ग्रहण: कुछ महत्वपूर्ण तथ्य

grahn: kuch mahatvapurn tathya  

Ank ke aur Lekh | Sambandhit Lekh | Views : 5516 |  
jyotish men grahnon ka bahut mahatva hai kyonki unka sidha prabhav manav jivan par dekha jata hai. chandrama ke prithvi ke sabse najdik hone ke karan uske gurutvakarshan ka sabse adhik prabhav padta hai. isi karan purnima ke din samudra men sabse adhik jvar ate hain aur grahan ke din unka prabhav aur adhik ho jata hai. bhukanp bhi gurutvakarshan ke ghatne aur badhne ke karan hi ate hain. yahi bhukanp yadi samudra ke tal men ate hai, to sunami men badal jate hain. bhukanp, tufan, sunami adi men vaise to surya, budh, shukra aur mangal ka prabhav dekha gaya hai lekin chandrama ka prabhav vishesh hai evan grahan ka prabhav aur bhi vishesh hai. grahan adhikashantah kisi n kisi ane vali vipda ko darshate hain. grahan ek khagoliya ghatna hai jo khagoliya pindon ki vishesh avastha v sthiti ke karan ghatti hai. ve khagoliya pind prithvi, surya v chandrama jaise grah, upagrah ho sakte hain. is dauran in pindon dvara utpann prakash in pindon ke karan hi avruddh ho jata hai. inmen mukhya rup se prithvi ke sath hone vale grahnon men nimnalikhit ullekhniya hain. chandragrahan is grahan men chandrama aur surya ke bich prithvi a jati hai. aisi sthiti men chand prithvi ki chaya se hokar gujrta hai. aisa sirf purnima ke din sanbhav hota hai. suryagrahan is grahan men chand, surya aur prithvi ek hi sidh men hote hain aur chand prithvi aur surya ke bich hone ki vajah se chand ki chaya prithvi par padti hai. aisa aksar amavasya ke din hota hai. purn grahan purn grahan tab hota hai jab khagoliya pind jaise prithvi par prakash puri tarah avruddh ho jaye. anshik grahan anshik grahan ki sthiti men prakash ka srot puri tarah avruddh nahin hota. mahatvapurn tathya 1- kisi suryagrahan ke viprit, jo ki prithvi ke ek apekshakrit chote bhag se hi dikh pata hai, chandragrahan ko prithvi ke ratri paksh ke kisi bhi bhag se dekha ja sakta hai. jahan chandrama ki chaya ki laghuta ke karan suryagrahan kisi bhi sthan se keval kuch minton tak hi dikhta hai, vahin chandragrahan ki avdhi kuch ghanton ki hoti hai. iske atirikt chandragrahan ko suryagrahan ke viprit ankhon ke lie bina kisi vishesh suraksha ke dekha ja sakta hai, kyonki chandragrahan ki ujjvalta purn chandra se bhi kam hoti hai. 2- 22 julai 2009 ka suryagrahan 21vin sadi ka sabse lanba purn suryagrahan tha, jo ki kuch sthanon par 6 minat 39 sekand tak raha. iske karan chin, nepal v bharat men paryatn-ruchi bhi badhi. yah grahan saur-chakra 136 ka ek bhag hai, jaise ki kirtiman-sthapak 11 julai 1991 ka suryagrahan tha. is shrinkhla men agli ghatna 2 agast 2027 men hogi.iski anokhi lanbi avdhi islie hai, ki chandrama upbhu bindu par hai, jisse chandrama ka abhasi vyas surya se 8 pratishat bada hai (pariman 1.080) tatha prithvi apsaurika ke nikat hai jahan par surya thoda sa chota dikhai deta hai. 3- chandra grahan keval purnima vale din lagte hain. 4- surya grahan keval amavasya vale din lagte hain. 5- surya grahan chandra grahan se hamesha do saptah purva ya bad men lagta hai. 6- chandra grahan ki sarvadhik avdhi 3 ghanta 40 minat tak ki ho sakti hai. 7- surya grahan ki sarvadhik avdhi 7 minat 40 saikend ho sakti hai. 8- chandra grahan ek varsh men 3 bar lag sakta hai. 9- surya grahan ek varsh men kam se kam do bar v adhikatam 5 bar lag sakta hai. 10- surya grahan 269 ki.mi. lambi aur 167 mil chaidi patti par drishtigochar hota hai. 11- purn surya grahan 1.5 varsh men keval ek bar lagta hai. 12- ek hi prakar ke grahan 18 varsh 11 din bad punravritt hote hain. ise saros cycle kahte hain. 13- prithvi ki ek specific geographic position par 360 varshon tak surya grahan ki punravritti nahin ho sakti. 14- anshik surya grahan dharti ki jis jagah par lagta hai vahan se 3000 mil ki duri se bhi drishtigochar hota hai. 15- pashu aur pakshi surya grahan ke samay ya to sone ki taiyari ya ajib prakar se vyavhar karte hue dekhe ja sakte hain. 16- purn surya grahan tab tak drishtigochar nahin hota jab tak chand iske lagabhag 50 pratishat bhag ko nahin dhank leta aur jab yah 99 pratishat bhag ko dhank leta hai to suryast jaisi sthiti ho jati hai. 17- chandragrahan pure hemisphere men dikhai deta hai. surya tatha chandra grahan kal ke shubhashubh kritya: chandra grahan jis prahar men ho usse purva ke tin prahron men tatha surya grahan se pahle char pahron men bhojan nahin karna chahie. keval vriddh jan, balak aur rogi is nishedh kal men bhojan kar sakte hain, unke lie bhojan ka nishedh nahin hai. grahan kal men apne aradhya dev ke japadi karne se anantguna fal ki prapti hoti hai. grahan kal ki samapti ke pashchat ganga adi pavitra nadiyon men snan karne se akshay punya ki prapti hoti hai. shastron ke anusar grahan ke samay diya hua dan, jap, tirth, snanadi ka fal anek guna hota hai. lekin yadi ravivar ko surya grahan evan chandravar ko chandragrahan ho, to fal koti guna hota hai. adhyatmik sadhna ke kshetra men yantra-mantra siddhi sadhna ke lie grahan kal ka apna vishesh mahatva hai. chandragrahan ki apeksha surya grahan ka samay mantra siddhi, sadhnadi ke lie adhik siddhidayak mana jata hai. jyotish men isse bhi adhik sukshmata se rishi muniyon ne grahnon ke prabhav ka adhyayan bhukanp hi nahin balki manushya ke upar bhi kiya hai jaise: a. agni rashi men grahan raja ke lie anishtakar evan yuddh v agjni ka karak hota hai. prithvi rashi men krishi ke kshetra men apda evan bhukanp deta hai. vayu rashi men andhi v tufan aur jal rashi men badh evan pani se kasht tatha bhari sankhya men narsanhar darshata hai. b. jis ansh par grahan lagta hai yadi usi ansh ke as-pas janmang men koi grah ho to us par grahan ka bura asar padta hai. yah grah jis bhav ka karak hoga uska fal prabhavit hoga. c. yadi bhav ke ansh par grahan lagta hai to bhi us bhav ke fal prabhavit hote hain. grahan ka asar kai guna adhik ho jata hai jab anya grah sabhi rashiyon men bante n hokar aspas ki rashiyon men hi sthit rahte hain.
Kya aapko lekh pasand aaya? Subscribe

Kya aapko lekh pasand aaya? Subscribe


sanktmochak hanuman visheshank  August 2013

fyuchar samachar patrika ke sanktmochak hanuman visheshank men ram bhakt hanuman ke prakatya ki katha, updesh, pujan vidhi, aishvaryadayi sadhna ke vibhinn sutra, unke vibhinn svarup, vibhinn rupon ki puja se duahkh nivaran, pramukh tirth sthalon ka parichay, puja sadhna ke prabhav, chakra adi gyanavardhak alekh sammilit kie gae hain. iske atirikt uttarakhand ki trasdi, krishn janmashtami vrat, shravan men kyon barh jata hai shiv puja ka mahatva, ank jyotish ke rahasya, satyaktha, purushottam shri krishn ki amritvani, trik bhavon men grahon ka fal evan upay, bhukhand vastu v sammohan upchar tatha dharmik kriya kalap ka vaigyanik mahatva aur urja kshetra badhane ke sadhan v vivadit vastu ityadi rochak alekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.