कुंडली में चतुर्थ भाव तथा मानसिक तनाव

kundli men chaturth bhav tatha mansik tanav  

Ank ke aur Lekh | Sambandhit Lekh | Views : 7686 |  
mansik tanav bahut hi bhayanak bimari hai. mansik tanav ka rogi kai star par jujhta hai mansik sharirik v samajik. prarambh men sharir se to vyakti svasth dikhte hain lekin antrik sthiti bahut dayniya hoti hai jo ki dhire-dhire sharirik v samajik rup se bhi vyakti ko prabhavit karti hai. mansik tanav ka pata ham jyotish ke madhyam se bhi laga sakte hain. janmakundli men barah bhav aur nau grah hote hain. jyotish ke anusar shashtam bhav, ashtam bhav tatha dvadash bhav ashubh hote hain. in bhavon ka sambandh shubh bhavon se hone par us bhav se sambandhit dosh utpann ho jata hai . chaturth bhav mata, matribhumi, rishtedar, jamin, jaydad, vahan tatha vahan sukh, mansik shanti, svayan ki unnati, hriday, aupcharik shiksha, samanya sukh, ghar tatha khushi ko pradarshit karta hai . chaturth bhav ka kisi bhi jatak ki kundli men vishesh mahatva hota hai. yah bhav sukh, mata tatha vahan ka hota hai. isse mansik shanti ko bhi dekhte hain. sadharntya chaturth bhav ko jyotishi vahan, mata, makan ke sukh ke rup men dekhte hain. par mansik shanti (umdjans chamanbm) tatha vyakti ke svabhav (padadamat chantpjl) par bhi chaturth bhav ka vishesh prabhav hota hai. sadharntya jab chathe bhav ka svami chaturth bhav men ho to vyakti man, vachan tatha karm se chor pravritti ko dharan karta hai. chaturth bhav men jab papi grah hon tatha chaturth bhav ke svami ko papi grrah dekhte han ya uske sath yuti sambandh banate hon to vyakti dusht prakriti ka tatha dusron ko dhokha dene vala hota hai. isse vyakti ki mansik shanti puri tarah nasht ho jati hai jo us par mansik dabav banati hai jo ki antatah blad preshar, haday sambandhi tatha anya rogon ko janm deti hai. jyotish men rahu aur ketu ko chaya grah ka nam diya gaya hai. jab rahu chaturth bhav men aur ketu dasven bhav men hota hai to yah sthiti mata, man aur makan ke lie pidadayak hoti hai, jatak ko mansik rup se bhatkav deti hai. chaturth bhav ke svami ke atirikt chaturth bhav ke karak grah bhi vyakti ki mansik sthiti ko prabhavit karte hain. chaturth bhav ke char karak grah chandrama, budh, shukra tatha mangal hain. chaturth bhav ko samjhne ke lie hamen chandrama, budh, shukra tatha mangal ki sthiti ko samjhna hoga. chandrama man ka karak hai. chandrama mata ka bhi karak grah hai. jab kundli men chandrama nich ka ya fir dusht prabhav men hota hai sath hi chaturth bhav ka svami bhi dusht prabhav men ho to vyakti matri sukh se vanchit rahta hai. jab chandrama dusht prabhav men hota hai to jatak ki mata se use kisi bhi tarah ka sukh nahin milta tatha kabhi-kabhi mata hi uski dushman ban jati hai jiske karan vyakti men bachapan se hi mansik tanav/vikar viksit hone lagta hai. yadi chandrama tatha budh kundli men puri tarah se dusht prabhav men ho to vyakti mansik rogi bhi ho sakta hai. budh buddhi ke sath kuch sanvegon jaise hasya vyangya ka bhi karak hota hai . mangal bhumi ka karak hota hai. yadi jatak ki kundli men mangal chaturth bhav men dusht prabhav men hai to bhi vyakti ki jamin jaydad ke karan mansik shanti prabhavit hoti hai. shukra ko bhi chaturth bhav ka karak mana jata hai. shukra chaturth bhav men vahan sukh sadhnon ko pradarshit karta hai. yadi jatak ki kundli men shukra pap prabhav men ho to vyakti ki manski shanti vahan tatha anya bhautik sukh-suvidha ke sadh anon ke karan prabhavit hoti hai. shukra jivan sathi ka bhi karak hai. sankshep men, jatak mansik shanti, bhautik sukh-sadhnon ko tabhi bhog sakta hai jabki uska chaturth bhav tatha chaturth bhav ka svami tatha karak grah kisi bhi dusht prabhav men n hon. shubh grahon ka prabhav chaturth bhav men hone se vyakti khush mijaj, milnsar aur utsah se paripurn hota hai tatha mata, vahan, makan tatha bhautik sukhon ki prapti karta hai. vyakti achche charitra ka tatha mansik rup se santulit hota hai .
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.