चर्म रोग के ज्योतिषीय कारण

charm rog ke jyotishiya karn  

Ank ke aur Lekh | Sambandhit Lekh | Views : 7456 |  
- sharir ki chamdi ka karak budh hota hai. kundli men budh jitni uttam avastha men hoga, jatak ki chamdi utni hi chamkdar evan svasth hogi. - kundli men budh pap grah rahu, ketu ya shani se drishti men ya yuti ke sath hoga to charm rog hone ke pure asar banenge. - rog ki tivrata grah ki prablta par nirbhar karti hai. ek grah dusre grah ko kitni digri se purn diptanshon men dekhta hai ya nahin. - rog samanya bhi ho sakta hai aur ganbhir bhi. - grah kis nakshatra men kitna prabhavkari hai - yah bhi rog ki bhishnta batata hai kyonki ek rog samanya sa ubharakar ata hai aur thik ho jata hai. dusra rog lanba samay leta hai, sath hi jatak ke jivan men chal rahi mahadsha par bhi nirbhar karta hai. - mangal rakt ka karak hai, yadi mangal kisi bhi tarah se pap grahon se grast ho, shatru rashisth ho, nich ho, vakri ho to vah rakt sanbandhi rog paida karega. mukhya bat yah hai ki yadi mangal budh ka yog hoga to kisi bhi prakar ki samasya avashya khadi hogi. - isi prakar mangal shani ka yog khujli paida karta hai, khun kharab karta hai. lagnesh se kisi bhi prakar ka sambandh hone par vah avashya hi charma-rog ka karan banta hai. yadi yah yog kundli men ho kintu dasha achchi chal rahi ho to ho sakta hai ki vah rog na ho jab tak us grah ki dasha antardasha punah na aye. - yadi shani purn bali ho aur mangal ke sath tritiya sthan par ho to jatak ko khujli ka rog hota hai. - yadi mangal aur ketu chathe ya barhven sthan men ho to charm rog hota hai. - yadi mangal aur shani chathe ya barhven bhav men hon to vran (foda) hota hai. - yadi mangal shashthesh ke sath ho to charm rog hota hai. - yadi budh aur rahu shashthesh aur lagnesh ke sath ho to charma-rog hota hai (ekjima jaisa). - yadi shashthesh pap grah hokar lagn, ashtam ya dasham sthan men baitha ho to charma-rog hota hai. - yadi shashthesh shatrugrihi, nich, vakri athva ast ho to charm -rog hota hai. - shashtam bhav men koi bhi grah nich, shatrukshetri, vekri athva ast ho to bhi charm rog hota hai. - yadi shashthesh pap grah ke sath ho tatha us par lagnasth, ashtamasth dashamasth pap grah ki drishti ho to charm rog hota hai. - yadi shani ashtamasth aur mangal saptmasth ho to jatak ko pandrah se tis varsh ki ayu men chehre par funsi hoti hai. - yadi lagnesh mangal ke sath lagnagat ho to patthar athva kisi shastra se sir men vran hote hain. - yadi lagnesh mangal ke sath lagnagat ho aur uske sath pap grah ho athva pap grah ki drishti padti ho to patthar athva kisi shastra ke dvara sir men vran hota hai. - yadi lagnesh shani ke sath lagn men baitha ho aur us par pap grah ki drishti ho athva lagn men aur koi bhi pap grah ho to jatak ke sir men chot se ya agni se vran hote hain. - yadi shashthesh, rahu athva ketu ke sath lagn men baitha ho to jatak ke sharir men vran hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.