भगवत्कृपा तथा भक्ति रहस्य

bhagavatkripa tatha bhakti rahasya  

Ank ke aur Lekh | Sambandhit Lekh | Views : 716 |  
ahankar ko katne ki shakti bhakti men hai. jo bhakti parayn hoga use nirankari hona hi parega. kahin hamare andar yah sukshm ahan n a jae ki ham to bare bhakt hain. isi ahan se bhakt ka patan ho jata hai. yah samjhna bhi parmavashyak hai ki kya ham vastav men bhakt ki koti men hain? bhakt apna man, buddhi, hriday, sharir, dhan, parivar sab kuch bhagvan ke charnon men arpit kar deta hai. so ananya jake asi mati n tarai hanumant. mai sevak sachrachar rup svami bhagvant.. aise ananya bhakt ka jivan prabhumy hota hai. usmen prabhu paraynta a jati hai. uske samast karya prabhu ke karya hote hain. shri ramkrishnadev parmhans kaha karte the- ‘dubo dubo re man rup sagre.’ bas anandadhan men gota lagana hi bhakt ka kartavya hai. parantu yah purusharth ka kam nahin hai. yah to bhagavatkripa se hi ho sakta hai. ramayan men shri gosvami tulsidasji kahte hain- yah gun sadhan te nahi hoi. tumhari kripa pav koi koi.. sabse bari bat yah hai ki bhagavatkripa sabhi jivon par saman rup se bars rahi hai. kintu man ki malinta se hamen malum nahin hoti. mirabai param bhakta thin. jahar ka pyala pi gain parantu unka kuch nahin bigra. sanp ka pitara jab unhen marne ke lie bheja gaya tab sanp men bhi unhen bhagvan ki jhalak dikh gai. unka kuch nahin bigra. bhaktaraj prahlad par matt gajraj chore gae. bare-bare vishdhari sarpon se use dasvane ka prayatn kiya gaya. parvaton se use giraya gaya. bare-bare upayon se use marne ki cheshta hui. parantu vah atal vishvasi bhakt n dara, n mara, n usne apni tek hi chori. hiranyakshipu ko kahna para- ‘yah balak hokar bhi mere samip kis nirbhayata ke sath baitha hai. malum hota hai, yah atyant samathryavan hai.’ prahlad men kya shakti thi, usmen aisa kaun sa alaukik bal tha ? usmen bhagavad bhakti ka charmotkarsh tha. uska hridy bhagavatprem se paripurn tha. uska atl vishvas tha ki sara sansar prabhumy hai. jagat ki pratyek vastu bhagvan ka rup hai. islie hiranyakshipu ne use marne ke lie jin-jin vastuon ka prayog kiya, ve sabhi use ishvar rup hi dikhai din. isi vyavastha men prahlad ki asim bhakti ke bal par bhagvan apni sarvavyapkta pratyaksh kara dene ke lie stambh ko chirakar adbhut rup men prakat hue. bhakt ka kam har samay bhagavad smriti rakhna hai. bhakt to apne isht men hi apne ko tanmay rakhta hai. bhakt ke lie to bhagvan ki smriti bhagvan se barhakar hai, kyonki bhagvan to kisi ka dukh dur nahin karte. yadi ve dukh dur karte to sansar men koi dukhi nahin hota. dukh to usi ka dur hota hai, jo dukhi hokar unka smarana karta hai. ataev bhagvan ki smriti hi dukh dur karti hai. shri chaitanya mahaprabhu ji ne bhakti ka lakshan is shlok men bataya hai. ananyamyta vishnormamata premschita. bhakti rityuchyate bhishma prahladoddhavanardaiah.. arthat bhagvan vishnu men jo premsangyaka ananya mamta hai, usi ko bhishm, prahlad, uddhav aur narad adi ne bhakti kaha hai. ramayan men bhagvan ram ne shabri se navdha bhakti ka varnan is prakar kiya hai. pratham bhagti santanh kar sanga. dusri rati mam katha prasanga.. guru pad pankaj seva tisri bhagti aman. chaithi bhagti mam gun gan kaei kapt taji gan.. mantra jap mam drirh vishvasa. pancham bhajan so ved prakasha. chath dam sil virti bahu karma. nirt nirantar sajjan dharma . satvan sam mohi may jag dekha. mote sant adhik kari lekha. athvan jatha labh santosha. sapnehun nahin dekhai pardosha.. nav mahun ekau jinh ken hoi. nari purush sachrachar koi.. arthat pahli bhakti hai santon ka satsang, dusri bhakti hai mere katha-prasang men prem, tisri bhakti hai abhiman rahit hokr guru ke charan kamlon ki seva aur chaithi bhakti hai kapat chorakar mere gun samuhon ka gan karna. panchvin bhakti hai mere (ram) mantra ka jap aur mujh men drirh vishvas jo ki vedon men prasiddh hai. chathi bhakti hai indriyon ka nigrahshil, bahut karyon se vairagya aur nirantar sant purushon ke dharm (achrn) men lage rahna. satvin bhakti hai jagat bhar ko sambhav se mujhmen ot pret dekhna aur santon ko mujhse (ram se) bhi adhik manna. athvin bhakti hai jo kuch mil jae usi men santosh karna aur svapn men bhi dusron ke doshon ko n dekhna. nauvin bhakti hai sab ke sath sarltapurvak aur kapat rahit bartav karna, hriday men mera bharosa rakhna aur kisi bhi avastha men harsh aur vishad se dur rahna. isilie in navon men se jismen ek bhi hoti hai, vah stri ya purush, jar ya chetan koi bhi ho, mujhe atyant priya hai. shant, dasya, sakhya, vatsalya aur madhurya- ye panch ras bhakti ke mane jate hain. vedanti bhakton ne shant, sakhya shri gosain ji maharaj ne dasya, pushtimargiya vaishnava acharyon ne vatsalya aur shri chaitanya mahaprabhu ne madhurya ko pradhan ras mana hai. param pujyapad shri uriya baba ji maharaj ne apne updeshon men kaha hai ki bhakti se achcha koi marg nahin hai. jinka hriday komal hai ve hi bhakti ke adhikari hain. kathor hriday vale ya tark karne vale purushon ke lie gyan marg hi upyogi ho sakta hai. bhagvan vanchakalpataru hain. bhakt jaisi ichcha karta hai bhagvan ko vaisa hi hona parta hai. ve premi bhakt ke to piche-piche firte hain. yah nishkam bhakti ki hi mahima hai. bhakti yog ke lie - shrimadbhagavadagita men bhagvan ne adbhut vani men arjun ko updesh diya hai. bhagvan ne anttah kah diya- ‘n ye bhakt pranashyati.’ mere bhakt ka nash nahin hota. atah isi drirh vishvas ke sath bhagvan mere hain, mai bhagvan ka hun. yahi bhakti ka charm fal hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  August 2006

bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

Subscribe

Apne vichar vyakt karein

blog comments powered by Disqus
.