कुबेर का आविर्भाव

kuber ka avirbhav  

Ank ke aur Lekh | Sambandhit Lekh | Views : 1957 |  
purva kal men yagyadatt namak ek brahman the. samast ved-shastradi ka gyata hone se unhonne atul dhan evan kirti arjit ki thi. unki patni sarvagunasampann thi. kuch dinon ke bad unhen ek putra utpann hua, jiska nam gunnidhi rakha gaya. balyavastha men is balak ne kuch din to dharmashastradi samast vidyaon ka adhyayan kiya, parantu bad men vah kusangti men pad gaya. kusangti ke prabhav se vah dharmaviruddh karya karne laga. vah apni mata se dravya lekar jua khelne laga aur dhire-dhire apne pita dvara arjit dhan tatha kirti ko nasht karne laga. kusangti ke prabhav se usne snan-sandhya adi karya hi nahin choda, apitu shastra-nindakon ke sath rahakar vah chori, parastrigaman, madyapanadi kukarm bhi karne laga, parantu uski mata putra-snehavash n to use kuch kahti thi aur n uske pita ko hi kuch batati. isiliye yagyadatt ko kuch bhi pata nahin chala. jab unka putra solah varsh ka ho gaya tab unhonne bahut dhan kharch karke ek shilvti kanya se gunnidhi ka vivah kar diya, parantu fir bhi usne kusangti ko n choda. uski mata use bahut samjhati thi ki tum kusangti ko tyag do, nahin to yadi tumhare pita ko pata lag gaya to anisht ho jayega. tum achchi sangti karo tatha apni patni men man lagao. yadi tumhare kukarmon ka raja ko pata lag gaya to vah hamen dhan dena band kar dega aur hamare kul ka yash bhi nasht ho jaega, parantu bahut samjhane par bhi vah nahin sudhra, apitu uske apradh aur badhte hi gaye. usne veshyagaman tatha dyutakrida men ghar ki samast sanpatti nasht kar di. ek din vah apni soti hui man ke hath se anguthi nikal le gaya aur use jue men har gaya. akasmat ek din gunnidhi ke pita yagyadatt ne us anguthi ko ek juari ke hath men dekha, tab unhonne usse dantakar pucha- ‘tumne yah anguthi kahan se li?’ juari dar gaya aur usne gunnidhi ke sanbandh men sab kuch satya-satya bata diya. juari se apne putra ke vishay men sunakar yagyadatt ko bada ashcharya hua. ve lajja se vyakul hote hue ghar aye aur unhonne anguthi ke sanbandh men prapt hui gunnidhi ke vishay ki sari baten apni patni se kahi. mata ne gunnidhi ko bachane ka prayas kiya, kintu yagyadatt krodh se bhar uthe aur bole ki ‘mere sath tum bhi apne putra se nata tod lo tabhi main bhojan karunga.’ pati ki bat sunakar vah unke charnon par gir padi aur gunnidhi ko ek bar kshama kar dene ki prarthana ki, jisse yagyadatt ka krodh kuch kam ho gaya. jab gunnidhi ko is ghatna ka pata chala tab use badi atmaglani hui. vah apni mata ke updeshon ka smaran kar shok karne laga tatha apne kukarmon ke karan apne ko dhikkarne laga aur pita ke bhay se ghar chodakar bhag gaya, parantu jivika ka koi bhi sadhan n hone se jangal men jakar rudan karne laga. isi samay ek shiv bhakt vividh prakar ki pujn- samagriyon se yukt ho apne sath anek shiv bhakton ko lekar ja raha tha. us din sabhi vraton men uttam tatha sabhi vedon evan shastron dvara varnit shivratri-vrat ka din tha. usi ke nimitt ve bhaktagan shivalay men ja rahe the. unke sath le jaye gaye vividh pakvanon ki sugandh se gunnidhi ki bhukh badh gayi. vah unke piche-piche is uddeshya se shivalay men chala gaya ki jab ye log bhojan ko shivji ke nimitt arpan kar so jayenge tab main use le lunga. un bhakton ne shivji ka shodshopchar pujan kiya tatha naivedya arpit karke ve shivji ki stuti karne lage. kuch der bad un bhakton ko nind a gayi, tab chipakar baithe hue gunnidhi ne bhojan utha liya, parantu lautte samay uska pair lagne se ek shiv bhakt jag gaya aur vah chor-chor kahakar chillane laga. gunnidhi jan bachakar bhaga, parantu ek nagar rakshak ne use apne tir se mar giraya. taduprant use lene ke liye bade bhayankar yamdut aye aur use le jane lage. tabhi bhagvan shiv ne apne ganon se kaha ki isne mera param priya shivratri ka vrat tatha ratri-jagaran kiya hai, atah ise yamgnon se chuda lao. yamgnon ke virodh karne par shivgnon ne unhen shivji ka sandesh sunaya aur use chudakar shivji ke pas le gaye. shivji ke anugrah se vah mahan shivabhakt kalingdesh ka raja hua. vahi agle janm men bhagvan shankar tatha man parvati ke kripa prasad se yakshon ka adhipti kuber hua. (shivpuran)
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.