prayah kaha jata hai ki striyon ko hanuman ji ki puja nahin karni chahie kyonki hanuman ji ne janki ji ko mata mana hai. kintu yah manyata tarkasangat nahin hai, n hi shastron men iska koi nishedh hai. yadi striyon ko hanuman upasna nahin karni chahie to purushon ko bhi lakshmi ki puja nahin karni chahie. kintu aisi koi varjana nahin hai aur purush lakshmi ki puja karte hain. fir striyon ko hanuman upasna se kyon roka jae, vah bhi tab jab shastron men is tarah ki koi varjana nahin hai jaisa ki upar kaha gaya hai.
atah striyan bhi purushon ki tarah hanuman ji ki puja upasna kar sakti hain tatha mandir jakar prasad bhi charha sakti hain. keval lanbe anushthan karne men prakritik badha ati hai. unke rajasvala hone se anushthan khandit ho jata hai.
dusre parivarik uttaradayitva bhi unke lanbe anushthan men vighn dalte hain.
atah ve hanuman chalisa ke pratidin 5 ya 10 path kar 20 ya 10 din men 100 path ka anushthan kar sakti hain (jo satbar path kar koi. chuthi bandi mahasukh hoi..) athva apne kashta/sankat sanbandhi ‘hanuman chalisa’ ki chaipai ke 100 mala jap kar yathochit labh utha sakti hain. iski har chaipai aur doha siddh hai. udahrnarth, sankat nivaran ke lie ‘sankat kate mite sab pira. jo sumire hanumat balbira..
’’ ya ‘‘sankat se hanuman churave. man kram vachan dhyan jo lave..’’ bhut-pret badha ya bure svapn se nivritti ke lie ‘‘bhut pishach nikat nahin ave. mahavir jab nam sunave..’’ ka jap ramban hai. isi prakar rog nivaran ke lie. ‘nase rog hare sab pira. japat nirantar hanumat bira..’’ ke nishthapurvak jap ko amogh mana gaya hai. aise jap purush bhi kar sakte hain.