चंद्र-मंगल योग कहीं वरदान कहीं अभिशाप

chandra-mangal yog kahin vardan kahin abhishap  

Ank ke aur Lekh | Sambandhit Lekh | Views : 499 |  
kisi vyakti ki janmakundli akash men grahon ki us samy ki sthiti ka vivechan hai jis samy usne janm liya. sabhi grah surya ke charon or parikrama karte hain kintu chandrama prithvi ka ek upagrah hone ke karn prithvi ka chakkar 27.324 dinon men pura karta hai aur ek rashi par ausatan 2. 273 din rahta hai. is prakar chandrama ko kisi rashi ka ek ansh par karne men do ghante se bhi kam ka samy lagta hai. tivragti evan prithvi se nikatatam hone ke karan chandrama ka manav jivan par prabhav bahut hi mahatvapurn hai. chandrama shvet rang, shitl prakriti, jal tatva, stri svabhav evan satoguni grah hai aur man ka kark hai. chandrama surya se jitni dur hoga utna hi prabhavi, balshali evan shubh hoga kintu iske viprit jitna nikt hoga utna hi kshin evan papi svabhav ka hoga. yahi karan hai ki purnima evan uske as-pas chandra purna balshali evan shubhatva prabhav ka hota hai jabki amavasya evan uske as-pas kshin aur papi svabhav ka hota hai. chandra kark rashi ka svami hai. yah vrishabh rashi men uchch ka tatha vrishchik men nich ka mana gaya hai. mangal rakt varn, ushn prakriti, agni tatva, purush svabhav evan tamoguni grah hai. ise rashi chakra pura karne men lagbhg 17 varsh 6 mah lagte hain. yah mesh evan vrishchik rashiyon ka svami hai. mesh rashi iski mul trikon rashi hai. makar rashi men yah uchch ka evan karka rashi men nich ka mana gaya hai. mangl bal, sahas aur samathrya ka pratik hai. balvan evan shubh sthiti men vah bal v samathrya ka upyog sakaratmaka (achchi) disha men karata hai kintu nirbala evan pap prabhav men hone par nich karyon evan naitik patan ki or le jata hai. mangal chandra ka mitra hai. chandra mangal ki yuti jal evan agni ka yog hai. jal aur agni ke milne par bhap banti hai. bhap ki shakti jahan relgari chala sakti hai vahin jalakar vinash lila bhi kar sakti hai. iska abhipray yah hai ki yadi chandra mangal ka yah yog shubh prabhav men ho to vardan aur ashubh (pap) prabhav men ho to abhishap ho sakta hai. chandrama man ka karak hai. islie mangal ka prabhav jatak ko krodhi svabhav ka banata hai. pap prabhav men dushit hone se man asthir evan anishchayatmak ho jata hai aur bure vicharon ki or rujhan hone par charitra patan ki or bhi le jakar kukarmon men lipt kara sakta hai. astu ashubh evan pap prabhav men chandra aur mangal ka yog jatak ko charitrahin banata hai. aisa jatak anaitik evan apvitra karyon se dhan arjit karta hai. chandrama man aur buddhi ka karak hai aur mangal bal evan samathrya ka. bal aur buddhi se hi vyakti dhan sampatti arjit karta hai. atah kisi vyakti ki vittiya sthiti sudrirh banane men chandra mangl-yog ka yogdan mahatvapurn hota hai. yadi yah yog shubh prabhav men hai to uchit madhyamon se sanpatti arjit hogi kintu yadi ashubh prabhav men hai to anuchit evan anaitik madhyamon se sanpatti arjan hoga. shubh prabhav men chandra-mangal yog jatk ko pratibhavan, buddhiman evan dhanvan banata hai. kundli san. 1 bharat ki ek bari bhutpurva riyasat ke maharaj ki hai jo lanbe samay tak sansad evan bhart sarkar men khyatiprapt mantri rahe. is kundli men chadra-mangal yog chaturth bhav men makar rashi men ban raha hai jahan mangl uchch ka hai. is yog par shubh guru ki pancham drishti hai. chandra mangal yog shubh sthan par evan shubh prabhav men hone se jatak ko janm se hi vaibhav, sanpannata evan sabhi sukh sadhan mile. vahin uttama buddhimatta aur sahas ke karan ve ek kushal prashasak aur lokapriya neta sabit hue. kundli san. 2 men chandra-mangal ka yog barhven bhag men shatru grah budh ki mithun rashi men ban raha hai. is yog men surya ki yuti, shani ki dasham evan rahu ki pancham drishti hai jo is yog ko pap prabhavi bana rahe hain. yah kundli ek aise vyakti ki hai jo mahilaon ke anaitik vyapar evan anya anuchit gatividhiyon men lipt hokar dushcharitra raha. ekadshesh (labhesh) ki dvitiya bhav men ketu ke sath upasthiti ke karan vah arthik rup se sanpann to hua kintu chandra aur mangal par pap prabhav ne use mansik santap bhi bahut die tatha use netra jyoti bhi khoni pari. mangal stri jatkon ke lie kamkark bhi hai. islie mangal aur chandra par pap prabhav vaivahik sanbandhon men bhi vyavdhan dalta hai. aisi sthiti men vivah nahin hona, vivah men apratyashit vilanb, pati ke sath asamanjasyata, vivah vichched, anya purushon se sanbandh jaisi sthitiyan bhi ban sakti hain. vishesh rup se yadi mangal inse sanbandhit bhav lagn, dvitiya, pancham, saptam, ashtam, navam aur dvadash men se kisi ka svami ho. kundli san. 3 ek aisi mahila ki kundli hai jo ajivan avivahit rahi. uske sanbandh apne sahakarmi se bhi bane kintu unki parinti vivah ke rup men nahin ho pai jisse vah manorogi bhi ho gai. is kundli men barhven bhav men uchch ke mangal ke sath chandra ka yog hai jis par shani ki tritiya drishti evan guru ki nich drishti hai. patikarak guru yadyapi uchch ka hai kintu vah shashth sthan men hai aur us par mangal ki saptam evan . 1 2 11 10 9 8 7 4 5 3 6 12 kundli san. 2 gu. shu. ke. chan. man. su. burarahu ki navam drishti hai. pati bhav (saptama) par mangal ki ashtam aur shani ki dasham drishti hai. chaturth bhav men svakshetri shukra evan shayya sukh sthan (dvadsh bhav) men uchch ke mangal ne use sahakarmi ke sath sukh to pradan kiya kintu algavvadi papi grahon ke prabhav ke karan usmen sthayitva nahin a saka aur vah anaitik evan amaryadit raha jisse use tiraskar aur apman jhelna para aur bhayankar mansik santap ka samna karna para. kundli san. 4 ek aisi mahila ki hai jiska vivah vichched shadi ke turant bad ho gaya. is kundli men chandra-mangl ka yog guru ki rashi dhanu men rahu ke sath ban raha hai. guru chandra evan mangl ka mitra grah hai jo ekadash bhav men uchch ka hai. chandra-mangal yog par papi grah shani ki tritiya aur ketu ki saptama drishti evan rahu ka sanyog hai. saptama (pati) bhav par mangal ki chaturth drishti tatha pati bhav (saptama) ke svami evan karak guru par mangal ki ashtam drishti aur shani ki dashvin drishti hone se pap prabhav hai. uchch ke guru ne shadi to kara di kintu pati bhav (saptama), saptamesh evan karak guru tatha chandra-mangal yog par papi grahon ke algavvadi prabhav ke karan vivah vichched ho gaya aur jatka ko mansik klesh aur pratarna bhi mili.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe

Apne vichar vyakt karein

blog comments powered by Disqus
.