मां के नौ स्वरूप

man ke nau svarup  

Ank ke aur Lekh | Sambandhit Lekh | Views : 1308 |  
shailputri: parvatraj himalay ki kanya shailputri pratham durga kahlati hain. yah purvajanm men prajapti daksh ki beti tatha shiv ki ardhangini thin. sab devtaon ne inki stuti karte hue kaha ki devi ap sarvashakti, adi shakti hain. ap hi ki shakti ke dvara ham devta bhi balshali hain. atah ham apka baranbar jay ghosh karte hain. brahmacharini: yah durga ka dusra svarup hai. brahm yani tap ki charini ya acharan karne vali devi ‘tapashcharini’ bhi kahlati hain. isi janm men inka nam ‘uma’ bhi vikhyat hua. durga ka yah rup kaumarya shakti ka bhi pratik hai. chandraghanta: sunhri rangat vali yah tisri durga apne mastak men virajman ghante ke akar ka ardhachandra liye hue hain. inke ghante (shabda) ki ghanghor garjana se daitya evan asuron ka sanhar hua. saptashati ke dusre adhyay men varnit hai ‘ghantasvanvimohitan’, arthat asuron ko devi ne nad se murchit kar ke yamlok pahunchaya. kushmanda: chaturth durga kushmanda brahmand ko utpann karne vali shakti hain. devi kushmanda surya mandal ke bhitar nivas karti hain. inka tej avarnaniya tatha alaukik hai. skandmata: parvatraj himalay ki kanya shailputri ne brahmacharini ke rup men tap ke pashchat shiv ko varan kiya. inse inhen ‘skand’ namak putra ki prapti hui. skand ki mata hone se ye ‘skandmata’ ke rup men prasiddh huin. katyayni: durga ka chatha svarup katyayni devi braj bhumi ki adhishthatri devi hain, kyonki vrindavan ki gop balaon ne krishn ko pati rup men pane ke lie yamuna nadi ke kinare virajman devi katyayni ki puja ki thi. kalratri: syah kale rang ke bhayavah rup men chitrit durga ka satvan rup kalratri hai. is devi ke bal sadaiv bikhre rahte hain. vah kanth men bijli jaisi mala dharan kiye hue hain. is devi ke netra bhi bijli ki bhanti chamkte hain. inki brahmand sadrish tin gol ankhen hain. nak se sans chodne par agni ki bhayankar lapten niklti hain. inka yah rup bhakton ke shatruon ke daman ke lie hai. sabke vinash kal ki bhi ratri (vinashika) hone se inka nam ‘kalratri’ hua. mahagauri: durga ke athven svarup vali mahagauri shant prakritti ki devi hain. himalay men kadi tapasya ke dauran inke angon par mitti ki parten jam gayi thin, jinhen shiv ne ganga jal se saf kiya, to devi ke ang gaur varn men khil uthe. tabhi se inka nam ‘mahagauri’ prasiddh hua. siddhidatri: siddhiyon ko pradan karne ki vajah se hi nauvin durga ‘siddhidatri’ ke nam se vikhyat huin. shiv ne inki puja-archana kar ke siddhiyan prapt ki thin. is devi ke ashirvad se unka adha ang devi ka hua tha aur isi se vah ‘ardhanarishvar’ ke nam se prasiddh hue hain. yah devi kamal par virajman hain. isse purnatah spasht ho jata hai ki man durga ke ukt nau rup lok kalyan tatha srishti suraksha ke avtar hain
Kya aapko lekh pasand aaya? Subscribe

Kya aapko lekh pasand aaya? Subscribe


dugartinashini man durga visheshank  October 2013

fyuchar samachar patrika ke dugartinashini man durga visheshank men bhagvti durga ke prakatya ki katha, mahaparva navratra pujan vidhi, navratra men kumari pujan, navratra aur vijay dashmi, man ke nau svarup, man ke vibhinn rupon ki puja se grah shanti, navratri ki adhishthatri devi bhagvti durga, kali bhi hi durga ka rup tatha devi ke 51 shaktipithon ka parichay adi gyanavardhak alekh sammilit kie gae hain. iske atirikt gotra ka rahasya evan mahatva, loksbha chunav 2014, sanskrit kampyutar programing hetu sarvashreshth bhasha, ank jyotish ke rahasya, kundli milan evan vaivahik sukh, vibhinn rashiyon men brihaspati ka fal v ganga ki utpatti ki pauranik katha adi alekh bhi gyanavardhak v atyant rochak hain.

Subscribe

Apne vichar vyakt karein

blog comments powered by Disqus
.