लाल किताब के अनुसार विभिन्न भावों में मंगल के फल एवं उपाय

lal kitab ke anusar vibhinn bhavon men mangal ke fal evan upay  

Ank ke aur Lekh | Sambandhit Lekh | Views : 6388 |  
lagnasth mangal - yadi lagn men mangal ho to jatak parivar men akela nahin hota, chota ya bara bhai avashya hota hai, par koi bahan nahin hoti. 28 varsh ki ayu ke pashchat vah svayan ki kamai se dhanvan banta hai. vah sachchai ke raste par chalne vala, sahsi, imandar aur saumya svabhav ka hota hai. uski juban se nikla shabd kabhi khali nahin jata. jatak bahut bhagyashali hota hai. lagnasth ashubh mangal jatak ko har tarah se pareshan rakhta hai. use fakir ya sadhu ka sang hani pahunchata hai. vah dusron ki musibten apne gale lekar svayan barbad ho jata hai. uska dampatya jivan sukhamay nahin hota. mata-pita ke lie vah ashubh hota hai. uska patni se matbhed rahta hai. upay: aise men jatak ko guru ka upay karna chahie. sath hi shukra ki vastuon ko sthapit karna chahie tatha saunf ka prayog karna chahie. iske atirikt surya v chandra ki chijon se labh prapt karna chahie. dvitiyasth mangl- jatak parivar men sabse bara hota hai. vah sadaiv parivar ka mukhiya hota hai. paropkar se uski dhandaulat barhti hai. vah svayan ki kamai se amir hota hai. uska jivan sukh se bitta hai. santan achchi hoti hai. use sasural se labh milta hai. dhan ghatta barhta rahta hai. rahu sanbandhi karyon se labh milta hai. yadi surya v shani ke sath mangal dvitiya bhav men ho aur ashubh ho, to dusron ki chati par sanp ke saman hota hai. uski mrityu larai-jhagre men hoti hai. dusron ka upkar n karne par dhan ki hani hoti hai. upay û 200 gram revri jal men pravahit karni chahie. û hiran palna chahie tatha bhaiyon ki madad karni chahie. tritiyasth mangal - jatak ke parivar men bhai bahan jarur hote hain. vah dusron par jan nyochavar karne ko tatpar rahta hai. parivar v mitron ka palan poshan karne vala hota hai. vah nyayapriya hota hai aur dusron par anyay sahan nahin karta. mangal ashubh ho, to vyakti bure svabhav ka v chalak hota hai. vah bhogi, aiyash v nirdhan hota hai. rog v karj se uska jivan badhal rahta hai. uski santan bhi nek nahin hoti. upay û ghar men hathi dant ki chijon ko sthapit karna chahie. û tau ki seva karni chahie. chaturthasth mangl- chaturthasth mangal kabhi ashubh nahin hota arthat mangal dosh nahin hota. yadi koi papagrah rahu, ketu ya shani ke sath ho to bhi jatak ka kuch ashubh nahin hota. upay û chandra ka upay karne chahie. û fitkri se dant saf karne chahie. û dudh men shakkar dalakar baragad par charhana chahie. û gili mitti ka tilak lagana chahie. û mitti ke baratan men 400 gram shahad bhar kar shmashan men dabana chahie. û chandi ka chaikor tukra apne pas rakhna chahie. û chiriyane ko mitha chuga dalna chahie. û hathi dant apne pas rakhna chahie. û tin ghatuon sone, chandi v tanbe ki anguthi dharan karni chahie. panchamasth mangl- jatak ko sabhi grah kam fal dete hain. keval chandra v shukra sada shubh fal dete hain. shesh grah -shatru ya mitra- niyamanusar prabhav dalte hain. aisa jatak chandra v shukra se sanbandhit jis kam men hath dalta hai, uska prabhav panch guna barh jata hai. vah vidvan daktar ya vaidya banta hai. mata-pita ki seva se unnati hoti hai. santan nek hoti hai. vah nyayapriya, samajsevi v dhanvan hokar man-samman tatha yash prapt karta hai. ashubh mangal ag v chori ka khatra utpann karta hai. sath hi bhai-bandhu, mata-pita, santan men se kisi ki mrityu ka karak hota hai. jatak apne ghar se dur beshara rahta hai. upay û rat ko sirhane men palang ke niche pani ka lota bhar kar rakhna chahie. û shraddh par dudh aur chaval ka dan karna chahie. û kanyaon ko dudh pilana chahie. û chaval v chandi ka dan karna chahie. û bahnoi ki seva karni chahie. shashthasth mangl- jatak bhagyashali n bhi ho, par karmavir avashya hota hai. usmen sahas kut-kut kar bhara hota hai. vah pani men ag laga dene vala hota hai. vah apne parivar ka rakshak v mukhiya hota hai. vah sadhu-sannyasi ki tarah jivan vyatit karne vala shreshth purush hota hai. uske parivar men dhandhanya ki kami nahin hoti. mangal ashubh ho, to ketu, budh, shukra v chandra rishtedari ke lie hanikarak hote hain. aisa mangal mata ke lie ghatak siddh hota hai. jatak ka parivar sukhi nahin rahta. upay û bachchon ke janmadin par mithai ki jagah namkin bantna chahie. jatak ke bhai shagun ke nam par kuch n kuch avashya den. û grihasthi ke lie shani ka upay karna chahie. û santan ke lie chandra v budh ka upay karna chahie. saptamasth mangl- jatak atyant paropkari tatha maryada ka rakshak hota hai. vah yash kamata hai. ganit vidya men parangat hota hai aur vakil ya si.e. ban kar nam kamata hai. uski kisi bhi ichcha ki purti ek bar avashya hoti hai. ashubh mangal jatak ki patni, bahan, bua, beti, bhatiji ya poti ko vidhva bana deta hai. aise jatak ko ghar men sukhi lakri, bans, ghas adi rakhne se ashubh fal milte hain. sharab, mans, dholak v table ki gunj se bhi ashubh fal milte hain. upay û bahan aur bua ko lal vastra dene chahie. û shani ke upay hetu makan ki divar banani chahie. û chandi ki thos goli apne pas rakhni chahie. û tanbe ke baratan ko chaval se bhar kar us par lal chandan ka lep laga kar hanuman mandir men dan karna chahie. ashtamasth mangl- jatak kathin shram karne vala v juban ka pakka hota hai. vah apni bat par atal rahta hai. uska svasthya achcha rahta hai. kintu kisi vidhva ka shrap jatak ko tabah kar deta hai. uske chote bhai ki dasha kharab rahti hai. ashtam bhavasth mangal yadi akela v ashubh ho, to fansi ka fanda sabit hota hai. upay û kale kutte ko 43 din tak 8 mithi rotiyan, jo tandur men ek taraf siki hon, deni chahie. û gale men chandi dharan karni chahie. û tin ghatuon ki anguthi pahnni chahie. û revri, batase, masur ki dal, ajvain adi jal men bahane chahie. û dadi se chandi lekar apne gale men dharan karni chahie. navamasth mangl- jatak nyayapriya v vyavharik hota hai. bhabhi uske bhagya ka nirman karti hai. surya use sadaiv shubh fal pradan karta hai. ayu ke 28ven varsh pashchat uski sthiti raja ke saman ho jati hai. vah bhagya ka dhani v prabhavshali hota hai. mangal ashubh ho, to jatak nastik v bura hota hai. use mata-pita se koi madad nahin milti. upay û lal rumal pas rakhna chahie. bhabhi ko prasann rakhna chahie. û manglvar ko hanuman mandir men sindur charha kar bhog lagana chahie. û sone men munga dharan karna chahie. û budh ki chijen kuen men dalni chahie. û mangal ki shubh chijen jamin men dabani chahie. û mangal ki chijen mandir men dan deni chahie. dashamasth mangl- jatak ka janm hote hi lakshmi ka agaman shuru ho jata hai tatha vah yuvavastha tak bahut amir vyakti ho jata hai. shani ke uttam prabhav se jatak sher jaisa nidar hota hai. ghar ka sona bechne par uska santan v parivar par ashubh prabhav parta hai. upay: hanuman ji ki puja karni chahie. mitha bhojan karna chahie aur hiran palna chahie. sath hi chacha v tau ki seva karni chahie. ekadashasth mangl- jatak nyayapriya, sahsi v dhairyavan hota hai. uska janm madhyam vargiya parivar men hota hai. vyapar men vishesh saflta prapt hoti hai. 25 varsh ki ayu ke bad vah atul dhan sanpatti ka svami hota hai. vah vilasitapurn jivan vyatit karta hai. uske parivar men sukh shanti bani rahti hai. vah injiniyar, khilari ya ganitagya hota hai. aisa vyakti anuchit marg par chalakar bhi yash prapt karta hai. vah kartavyaprayan, juban ka pakka, drirhnishchayi tatha atmavishvasi hota hai. usmen vakptuta evan anayas hi dusron ko chamatkrit karne ki kshamata hoti hai. mangal ashubh ho, to jatak ko rini bana deta hai. vah paitrik dhan ko barbad kar deta hai. upay û kala-safed kutta palna chahie. û hanuman ji par sindur charhana chahie. dvadashasth mangl- jatak bhagyashali hota hai. aisi kundli ke ashtam lagn men baitha budh, ketu ya rahu bhi apna ashubh fal nahin de sakta hai. jatak har prakar se nirbhik v shaktishali hota hai. uske shatru karagar men apna jivan gujarte hain ya akal mrityu ko prapt hote hain. jatak adhyatmik pravritti ka sajjan purush hota hai. uska parivar hamesha dhan se bhara rahta hai. mangal talvar ki dhar ke saman hota hai jara chuk hone par gardan kat kar rakh deta hai. jatak krodhi, svatantratapremi v shatrujit hota hai. upay û mata se chaval aur chandi lekar apne pas rakhne chahie. û kisi ko mitha khana khilana dhan v ayu ke lie shubh siddh hoga. û pani men gur dalakar surya ko aghrya dena chahie. û kutton ko mithi roti khilani chahie. û dudh men shahad mila kar dusron ko dan dena chahie. û atithiyon ko pani ki jagah dudh pilana chahie. û khaki rang ki topi pahnni chahie, choti rakhni chahie.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2006

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.