भगवत्प्राप्ति का सरलतम सूत्र: शरणागति

bhagavatprapti ka saralatam sutra: sharnagti  

Ank ke aur Lekh | Sambandhit Lekh | Views : 690 |  
adhyatmik jivan men jab ham pravesh karte hain tab yah nishchay hi pratit hota hai ki bhagvan ki prapti ke lie ek matra sharnagti ka marg saral evan sarvashreshth hai. shrimad bhagavadgita men bhagvan arjun ko samast sadhna ka updesh karne ke anantar ant men sharnagti ki hi agya karte hain. sarvadharmanparityajya mamekan sharnan vraj. ahan tva sarvapapebhyo mokshashishyami ma shuchah.. sabhi dharmon ka ashray chorakar tu kevl meri sharan men a ja. main tujhe sabhi papon se mukt kar dunga, chinta mat kar. tatparya yah ki bhakt ke lie bhagvan ki sharnagti ka jitna mahatva hai utna dharmon ka nahin hai. sabhi dharmon ka tyag arthat samast karm falon ka tyag vahi kar sakta hai jo bhagvan ke sharnapann ho jae. shrimad bhagavadgita men ek rahasyapurna shlok hai tamev sharnan gachch sarvabhaven bharat. tatprasadatparan shanti sthanan prapsyasi shashvatam.. he bhartvansodbhav arjun! tu sarvabhav se us ishvar ki sharan men chala ja. uski kripa se tu param shanti (sansar se sarvatha uprti) aur paramapad ko prapt ho jaega. kitni mahatvapurn aur adbhut bat bhagvan kah rahe hain- sharnagti se avinashi paramapad ki prapti. jiv ishvar ka ansh hai- ‘ishvar ansh jiv avinasi.’ islie bhagvan ishvar ki hi sharan men jane ki agya de rahe hain. ishvar ki sharnagti se ahankar nashta ho jata hai. ahankar nasht ho jane se ek matra bhagvan par hi bharosa ho jata hai. vidvanon (gyaniyon) ki sharnagti hai bhagvan ke sath apne ko abhinna dekhna, bhagvan ki vastu unhin ko saunp dena tatha sare sansar ko apne se bhinn marumrichika ke saman asat dekhna. jab tak jiv ishvar ke sharnagat nahin hota tab tak vah prakriti ke vash men rahta hai. jaise hi vah ishvar sharnagti ko prapt hota hai, prakriti bhi purnataya uske anukul ho jati hai. sharnagat ko to bas ek hi abhiman rah jata hai ki main bhagvan ka hun aur bhagvan mere hanai. tvamev mata ch pita tvamev/ tvamev bandhushch sakha tvamev. tvamev vidya dravinan tvamev/ tvamev sarvan mam dev dev.. jab yah bhavna paripusht ho jati hai tabhi samast partantrata ho jati hai. dhan, putra, rajya, pad, pratishtha, yogyata samajik bal, astra shastradi sabhi simit hain, parantu bhagvdashray ke samaksha kisi ashraya ya bal ki avashyakta nahin rah jati. shri durgasaptashati men ek chamatkarik mantra hai: sharnagat dinatrt paritran parayne. sarvasyatrtihre devi narayni namo'stute.. sharan men ae hue dinon evan piriton ki raksha men sanlagn rahne vali sabki pira dur karne vali narayni devi! tumhen namaskar hai. sharnagat bhakt ke dvara is mantra ke jap se bhagvti jagdanba ka parmashray prapt ho jata hai. ramarakshastotra men adbhut mantra hai. mata ramo matpita ramchandra: svami ramo matsakha ramchandrah. sarvasva me ramchandro dayalu- rnanyan jane naiv jane n jane.. ram meri mata hain, ram mere pita hain, ram svami hain aur ram hi mere sakha hanai. dayamay ramchandra hi mere sarvasva hain. unke siva aur kisi ko bhi main nahin janta-bilkul nahin janta.. jab yah avastha prapt hoti hai tabhi sachchi sharnagti prapt hoti hai. jahan isht sarvasva hua, ham sharnagat hue. shri gosvami tulsidas ji ke bhayankr pira upasthit hone par shri hanumt sharnagti men jane ke prasang ka hanumanvahak men ek pad hai. sitapti saheb sahay hanuman nit hit updesh ko mahes mano gurukai. manas vachan kay saran tihare pany, tumhare bharose sur main n jane sur ke.. vyadhi bhutjnit upadhi kachu khal ki, samadhi kijai tulsi ko jani jan furkai. kapinath raghunath bholanath bhutnath rogsindhu kyon n dariyat gay khurkai.. he hanumanji! svami sitanath ji apke nitya hi sahayak hanai. aur hitopdesh ke lie mahesh mano guru hi hain. mere lie to tan-man-vachan se apke charnon ki hi sharan hai. apke bharose mainne devtaane ko devta nahin mana. rog v pret dvara utpann athva kisi dusht ke upadrav se hui pira ko dur karke tulsi ko apna sachcha sevak janakar iski shanti kijie. he kapinath, raghunath, bholanath aur bhutnath! rog rupi mahasagar ko gay ke khur ke saman kyon nahin kar dalte? gosvamiji ki sharnagti vastav men hi stavaniya hai. sharnagti men ananya sharnagti ka bara mahatva hai. gosvamiji sabhi devi devtaon se prarthana karte hue apne isht ki hi kripa ka vardan mangte hain. shrigneshji se vandna karte hue ‘‘managat tulsidas kar jore. vahi ram siya manas more.. apne prabhu sitaramji ko apne man men basne ki hi prarthana kar rahe hain. jab bhakt sharnagat ho jata hai, to use apna kalyan svayan nahin karna parta. karan yah hai ki vah apne bal, buddhi adi ka kinchinmatra bhi ashray n rakhakar keval bhagvan ka hi ashray prapt kar leta hai. tab nishchit rup se bhagavatkripa hi kalyan kar deti hai. param pujyapad shri uriya baba ji maharaj ke pas ek vyakti darshanartha gaya aur kaha ki baba ham bare dukhi hanai. baba bole, beta ham bare sukhi hanai. us vyakti ne kaha ki baba hamen apke sukh se kya matalab. baba bole beta tere dukh se hi hamen kya matalab hai. sahaj vartalap ke kram men us vyakti ne kaha baba apne bachchon ki si bat kar di. to baba bole beta tu baron ki si kar le. tab us vyakti ne anayas kaha baba main to apki sharan men aya tha. tab baba bole beta hamari sharn kaun ata hai. sara sansar dhan, putra, stri, pad, pratishtha ke lie bhatak raha hai. are beta jis kshan tu sharnagt hoga usi kshan tu dukh se mukt ho jaega. darshanarthi achanbhit rah gaya. vastav men sharnagat hote hi dukh mit jata hai. draupdi jis kshan tak apne bal athva anyon ke ashrit rahi, bhagvan nahin ae. jaise hi vah sharnagat hui, bhagvan ne vastravtar lekar uski man maryada ki raksha kar di. sharnagat bhakt ko to bhajan bhi nahin karna parta. uska bhajan to svatah svabhavik hota hai. vah to har chij men ishvar ka hi vidhan dekhta hai. ishvar ki ichcha hi uski ichcha ho jati hai. ishvar ki har marji men vah apni marji mila deta hai. shrimadbhagavat men sharnagti rahasya men ek vishisht tathya yah ata hai ki jo premi bhakt bhagvan ke charnon ka ananya bhav se bhajan karta hai, uske dvara yadi akasmat koi pap karm ho bhi jae to uske hriday men virajman param purush bhagvan shri hari use sarvatha nasht kar dete hain. yadi ham kinchit bhi bhaktimarg ke pathik hain to sharnagti ke lie prayatn se, kripa se jaise bhi ho satsang se, kisi bhi sadhan se udhar jaenge to prabhu ki pratyaksh kripa ka abhas hoga. bhagvan gita men sharnagti ki atyant durlabh sthiti ke vishay men kah rahe hain: bahunan janmanamante gyanvanman prapadyate. vasudevah sarvamiti s mahatma sudurlabhah.. bahut janmon ke antim janm men arthat manushya janm men sab kuch parmatma hi hain. is prakar jo gyanvan mere sharn hota hai vah mahatma atyant durlabh hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  July 2006

parivarik kalah : karan evan nivaran arakshan par prabhavi hai shani sone-chandi men teji la rahe hai guru aur shukra kalah kyon hoti hai

Subscribe

Apne vichar vyakt karein

blog comments powered by Disqus
.