आपकी राशि-आपका खान-पान

apki rashi-apka khan-pan  

Ank ke aur Lekh | Sambandhit Lekh | Views : 3717 |  
mesh rashi is rashi vale logan ko garma garm aur masaledar bhojan adhik pasand hai. achar, chatni, papad ityadi bhi inki pahli pasand hai. thanda aur fika bhojan apka mijaj bigad sakta hai islie apko svasth tan v man ke lie taja v garm bhojan hi karna pasand hai. agni tatva ki rashi hone ke karan tikhe masale, lal mirch v ekadam garm roti, garm sabji apki ruchiyon ke anukul hai. vrish rashi apki rashi prithvi tatva ki rashi hai atah isi karan is rashi ke logon ko achche sugandhit masalon vala bhojan adhk achcha lagta hai jismen dhaniya, jira, ajmonda jaise sugandhit padarth hon. kuch bhi mitha khana apko achcha lagta hai. mithun rashi apki rashi vayu tatva ki rashi hai. ap chanchal, chalayman v gatishil pravritti vale hain. apse adhik intjar nahin hota. yadi bhojan ki bat ki jae to ap aisa bhojan pasand karte hain jo shighrata se pak jae v turant khane ko bhi mil jae islie fast food apki pahli pasand hai. ap apne bhojan men bhinnataen bhi pasand karte hain. apko bhinna-bhinn prakar ke vyanjnon v bhojan ki lalak rahti hai kyaneki vividhtayan apki pahli pasand hain. kark rashi apki rashi jal tattva ki rashi hai. jis prakar jal men anek prakar ki lahren hiloran leti hain usi prakar apke man men bhi kabhi-kabhi bhojan ke prati aisa hi vichar ata hai ki kyon na kuch khas banaya jae v uska lutf uthaya jae. jis samay chandrama apni kalaon se purn hona praranbh karta hai apki bhojan ki ruchiyon men bhi usi anusar vriddhi hoti hai, jab chandrama ki kalaen kam hone lagti hain to apki bhojan men ruchi bhi ghat jati hai, ap bhojan ke mamle men santoshi hain. jahan jaisa bhi mil jae thik hai, par kabhi kabhi itne mukhar ho jate han ki bade man se bhojan banana aur khana apko bahut bhata hai. patli dal, tari vali sabji, sup, jus, pey padarth apka mijaj durust kar sakte hain. basi bhojan se apka mud kharab ho sakta hai. sinh rashi apki rashi agni tattva ki rashi hai. agni ka arth hai garm, uttejit pravritti vali. islie sinh rashi vale log purush hon ya stri atyant parakrami, uttejit, garm mijaj bhi hote han. yahi bat apke bhojan ko bhi saman rup se prabhavit karti hai jiske falasvarup is rashi vale logan ko garma garm aur masaledar bhojan chahie. mithai aur namkin donon yadi inke samne parose jaen to ye namkin ko prathmikta denge. bajar ki chijen khane ka bhi inhen behad shauk hota hai. garma garm chay v garma garm pakaude inki pahli pasand ho sakte hain. kanya rashi apki rashi prithvi tatva ki rashi hai. ap khana khane ke hi shaukin nahin hain apitu apko bhojan banane ki kala bhi atyant bhati hai. apki koshish hamesha yahi rahti hai ki ap jab bhi kuch banayan kuch na kuch naya avashya karan. masalon ki jankari ka bharpur bhandar chipa hai apke dimag men. apko sabjiyan, fal adi to pasand han sath hi apko bhojan samagri ki bhi pahchan hai. ap taral pey padarth bhi khub pasand karte hain. apne hath se banaya gaya bhojan hi apki pahli pasand hai. tula rashi apki rashi vayu tattva ki rashi hai. apko apne jivan men jo bhi chahie vah uttam hona chahie. yahi kamna sadaiv apke man men rahti hai. apko bhojan ki sugandh se bahut lagav hai. vividhta men hi apki ruchi rahti hai. kisi khas prakar ke bhojan ke prati ap adhik samay tak akarshit nahin rah pate. samyanusar v sthiti anusar ap svayan se samjhauta karne men bhi saksham hain. apke bhojan ki ruchiyon ki jitni prashansa ki jae utni kam hai . mahange se mahanga bhi khana athva khilana pade to ap hatne vale nahi hain. apko ghar ki apeksha bahar ka khana adhik pasand hai. apki juban par yah jumla sadaiv rahta hai jo sabse badhiya kvaliti hai vahi le ao . vrishchik rashi apki rashi jal tattva ki rashi hai. islie apko taral padarth se behad lagav hai parantu apko apne pasandida bhojan ka chayan karne men asmanjsta mahsus hoti hai. apne apne bhojan ki koi samay sima nirdharit nahin ki hai islie ap jaisa, jahan milta hai vahi kha lete hain. apko bandhnon men bandhna nahin bhata islie ap samjhauta nahin karte. jal men utpann hone vale anaj, dalen ,sabjiyan fal apki pasand hain. samay padne par basi bhojan khane se bhi ap parhej nahin karte. ap jal men utpan hone vale bhojya padarth pasand karte hain . fast fud apki pahli pasand hai. dhanu rashi apki rashi agni tattva ki rashi hai. apki rashi ka agni tattva paropkari pravritti vala hai. ap santoshi pravritti vale hain aur yahi bat apke pasandida bhojan par bhi lagu hoti hai. jo bhi khane ko mil jae ap chupchap grahan kar lete hain. mahanga khana apko fijul kharch lagta hai, ap svachch bhojan adhik pasand karte hain. tikha bhojan, achar, chatni, apki pasand hai. bhojan ki upalabdhata apke lie ap ki pasand se adhik mahattva rakhti hai. pasand anusar mil jae to thik nahin to kuch bhi chalega. ap gharelu bhojan aur fast fud men saman rup se ruchi rakhte hain, matalab to pet bharne se hai . makar rashi apki rashi prithvi tatva ki rashi hai,ap khane ke lie jina nahin chahte apitu matra jine ke lie khana chahte hain. apko jo bhi khane ko mil jae usi se santusht hokar prabhu ka dhanyavad karte hain. ap sachche man se bhojan ki prashansa bhi karte hanai. apka siddhant hai ki brahman bhukha nahin jana chahie . kabhi-kabhi ap svayan par niyantran nahin rakh pate aur avashyakta se adhik bhojan kha lete hain v bad men khud pachtate han. samay anusar apke bhojan ki ruchiyon men parivartan hota rahta hai. ap garma garm v taja bhojan adhik pasand karte hain. kul milakar ap santoshi pravritti vale hain atah jo mil jae usi se santusht ho jate hain . kunbh rashi apki rashi vayu tattva ki rashi hai v shani apki rashi ka svami hai. jivan ke 25 ven aur 36 ven varsh ke pashchat apke pasandida bhojan ki ruchiyon men parivartan hota hai. ap tivrata se khate hain v avashyakta se adhik khate hanai. apko ghar ka khana utna ruchikar nahin lagta jitna bahar ka khana. ap vah sab kuch khana pasand karte han jisman bharpur svad ho chahe vah sabji ho athva dal. ap bajar ki chijon ko adhik prathmikta dete hain atah chatpti v masaledar chijen apki pahli pasand hain. min rashi apki rashi jal tattva ki rashi hai . ap men sattvik gun bhi vidyaman hai atah ap sattvik bhojan ko hi apne jivan men prathmikta dete hain. sattvik, saf, taja, taral bhojan hi apka pasandida bhojan hai. taral pey padarth bhi apki pahli pasand hai. dudh, dahi, ghi, lassi, tari vali dal evam sabjiyan, sup ap prasannachitt hokar grahan karte hain. kabhi-kabhi ap bhojan ke prati jiddi v adiyal rukh bhi apna lete hain. tari vali sabjiyan, rasdar bhojan apko atyant bhata hai. taja, svachch bhojan apke man ko sfurti pradan karta hai.
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.