ज्योतिष द्वारा कैसे जानें विवाह योग ?

jyotish dvara kaise janen vivah yog ?  

Ank ke aur Lekh | Sambandhit Lekh | Views : 34492 |  

vivah ke vishay men janna itna asan nahin kyonki vivah hamare solah sanskaron men ek mukhya sanskar hai. hamare jyotish shastra men vivah ke vishay men anek granth milte hai. jyotish shastra aisa shastra hai jisse har vishay ki satik jankariyan upalabdh hoti hain. hamare jyotish men 27 nakshatra, 9 grah evan 12 rashiyan apne samay ke anusar achcha evan bura fal dene men samarth hote hain.

ajakal pratyek naujvan yuvak yuvtiyon men vivah ko lekar ashaen hoti hain ki hamara vivah sahi jagah men hoga tatha jivan sukhamay vyatit hoga. parantu iske viprit hone se sare sapne tut jate hain. vartaman samay men ladke ladkiyan uchch shiksha evan achcha kariyar banane ke chakkar men vivah yogon ko darkinar kar dete hain jisse vivah men bahut hi vilamb ho jata hai evan mata-pita evan parivar ki chinta ka karan banta hai aur vivah sahi jagah nahin ho pata hai. agar hota bhi hai to hamne jo sapne dekhe the pure nahin hote. iske lie hamen jyotish ke dvara bane yogon ka sadupyog karke jivan ko sarthak banana chahie kyonki jivnsathi ke dvara hi sukh duahkh ka anubhav kar sakte hain.

jyotish ke dvara vivah yog janne ke lie sabse pahle samjhen kaun se bhav se vivah hota hai aur kis bhav se vivah yog bante-bigdte hain-

  • saptam bhav se pati/patni ka vichar karna chahie.
  • agar kundali ka saptam bhav kshin ho ya kamjor ho to ekangi jivan ka dyotak hai.
  • vichar karne se pahle kundali ka gahan adhyayan avashya karen-

saptam bhav (vivah bhav)

saptam bhav men baithe grah

saptam bhav men grahon ki drishtiyan

saptam bhav ka svami jahan baitha ho us jagah ki sthiti ko samjhen

saptam evan saptamesh ki sthiti-

saptamesh aur anya grahon ka apsi sambandh saptamesh grah ki dasha antardasha pratyantardasha adi ka vishesh savdhani se adhyayan karne ke pashchat vivah adi ka nirnay karna sahi hoga.

saptam bhav se vichar-

prayah saptam bhav se patni ya pati ka vichar kiya jata hai. mukhyatah patni ka svabhav, sachcharitrata, pati vrat, patni ayu, ek vivah ya bahu vivah yog, pati patni ka sambandh, sasural se dhan prapti yog, yatra ya videsh yatra ka yog, putron ke mata se sambandh rakhne vala tatha markesh ka vichar kiya jata hai.

saptam bhav men rashiyon ka fal-

1. saptam bhav men mesh rashi ho to vyakti krodhi, hathi tatha apna kam banane vala hota hai tatha pati-patni adi men kalah hota hai.

2. vrish rashi saptam bhav men ho to vyakti ki patni sundara-sushil evan dhairyashil, apne men abhiman karne vali hoti hai.

3. mithun rashi saptam bhav men ho to uski patni madhyam, uttam vichar vali evan manmohak hoti hai.

4. kark rashi saptam men ho to stri atyant sundar, madhur svabhav, sahaj evan sab ka man moh lene vali atyant bhavuk hoti hai.

5. sinh rashi saptam bhav men ho to krodhi svabhav ki patni sath hi tanav dene vali tatha apni bato ko manvane vali, krodhi, kalah karne vali hoti hai, parantu mastishk ki bahut tej evan buddhiman hoti hai.

6. kanya rashi saptam bhav men ho to sundara-sushil, lajjashil, madhurbhashi , saubhagya yukt aur sampatti ko badhane vali patni prapt hoti hai. santan paksh ko lekar chinta rahti hai. lekin chintaon se mukt hokar apne pati ko marg dikhane vali hoti hai.

7. jiski kundali ke saptam bhav men tula rashi ho use sundara-sushil, uchch shiksha yukt, dharmik karyon men ruchi rakhne vali, sahsi, saundarya priya tatha abhushan priya patni prapt hoti hai tatha use sajavat evan saf-suthra atyant priya hota hai sath hi vah udarvadi pravritti ki bhi hoti hai.

8. jiski kundali ke saptam bhav men vrishchik rashi ho to vah adhuri shiksha, bhagyahinta, balyavastha se hi kathor parishram, har kshetra men asflta, sasural paksh kamjor, hin bhavna adi se grasit hota hai.

9. jiski kundali ke saptam bhav men dhanu rashi ho to vah ahankari, samman pane ke lie kuch bhi karne vali, sundar tatha alp shiksha se yukt parantu kala adi men ruchi rakhne vali hoti hai aur use sasural paksh se jivan men sahyog prapt hota hai.

10. jiski kundali men saptam bhav men makar rashi ho uski stri alp shikshit, shringar adi men samay vyarth karne vali, krodhi, tantra-mantra totke adi men vishvas rakhne vali, kisi bhi prakar ka vyangya n sahne vali,apni baten dusron ke upar thopne vali hoti hai tatha vah ishrya karne men bhi piche nahin rahti.

11. jiski kundali ke saptam bhav men kumbh rashi ho to stri sangharsh karte hue vipattiyon se ladne vali, dridhta se har karya karne vali, ishvar men astha rakhne vali, punya karyon men ruchi rakhne vali parantu anhkar ki bhavna rakhne vali hoti hai aur apne yash evan pratishtha ke lie prayatn karti rahti hai. usko chahie ki log uski badai v prashansa karte rahen. aise vyakti jhuthi shan men jivan yapan karte rahte hain.

12. jiski kundali men saptam bhav men min rashi ho to stri dharm se yukt, dan-punya dene men vishvas rakhne vali, bhagvan men atut shraddha rakhne vali, jivan men anek kathinaiyon se ladne vali, chanchal svabhav tatha turant uttar dene men saksham hoti hai.

abhi upar apne vibhinn rashiyon men saptam bhav ko samjha aur fal kathan ki prakriya dekhi. aksar dekha gaya hai ki saptam bhav men vivah men badha atyadhik dekhi jati hai kyonki vivah samay se n hone par hamen badha (kashton) ka samna karna padta hai.

ab ham kuch yogon ke bare men charcha karenge jo saptam bhav men vivah men badha utpann karte hain-

  • saptam bhav, saptamesh aur vartaman dasha in vishyon ka hamen avashya adhyayan karna chahie.
  • yadi saptam bhav men rahu hai to vivah sukh kamjor hota hai.
  • yadi saptam bhav men purn shani ki drishti ho to vivah hi kathinaiyon ke bad hota hai aur dampatya jivan bahut hi klesh purn rahta hai.
  • yadi saptam bhav men mangal ki drishti ho to stri krodhi tatha donon ka jivan paraspar bikhra hua hota hai.
  • rahu, mangal, shani, vichched karak grah hain. in grahon ki jahan bhi drishti hoti hai us jagh/bhav, vyakti ko vichched pradan karte hain.
  • mangal agnikarak grah hai iski drishti jahan bhi hogi vahan sab kuch samapt hone ki sambhavna hoti hai. mangal ka agni tatva prabhav saptam bhav men drishtigat hona donon ke dampatya evan vivah men badhak hain tatha dampatya jivan kalah purn hota hai.
  • yadi saptam bhav men akela shukra ho to us vyakti ka grihasth jivan sukhi nahin rahta aur pati-patni men paraspar anaban rahti hai.
  • yadi mangal chaturth, saptam evan dasham bhav men ho ta uska dampatya jivan kalhpurn hota hai.
  • yadi shani evan rahu saptam bhav men baithe hon to pati-patni men vichched hone ki sambhavna rahti hai.

udaharan 1 kuch jatkon ki kundali ka adhyayan kiya gaya jinka dampatya jivan duahkhamay evan kanton se bhara raha. unki kundaliyan nimn preshit ki gain hain-

vartaman mahadsha- vartaman men shani ki mahadsha chal rahi hai jo ki 19.04.2006 se 19.04.2025 tak rahegi. uparyukt janm kundali ka adhyayan kiya jo ek mahila jatak ki hai. lagn men kark rashi tatha saptam bhav men makar rashi ka hona evan saptam bhav men rahu ka hona vivah men anek badha darshata hai tatha kai jagah se dhokhe bhi darshata hai parantu jatak apni bat rakhne men bhi saksham hai.

makar rashi ka saptam bhav men hona, shani ka saptamesh hona tatha agni tatva grah mangal ke sath ekadash bhav men yuti hona darshata hai ki jatika atyant krodhi evan hathi svabhav ki hone ke karan vivah men bar-bar badha utpann karti hogi kyonki rahu bhramit karta hai jisse rishte pasand nahin ate aur lav mairij bhi kamyab nahin hone dete hain. guru par mangal ki drishti shashth bhav men pad rahi hai.

jatak ki kundali men navansh men chandra ke surya ke hone se nich hone se tatha saptam bhav men algavvadi grah vivah to vilamb se hua sath hi dampatya jivan bhi safal nahin raha. iske bad dusra vivah hua usmen bhi kalah purn jivan vyatit karna pad raha hai atah hamen purn adhyayan ke bad hi vivah ka nirnay karna chahie.

udaharan 2 ab ham purush ki kundali ka adhyayan kar rahe hain. vartaman dasha shani ki chal rahi hai jo ki 1.12.2007 se 19.05.2024 tak hai.

kundali mesh lagn ki hai jismen svayan shani baitha hai aur saptam bhav men purn satvin drishti dal raha hai tatha satven bhav men tula rashi hai jiska svami shukra hai. saptamesh shukra labh sthan men chandra ke sath baitha hai.

shani ka lagn men hi nich ka hona.

saptam bhav men purn drishti hona.

saptamesh ka shani ki rashi men hona.

karmesh ekadshesh par shani ka adhipatya hona.

apne bhav ko shani ka dekhna.

navansh kundali men bhi shani ka lagn men hona.

lagn se saptam bhav ko dekhna.

saptamesh shukra ka dvadash bhav men baithna.

vrish rashi ka saptam bhav men hona. surya + rahu ka yog hona.

shani dvara vivah bhav ka kharab hona tatha vivah karak grah shukra par drishti hone se jatak ko dampatya jivan men atyant sangharsh karna pada. vivah vilamb se hua. kai rishte dekhne ke bad hua. patni dvara sare ghar ka vatavaran kharab hona, mata-pita ko pratadna dena, svayan sara din klesh men jivan vyatit karna, yahan tak ki dahej utpidan ke jhuthe kes ke karan jel bhi jana pada. n to talak ho pa raha hai aur n hi dampatya jivan ka sukh mil raha hai.

donon agl-alag rah rahe hain. is tarah hamen donon kundaliyon ka adhyayan karne se pata chala ki vivah men saptam ka prabhav atyant mahatvapurn hai jo ki ham andekha nahin kar sakte kyonki saptam bhav se hamare jivan men sansarik sukhon ki prapti hoti hai. ab ham saptam bhav men kaun grah kaun sa fal dega janne ki koshish karte hain.

- agar saptam bhav men surya baitha ho to striyon dvara tiraskar aur stri isko najar se bhi nahin dekhna chahti kyonki stri isko ghrina ki drishti se dekhti hai

acharya varahmihir ji ne kaha hai-

‘‘stribhiah gatah paribhvan madge patange’’

chandra fal saptam bhav men-

chandre tu saptame chate duahkhi kushthi ch vanchkah kripno bahu vairich japte pardaykah

uprokt shlok ke anusar yadi saptam men chandra ho to manushya duahkhi, kodhi, thag, kanjus, bahut shatruon se yukt tatha parastri par najar rakhne vala hota hai

mangal fal saptam bhav men-

striyan dar marnan nich sevnan nich stri sangam. kujoke sustanar kathiniharva kucha..

parashar ji ke anusar saptam bhav men mangal ho to patni ki mrityu ho jati hai evan jatak nich striyon ke sath kam vasna ki tripti karta hai.

budh fal saptam bhav men-

budho vahu putra yukto rupanvita jan manohar rupshilam. vashishth ji ke anusar jiske saptam bhav men budh ho to vah sundar evan sushil, shilvan bahut putron se yut, parantu sharirik rup se pidit hoti hai.

guru fal saptam bhav men-

yuvti mandirge sur yajke nayti bhupti tulya sukhanjnah.
amrit rashi saman vachaah sudhiah mavticharuvpuah priya darshanah..

nasagar ke anusar saptam men guru baitha ho to raja ke saman sukhi, vani men madhurta aur sundar, sabse milakar rahne vala sabhi ka priya hota hai.

shukra falam saptam bhav men-

saptame bhrigu putrech dhani divyangna yutah.
nirog! sukh sampannon bahu bhagyah pujayte..

kashinath ji ke anusar saptam bhav men shukra ho to jatak dhani, sundari, uttam stri se yut, nirog, sukh sampann, bhagyashil hoti hai.

shani fal saptam bhav men-

kamasthe rabije kudar niyate, niahsvo'hvgo vihvalah.

mantreshvar ke anusar saptam bhav ka shani achcha nahin hota hai kyonki patni sahi nahin hoti hai

saptam bhav men rahu falam-

garbijar shikh maniah fani patau kamasthito rogvan.

vaidyanath ke anusar saptam men rahu ho to manushya gavishth, vyabhichari aur rogi hota hai. apne ap men hi mast rahta hai. saptam ka rahu patni ka viyog bhi karvata hai aur apnon se duriyan utpann karata hai tatha vat adi rogon se bhi pidit rahta hai.

ketu fal saptam bhav men-

shikhi saptame margatah chitvrittin sada vitt nasho'thva ratibhutah.
mavant kitge sarvada labhkari kalatradi pida vyayo vyagratach..

- dhundhi raj ke anusar saptam men ketu ho to manushya sada chintit rahta hai. shatru dvara hamesha pida prapt karta hai. vivah ke bad dampatya jivan bhi safal nahin hota aur kalah purn jivan vyatit karna padta hai.

is tarah se ham saptam bhav men grahon dvara fal ko samajh sakte hain. saptam bhav men anek prakar ki bhrantiyan payin jati hain kyonki hamare har rishi ka apna mat hai. saptam bhav ko samjhne ke lie aur gudh adhyayan ki avashyakta hai.

Kya aapko lekh pasand aaya? Subscribe
Kya aapko lekh pasand aaya? Subscribe


  October 2013

Apne vichar vyakt karein

blog comments powered by Disqus
.