आठवें भाव में शनि,राहु एवं केतु का फल एवं उपाय

athven bhav men shani,rahu evan ketu ka fal evan upay  

Ank ke aur Lekh | Sambandhit Lekh | Views : 7641 |  
shani athven ghar par shani ka pura prabhav hota hai. tantrik parampara men shani ko adhyatmik prapti ka bahut bada karak mana gaya hai. shani ko andhere ka karak mana jata hai. kaha jata hai ki damayanti ke athven ghar men shani tha. uska pati raja nal, raja se rank ban gaya, use ek adna sa insan banakar kisi dusre raja ke pas rath chalane ki naukri karni padi. ant men jab uska ahankar tut gaya to shani dev ki kripa hui tab raja nal ko apni patni, bachche v rajpat mil gaya. so athven ghar ka shani shadi shuda jindgi men pareshani lata hai. shani ek chatur grah hai. kaha jata hai ki ravan ne apne putra indrajit ke janm ke samay sabhi grahon ko balpurvak samay ki kundali ke ekadash bhav men bitha diya. vah chahta tha ki hone vala balak jindgi se labh hi le. sabhi grah sahme hue vakt ke gyahrven bhav men baithe rahe parantu shani ne sabki najar bachakar apni ek tang barhven ghar men latka di yani hani athva vyay ka ghar. is mithihasik katha ke anusar indrajit ne gyarhven ghar men shani ka adha aur sabhi grahan ka pura prabhav donon ke karan kai jiten prapt ki aur ahankar se bhar gaya. ant men ahankar hi uski har ka karan bana. athven ghar ka shani insan ko sharab ka adi bhi banata hai. upay - sharab se parhej karen. - ath sau gram sabut udad chalte pani men bahaen. - chandi ka chaikor tukda apne pas rakhen. rahu rahu ek shararti grah hai. yah insan ke man men janm janmantron ki ekatrit ki gai samajh ka karak hai. yah bahut ganbhir chintan ya gahrai ka pratik hai. yah dimag men achanak koi khyal paida karta hai. islie rahu ki isht devi sarasvati ko mana gaya hai. athven ghar ke rahu ke bare men mukhalif baten kahi jati hain masalan aisa rahu insan ko kai tarah ke dhokhe, bhulave men dal sakta hai sath hi yah bhi kaha jata hai ki jiske athven ghar men rahu ho samay ka raja aur vidvan uska adar karte hain. rahu ka jalim vyavhar aisa hai ki insan apna ghar bar chodakar kahin chala jata hai aur uska koi ata-pata nahin milta, n hi ghar chodne ka koi karan milta hai. athven ghar ka rahu yadi gochar fal ya varsh fal ke mutabik athven ghar men hi a jae to jhagda, adalat aur achanak durghatana ka karan ban jata hai. upay - ath din ya iktalis din lagatar 8 sabut badam kisi dhrm sthan par chadhakar unmen se char badam vapis lakar ghar men rakhna bahut achcha upay hai. ismen rahu ko dhrmasthan men le jakar shararat n karne ki kasam dilai gai hai. - ath sau gram sikke ke ath tukde katakar pani men baha dene se bhi rahu ke dushprabhav ko dur kiya ja sakta hai. ketu ashtam bhav men ketu yamraj ke pairon ki ahat ko pahchan lene vala mana jata hai. aise samay men ghar ka paltu kutta vafadari ka pratik ho jata hai. bachche ki paidaish ke lie ya bachche ki umra ke lie uska rakhvala ban jata hai? ketu jaba bura fal deta hai to ghutne par ya ghutnen ke upar ke bhag par chot lagti hai. aisa bar-bar hota hai. kutta katne ka dar bhi bana rahta hai. sharir men ketu kanon ka karak hai. kundali men ketu kharab hone ki halat men kanon men surakh karke uske bure fal ko dur karna hota hai. lal kitab ke mutabik kanon men surakh kar use 96 ghante tak kayam rakhna hota hai islie usmen tila ya dhaga dal diya jata hai. parantu kuch vidvanon ne is upay ko hamesha ke lie kayam karke kanon men sone ke kundal pahnna bataya hai. upay - brihaspati ki karak dhatu sona kanon men pahnen. - dharm sthal par kala safed kanbal ya chadar dena (yadi dusre ghar men mangal shani ya surya chandra n ho).
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.