संवत 2071 का मेदिनीय फल विचार

sanvat 2071 ka mediniya fal vichar  

Ank ke aur Lekh | Sambandhit Lekh | Views : 2297 |  
varsh ko sanvatsar ke nam se jana jata hai. sanvatsar ki pravritti brihaspati ke madhyaman se hoti hai arthat guru jitne samay men ek rashi ko par karta hai us avdhi ko sanvatsar kahte hain aur is brihaspati man men 60 sanvatsar hote hain jinko alg-alag namon se jana jata hai. is varsh sanvat 2071 men plavang namak sanvatsar hoga jiske svami brahma ji hain. plavang namak sanvatsar hone ke karan is samvat men varsha kam hi hogi. sath hi rogon evan chori ityadi anaitik karyon se janta pareshan rahegi. bhumi ya simaon ke vivad ko lekar shaskon ke bich yuddh ki sanbhavna banti hai. plavang namak sanvat ke svami brahma ji hain, islie sanbhav hai ki chaitra aur vaishakh ke mahine men manhgai badh jaye. is sanvat ka jyeshth mas shaskon ke liye kashtakarak rahega. isi prakar ashadh mas men varsha kam matra men hogi. sath hi bhukamp adi jaise prakritik prakop ho sakte hain. lekin shravan mas men adhik varsha hogi. vishesh taur par janmashtami se adhik varsha hogi. ashvin mas men rasdar ya rasili vastuon ke damon men teji ayegi. falgun mas men janta pareshani ka anubhav kar sakti hai. sanvat 2071 ka akashiya kaunsil is prakar rahega- sanvat ka raja - chandra sanvat ka rasesh - shukra sanvat ka mantri - chandra sanvat ka nirsesh - budh sanvat ka sasyesh - budh sanvat ka dhanesh - budh sanvat ka dhanyesh - mangal sanvat ka durgesh - surya sanvat ka meghesh - surya sanvat ka falesh - shani is sanvat ka raja chandra hai atah sanvat men manglik evan shubh karya adhik honge. varsha adhik matra men tatha faslen uttam hone ke asar hain. janta men paraspar sadbhav tatha sneh badhega aur shasak varg ki bhi pratishtha badhegi. janta ke svasthya, rog nivaran tatha shanti ke liye vishesh yojnatmak kadam uthaye jayenge. sanvat ka mantri chandra hone ke karan varsha paryapt matra men hogi. anaj aur faslen adhik matra men hone ke sanket hain. jilon (janpdon) ki sankhya men vistar ho sakta hai tatha sabhi jile sukhi evan samriddh rahenge tatha sabhi prakar ka anand mangal bana rahega. sanvat sasyesh budh hai atah grishm ritu ke dhanya jaise gehun, chaval, ganna ityadi ki upaj is sanvat men paryapt matra men hogi. yahan bhi sunishchit hota hai ki is sanvat men varsha paryapt v samuchit rahegi. vikas evan sukh sadhnon men vriddhi hogi. brahman evan vidvanajan dharm paraynta ki or agrasar honge. varsh ka dhanyesh mangal hai atah yahan bhi yah sunishchit karta hai ki grishm dhanya jaise bajra, mang, moth, chaval, makka adi paryapt matra men honge. ganna, ghi aur tel men mahangai badh sakti hai tatha kisi bhishan agnikand se durghatana ke karan janhani ki bhi sanbhavna banti hai. lekin varsh ka meghesh surya hone ke karan yah darshata hai ki varsha kam hogi sath hi mahangai adhik hogi jiske karan rajnitigyaon men paraspar virodh ke svar ubhrenge. samaj men chor, thag logon ka bhay vyapt rahega. krishi ki drishti se chana, jau, ganna, dhan ki faslen adhik matra men hongi. sanvat ka rasesh shukra hai. isse pratit hota hai ki samaj men shubh manglik karya ya dharmik karya adhik honge. kuch pradeshon men varsha ka abhav rah sakta hai lekin gud, khand adi rasakas ka utpad prachur matra men hi hoga. sanbhav hai ki shasak varg nyayyukt hokar sucharu rup se shasan chalane men saksham honge. varsh ka nirsesh budh hai atah redimed kapde, haujri ka saman, shankh, chandan, sona, chandi, dhatu evan ratn mahange honge. sanvat ka falesh shani hai isliye falon ki faslon ko nuksan pahunchayega. pedon par ful sankramit n hokar nishfal rahenge. jadon men barfavari se nuksan hoga, chori ki ghatnaen adhik hongi tatha janta rogon se grast v pareshan rahegi. sanvat ka dhanesh budh hone ke karan vibhinn prakar ki vastuon ka sangrah labh milega. kheti-badi v krishi se sanbandhit karya karne valon ko achcha labh milega. dharmik pravritti ke log anushthan karyon men sanlagn rahenge. sanvat ka durgesh surya hone ke karan shasan varg kanun vyavastha men sudhar karne ka bharpur prayas karega aur sucharu rup se lagu karne men saksham bhi rahega. rajdrbar, kort kachhri men sabhi ko nyay ki prapti hogi. rajkiya karmachari bhi apne-apne karyakshetra men imandari se karya karenge. sanvat 2071 ka jal stambha- 91.31 pratishat sanvat 2071 ka trin - 91.5 pratishat (jadi-buti) stanbh sanvat 2071 ka vayu stambha- 22.89 pratishat sanvat 2071 ka ann stambha- 35.31 pratishat (uprokt vivaran jyotish saftaveyar ‘liyo star’ se uddhrit hain.)
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.