करियर में श्रेष्ठता के ज्योतिषीय मानदंड

kariyar men shreshthata ke jyotishiya mandand  

Ank ke aur Lekh | Sambandhit Lekh | Views : 3716 |  
budh, guru, surya v shani ka mahatva jyotish shastra ke praneta maharshi parashar ne budh grah ko vyavsay ka vishesh karak mana hai islie aisa dekha gaya hai ki yadi kundli men budh grah nirbal ho to jatak apne karya kshetra men nanbar van pojishan par pahunch pane men saksham nahin ho pata. budh buddhi, vakptuta, management skills v resourcefulness ka karak hota hai parantu budh grah ka bali hona nirarthak mana jaega yadi pancham bhav kamjor hua. yahi karan hai ki bali budh ki avashyak sharton men pancham bhav ke karak guru, panchmesh, v naisargik panchmesh surya ke bali hone ko avashyak shart mana gaya. aisa hone se jatak mahabuddhiman hota hai v kariyar ke uchchatam shikhar par shighrata se pahunchne men safal hota hai. guru hamari mahatvakankshaon v netritva kshamataon ke karan hamen age rakhta hai v divya buddhi pradan karta hai. guru grah se prabhavit vyakti jis kisi bhi karya ko hath men leta hai use pura karke hi dam leta hai aur kisi bhi karya ko adhura chodne men vishvas nahin rakhta aur yahi uski saflta ka mul mantra hota hai. aise jatak men kabhi n khatm hone vali atirikt mansik urja hoti hai aur vah ghabrahat ka karan upasthit hone par apne path se vichlit nahin hota tatha apna mansik santulan banae rakhne men saksham hota hai. surya hamare vyaktitva, karya sanpadan, kriya kalapon v vyakhyanon men chamak utpann karke hamen rajkripa ka patra banata hai isilie bali surya vale jatak ki baten v karya samachar ban jate hain. surya n keval nam, yash v kirti ka karak hota hai balki hamari prashasnik yogyataon ko bhi darshata hai. uprokt sabhi sharton ke pura hone par yah sahi hai ki jatak apne kariyar men uncha uthega lekin unnati prapt hone ka uska marg saral hoga ya kathinaiyon se bhara hua hoga iska sukshm vishleshan karne hetu kundli men shani ki sthiti ka adhyayan karna hoga. yadi kundli men shani ki sthiti uttam ho, yah 3, 6, 10 ya 11ven bhav men sthit ho, nichrashisth v pidit n ho to asani se saflta milegi. nichrashisth hone ki sthiti men purn nichbhang ho raha ho to bhi saflta mil sakti hai. parantu yadi shani ka nichbhang nahin hua ya shani shatrurashisth v pidit hokar ashubh bhav men sthit hua ta jatak ki saflta par prashn chihn lag jaega tatha vishesh yogyata sanpann hone ke bavjud bhi use jivan men kathinaiyon v sangharsh se jujhna padega tatha vah sadharan jivan jine ke lie majbur ho jaega. shani hamen yatharthavadi banakar hamari vastavik shaktiyon v yogyataon se hamen avagat karvata hai tatha hamen ekantapriya hokar nirantar apne lakshya ki or agrasar karvata hai arthat hamen thvabnemak rakhta hai. shani ke shubh prabhav se hamare vyavsayik jivan men suraksha, sthirta v santulan ki sthiti bani rahti hai. uprokt vishleshan se yah spasht hai ki jivan men shreshthatam saflta prapti ke lie budh, guru, surya v shani ka mahatva sarvopri hai. bhavon ka mahatva grahon ka sukshm adhyayan karne ke bad hamen bhavon ke mahatva ko samjhna hoga. lagn v lagnesh ka mahatva islie sarvopri hai kyonki kundli ke bal ka adhar lagn hai. islie lagn bhav ka svami balvan hokar kendrasth hona chahie. lagn par jitne grahon ka prabhav padega kundli utni hi balvan hogi. dasham bhav ki shakti kariyar ki unchai bataegi yah sahi hai parantu yadi dvitiya v ekadash bhav v inke karak kamjor hue to kariyar men shighrata se tarakki, promoshan, inkriment, dhan labh adi nahin ho sakega. navam bhav ke mahatva ko bhi najar andaj nahin kiya ja sakta v saubhagya ke karak shukra ka adhyayan bhi avashyak hai kyonki bhagya ki kamjori saflta prapti men kathinaiyan utpann karengi. jaimini jyotish men pancham bhav v panchmesh ke bali hone ko rajyogkarak mana gaya hai. iska karan yah hai ki pancham bhav navam s navam hota hai arthat hamare bhagya ka bhagya pancham bhav, panchmesh v karak guru par nirbhar karta hai. pancham bhav se hamare purvajanm ka vichar kiya jata hai aur hamara bhagya hamare purva janmarjit karmon par nirbhar hai. islie pancham bhav panchmesh v pancham ke karak ka mahatva nirvivad hai. dasham bhav ki bhumika- nam, yash v kirti ki prapti hetu dasham bhav, dashmesh, dasham bhav men sthit grah v karak surya ki shreshthatam sthiti vanchit hai. dasham bhav men sthit grah ajivika prapti v iske nirdharan men sarvadhik bhumika ada karta hai. jatak kis prakar ke vyavsay se ajivika prapt karega iske nirdharan men bhi yah grah mahatvapurn bhumika ada karta hai. yadi dasham bhav men koi grah n ho to chandrama se dasham bhav men sthit grah dvara ajivika vichar karen aur yadi chandrama se dashamasth bhi koi grah n ho to surya se dasham bhav men sthit grah se vichar karen. yadi janm lagn, chandra lagn v surya lagn in tinon se hi dasham men koi bhi grah n rahe to jatak ko bhagyahin samjha jata hai aur aisi sthiti men dashmesh ke navanshesh se ajivika vichar kiya ja sakta hai. yah tathya nirvivad hai ki dashamasth grah ajivika nirdharan men sahayak hota hai parantu yah avashyak nahin ki ajivika ka kshetra bhi vah nirdharit kare. kundli ke anya bali yog apko kisi anya karyakshetra men karya karne ke lie bhi to prerit kar sakte hain. aisi sthiti men dasham bhav men sthit grah kariyar men unnati karvane ka karak mana jaega. parakram bhav- yadi kundli men kariyar pragti ke karak grah v bhav kamjor hon to aisi sthiti men parakram bhav ki takat apko jivan men uncha utha sakti hai. tisre bhav men mangal ki sthiti se jatak purn parakrami banta hai. aisa jatak kathin paristhitiyon se nahin ghabrata v use khatron se v sangharshon se jujhna achcha lagta hai tatha vah ais kisi bhi karya men shighra hi unnati karta hai jismen virta hi shreshthata ka mapdand ho. aisa jatak ‘‘sailf med main’’ hota hai. sikandar mahan, tipu sultan, maharaja ranjit sinh v chandra shekhar ajad ki kundliyon men yah yog dekha ja sakta hai. kundli men balvan rajyog kundli ko vishesh balvan kar dete hain aur jatak ki yogyata v saflta donon ko sunishchit kar dete hain. balvan kundli ki visheshtaen 1. lagnesh bali hokar kendra ya trikon bhav men sthit hota hai. 2. shubh grah jaise lagnesh, guru, shukra, budh v balvan chandrama kendrasth sthit hote hain. 3. pap grah 3, 6 v 11ven bhav men sthit hote hain. 4. athvan v barhvan bhav khali hote hain. 5. kundli men tin ya tin se adhik grah uchcharashisth hon. 6. kundli men bali rajyog hon arthat rajyog ke karak grah vishesh bali hon. 7. kundli men kuch aise bhi yog hote hain jo jatak ko nishchit rup se unnati ke shikhar par pahunchate hain jaise- yada mushtari karkate va kamane. yada chashmakhora jami vasvane.. tada jyotishi kya likhega padhega. hua balika badshahi karega.. arthat yadi guru kark ya dhanurashisth ho tatha shukra chaturth ya dashamasth ho to aisa jatak nishchit rup se raja hota hai. pan. javahar lal nehru, indra kumar gujral, pramod mahajan tatha anya anek mahan vibhutiyon ki kundliyon men yah yog dekha ja sakta hai. 8. yadi char panch grahon ka paraspar sthan parivartan yog ho jae to yah saflta ki unchaiyon par pahuncha deta hai. svargiya shrimti indiragandhi ki kundli men yah yog dekha ja sakta hai. 9. surya athva chandrama se sanyukt char pan. javahar lal nehru, indra kumar gujral, pramod mahajan tatha anya anek mahan vibhutiyon ki kundliyon men yah yog dekha ja sakta hai. 8. yadi char panch grahon ka paraspar sthan parivartan yog ho jae to yah saflta ki unchaiyon par pahuncha deta hai. svargiya shrimti indiragandhi ki kundli men yah yog dekha ja sakta hai. 9. surya athva chandrama se sanyukt char grah chahe jis kisi bhi bhav men sthit hon yah rajya v sukh ko dene vala malananaprad yog kahlata hai. 10. yadi shukra, budh lagn men sthit hon, guru kendrasth ho v mangal dashamasth ho to aisa jatak sarvagun sanpann param bhagyashali hota hai. 11. yadi char lagn ho tatha guru, shukra v shani kendrasth hon to aisa jatak rasik svabhav ka, ved shastra ka gyata v vikhyat hota hai. 12. kai bar aisa dekha gaya hai ki ashtam bhav men char-panch grahon ka jamavda jatak ko kisi vishesh kshetra men pragtishil bana deta hai. iske atirikt ashtamesh atyant bali hokar sthit ho to bhi aisa hi prabhav dekha gaya hai. parantu ismen avashyak shart yah hoti hai ki pancham bhav ya pancham bhav ka karak guru vishesh bali hona chahie. amitabh bachchan, acharya rajnish, sachin tendulakar v da. manmohan sinh ki kundli men yah yog dekha ja sakta hai. 13.karmasthane yadajivo budhshukrastatha shashiah sarvakarmani sidhyanti rajmanyo bhavennarah.. arthat yadi brihaspati, budh, shukra aur chandrama charon grah dasham bhav men baithe hon to janm lene vala balak sab karyon ko siddh karne vala aur rajaon men manya hota hai. 14. charon kendra sthanon men saumya aur pap grah donon hi hon to rajya aur dhan ko dene vala chatuahsagar yog hota hai. 15. panchamastho yada jivo dashamasthashch chandramaah sapujyashch mahabuddhistapasvi ch jitendriyah.. janm lagn se pancham bhav men guru aur dasham men chandrama ho to vah raja mahabuddhiman, tapasvi v jitendriya hota hai. 16. eko jivo yada lagne sarve yogastada shubhaah. dirgh jivo mahamanyo jayte nayko bhataah.. yadi ek brihaspati uchch rashisth hokar lagn men virajman ho to sabhi yog shubh ho jate hain aur utpann hua balak dirghajivi, sarvamanya v senapti hota hai. janaral parvej musharraf ki kundli men yah yog dekha ja sakta hai. 17. shri yog - yadi dvitiyesh v bhagyesh kendron men hon tatha in kendron ke svamiyon par brihaspati ki drishti ho to aisa vyakti 22 varsh ki avastha ke bad suyogya mantri, raja se pratishthit, shatruon par vijay pane vala v anek deshon ka malik hota hai. 18. mangal lagn ya saptamasth hon v surya panchamasth ho to aise bachche ka van men bhi parityag kar diya jae to bhi uske vishvavikhyat hone men sandeh nahin. 19. budh v guru ka shubh bhavon men sthan parivartan yog ho ya inki kendra men yuti ho ya budh dhanu ya min men sthit ho v guru kendrasth ho ya su. bu. shu. dashamasth hon v guru se drisht hon tatha chathe ghar men pap grah hon. 20. su. bu. dashamasth hon v uchcharashisth guru lagn men hon. 21. guru v budh donon uchcharashisth hon v lagnesh bali ho. 22. su. bu. lagn athva dashamasth hon v guru uchcharashisth ho. 23. su. bu. kendrasth ho tatha panchmesh uchcharashisth ho v guru kendra ya trikon bhav men sthit ho. 24. mesh lagn men surya, chaturth bhav men guru v mangal dasham bhav men ho. 25. purn nichbhang raj yog- nichasthito janmani yo grahah tadrashinathah tatha taduchchanathah bhavetchandralagnadyapi kendravatrikonavarti raja bhavetdharmik chakravarti. arthat yadi koi grah nichrashisth ho to uski uchch v nich rashiyon ke svami janm lagn v chandra lagn donon se hi kendra ya trikon bhav men sthit hon to jatak dharmanishth chakravarti raja hota hai. 26. yadi lagn, chaturth, pancham, saptam, navam v dasham in sabhi bhavon ke svami ekatra hokar kisi shubh bhav men virajman hon to aise yog vala jatak mahapurush hota hai. rajbhang yog jahan shubh yog jatak ko unnati ke shikhar par le jate hain vahin kundli men virajman ek bhi rajbhang yog sabhi shubh yogon ko nishfal kar deta hai. in rajbhang yogon ka vivaran is prakar hai- 1. surya v chandrama donon nichrashisth hon. 2. surya ya guru das se kam anshon ka hokar nich rashi men kendrasth ho. 3. ashtamesh ka rajyog karak grahon se sanbandh ho. 4. lagn ya chaturth bhav par pap grahon ka prabhav ho ya papakartari men ho. lagnesh ya chaturthesh ashubh bhav men sthit hokar balhin ho. kundli men vidyaman shubhashubh yog sanchit karm ka pratinidhitva karte hain. inka fal prarabdh se prapt hota hai aur isilie jivan men pragti ka avasar ane par prarabdh ka pratinidhitva karne vali shubhashubh dasha saflta ya asflta ka nirdharan karti hai aur is samay kriyaman karmon ka pratinidhitva karne vala shubhashubh gochar antim nirnayak ka karya karta hai.
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.