लोक आस्था का युगयुगीन केंद्र मां योगिनी स्थान

lok astha ka yugyugin kendra man yogini sthan  

Ank ke aur Lekh | Sambandhit Lekh | Views : 4008 |  
shaktipith athva daivi tirth brahmand ke asim rahasyamyi shakti aur urja ke jagrit sthal hain jahan puja, sadhna v tap karne ka vishesh mahatva hai. adi anadi kal se daivi tatva se prabhavit bharat bhumi men kitne hi siddhapith hain par in sabon ke madhya man yogini sthan ka apna vishisht mahatva hai jo prakriti ke suramya kshetra men man yogini parvat par virajman hai. jharkhand rajya ke godda jilantargat mukhyalay se karib 15 kimi. uttar pashchim disha men avasthit yogini sthan adyashakti mahamaya ki prachya lila sthali hai. santhal-pargna pramandal men base godda ki duri jasidih se 85 ki. mi., devaghar se 66 kimiaur bhaglpur se 69 kimi. duri par hain. godda nagar ke kargil chaik athva bas staind se chote-bade vahan dvara yahan jana sanbhav hai. sthan darshan, prachya vivaran v sakshyon ke adhyayan anushilan ke sath yahan ke khyatinam pujari osho babu se kie gae vartalap se spasht hota hai ki yah sthan prachin kal men nat rajaon (adim janjati) ki kul devi ke rup men khyat rahi. kisi bhi parva tyohar men adivasiyon ka yah varg yahan bhainse ki bali ke sath devi pujan kiya karta tha bad men varkop stet ke khatri vanshiya (khatauri vansh) logon ne un sabon par vijay prapt ki aur tabhi se khatri vanshiya logon ne devi tirth ka nav uddhar kar jan pujan ka marg prashast kiya. yahan ke logon ka vishvas hai ki devi ka ghutna yahin gira tha jabki tantra chudamni men ullekh hai ki devi ke donon ghutne nepal men bagmti tat par gira jahan guhyeshvari devi virajman hai. godda nagar se kajhiya nadi aur uske bad harna nadi par kar godda-mahagama path par vishal sinh dvar v uske age virajman yogini parvat ke darshan se hi nas-nas men bhakti ras ka sanchar hota hai. vivaran hai ki savriyan, mal aur kumarbhag adi tinon adim janjati ki aradhya sthali ke rup men man ka yah sthan adim yug se pujit hai. varkop stet ke rajaon ne bhi is mandir ke vikas men apna amulya yogdan diya inmen raja bhim sinh aur raja vishvanath sinh ka nam pramukh hai. ek vishal parvat ke thik bagal men aytakar bhumi ke madhya men man ka sthan hai jahan mandir ke garbh grih men panchshul lal chunri se hamesha dhanka rahta hai. is mandir ke pichle divar par prayah sabhi deviyon ki tasvir lagi hai. yogini mandir ke andar madhya bhag men pakka ka ek purana v chota vargakar chabutra hai jiske charane konane par arddhavyas nirmit hai. chabutre par matri khadg aur chadhae gae udhul, aprajita, maulsri, kevda v kamal ke ful ka darshan matrishakti tatva men aur vriddhi karta hai. baba batate hain ki jis stri ko putra athva jis putravti ko dudh nahin utrta use vahan ka nir dene par tvarit fayda hota hai. garbh grih men man ki koi vigrah nahin varan pratyek ang hi shobhit hai. matrigrih ke thik bahar donan kone par devi vahan sinh ki manohari murti bani hai. man ke mandir ke dahine unche parvat par panchmukhi ganesh aur dusre taraf panchmukhi hanuman ji ki murti bani hai. matri mandir ke piche charnodak sthan ke pas hi man shitla v bhairav ji ki sthiti hai. man ke mandir ke samne ek puratan maulashri ka vriksh hai jise mansa vriksh (kalp drum) bhi kaha jata hai. mandir ke piche pujari nivas kaksh hai. man ke mandir ke pahle panchmukhi shiv v donon taraf nandi vahan virajman hain. yahin se 69 sidhi chadhakar yogini mata gufa tak aya ja sakta hai jise ‘garbh jun’ bhi kaha jata hai. iske pravesh khand ke thik pahle semal ka puratan vriksh hai jise manokamna vriksh kaha jata hai. yahan log apni man murad purn hone ke lie int ka tukda dhage se bandhte hain. man ka yah gufa tin vishal pashan khand se aise bana hai ki iska bahri akar bhi yonidvar ke saman hai. andar men kul ath pashan khand ka aisa sanyog hai jo sabhi milakar matri garbhashay ka rup banate hain. ekantik tantra sadhna sthali ke rup men manya yah gufa dekhne men age se sankra hai par matri kripa kahen ki mote-mote log bhi sakushal par ho jate hain. andar men ek shila khand par chunri lapeta hai jise matri rup mana jata hai. donane samay matripujan men chadhne vale bhog men shakahar v mans madira donon ka prayog nitya kiya jata hai. ismen bali bhi avashyak hai jo chag bali ya kabutar bali ke rup men jyada manya hai. mandir ke sadhak pujari batate hain ki varsh 1976 i. se is sthan ka vishesh prachar-prasar hua hai aur isi varsh se man ki puja sanatan pujan paddhati se tinan pahar men ho rahi hai. varsh 1984 men godda jila banne ke bad yahan ka vikas rath aur age badha aur 15 navanbar san 2000 ko jharkhand rajya nirman ho jane par yahan vikas ke kai karya kie gae. peyajal v bijli ke sath-sath man ke sahaytarth yahan bhakt grih banae gae hain. yogini devi matri-karya men sadaiv tatpar v bhakton ke marg ko saral karne vali hain. jis prakar shiv shakti ke poshak shiv gan hain thik usi prakar devi karya ko purn karne ke lie yoginiyon ka jagat pradurbhav hua. yogini ki mul sankhya ath hai yatha mangla, pingla, dhanya, bhramri, bhadrika, ulka, siddha aur sankta. aise bhakti ke chaisath sopan aur 64 bhairvon ki bhanti yogini ki kul sankhya chaisath hai jiska ullekh ‘pratishtha mahoddhi’ men hai. devi man ki arti men bhi is bat ka ullekh hai yatha ‘chaisath yogini gavat nritya karat bhairu............ is mandir ke do taraf parvatiya khand, panch pallav vriksh tatha chaturdik hanuman v bandron ka uchl-kud ane vale bhakton ke balvrindon ko utsahit v romanchit karta hai. prasiddh chikitsak dae. parijat kumar daradhiyar batate hain ki yogini man ki kripa se kitne hi logon ka uddhar hua hai iska koi lekha-jokha nahin aur aj bhi matri kripa ka yah bhav jivant hai. man yogini ji ka pujan sthan pure desh men hai par inmen hirapur (surda, udisa), ranipur ( jhanriya, udisa) bhedaghat (jablpur, madhyapradesh), khajuraho (raysen, madhyapradesh), kalimath (gadhval kshetra) aur pragjyotishpur (govahati, asm) ke yogini sthan ka vishesh mahatva hai. is mandir ki ek alag katha yah bhi hai ki yahan ratri men kabhi bhi tala nahin lagaya jata. sal ke donon navratra ke sath harek shanivar v manglvar ko yahan dur-dur se bhakt ate hain aur shravan mah ke antim-manglvar ko yahan ke varshik pujnotsav men to dur-desh ke bhakton v sadhkon ka agaman hota hai. yahan matriseva men baba ji ke sath aur kitne hi nar-nari nivas karte hain jismen miru tuddu ka nam sadhika ke rup men khyat hai. n sirf lok astha- varan dharm kendra aur arogya sthali ke rup men yogini sthan ki charcha dur-dur tak hai. aise to yahan ka nir aur bhashm hi mul dava hai par yahan bamar, fulas, chadhauna jaise kuch tantrik kriya karm bhi kie jate hain jiske falasvarup rogi changa hokar ghar laut jata hai. yahin koi das varsh purva pahadi par shikhar bhag men ek shiv mandir banaya gaya hai aur sidhi v jal ka prabandh kiya gaya hai. iska nam manokamna mahadev hai. aise yahin se thodi duri par khatri vansh ka durga mandir bhi prasiddh hai. kul milakar dharm astha aur jan sanskriti ka yah kendra jharkhand rajya ke puratan devi tirth ke rup men dur-dur tak khyat hai. jharkhand men man chinnamastika (rajarappa), nagar devi (nagar untari), chaiparan ki mata bhadrakali (irtakhori), santhal pargna ka bindudham, katrasagadh ki man lilori, bokaro ki man chanchli bhavani, hantrganj ki kuleshvari, devaghar ki mansa man, ramagadh ki mata vaishno v manbhum ki gadh devi ke madhya man yogini ka vishesh man hai. jo yahan jis bhav se ata hai matashri use pradan kar apna bhakt avashya bana leti hain.
Kya aapko lekh pasand aaya? Subscribe

Kya aapko lekh pasand aaya? Subscribe


dugartinashini man durga visheshank  October 2013

fyuchar samachar patrika ke dugartinashini man durga visheshank men bhagvti durga ke prakatya ki katha, mahaparva navratra pujan vidhi, navratra men kumari pujan, navratra aur vijay dashmi, man ke nau svarup, man ke vibhinn rupon ki puja se grah shanti, navratri ki adhishthatri devi bhagvti durga, kali bhi hi durga ka rup tatha devi ke 51 shaktipithon ka parichay adi gyanavardhak alekh sammilit kie gae hain. iske atirikt gotra ka rahasya evan mahatva, loksbha chunav 2014, sanskrit kampyutar programing hetu sarvashreshth bhasha, ank jyotish ke rahasya, kundli milan evan vaivahik sukh, vibhinn rashiyon men brihaspati ka fal v ganga ki utpatti ki pauranik katha adi alekh bhi gyanavardhak v atyant rochak hain.

Subscribe

Apne vichar vyakt karein

blog comments powered by Disqus
.