छाया ग्रह होते हुए भी प्रभावी हैं राहु-केतु

chaya grah hote hue bhi prabhavi hain rahu-ketu  

Ank ke aur Lekh | Sambandhit Lekh | Views : 590 |  
saur mandal men sabhi grah surya ke charon or apne-apne andakar path par nirantar parikrama karte rahte hain. surya se barhti duri ke kram men grah hain- budh, shukra, prithvi, mangal, guru aur shani. chunki ham prithvi par nivas karte hain islie prithvi par grahon ke prabhavon ke akalan ke lie prithvi ke sthan par surya ko jyotish shastra men grah mana gaya hai. rahu-ketu ke sanbandh men puranon men katha ati hai ki daityon aur devtaon ke sanyukt prayas se hue sagar manthan se nikle amrit ke vitaran ke samay ek daitya apna svarup badalakar devtaon ki pankti men baith gaya aur usne amrit pan kar liya. uski yah chalaki jab surya aur chandra dev ko pata chali to ve bol uthe ki yah daitya hai aur tab bhagvan vishnu ne chakra se daitya ka mastak kat diya. amrit pan kar lene ke karan us daitya ke sharir ke donon khand jivit rahe aur upri bhag sir rahu tatha niche ka bhag dhar ketu ke nam se prasiddh hua. ye donon surya aur chandra se prabal shatruta rakhne ke karan unhen samy-samay par grahan ke rup men grasit karte rahte hain. rahu-ketu ka saur mandal men apna koi bhautik astitva aur svarup n hone se ye donon vastutah chaya grah hanai aur islie inki apni koi rashi nahin hai. daitya kul ke hone ke karan inka rang kala, svabhav krur, varn mlechcha evan pravritti tamoguni (papi) mani gai hai. rahu-ketu ki tulna sanp se bhi ki gai hai. rahu sanp ka munh hai aur ketu uski punch. yah sanp gahn andhkar aur dhuen ka bhi pratik hai. rahu-ketu sadaiv vakri gati se bhramn karte hain aur sadaiv ek dusre se 1800 par rahte hain. inka ek rashi ka bhraman lagabhag 18 mah ka tatha sanpurna rashi chakra ka 18 varshon ka mana gaya hai. agar koi grah rahu-ketu se anshon men kam ho to bhraman ke dauran use in donon ka samna karna parega jiske falasvarup us grah ki shakti kshin ho jaegi. rahu-ketu ke anshon se adhik anshon vale kisi grah ko in donon ke bich se hokar nahin gujrna parega, aur ye donon utprerak ke rup men us grah ke prabhav par asar dalenge. chanuki rahu-ketu ki apni koi rashi nahin hai islie ye jis bhav aur rashi men sthit hote hain tatha jis bhavesh ke sath baithte hain ya sanbandh rakhte hain, usi se sanbandhit fal dete hain. rahu-ketu sanbandhit grah ke prabhav men utprerak ka karya karte hain arthat yadi ye yogkark grah ke sath hon to yogkarak aur yadi marak grah ke sath hon to mark ho jate hain. chunki in grahon (rahu ketu) ka svabhav anishchayatmak hai islie ye apratyashit rup se sanbandhit grah ke fal men vriddhi karte hain kintu bad men use chin bhi lete hain. rahu men shani tatha ketu men mangal ke saman gun pae jate hain. guru ke saman rahu-ketu ki unki sthiti se pancham, saptam aur navam bhavon par purn drishti mani gai hai. papi svabhav ke hone ke karan ye janmakundli ke kendra sthan ( 1, 4, 7, 10) men udasin rahte hain. lagn tatha trikon (5, 9 ) sthan men shubh, dvitiya aur dvadash men udasin (na shubh n ashubh) trishday ( 3, 6, 11) men papi aur ashtam bhav men mahapapi hote hain. ye yadi kendra (4, 7, 10) men sthit hokar trikon (5, 9) ke svami se sanbandh sthapit karen ya trikon (5, 9) men sthit hokar kendra (4, 7, 10) ke svami se sanbandh sthapit karen ya lagna men sthit hokar lagn, trikonesh ya kendresh se sanbandh sthapit karen to rahu-ketu bahut shubh fal dete hain. surya aur chandra rahu-ketu ke prabal shatru hain. islie inse yukt hone ya sanbandh sthapit hone par ye donon ki shakti ko kshin kar dete hain. ashtam bhav men yadi ashtamesh ya anya kisi papi grah ke sath rahu-ketu hane to param ashubh hokar mrityu ya uske jaisa kasht dete hain. aiye, kuch janmakundliyon ki sahayta se rahu ketu ke prabhav ka aur spashta rup se vishleshan karen. kundli sankhya 1 men rahu lagn men hai aur lagnesh shani ki us par tritiya drishti hai. lagn men hone aur lagnesh se drishtigt hone se vah yahan shubh hai. panchmesh shukra pancham bhav men apni rashi vrish men hai aur lagnesh aur dhanesh shani se drishti sanbandh bana raha hai. rahu ki pancham drishti shukra par aur ketu ki pancham drishti shani par is shubh sanyog ko aur barha rahi hai. lagnesh aur dvitiyesh (dhanesh) shani svayan ekadash (labh) sthan men hai aur lagnesh ki drishti lagn ko shaktiyukt bana rahi hai. ekadash (labh) sthan men sthit shani ki ekadshesh evan chaturthesh mangl par dasham drishti tatha lagnesh v dhanesh shani par mangal ki chaturth drishti ka sanbandh ay, dhan-sanpatti, aishvarya aur sukh ki drishti se kuch achcha hai. is prakar lagnesh aur dhanesh shani ke panchmesh (buddhi kark) aur karmesh (dashmesh) shukra, labhesh aur sukhesh mangal aur lagn men sthit rahu se sanbandh ne shubhta pradan ki jismen rahu ketu ki panchm drishti ne aur vriddhi ki. falasvarup jatak ko aishvaryavan aur satriddh kar use sabhi prakar ke sansarik sukh prapt karae. kundli sankhya 2 men lagn men nich rashi (karka) ka mangal hai. dvitiya kutunb aur dhan bhav men dvitiyesh surya svayan hai. ketu ke sath hone se surya tatha rahu ke sath ashtam bhav men lagnesh chandra (man ka kark) hone se surya v chandra donon ki shakti kshin ho gai. dvadshesh (vyayesh) budh ki dvitiya bhav men upasthiti ne bhi surya v chandra ki shakti ko aur kam kiya. saptamesh shani nich ka hokar dashm sthan men hai aur ketu ki navmi drishti uski ashubhta ko aur barha rahi hai. falasvarup sanpann aur dhani parivar men paida hone ke bavjud jab jatak ne apna hissa lekar alag vyavsay kiya to uski faiktri, dhan aur vyavsay sabhi kuch jata raha aur patni se talak ki sthiti bani jisse parivarik jivan bhi chinna-bhinn ho gaya aur use dar-dar ki thokren khane ke lie v mansik santap jhelne ke liye vivash hona para. kundli san. 3 pakistan ke bhutpurva pradhanmantri shri julfikar ali bhutto ki hai. yahan trishday bhav (6) men hone se ketu ashubh ho gaya hai. ketu ke sath ashtamesh shukra aur dvadshesh budh hone se uske ashubh prabhav men aur vriddhi ho gai. chaturthesh aur panchmesh shani ke shashtham bhav men sthit hone evan papi grahon ke sath hone se shani ki shubh shakti (kendresh v trikonesh ki) kshin ho gai. dashmesh (rajyesh) chandra ka dvadash (vyay) bhav men rahu ke sath sanyog chandra ko shaktihin bana raha hai. ashtam bhav par rahu ki navmi drishti ashubh faldayi hai. shashthesh guru par bhi ashubh ketu ki pancham drishti hai. is prakar ashubh tinon trik bhavon (6, 8, 12) v unke adhipti arthat ashtama bhav aur ashtamesh shukra, shashtham bhav va shashthesh guru tatha dvadash v dvadshesh budh par ashuabh sthan men sthit rahu-ketu ka prabal prabhav hai jisse in bhaveshon ka ashubh (pap) prabhav aur barh gaya. rajyesh chandra v uski rashi kark bhi rahu-ketu ke prabal prabhav me hain. falasvarup bhutto ko sattachyut hona para aur sath hi sath fansi ka dand bhi bhogna para. kundli san. 4 ke lagn bhav men guru (lagnesh v chaturthesh), surya (navmesh va bhagyesh), budh (saptamesh v rajyesh) aur shukra (labhesh v shashthesh) ke anshon sa piche hone ke karan ye charon grah rahu (sanp ke munh ke svarup dhuan, andhkar) se grasit aur nishprabhavi ho gae. man ke karak chandrama par krur (papi) grah mangal ki chaturth v shani ki dasham drishti hai. is pap prabhav ko ketu ki navmi drishti aur barha rahi hai. is ashubh prabhav ke karan yah vyakti mansik rup se viklang hai aur bare adhikari ka putra hone ke bavjud use jivn parashrit hokar evan atyant sadharn rup se vyatit karna par raha hai. kundli san. 5 ek aise injiniyar ki hai jo ek sanpann parivar men paida hua. usne bhavan nirman evan sheyar ka karya bare paimane par kiya jismen use bahut hani uthani pari aur anttah use vipannata ki sthiti men jivan nirvah karna para. is janmakundli men tritiyesh (purushartha) chandra ke sath shatru rashi (sinh) ka rahu grahan yog bana raha hai jisse chandra (purushartha) shaktihin ho gaya. bhagyesh (navmesh) v karmesh (dashmesh) shani, jo vyavsay ( nirman v sheyr) ka bhi karak hai, ashtam bhav men ashtamesh v labhesh guru ke sath hai aur us par rahu ki pancham drishti hai jisse guru va shani ke ashubh prabhav men aur vriddhi ho gai. dasham (karma) bhav bhi rahu-ketu ke prabhav men hai. is prakar rahu-ketu ne bhagya, karm v purusharth tinon ko kshin kiya aur falasvarup jatak ko vipannata ka jivan gujarna para. kundli san. 6 dasyu sundri aur bad men sansad bani fulndevi ki hai. ashtama bhav men navmesh (bhagyesh) v shashthesh budh tatha panchmesh (buddhikark) v karmesh (dashmesh) shukra ke sath ashtamesh surya virajman hai. rahu ke anshatmak piche hone se in tinon grahon ke ashubh prabhav men aur vriddhi ho gai. falasvarup buddhi, bhagya, karm aur dharm dushit ho gae. tritiyesh (parakramesh) guru labh (ekadsh) sthan men hai aur apne bhav (tritiya) ko pancham drishti se dekh raha hai. tritiya bhav men ketu hai jo bhavesh (guru) se drisht hai. labhesh (ekadshesh) mangal bhagya (navm) sthan men rahu ke sath hai aur tritiya (parakram) bhav ko dekh raha hai. is prakar parakram, parakramesh v labhesh par rahu-ketu unke bal men vriddhi kar rahe hain. kintu buddhi, bhagya, karm aur dharma bhavon ki ashubhta ne fulan ke jivn ko galat disha men morakar use dasyu bana diya. navam (bhagya) bhav men sukhesh (chaturthesh) mangal ki sthiti aur us par lagnesh shani ki drishti se utpanna shubh fal men rahu-ketu ki vriddhi ke sath-sath ashtam men ashtamesh surya aur shashthesh budh par mangal yukt rahu ke prabal pap prabhav ne viprit rajyog bhi banaya jisse vah bad men sansd banin.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  August 2006

bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

Subscribe

Apne vichar vyakt karein

blog comments powered by Disqus
.