गंगा की उत्पत्ति

ganga ki utpatti  

Ank ke aur Lekh | Sambandhit Lekh | Views : 8637 |  
ganga bharat ki shobha aur sansar ki vibhuti hai. is bhumi par bahut si badi-badi lambi chaidi nadiyan vidyaman hain, parantu ganga jaisa nirmal jal aur us jal jaisi visheshtaen kisi men nahin dekhne men ain. bade-bade vidvan bhi iski ashcharyajanak adbhut pavan shakti ko dekh kar chakit rah jate hain. prachin samay men iske kinare anekon prasiddh rishi maharshiyon ke ashram aur vidyalay bane hue the jahan par kulpti gyanamrit pravahit kar apne vidyarthiyon aur grihasthi jigyasuon ki gyan pipasa ko tript kiya karte the. bade-bade muni aur tapasvi log iske kinare sthit tapovnon men tapasya kiya karte the aur unki charan dhuli sparsh kar bade-bade dhani-mani yahan tak ki chakravarti raja bhi apne ko dhanya samjhte the aur unke mukh se nikle ved vachnon ke rahasyon ko sun kar apni adhyatm pipasa bujhaya karte the. aj is yug men itna to nahin kintu kuch n kuch matra men ved vidya ka prachar aur taponishtha ganga par hi dikhai deti hai. yadyapi logon ka drishtikon badal gaya, fir bhi ganga ka mahatva lakhon hi nahin karodon stri-purushon ko apni or akarshit karta hai. prati din hajaron nar-nari haridvar men ganga ke pavitra tat par ate-jate dikhai padte hain aur kumbh adi vishesh utsavon-parvon par to lakhon vyaktiyon ki bhid ekatra ho jati hai yahan tak ki ganga tak pahunchna bada durlabh ho jata hai. lakhon vyakti to us din vishisht sthan par pahunch bhi nahin pate. ganga ki utpatti kaise hui: puranon ke andar iske bare men ek vichitra katha hai - kahte hain prachin kal men sagar nami ek chakravarti raja bharatavarsh men hua. usne ashvamegh yagya arambh kiya. vidhi ke anusar yagya ka ghoda choda gaya jiski raksha ke liye usne apne sath hajar vir putron ko niyukt kiya. yah ghoda bhumi ke sab pradeshon men ghuma, parantu maharaj sagar ke pratap aur uske sath hajar putron se surakshit hone ke karan kisi ne bhi ise rokne ka sahas nahin kiya. jab yah ghoda raja sagar ki rajdhani ko laut raha tha to indra ko chinta hui ki yadi raja ka yagya safal ho gaya to meri gaddi khatre men fyuchar paint ke saujanya se pad jaegi. is karan usne raja sagar ke ghode ko chura liya aur jahan kapil rishi tapasya kar rahe the us sthan par le jakar bandh diya. raja sagar ke putra jab ghode ki talash karte hue vahan pahunche to unhonne yah samajhakar ki ghode ko kapil rishi ne churaya hai, unhin ko galiyan deni arambh kar di aur panv ki thokron se mara, jisse unki ankh khul gai. unki krodh bhari drishti se raja sagar ke solah hajar putra vahin bhasm ho gae. jab raja sagar ko is vritant ka pata chala to unko bahut khed hua. ek to yagya ka asafal hona, dusre vir putron ka bhasm hokar rakh ho jana, nark prapt karne ke saman soch tatha bada duahkh hua. raja ko apne putron ki sadgati ki chinta hui, kintu kisi prakar saflta n mil saki. sagar ki putron ki sadgati ki chinta unke sare vanshjon ko pareshan kar rahi thi. sagar ko yah pata chala ki yadi jal prithvi par laya jae aur jahan par uske putra bhasm hue hain vahan par bahta hua yah jal us bhasmi ko apne sath bahae to sagar putron ki sadgati ho sakti hai. unhonne ganga ko bhumi par lane ke liye bahut yatn kiya eikantu saflta nahin hui. ant men usi vansh ka raja bhagirath ganga ko kamandal men se bhumi par lane ke lie rajamand karne men samarth ho gaya. kintu is jal ka veg bahut tivra tha, atah use sanbhalne ke liye unhonne shivji maharaj ko mana liya aur is prakar kamandal ka yah pani arthat ganga pahle shivji ki jataon men utri aur vahan se gangotri ke raste se uttar pradesh ke prant men bahin aur sagar putron ka uddhar ho gaya. isi vichar ke karan hindu log apne mritkon ki rakh ganga men pravahit karte hain jisse ki unki sadgati ho jae.
Kya aapko lekh pasand aaya? Subscribe

Kya aapko lekh pasand aaya? Subscribe


dugartinashini man durga visheshank  October 2013

fyuchar samachar patrika ke dugartinashini man durga visheshank men bhagvti durga ke prakatya ki katha, mahaparva navratra pujan vidhi, navratra men kumari pujan, navratra aur vijay dashmi, man ke nau svarup, man ke vibhinn rupon ki puja se grah shanti, navratri ki adhishthatri devi bhagvti durga, kali bhi hi durga ka rup tatha devi ke 51 shaktipithon ka parichay adi gyanavardhak alekh sammilit kie gae hain. iske atirikt gotra ka rahasya evan mahatva, loksbha chunav 2014, sanskrit kampyutar programing hetu sarvashreshth bhasha, ank jyotish ke rahasya, kundli milan evan vaivahik sukh, vibhinn rashiyon men brihaspati ka fal v ganga ki utpatti ki pauranik katha adi alekh bhi gyanavardhak v atyant rochak hain.

Subscribe

Apne vichar vyakt karein

blog comments powered by Disqus
.