लग्न अनुकूल स्वास्थ्यवर्धक भोजन

lagn anukul svasthyavardhak bhojn  

Ank ke aur Lekh | Sambandhit Lekh | Views : 514 |  
angreji ki ek prasiddh kahavat hai jiske anusar ek manushya ka bhojan dusre ke lie jahar hota hai. is ka nirupan jyotish shastra bhali prakar karta hai. barah rashiyon ki prakriti aur kshamata bhinn hai, atah har vyakti ko nirog rahne ke lie apne janm lagna ke anukul bhojan ko prathmikta deni chahie. mesh lagna: prabhutvakankshi rashi hone ke karan is rashi ke jatkon ki dinacharya vyast aur uttejnapurn hoti hai, jiske lie unhen adhik sharirik urja ki avashyakta hoti hai. atah unhen mastishk aur manspeshiyon ko shakti pradan karne vali vitamin aur khanij tatvon se bharpur khadya padarth jaise palak, gazar, lauki, kakri, muli, fal, dudh, dahi, panir, machli adi adhik khane chahie. ratri men garishth aur uttejak padartha nahin khane chahie, taki achchi nind ae aur mastishk aur sharir ko pura aram mil sake. vrish lagna: vrish lagn ke jatk svadisht bhojan ke shaukin hote hain. yahi karan hai ki unhen gale, hriday aur malvisarjan sanbandhi rog adhik hote hain. atah unhen mithai, kek, pestri, makkhan aur adhik chiknai vale padartha kam khane chahie. svasth rahne ke lie unhen fal, sabjiyan, salad, nibupani adi adhik matra men lene chahie tatha niyamit vyayam dvara apna vajn santulit rakhna chahie. mithun lagna: yah lagna mansik tatha snayu pradhan hai aur ismen janme jatk kshamata se adhik parishram aur chinta karte hanai, jiska prabhav unki pachan kriya par parta hai. atah in jatkon ko mastishk aur snayu tantra ko shakti pradan karne vala halka aur supachya bhojn karna chahie. vitamin-bi pradhan padarth, dudh, fal, hari sabjiyan adi adhik lene chahie. ratri ka bhojan halka hona chahie taki achchi nind ae aur snayu tantra svasth rahe. unhen subah shuddh vayu men avashya tahlna chahie. kark lagna: jaliya tatva rashi hone ke karan is rashi ke jatkon par mausam aur bahri sankraman ka prabhav shighra parta hai. unki chati aur pachn pranali nirbal hoti hai. atah unhen aisa bhojan lena chahie jisse pet men gais n bane. unke lie mans aur madira hanikarak hai. dudh, dahi, fal, sabji, nibu, meve aur machli svasthyavardhak hote hain. in jatkon ko sone se pahle aur jagne par, gunguna pani pina chahie aur adhik aushdhi sevan se bachna chahie. sinh lagna: yah agni tatva vali balvan rashi hai. is lagn men janme jatak kam bimar hote hain. inhen hone vale rog tivra hote hain. parantu thore samay men thik bhi ho jate hain. yah karmashil rashi hai, jisse jatak adhik urja ka vyay karte hain. atah unhen supachya, urjadayak aur rakt men lalakan barhane vala bhojan karna chahie. adhik chiknai vali vastuen unke hriday ke lie hanikarak hoti hain. atah shakahari bhojan, fal, meve adi svasthya ke anukul hote hain. in jatkon ko uttejna se bachna chahie. kanya lagna: is lagn men janme jatak apne svasthya ke prati jagruk hote hain, parantu inki pachan pranali nirbal hoti hai. atah inhen har bar thora aur supachya bhojan karna chahie. bhojan men dudh, fal, sabjiyan v supachya padarth adhik matra men hone chahie. mans-madira sevan se bachna chahie. in jatkon ko chinta mukta rahte hue davaon ke adhik sevan se bachna chahie. subah svachch hava men avashya ghumna chahie. tula lagna: is lagn ke jatkon ka sharir dekhne men sundar hota hai parantu kidni, yutras, painkriyaj, gurde, garbhashy agnyashay, pith ka nichla bhag, mutra-visarjan pranali adi nirbala hote hain. unhen adhik mithai aur chiknai vale padarthon se parhej karna chahie. bhojan men fal, dudh aur sabjiyon ko prathmikta deni chahie. madira ka sevan gurdon par bura prabhav dalta hai. vrishchik lagna: vrishchik lagn ke jatkon ka sharir to majbut hota hai parantu mal-visarjan tantra nirbal hota hai. jal-tatva rashi hone ke karan ve bar-bar rog grast hote hain. motapa barhane vali aur nashe ki vastuen inke lie hanikarak hoti hain. inhen halka khana, dudh, fal, sabji, aur rakt barhane vali vastuon jaise anjir, pyaj, lahsun adi ka sevan karna chahie. pani adhik pina chahie. mans aur madira jitna kam len utna hi svasthya achcha rahega. in jatkon ko madk padarthon ki adat parne ki sanbhavna rahti hai. dhanu lagna: agni tatva pradhan rashi hone ke karan is rashi ke jatk sudrirh sharir ke svami hote hain. kintu inke kulhe aur janghaen nirbal hone sa saitika aur gathiya jaisi bimari hone ki purn sanbhavna hoti hai. atah unhen rakt aur snayu shakti vardhaka santulit ahar lena chahie. adhik samay tak ek jagah baithne se bachna chahie. rat ka khana jald khakr sone se pahle ghumna inke lie labhdayak rahta hai. makar lagna: is lagn men janme jatk kartavyaprayan hone ke karan adhik shram karte hain. inhen ghutne sanbandhi rog ki sanbhavna hoti hai. in jatkon ko supachya bhojan jaise palak, fal, khira, hari sabjiyan adi lene chahie. ye jatak shighra dukhi aur nirutsahit ho jate hain. atah prasannata ka vatavrn tatha halka vyayam inke lie svasthyavardhak hota hai. kunbh lagna: vayu tatva pradhan lagna hone ke karan ismen janme jatk buddhijivi hote hain tatha mansik urja adhik vyay karte hain. atah inhen mastishka aur snayu ko shaktidayak tatha rakta pravah ko barhane vale supachya padartha jaise dudh, dahi, panir, salad, muli, gajar v fal adhik khane chahie. subah khuli hava men tahlna aur chintamukt dinacharya inke lie svasthyavardhak hoti hai. min lagna: yah jal tatva pradhan rashi hai. is lagn men janme jatkon ki rog-nirodhak kshamata kam hoti hai tatha sharir nirbal hota hai. mausam ka prabhav inke sharir par shighra hota hai. inhen bhojan ke prati sajag rahna chahie. adhik khatte, mithe v chiknai vale padarth kam khane chahie. madak padartha to bilkul nahin lena chahie. inhen dudh, salad, fal aur sabjiyon ka sevan adhik karna chahie aur bahut garm v thande mausam se apna bachav karna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe

Apne vichar vyakt karein

blog comments powered by Disqus
.