एक थी आरुषि भाग-3

ek thi arushi bhag-3  

Ank ke aur Lekh | Sambandhit Lekh | Views : 2534 |  
arushi ek bachchi thi jo yauvan ki dahlij par khadi thi aur usmen bahut kuch janne v samjhne ki utkantha thi. rajesh aur nupur talvar hai profail daktar the aur unhen partiyan ka kafi shauk tha. aksar unke ghar men rat ko parti chala karti thi jinmen kafi khulapan tha aur isi khulepan ka shikar hui arushi. kahte hain n bachche ko jaise sanskar diye jayenge vaise hi unke sanskar banenge. natijan arushi apne balapan men aisi harakat kar baithi jaisi uske mata-pita ne kalpana bhi nahin ki thi aur us kali rat men achnak use hemraj ke sath dekhakar rajesh talvar apna apa kho baithe aur avesh men unhonne hemraj ke sir par apni golf stik se var kiya. par dusri bar hemraj ke hat jane se vah var arushi ke sir par ho gaya aur uski maut ho gai. yah vastav men unke kshanik avesh ka hi parinam tha jo har kisi shakhs ke sath ho sakta hai lekin kanunan yah jaghanya apradh hai kyonki mata-pita bachche ko janm to apni ichcha se de sakte hain par uske pran apni marji se nahin le sakte hain. sibiai kort ke jaj shri es. lal ne apna nirnay dete hue kaha ki ‘‘dharmo rakshit rakshitah’’ arthat jab ham dharm ki raksha karenge tabhi dharm hamari raksha karega. yani ham kanun ka palan karenge tabhi vah hamari hifajat karega magar talvar danp ne kanun ka ullanghan kiya hai. baibil men kaha gaya hai ki man-bap ishvar ka svarup hote hain. kisi ko bhi ishvar ki di hui jindgi khatm karne ka koi hak nahin. kuran men kaha gaya hai ki jindgi pavitra hoti hai use lene ka kisi ko bhi koi hak nahin hai. lekin talvar damp ne iska khyal nahin rakha aur arushi, hemraj ki hatya kar di fir talvar damp ne n keval dohre hatyakand ko anjam diya balki pulis ko gumrah karne ki bhi koshish ki aur sare tathyon ko pulis se chipaya aur isi apradh ke lie ab kort ne unhen ajivan karavas ka dand sunaya hai. is mudde ko lekar ajakal tivi. ke har chainal par charcha ho rahi hai ki yah faisla thik hai ya nahin. jahan ek or bahut se log ise kanun ki jit bata rahe hain vahin dusri or talvar damp ke rishtedar is faisle se sahamat nahin hain aur ve haikort men apil karna chahte hain. filhal talvar damp dasna jel men band hain aur ab unka nasib kya gul khilaega ham janne ki koshish karenge jyotishiya drishtikon se. rajesh, nupur aur abhagi arushi ki kundliyon par ham pahle bhi charcha kar chuke hain. dekhie satyakthaen ek thi arushi bhag-1 aur bhag-2 aur ab kort ka antim faisla ane ke pashchat inhin patriyon ka jyotishiya vishleshan dubara prastut kiya ja raha hai. rajesh talvar rajesh ki kundli men kutumbesh v panchmesh brihaspati krur grah mangal tatha ashtamesh budh ke sath shani ki nich rashi men shani ki drishti se yukt hokar chathe bhav men sthit hain. brihaspati ki is prakar ki dayniya sthiti ke karan hi inhen santan paksh se itna kasht jhelna pada. chathe bhav se naukri ka bhi vichar kiya jata hai aur shani grah bhi naukar ka karak hota hai aur jis samay inke dvara apne naukar v beti ki hatya hui us samay bhi inki shani ki dhaiyya chal rahi thi aur panchmesh brihaspati ki mahadsha tatha ashtamesh budh ki antardasha chal rahi thi aur ab bhi guru markesh hokar ashtam bhav men gochar kar rahe hain jisne mrityu tulya kasht dekar ajivan karavas ka dand de diya. rajesh ki kundli men lagn par sabhi pap grahon arthat surya mangal tatha shani ki bhi drishti hai aur lagn, kendra v trikon men kisi bhi shubh grah ki n to sthiti hai aur n hi drishti hai isilie ve lakh koshish karne ke bavjud apna bachav nahin kar pae. santan ke lie pancham se pancham bhav arthat navam bhav, bhavesh par bhi vichar karen to chandrama pap rashi m ashtam bhav se ashtam arthat tritiya bhav men sthit hai tatha papakarÿari yog se grasit hai. navam bhav par bhi krur grah mangal ki drishti hai. in sabhi ashubh yogon ke karan inhen santan ke arop men ajivan karavas ka dand mila hai. varman samay men inki brihaspati ki mahadsha men shukra ki antardasha chal rahi hai. shukra prabal markesh hokar ashtam bhav men ashubh grah rahu ke sath sthit hai tatha brihaspati bhi gochar men chandrama se chathe bhav tatha lagn se ashtam bhav men gochar kar rahe hain jiske falasvarup inhen mukhya aropi banakar jel jana pada. age bhavishya men bhi inka haikort men mukdma chalega. aprail 2016 tak inki surya evan chandrama ki antardasha chalegi jab jun 2014 men brihaspati kark rashi men ayenge tab kuch rahat milne ki ummid najar ati hai par puri chut milne ki sanbhavna nahin hai kyonki surya marak bhav men hai tatha chandrama badhkesh hokar papakarri yog se grasit hai. 2016 se 2017 men brihaspati men mangal ki antardasha men haikort se inhen sanbhvtah rahat mil jae. nupur nupur ki kundli men panchmesh grah shukra marak bhav (dvitiya) bhav men sthit hai. santan karak grah brihaspati vyay bhav men markesh chandrama tatha ashubh grah rahu ke sath sthit hai. pancham bhav papakarri yog se pidit hai jiske karan bhav, bhavesh evan karak sabhi ashubh avastha men hone se inhen bhi santan tatha parivarik sukh nahin mil raha hai aur yah bhi apne pati ke sath santan ki hatya men aropi ban gai han. vartaman samay men inki shani ki mahadsha men shukra ki antardasha chal rahi hai. halanki shukra is lagn ke lie yog karak grah hota hai. parantu sukshmata se vichar karen to shani aur shukra arthat dashanath v antardasha nath ki shadashtak sthiti ban rahi hai aur shukra marak bhav men hai tatha pratyantardasha nath guru bhi dvadash bhav men rahu v markesh chandra ke sath hai jiske falasvarup pati ke karan pati ke sath jel jana pada. nupur ki shukra ki antardasha farvri 2015 men samapt ho jaegi aur fir surya ki antardasha praranbh hogi us samay shayad inhen haikort se rahat mil sakti hai.
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.