मंगल-मंगल भी, अमंगल भी

mangl-mangal bhi, amangal bhi  

Ank ke aur Lekh | Sambandhit Lekh | Views : 4372 |  
manglkari grah 'mangl' ko janmakundli ke pratham, chaturth, saptam, ashtam evan dvadash bhavon men hone par amangli hone ka dosh lag jata hai. bhartiya jyotish men manglik dosh sarvadhik charcha ka vishay hai. kyonki yah dosh jatak ke vivah men vilanb, talak ya ghar parivar men vighatan ka karan ban jata hai. parantu mangal par shubh grahon ka prabal prabhav hona ya mangal ke ati nirbal v ast hone par mangal dosh naganya sa ho jata hai. pati evan patni donon men mangal dosh hone par uska samayojan ho jata hai aur dosh bhang ho jata hai. isi tathya ko kritarth karte hue is shodh men charcha ki gai hai. janmakundli men pratham, chaturth, saptam, ashtam v dvadash bhav men mangal ki upasthiti mangal dosh ka srijan karti hai jo grihasth jivan men badhkta, parivarik sukh men kami tatha mansik pira v daihik santap ko darshati hai. lagn jatak ke sharir ka hai. ismen mangal ki upasthiti se unka svasthya v svabhav prabhavit hota hai aur vah svabhav se jiddi, krodhi v ugra ho jata hai. lagn men sthit mangal ki chaturth drishti chaturth bhav (grihasth sukh) par, saptam drishti saptam bhav (pati/patni, vyapar) par tatha ashtam drishti ashtam bhav (kamechcha, ayu) par parti hai jiske falasvarup grihasth sukh men kami, pati/patni men avrodh utpann hone ki sanbhavna ban jati hai. jatak ke vyavhar men uttejna, krodh v avesh ka samavesh hone se uska jivan duahkhamay ho jata hai. krodh avesh ke karan vah galat nirnay lekar bar-bar pachtata hai aur apna nuksan karta hai. pati/patni ke vicharon men matbhed se grihasth jivan men vighatan, tutan evan avrodh hona svabhavik hai. chaturth bhav grih sukh ka hai jismen mangal ki upasthiti jatak ke grihasth jivan ke sukh men avrodh ka sanket deti hai. chaturth bhav men sthit mangal ki chaturth drishti saptam (pati/patni, vyapar) bhav par, saptam drishti dasham (karm, vyavsay) bhav par v ashtam drishti ekadash bhav (labh, ajivika) par parti hai. vyavsay evan labh men vyavdhan utpann hone par parivarik grihasth sukh men kami hona svabhavik hai aur uska prabhav pati/patni ke bich ke samanjasya par bhi par sakta hai. is prakar mangal ke chaturth bhav men hone par jatak ke grihasth sukh, dampatya jivan, ajivika v bhog men kami ati hai tatha vyapar men hani hoti hai. vah krodh, uttejna, avesh men bar-bar vyavsay parivartit karta hai aur hani uthata hai jisse uski arthik sthiti kamjor ho jati hai aur uska jivan duahkhamay ho jata hai. saptam bhav jivan sathi evan vyapar (sajhedari) ka hai. mangal ki yahan upasthiti jivan sathi v sahyogi ke lie kashtakari hoti hai. saptam bhav men sthit mangal ki chaturth drishti dasham (karma/vyavsay) bhav par, saptam drishti pratham (svayan ke sharir) bhav par tatha ashtam drishti dvitiya (parivar/sanchit dhan) bhav par parti hai jiske falasvarup sharirik asvasthyata, ugra svabhav, parivar ke virodh, dhan ki kami, vyavsay men gatirodh jaisi sthitiyon ke utpann hone par unka prabhav jatak ke dampatya jivan par parna svabhavik hi hai. ashtam bhav kamechcha, ling, ayu v mrityu ka hai. ashtam bhav men upasthit mangal ki chaturth drishti ekadash (labh, ajivika) bhav par, saptam drishti dvitiya (parivar/sanchit dhan) bhav par tatha ashtam drishti tritiya (parakram) bhav par parti hai. falasvarup ghar-parivar, samriddhi se vanchit, arthik uparjan se hin, parakram vihin vyakti ka dampatya jivan duahkhi bane rahna svabhavik hai. dvadash bhav shaiyya sukh evan bhog vilas ka hai. mangal ki yahan upasthit v uski drishti saptam bhav par parne se shaiyya sukh men kami hone se dampatya jivan men vyavdhan utpann hona svabhavik hai. dvadash bhav men mangal dhan ka apavyay karata hai aur jatak rog shok grast hokar shatruon se ghira rahta hai. vah apne apman, nirasha, kuntha, sanyas adi ka dosh apne jivan sathi ko deta hai aur krodh v avesh se vashibhut hokar vah apna jivan narkiya bana leta hai. kuch vidvanon ke anusar dvitiya bhav men bhi mangal ke upasthit rahne se mangal dosh hota hai. dvitiya bhav saptam se ashtam hai jo jivnsathi ki ayu ka pratinidhitva karta hai. dvitiya bhav men sthit mangal ki chaturth drishti pancham (santan, buddhi) bhav par, saptam drishti ashtam (kamechcha, ayu) bhav par tatha ashtam drishti navm(bhagya, dharma) bhav par parti hai. buddhi bhrasht hone, bhagya ki pratikulta, dharm se vimukhta, kamechcha ke anyatha prabhavit hone se dampatya jivan men avrodh utpann hone ki sanbhavna ko nakara nahin ja sakta hai. chunki chandra man ka aur shukra dampatya sukh ka pratinidhitva karta hai islie chandra lagn tatha shukra ki sthiti se bhi uprokt bhavon arthat pratham, dvitiya, chaturth, saptam, ashtam, dvadash men mangal ki upasthiti dampatya jivan ko prabhavit karti hai. mangal ke uchch ya svagrihi hokar mangal dosh banne par mangal ka surya, rahu ya shani ke sath hone par, chandra mangal ya guru mangal yog banne par mangal dosh ki ashubhta kafi kam ho jati hai. guru ke lagn ya kendra men hone par bhi mangal dosh ki ashubhta ka shaman hota hai. mangal par shubh grahon ka prabal prabhav hona ya mangal ke ati nirbal v ast hone par mangal dosh naganya sa ho jata hai. pati evan patni donon men mangal dosh hone par uska samayojan ho jata hai aur dosh bhang ho jata hai. kuch vidvanon ke matanusar varnit bhavon (pratham, dvitiya, chaturth, saptam, ashtam evan dvadsh) men anya tamoguni grah rahu, ketu, shani ki upasthiti ko bhi mangal dosh ka parihar mana jata hai. kintu vastutah is sthiti men mangal dosh apna kuch prabhav to avashya hi parilakshit karta hai. mangal dosh ka vichar karne ke sath jatak ke sansarik sukh, parivarik sukh, santan, ayu evan ajivika adi ke bare men bhi ankalan karna chahie kyonki inhin se jivan ki sarthakata juri hui hai. prastut kundliyan aise danpatti ki hai jo manglik hai kintu unka jivan sukhamay hai aur vah ek dusre ke prati samarpit evan nishthavan hai. yahan par pati ki janmakundli men lagn men mangal evan rahu hai jabki patni ki kundli men mangal ketu saptam sthan men hai jisse unke mangal dosh ka pratikar ho raha hai. donon janmakundliyon men surya (atma) evan chandra (man) kanya rashi men hai jiske adhipti budh (buddhi) hai. pati ki lagn ke adhipti budh, patni ki lagn ke adhipti shani ke sath pati ki kundli men drishti sanbandh v patni ki kundli men yuti bana rahe hain. pati evan patni donon ke surya v chandra lagn ke adhipti budh hi hai jo shani (patni ke lagnesh) se sanbandh bana rahe hain. is prakar in janmakundliyon se pati patni ke bich paraspar samanjasya v apsi samajh uttam parilakshit hoti hai. pati ki kundli men chaturth (grihasth sukh) bhav par guru ki svakshetriya drishti hai aur patni ki kundli men chaturthesh shukra chaturth se chaturth arthat saptam bhav men dashmesh mangal ke sath virajman hai. yadyapi shukra par mangal ketu ka prabhav hai jisse patni faishanaparast evan unmukt vicharon ki hai. kintu uska vyavhar maryadit hai kyonki shukra mangal ki yuti navmesh (dharma) evan dashmesh (karma) ki bhi yuti hai. pati patni donon pragtishil vichar ke evan prabhavshali vyaktitva ke hone se unke aham takrav se kabhi-kabhi choti moti nok jhok avashya unke bich hoti rahti hai kintu unke bich samanjasya, samarpan evan nishtha men koi kami nahin hai. ab prastut kundliyan aise dampatti ki hai jo varishth padon par karyarat hain. inhonne prem vivah kiya kintu unka dampatya jivan lanbe samay tak nahin chal paya. yahan pati ki janmakundli men mangal dosh hai jiska pratikar patni ki janmakundli men nahin hai. pati ki lagn ke adhipti mangal evan patni ki janm lagn ke adhipti shani pati ki kundli men ek dusre se chathe, athven sthan par hai jabki patni ki kundli men yah ek dusre se chaithe v dasvane sthan par hai. pati ke chandra lagnesh mangal v patni ke chandra lagnesh surya pati ki kundli men ek dusre se tisre gyarhven bhav par hai jabki patni ki kundli men ek dusre se dusre barhven sthan par hai. yah sthiti pati patni ke bich samanjasya v apsi samajh samuchit rup se nahin hona darshati hai. pati ki kundli men chaturth bhav men nich ka mangal hai jo grihasth sukh men avrodh ka sanket deta hai. saptam (patni) bhav men mangal ki chaturth drishti evan rahu ki pancham drishti hai. saptamesh shukra par vakri shani ki saptam drishti v ketu ki navam drishti hai. is prakar saptam, saptamesh v shukra par vijatiya tatvon ke prabhav ke karan inka anrtajatiya prem vivah hua kintu algavvadi prabhav ne inke dampatya jivan men darar utpann ki. dvadshesh guru ke vakri hone se shaiyya sukh men kami ai aur chaturth bhav men nich ke mangal men unke grihasth jivan ko dhvast kar diya. bhagyesh guru ki dasham bhav par navam drishti, dashmesh shani ki ekadash bhav men upasthiti, dasham bhav men lagnesh mangal ki uchach drishti ke karan jatak ek uchch adhikari bana aur arthik rup se kafi sanpann bhi raha. patni ki kundli men navmesh, dashmesh v ekadshesh ki pancham bhav men yuti buddhi, karm evan bhagya ke madhyam se achchi ay hona darshata hai. jatika bhi ek uchch adhikari evan arthik rup se kafi sanpann hai. saptam (pati) bhav men shashtamesh chandra virajman hai jin par rahu ki pancham drishti hai. saptam bhav, saptamesh, chandra, shukra, guru par vijatiya prabhav ne jahan jatika ko prem vivah ke lie prerit kiya vahin un par algavvadi prabhav ke karan dampatya jivan lanbe samay tak nahin chal saka aur vighatan hua. jatika ke lagnesh v dvadshesh shani vakri hai jo uske shaiyya sukh men vyavdhan ko darshate hain. chaturth bhav (grihasth sukh) par vakri shani ki tritiya drishti ne uske grihasth jivan ko chinn bhinn kar diya. prastut kundliyan aise danpatti ki hai jinke bich kafi tanav hote hue bhi unka dampatya jivan chal raha hai. pati ki kundli men dvadash bhav men mangal aur patni ki kundli men saptam men mangal hai jiske falasvarup unke mangal dosh ka pratikar hota hai. pati ke lagnesh mangal v patni ke lagnesh shani pati ki kundli men ek dusre se chathven athven sthan men tatha patni ki kundli men ek dusre se navam pancham men hai. pati ke chandra lagnesh shukra evan patni ke chandra lagnesh shani pati ki kundli men ek dusre se tisre gyarhven sthan men tatha patni ki kundli men ek dusre se saptam sthan men hai. is prakar pati patni ke bich samanjasya madhyam shreni ka hai. pati ki kundli men saptam bhav par uchch ke chandra virajman hai jin par guru ki navam drishti hai jiske falasvarup unhen samarpit, buddhiman evan prasannamukh patni mili kintu shani ki tritiya drishti v shashtesh mangal ki ashtam drishti ne patni ko rogagrast bana diya. patni ki kundli men lagnesh v vyayesh shani vakri hokar nich rashi ke tritiya bhav men sthit hai jo uske shaiyya sukh men kami ko darsha rahe hain. shani ki tritiya drishti pancham sthan par hai jo tanavpurn jivan evan shiksha men vyavdhan ka dyotak hai. saptam bhav men tritiyesh v dashmesh mangal, ashtamesh panchmesh budh v ketu ke sath haiai. surya v chandra donon par grahan yog rahu ketu ki upasthiti se ban raha hai kintu yahan chandra purn bali hai aur guru ki us par pancham drishti hai jisse jatika ka manobal v atm vishvas prabal raha. guru ki pancham bhav par navam drishti ne use santan bhi di aur buddhi bhi. shashtamesh chandra ki lagn men rahu ke sath yuti ne use rog grast kar diya jisse parivarik jivan men tanav bana aur pati se use apekshit sukh nahin mil paya kintu guru ke shubh prabhav ke karan unke dampatya jivan men vighatan nahin hua aur unki grihasthi ki gari chal rahi hai.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2011

Apne vichar vyakt karein

blog comments powered by Disqus
.