सम्मोहन उपचार

sammohan upchar  

Ank ke aur Lekh | Sambandhit Lekh | Views : 4947 |  
tratak kise karna chahie? tratak kriya hamare man ko dhyan ki avastha men le jati hai. dhyan ki avastha men vicharon ka mahatva atyadhik hota hai. atah sakaratmak vicharon vale vyakti tratak kriya ke patra hote hain. jab bhi ham koi karya ekagrata se karte hain to hamare mastishk ki tarangen badal jati hanai arthat bita tarangen elfa ya thita tarangon men badal jati hai. isi avastha ko dhyan ki avastha kahte hain. jab dhyan ki avastha men ham koi karya karte hain ya vichar karte hain to hamare mastishk men unke chihn asani se ban jate hain jinhen nyural path vej kahte hain. inhin chihnon ke adhar par hamara vyavhar nirdharit rahta hai. hamara man kisi karya ya vichar ya kalpana sabhi ko saman rup se svikar karta hai. agar hamare man men apne ko shakti dene vale vichar a rahe hain to hamara atmavishvas badhta hai aur adhyatmik shakti ka bhi vikas hota hai. lekin agar nakaratmak vichar a raha ho to unka prabhav bhi nakaratmak hi rahta hai. atah nakaratmak vicharon ki prishthabhumi vale vyaktiyon ko tratak nahin karna chahie. dipreshan se prabhavit vyakti ya kisi anya mansik vishad se prabhavit vyakti bhi tratak n karen. agar manodsha thik ho jati hai to kiya ja sakta hai. am vyakti jo kisi bhi sadharan vyakti jaisi mansikta rakhta hai tratak kar sakta hai. agar ap kisi ghor mansik tanav se gujar rahe hain to kripya tratak karna us dauran band kar den kyonki ve vichar hamen tratak karte vakt bhi jarur udvelit karenge. tatha mastishk par prabhav bhi chodenge jiska hamare vyavhar v vyaktitva par asar padega. vichar ka mahatva tratak dvara prapt ki gai dhyan ki avastha men ham apne vikas hetu mahatvapurn vichar ya sujhav dal kar labhanvit ho sakte hain. jaise vichar ham apne man men late hain vaise hi chihn hamare dimag men ban jate hain. atah vo vichar jo vyakti ke hit men ho aur uchit dhang se svikar bhi kiye ja sakan us vakt man men ane chahiye. is tathya ko samjhne ke liye hamen apne dainik jivan men jana hoga. jo kam ham agle din karna chahte hain unko prayah sham ko sote vakt apne men dohrate hain jaise kis se kya lena hai ya kis ko kya dena hai athva kitne baje uthna hai ityadi. hamne apne dainik jivan men anubhav kiya hai ki usi anusar hamen ve baten yad a jati hain aur subah bhi ham soche gaye samay ke anusar jag khade hote hain. in baton se hamara apne man par bharosa badhta hai ki yah hamare kuch kam kar sakta hai. ab is kuch ko bahut kuch men kaise badlna hai yah sab is bat par nirbhar karta hai ki ham vichar kis rup men de rahe hain. aksar kaha jata hai ki badi soch bade kam karvati hai aur choti soch hinta ki bhavna paida karti hai. vicharon sanbandhi mahatvapurn tathya ham itna to jan hi gaye hain ki hamara avchetan man kalpana aur vastavikta men koi bhed bhav nahin karta. apitu donon ko vastavikta hi samjhta hai. atah hamen apne vichar hamesha vartaman kal men hi dene chahiye. koi bhi sandesh bhutkal aur bhavishya kal men dene se avchetan man par prabhav kam padta hai. jaise agar ham kahte hain ki meri amdni badh jaegi to yah bhavishyakal ki bat hai jisko vartaman men samjhna kathin ho jata hai. agar isi vakya ko vartaman men kahen jaise ki main ek achchi jivan shaili ka anand le raha hun jisman sabhi bhautik sukh prapt hain, to is vakya men ek sanpurnata ka abhas hota hai kyonki ek achchi jivan shaili jismen sari bhautik sadhnon ka upbhog ho, badhi hui amdni se hi ho sakta hai. apne man men kalpana karo jaise ap is avastha ko prapt kar chuke hon aur uska anand bhog rahe ho. ek sakaratmak bhasha ka prayog karna hi avchetan man ke liye prabhavkari hai. sakaratmak bhasha jiska sanbandh parinamon se ho n ki karnon se. nakaratmak bhasha hamesha karnon par dhyan deti hai ya fir un baton par dhyan deti hai jo ki nahin karna ya nahin chahiye. jaise agar ham kahte hain ki hamen ladna nahin chahiye to ham apne man men ladai ki pratima ko yad kar rahe hain. hamari kalpana men ladai ka chitran hone lagta hai aur usi ke chihn mastishk men ban jate hain. is prakar jo kam ham chodna chah rahe hain hakikat men ham usi ko badhava de rahe han. atah jo hona chahiye ya jo apekshit hai usi ko dhyan men layen taki vahi chitra hamare mastishk men ban sake. uprokt galti kai bar mata-pita apne bachchon ke sath vyavhar men bhi karte hain. hamesha sandesh dete vakt dhyan rakhen ki kya vah sandesh vastavik rup se jivan men sanbhav hai? masalan vahi bat sochen jo ho sakti hai. agar ek vyakti yah sochta hai ki vah chidiya ki tarah hava men ud raha hai to is prakar ke vichar ko man dharan nahin kar payega ya hamari soch yatharthavadi nahin rah payegi. ek kamjor vyakti apne ko shaktishali soch sakta hai lekin agar vah duniya ka sabse shaktishali vyakti sochta hai to vah yatharth nahin lagta hai. is prakar apne man men sandesh dete vakt apna svayan ka majak n banvayen. jo bhi sochen nishchit sochen aur vastavikta par adharit sochen. hamara man baranbarta ko svikarta hai ya fir yah kahiye ki jyada svikarta hai. apna sandesh bar-bar dijiye aur jyadatar apne man par uska prabhav banaye rakhiye kyonki ham jaisa sochte hain vaisa ban jate hain. atah ham sabhi apne bachchon ko buri sangat se bachne ki bat karte hain. yahi bat adhyapak bhi bachchon ko sikhata hai. buri sangat se bure vichar bar-bar ate rahte hain aur vahi hamare chintan men baith jate hain. jab bhi ham tratak karte vakt dhyan ki avastha men jayen to in sabhi gunon ko madde najar rakhte huye sandesh den. jo bhi sandesh den us par pura bharosa karen. bharosa saflta ki kunji hai. svasthya par prabhav tratak se anekon log shikayat karte hain ki unki ankhe kharab ho gain ya kamjor ho gai han. kai log kahte hain sir chakrane lagta hai tatha kai log kahte hain hajma kharab ho jata hai. is prakar ki kai aur shikayten bhi log aksar tratak ke prabhav ke rup men karte hain. unke anubhav ko galat nahin thahraya ja raha hai. balki aisa kyan hota hai usko samjhna jyada uchit hai. iska ek pramukh karan yah hai ki ve bina kisi ki madad se ya nirdeshan se apne ap sikhna shuru kar dete hain aur avashyak savdhaniyon ki parvah nahin karte hain. aksar lagatar ekatak dekhne se ankhan par jor padne lagta hai. us vakt agar sadhak ke man men ankh kamjor hone ka dar ane lagta hai to vah ek vichar ke rup men svikar ho jata hai tatha ankhen kamjor hone lagti han. jab bhi ap tratak karen to man men pura vishvas rakhen ki ankhon ki shakti badh rahi hai aur drishti pahle se behatar hoti ja rahi hai. usi prakar sir ka chakrana bhi hamare vichar ki kami se hi shuru hota hai. hamesha man men sochen ki meri ekagrata badhti ja rahi hai jiska main purn anand le raha hun. pet dard, gardan dard, badhjmi jaisi kathinaiyan bhi hamare vicharon ki truti se sanbhav ho sakti hai atah achcha svasthya, achchi drishti aur ekagrata ke bhav apne man men rakhiye. apne upar kabhi jyadti n karen aur abhyas ka anand len. ise bhar samjhne se iska hamare tan aur man par dushprabhav padta hai. svasth man aur svasth tan ka sanbandh prayah sabhi log samjhte hain aur mante hain. tan aur man donon ek dusre ke sath jude hain. tan ek sadhan ke rup men karya karta hai jabki man ek shakti ke rup men karya karta hai. shakti man se praranbh hoti hai aur sharir men uska prabhav dikhai deta hai. isi prakar kamjori kya bimari bhi man men hi shuru hoti hai lekin uska prabhav hamare tan par dikhai deta hai. jab ham apne man ki shakti ko jaga kar tan ko prabhavit kar sakte hain to ham ise sakaratmak rup se prabhavit kyon n karen? mahatvapurn savdhaniyan sabse pramukh savdhani to man ko sakaratmak bhav se yatharth vichar dena hi hai. lekin yah to dhyan ki sthiti prapt karne ke bad adhik mahatvapurn hai. tratak kriya karte vakt vidhi ya prakriya sanbandhi savdhaniyan bhi bahut mahatva rakhti hain. tratak sadhak ke man men bahut sari bhrantiyan rahti hain jaise kitni der karna hai, kitni duri se karna hai, kis samay karna hai, kis asan men karna hai, kis yantra ya vastu par karna hai ityadi. ye sabhi prashn bahut hi mahatvapurn hain jinke bare men agar man men koi bhram uthta hai to vah kisi ahitkari karan ko janm de sakta hai. in sabhi prashnon ko ham tarkik dhang se samjhne ki koshish karte hain. tratak kitni der karna hai? is prashn ka uttar har sadhak ke liye bhinn ho sakta hai aur ek hi sadhak ke lie uske abhyas ke anusar bhi alg-alag ho jata hai. aksar praranbh kal men tratak kafi kathin kriya lagti hai aur sadhak is prakriya ko adhik der tak nahin kar pata ya adhik der tak karne men aramdayak nahin rahta hai. yah purn rup se abhyas par nirbhar karta hai. jyon -jyon abhyas kal badhta jaega tyon-tyon prakriya ka bhi kal badhta jaega. prakriya kal ko dhire-dhire badhana hai. pahle chand roj ya pratham saptah men yah prakriya chand minton ki hi hogi. kuch hi der men thakan mahsus hona shuru ho jaega. thakan shuru hone par band kar dena jyada uchit rahta hai. kuch log palken band hona prakriya men vighn padna samjhte hain. yah ghatna purn rup se sahi nahin hai. thakan hote samay palak band ki ja sakti hai ya ankhon ko ardhakhuli mudra men bhi aram diya ja sakta hai. palak jitni der bad lagti hai utna achcha mana jata hai. abhyas ke sath ankhen adhik samay tak khuli rahne ki abhyast ho jati hai aur yah prakriya anand dene lagti hai. tratak ke sabhi samay avdhi ko samjhne ke liye apni ayu ke purn varsh ginen aur utne hi minat karen. arthat agar apki ayu 30 varsh hai to apko 30 minat tak tratak karna chahiye lekin yah apne abhyas par nirbhar karta hai ise ati avashyak samajhakar pareshan n hon. yah avdhi kam aur jyada bhi apni kshamata ke adhar par ki ja sakti hai. tratak kis samay karna hai? yah bhi ek nishchit uttar ke sath hi kaha ja sakta hai. kuch log rat ko sone se pahle karte hain kuch log rat ko sabhi ke sone ke bad karte hain. kuch subah uthne ke tunrat bad karte hain aur kuch log din men karte hain. yah tin baton par nirbhar karta hai. pratham to ap kaun si vidhi ka prayog kar rahe hain. agar gahre nile akash men kar rahe hain to din men hoga, shakti chakra par kabhi bhi ho sakta hai. dipak par rat ko kiya jata hai. sabse adhik labhkarak rat ko sone se pahle karna hota hai ya fir subah uthne ke turant bad karna hota hai. lekin kisi aur samay ka tratak purn labh deta hai matra samay ki avdhi badh jati hai. tratak ke liye uchit asan bhi ek kathin saval hain. yah ap ki khud ki kshamata par adhik adharit hai. kuch vyakti aram se kafi der tak baith sakte hain ya khade rah sakte hain. asan aramdayak hona chahiye taki agar prakriya lanbi ho to ap kasht mahsus n karen. han sone ki mudra men tratak kabhi nahin karna chahiye kyonki hamara man aur sharir sone ki mudra ko nind se jodta hai aur hamen nind ana shuru ho jati hai. tratak bindu hamari ankh se itni duri par ho ki ankhon par bhar n pade aur ap saf-saf dekh bhi saken. jaise shaktichakra adhik duri se saf nahin dikhai deta hai. tratak bindu ki unchai ap ki ankh ki unchai ke saman ya adhik honi chahie. upar batai gai sari baten un sabhi ko madad karengi jo pahle se tratak ka abhyas karte rahe hain. jo log abhi tratak praranbh karna chahte hain to unke liye ray hai ki kisi jankar se uchit nirdeshan lekar hi yah praranbh karen kyonki har ek bat chote se ank men nahin a pati hai. vyavharik rup se abhyas karte vakt ki kathinaiyan janakar hi dur karega. yad rakhna bhi jaruri hai ki tratak sammohan ki matra ek vidhi hai jo kathin parishram mangti hai. sammohan ki anekon vidhiyan han aur kafi saral vidhiyan bhi hain. agle ank men sammohan se judi kuch aur jankariyan di jayengi.
Kya aapko lekh pasand aaya? Subscribe

Kya aapko lekh pasand aaya? Subscribe


dugartinashini man durga visheshank  October 2013

fyuchar samachar patrika ke dugartinashini man durga visheshank men bhagvti durga ke prakatya ki katha, mahaparva navratra pujan vidhi, navratra men kumari pujan, navratra aur vijay dashmi, man ke nau svarup, man ke vibhinn rupon ki puja se grah shanti, navratri ki adhishthatri devi bhagvti durga, kali bhi hi durga ka rup tatha devi ke 51 shaktipithon ka parichay adi gyanavardhak alekh sammilit kie gae hain. iske atirikt gotra ka rahasya evan mahatva, loksbha chunav 2014, sanskrit kampyutar programing hetu sarvashreshth bhasha, ank jyotish ke rahasya, kundli milan evan vaivahik sukh, vibhinn rashiyon men brihaspati ka fal v ganga ki utpatti ki pauranik katha adi alekh bhi gyanavardhak v atyant rochak hain.

Subscribe

Apne vichar vyakt karein

blog comments powered by Disqus
.