शौचालय

shauchaly  

Ank ke aur Lekh | Sambandhit Lekh | Views : 14212 |  
prashna: toylet kahan evan kis disha men hona chahie athva nahin hona chahie? galat sthanon evan dishaon men toylet hone se kaisi samasyaen utpann ho sakti hain? galat sthanon evan dishaon men toylet ke vastu dosh ka nivaran kaise kiya ja sakta hai? shauchalay banane ka sabse uttam sthan uttara-pashchim (vayavya) hai. vikalp ke taur par pashchim, dakshin, dakshin-pashchim (nairritya) aur dakshin-purva (agney) men bhi shauchalay banae ja sakte hain. kintu in sthanon par jamin men gaddha nahin khudvana chahie. in dishaon me taylet banvate samay do fut uncha chabutra banvakar bhartiya shaili ke anusar hi use banvana chahie. taylet men baithne vale ke mukh ki disha dakshin hai. purva, u. ko shubh nahin mana hai kyonki purva suryoday, u. dhan (kuber) ki disha hoti hai tatha pashchim bhi suryast ki disha hoti hai. ajakal adhunik jivnshaili ke anusar har kaksh ke sath taylets ko jodne ki parampara chal rahi hai jo ki galat hai kyonki vibhinn dishaon men isse nuksan bhi hote hain. uske sath hi shauchalay ke sath snangrih banvana thik nahin mana gaya hai kyonki snangrih men chandrama ka vas hota hai tatha taylets men rahu ka nivas hota hai. in donon ke sath men a jane se chandrama men dosh a jata hai tatha rahne vale men dushprabhav a jata hai. yadi jagah ki kami ke karan inhen sath men banvana pade, to inmen nairritya aur dakshin ke bich taylets sit, purva men nal ki tonti, ishan men shavar, bath tab, agney men gijar, hitar, u. men vash besin tatha ishan men hi roshan dan banaen. isse rahu v chandrama ki sthiti dosh rahit rahegi. chandrama, rahu se pidit nahin hoga. iske alava, shauchalay ki saf-safai ka vishesh dhyan rakhen taki rahu ki sthiti vyakti ke anukul bani rahe, farsh ka dhalan purva, ishan, u. ki or rahe. vibhinn dishaon men taylets ke rahne ke shubh, ashubh prabhav v upay: - u. disha men iske rahne se dhan ka nash hota hai, lakshmi kupit ho jati hai, arthik tangi hone se ann v svasthya prabhavit rahta hai. daridrata rahti hai parishram ka labh nahin milta. upay: is disha men ek chota sa gaddha bana len aur ek kritrim favvara bhi laga lena chahie jismen pani ka pravah nirantar hota rahe. - ishan kon men vastu purush ka sir hai, yahan par shauchalay banvane ya hone se vyakti ka jivan tabah ho jata hai, parivar ki vriddhi, boli aur bhojan (anna) nasht ho jate hain. sare dev bhi kupit ho jate hain. musibten lagatar badhti rahti hain. atah yahan shauchalay nahin hona chahie. yadi ho to tudvakar anya shubh jagah bana len ya nimn upay karen. - is kon men darpan lagana shubh rahta hai. - is kon men ek chota sa ched kar donon konon ko alag kar den. - ishan kon me ekveriyam ka upyog shubh rahta hai. yah u. aur purva ke dosh ko dur karta hai. - ishan men pani bharakar koi bartan rakhen. - purvi disha me iske hone se unnati men badha pahunchti hai, mansik tanav v asvasthyata, rog-pida hoti hai. upay: - ekveriyam rakhen. - shauchalay ke andar ki taraf (bahar nahin) shikar karte hue ya daudte sher ki foto laga den. - agney agney men purva disha ki divar sahi kiye bina ise bana sakte hain. is kon ka shauchalay jyada shubh nahin rahta hai, madhyam hi rahta hai. jagah ki kami ke karan bana sakte hain. svasthya, pet ki taklif ho sakti hai. upay: lal rang ka balb jalaen. - dakshin is disha me shauchalay banana thik hai. koi nuksan nahin hota hai. atah upay bhi avashyak nahin hote. - nairritya (d.-p.) is kon par vastu purush ke pair rahte hain tatha ishan v nairritya kon ko milane vali kalpanik rekha bhi hoti hai. atah shauchalay, nairritya men n banvakar kalpanik rekha ke pashchim ya dakshin men banana thik rahta hai. upay: is kon par karban ark lagaen. - pashchim is disha men shauchalay banana thik rahta hai. - vayavya is disha men bhi shauchalay banana thik rahta hai. - brahmasthan yahan par iske hone se vastu purush ko pran vayu nahin milne se, yahan rahne valon ki unnati ruk jati hai. lanbi bimari se grasit hokar jatak mar jata hai. upay: - kanch ke bade bartan men dali vala namak dalakar shauchalay men rakhen. ravivar ko vahan se flash kar punah naya namak dalakar shauchalay men rakhen. nakaratmak urja dur hogi. vyakti svasth rahega. - shauchalay ka dvar hamesha band rakhen taki nakaratmak urja n nikle. - shauchalay men ekjhast fain lagaen. sugandhit odonil bhi lagaen. - ekveriyam ko shauchalay men kadapi n rakhen. - shauchalay ke dvar ke niche tin tar - lohe, tanbe v chandi ke ek sath daba den. - shauchalay ke samne rasoi ghar nahin honi chahie. - ise sidhiyon ke niche nahin banana chahie. - taylet ke darvaje ke upar, bahar ki taraf ek chota sa gol shisha lagane se bhi vastu dosh dur hota hai. - yadi shauchalay ka darvaja ghar men pravesh hote hi dikhai deta hai to uske upar darpan lagana uchit rahta hai. iske apranik urja darpan men apna pratibinb dekhakar vapis mud jate han.
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.