पंच पक्षी का आधार

panch pakshi ka adhar  

Ank ke aur Lekh | Sambandhit Lekh | Views : 2227 |  
panchapakshi tamil santon evan maharshiyon ki aisi alaukik den hai jise dinanudin jivan ke har kshetra men apnakar ek safal evan sukhi jivan ka adhar banaya ja sakta hai. ise mansik, bhautik evan adhyatmik arthat har kshetra men apnakar saflta ki gagnchunbi unchaiyon ko prapt kiya ja sakta hai. is paddhati ko ijad karne vale maharshiyon ka manna hai ki hammen se pratyek ka apne janm nakshatra ke anusar ek pakshi nirdharit hai aur us pakshi ka har kritya hamare jivan men sukhahdukh, saubhagya-durbhagya ko niyat karta hai. jaisa ki nam se hi spasht hai panchapakshi ke antargat panch pakshi ate hain jinka vibhajan hamare janm ke paksh evan nakshatra ke adhar par kiya gaya hai. panchapakshi ki kriyavidhi hamari atma, sharir jismen yah nivas karti hai, soch, anubhav adi vibhinn anupat men panchon tatvon ke spandan, ke parinam hain. yadi in panchon tatvon men apsi samanjasya se yah spandan hota hai to hamen sukh ki anubhuti hoti hai tatha ham achcha mahsus karte hain. yadi in tatvon men samanjasya evan taratamyata ki kami hoti hai to hamen dukh evan taklif ka ehsas hota hai. pahli sthiti men sadaiv saflta evan anand ka anubhav hoga to iske viprit dusri sthiti men hamesha asflta evan kasht hamare hisse men aega. panchapakshi bhi in panch tatvik spandan ke adhar par panch tarike se shukla paksh evan krishn paksh men chandra ke badhte evan ghatte kalaon ke prabhav ke anurup karya karte hain. in panchon tatvon ka spandan 5 staron men ek nishchit samyavdhi ke lie kriyashil rahta hai. is samyavdhi ko ‘yam’ kaha jata hai tatha 1 yam ka man 6 ghati arthat 2 ghante 24 minat ke barabar hota hai. 1 din arthat 24 ghante men kul 10 yam hoete hain, 5 din men tatha panch ratri men. pakshiyon ki kriyavidhi evan kriyashilta men paksh, tithi evan divas ke adhar par parivartan ata rahta hai. yadi inmen se koi ek apni uchch avastha men hota hai to dusre char anya bhinn avasthaon men ghatte hue kram men hote hain. atah inki sabse nimn avastha sushuptavastha athva mrit avastha hoti hai. in panchon tatvik spandanon ko hi pakshi ke rup men nirupit kiya gaya hai. inke panch staron ki kriyashilta ko inke panch bhinn karyon ki sangya di gai hai. in panchon pakshiyon ka namakaran is prakar kiya gaya hai- 1. giddh 2. ullu 3. kaua 4. murga 5. mor pakshiyon ki panch gatividhiyan is prakar hain- 1. khana 2. ghumna 3. shasan karna 4. sona 5. sushuptavastha men hona athva marna. pratyek pakshi in panchon gatividhiyon men har din, har rat, shukla paksh evan krishn paksh men 5 yam din men 5 yam ratri men ek nishchit kram se sanlagn rahte hain. pakshi ka nirdharan krishn paksh athva shukla paksh men janm ke samay chandrama jis nakshatra men hota hai usi ke adhar par pakshi ka nirdharan kiya jata hai. nakshatron ka samuh pahle panch ka fir chah ka ek ke bad ek banate hain. pakshiyon ka jo kram diya gaya hai, pahle samuh men shukla paksh men janm hone par sabse upar vala pakshi yani giddh apka janm pakshi hoga kintu yadi krishn paksh men janm hai to kram men sabse nichla pakshi arthat mor apka janm pakshi hoga. isi tarah se kram badhta jaega. pathkon ki suvidha ke lie ham yahan janm nakshatra evan panch pakshi ko sarnibaddh kar rahe hain jisse ap asani se apne janmapakshi ka nirdharan kar saken. samuh 1 janm nakshatra shukla paksh krishn paksh ashvini giddh mor bharni giddh mor krittika giddh mor rohini giddh mor mrigshira giddh mor samuh 2 janm nakshatra shukla paksh krishn paksh adrra ullu murga punarvasu ullu murga pushya ullu murga ashlesha ullu murga magha ullu murga pu. fa. ullu murga samuh 3 janm nakshatra shukla paksh krishn paksh u.fa. kaua kaua hast kaua kaua chitra kaua kaua svati kaua kaua vishakha kaua kaua samuh 4 janm nakshatra shukla paksh krishn paksh anuradha murga ullu jyeshtha murga ullu mula murga ullu pu. sha. murga ullu u. sha. murga ullu shravan murga ullu samuh 5 janm nakshatra shukla paksh krishn paksh dhanishtha mor giddh shatbhisha mor giddh pu. bha. mor giddh u. bha. mor giddh revti mor giddh sarni men dekhakar ap asani se apne janmapakshi ka nirdharan kar sakte hain. age ke lekhon men kramvar ham iski upyogita evan tarkasangtta par charcha karte rahenge. panch pakshi ke adhar par anukul samay ka chayan kar har karya men saflta prapt ki ja sakti hai. itna hi nahin vaivahik milan ke lie bhi panch pakshi paddhati anukrniya hai. is paddhati se bhi yadi bhavi var evan kanya ke bich samanjasya ka vichar kiya jata hai to yah kafi prabhavi sabit hua hai. sukhi garhasthya jivan men prem ka paudha pushpit pallavit hota rahe iske lie vivah purva var evan kanya ke bich samanjasya ki janch karna avashyak hai. kundli milan ki anek paddhatiyan hamare desh ke alg-alag hisson men vidyaman hain. dakshin bharat men pakshi varg kut milan bhi ek mahatvapurn paddhati hai. age ke lekh men ham vistar se is vishay par charcha karenge.
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.