka lagn ya chandra lagn ho sakti hai. yahan uparyukt niyamon ke udaharan prastut hain. nimn janmakundliyon ko dhyan se dekhen. kundli nan. 1 evan 2 men pati aur patni donon ka lagn mesh hai. atah niyam 1 lagu hota hai. kundli nan. 3 evan 4 men pati aur patni donon ka chandra lagn makar hai. atah niyam 2 lagu hota hai. kundli nan. 5 men pati ki kundli men lagnesh shani kark rashi men sthit hai. atah patni ka lagn kark hai. atah yahan niyam 3 evan 4 donon lagu hote hain arthat pati ki kundli men 7 ven ghar men jo rashi hai (karka) vah patni ka lagn hai.
yahan yah batana prasangik hoga ki kundli nan.-5 svargiya sanjay gandhi evan kundli-6 unki patni shrimti menka gandhi ki hai. sarvavidit hai ki donon ne prem vivah kiya tha. kundli nan. 7 men pati ki kundli men 7 ven ghar ka malik shani mithun rashi men baitha hai jo patni ka chandra lagn hai. ye kundliyan 7 evan 8 kisi aur ki nahin balki bharat ke purva pradhanmantri svargiya shri rajiv gandhi aur vartaman kangres adhyaksh shrimti soniya gandhi ki hain. bharat ke rajiv aur itli ki soniya. donon ki prishthabhumi bilkul alg-alag. dharmik, bhaugolik tatha sanskritik vibhinnata apni jagah. tathapi adhyayan ke silsile men landan pravas ke dauran jab donon ki ankhane char huin to donon aise mile ki fir jivan bhar alag n ho sake. ise kya kahenge ap? matra sanyog ya fir niyati ka khel? ya jyotish ka ek akatya siddhant jo vigyan se pare lekin usse bare vigyan ki hakikat hai. kundli-7 evan kundli-8 men niyam 5 lagu hota hai. kundli nan. 9 men pati ki kundli men lagnesh guru kark rashi men baitha hai. usse 7 vin rashi makar hai jo ki patni ka lagn hai. atah yahan niyam 6 lagu hota hai.
kundli nan. 12 patni ki kundli men lagnesh budh navansh men kark rashi men sthit hai jo ki pati ka lagn hai. atah niyam 7 lagu hota hai. kundli nan. 13 men pati ki kundli men 7ven ghar ka malik budh hai jo kunbh navansh men hai aur patni ki kundli men lagn kunbh ka hai. atah niyam 8 lagu hota hai. patni ki kundli-14 ko punah dhyan se dekhen. inki kundli men lagnesh shani navansh men min rashi men hai jo pati ka lagn evan chandra lagn hai. atah is dampati ki kundliyon men niyam 7 aur 8 donon ek sath lagu hote hain. ye bhartiya vayu sena men kamishan prapt ek adhikari evan unki patni ki kundliyan hanai. upar varnit niyamon ki satyata ki janch pathak apne tatha apne rishtedaron ki kundliyon ka vishleshan kar svayan kar sakte hain. ant men nishkarsh ke rup men ham kah sakte hain ki apka jivan sathi n keval pahle se tay hai balki yah bhi tay hai ki vah dekhne men kaisa hoga, kis disha se aega arthat kis disha men sanbandh hone ki sanbhavna hai. vah naukri karne vala hoga ya uska svatantra vyavsay hoga ityadi ki sahi jankari bhi apko apni kundli ke dvara prapt ho sakti hai.
itna hi nahin, jivan ke anya kshetron yatha naukri, vyavsay, naukri men padonnati, videsh yatra, arthik samriddhi, samriddhi ka samay, rog tatha unse nivaran ke upay ityadi se juri jankari bhi apko kundli ke adhyayan se prapt ho sakti hai. avashyakta hai to sirf ek yogya evan anubhvi jyotirvid se paramarsh lene ki.