व्यवसाय, नौकरी, प्रसिद्धि एवं संपन्नता

vyavsay, naukri, prasiddhi evan sanpannata  

Ank ke aur Lekh | Sambandhit Lekh | Views : 6066 |  
vyavsay, naukri, prasiddhi evan sanpannata aj ke yug men pratyek vyakti ke liye yah janna ki uski santan kya naukri athva vyavsay karegi? jivan men vyakti ko kitna dhan labh evan prasiddhi milegi? yah jana bahut avashyak ho gaya hai. pratyek jivdhari manushya apne janm ke sath apne purva sanchti karmon ka ek sangrah sath lata hai, jiske anusar uska jivan, naukri ya vyavsay nirdharit hota hai. koi bhi daivagya manushya ki sahi janmakundli ka adhyayan kar is vishay men bhali bhanti prakash dal sakta hai. prachin kal men pratyek vyakti apne khandani peshe se hi jura rahta tha. lekin aj ke yug men is paranpra men bahut adhik parivartan ho chuka hai. ab pura sansar vigyan v taiknoloji se hura hua hai. anek prakar ke dhandhe v naukriyan din pratidin barhte hi ja rahe hain. shram vishishtikaran v vibhinn deshon ke apsi vyaparik len-den ke karan is kshetra men bahut vividhta a gai hai. jyotishiya adhar ke anusar lagn, chandrama evan surya in tinon men jo bali ho usse dashmesh jis grah ke navansh men ho us navansh ka jo svami ho uske anusar manushya ki jivika ka nirdharan hota hai. pratyek grah ki visheshta ke anusar jivika ka nirdharan hota hai. yadi dashmesh surya ke navansh men ho to aushadh, uni vastra, jal, dhanya, suvarn, moti ka vyapar, fal vale vrikshon v ghas, lakri anaj ka vyapar, mantra, jap ya mithya abhushan se bhi jivika ho sakti hai. ane-jane se athva bare admi ki dut-vritti se bhi jivika jani jati hai. 2. yadi dashmesh chandrama ke navansh men ho, to jal se utpann hone vali vastuen jaise shankh, singhara, sabji ka vyapar, kheti, mitti ke khilaune, mitti ke bartan, baja, vinod, suti vastron ke kray-vikray se, rani v dhanadhya stri ke ashray se dhan labh v jivika hoti hai. jal ke patle padarth, sharabat soda adi pey-padarth, khond, shakkar ke vyapar, pashu-vyapar athva tirthatan se jivika hoti hai. 3. lagn se v surya se dashmesh yadi mangal ke navansh men ho dhatu, sona, chandi, pital, stil ka kam, larai fauji kam, pulis, koyla ya agni karm halvai, hotal, bijli ka kam ya larai jhagre mukdmen ke dvara ya daektari ke vyavsay men sarjari ke dvara jahan marijon ki chir-far, rakt bahana adi karyon se jivika ka vichar kiya jata hai. 4. yadi dashmesh budh ke navansh men ho shilp, karm, karigri, kavya shastra ke gyan se jyotish shastra, likhai-parhai, ganit tatha kamars vishay jaise kanpni saikretri chartad ekauntas, purohit, granthi yagya havan karane se, baink bima kanpni v dhan-udhar len-den ke hisab khate se jivika ka vichar kiya jata hai. 5. dashmesh yadi guru ke navansh men ho to brahmanon v devtaon ke ashray se adhyapak vritti se, puran dharm granth, niti marg, upasna, dharmopdesh se jivika ka gyan hota hai. dan-punya, nyaydhishatva ya byaj lene se jivika chalti hai. 6. yadi dashmesh shukra ke navansh men ho natak, gayan, nritya, sinema men kam karne se madya ke vyapar v sugandhi athva parafyumas ke vyapar v utpadan se, namak, dahi, safed vastuen suti vastra, hire javahrat, aushdhi v dudh ke vyapar se, dalali v bare admi ki e. di. si. pane se bhi jivika chalti hai. 7. yadi shanishchar navansh men ho to nindit marg se, jetva v apradhiyon ko dandit karne se, nich jati ki stri ke adhin kam karne se. lakri ke shilp, badh-kritya, logon ke thagne se (jivn-bima) adi, mrityu ka bhay dikhakar athva paraspar jhagra-vair mukdme se jivika chalti hai. adhunik yug men shastra nirman, kampyutar injiniyaring bhi iske antargat samjhe jate hain. majduri, kheti ka kam, khan-khodna, bag-bagiche athva selsamain ka kam bhi isi ke anrtagat samjha jata hai. navanshesh ko uchch nich rashigat athva shatru-mitra sthiti v desh-kal, jati paranpra, khandani pesha adi ka bhi dhyan avashya rakhakar bhavishya kathan kiya jana chahie. janm v navansh donon kundliyon ke dasham sthan men baithe grahon evan vahan sthit rashiyon ke adhar par par bhi tatha grahon ke paribhraman ke anusar bhi parivartan ata jayega. vrittidata navanshesh ke balvan hone par thore parishram se tatha kamjor hone par atyadhik parishram ke pashchat svalp labh ki sanbhavna rahti hai. vrihat parashar hora shastra ke karmabhav fal ke adhyay 23 shlok 4 ke anusar:- karmeshe shubh sanyukte shubhasthangte tatha. rajadvare ch vanijye sadalabho'nyathanyatha.. arthat dashmesh shubh grah hai tatha shubh grah se yut athva drisht hai, evan shubh sthan (kendra trikon) men sthit hai, aisa jis vyakti ki kundli men ho vah sadaiv rajya kripa prapt, uchch kism ka vyapari hoga. iske viprit hone par fal bhi viprit vicharna chahiye. vrihat parashar hora shastra adhyay 23 ke anusar karmasthan gate chandre tadishe tatrikonge. lagneshe kendrabhavasthe satkirtishito bhavet .. 19 .n labheshe karmabhavasthe karmeshe bal sanyute. devendra guruna drishtie satkirtishito bhavet.. 20 .. karm sthandhipe bhagye lagneshe karm sanyute. lagnat panchmge chandre khyatnama naro bhavet.. 21 .. arthat - karm sthan men chandrama tatha karmesh trikon sthit ho, (lagn, pancham v navam bhav ki trikon sangya hai) tatha lagnesh kendra men ho, (pratham, chaturth, saptam evan dasham kendra sthan hai) aisa vyakti kirtishit hota hai. aj ke yug men uchch pad v dhan sampadavan hi kirtiyukt hota hai. ekadshesh athva labhesh dasham men ho evan karmesh ke balvan hone par evan brihaspati se drisht hone par jatak satkirtishit hota hai. karmesh (dashmesh) navam bhav men ho tatha lagnesh dashmesh ka sanbandh evan lagn se pancham men chandrama hone par vyakti atyant vikhyat hota hai. navmesh, dashmesh ki navam athva dasham bhav men yuti, athva sthan parivartan se bhi vishesh yog banta hai. ise dharmakarmadhiyog bhi kaha jata hai. kisi kundli men yah yog vidyaman hone par laghuprashri ke anusar vyakti atyant bhagyavan, lakshmivan, evan shubh karm karne vala hota hai. yah ek prasiddh rajyog mana gaya hai. yadi donon grah balvan ho evan shubh grah drisht ho to yah vishesh faldayak mana jata hai. hamara desh vishal hai v jansankhya ki drishti se bhi sansar men dusre nanbar par hai. saikron varshon ki gulami ke karan sarkari naukri ko achcha mana jata hai. pratyek vyakti ki abhilasha hoti hai ki uchch pad par sarkari karmachari ka pad prapt ho jahan dhan aur samman donon hi milen. aise kuch yog grahon ke anusar hote hain tatha kuch yog rashiyon ke adhar par hote hain. kundli men grahon ki sthiti jitni prabal hogi yog bhi utna hi adhik prabhavkari hoga. achche yogon ke sath-sath kundli men vidyaman viprit rajyog bhi paye jate hain, jinka adhyayan sahi bhavishyakathan men bahut sahayak hota hai. aise kuch vishisht yog yahan bataye ja rahe hain. 1. kundli men sthir lagn ho evan lagn men shukra ho. 2. kundli men char lagn ho evan kendra men guru sthit hone par uchch padadhikari ka pad prapt hota hai. 3. kundli men dvisvabhav lagn ho tatha lagn se trikon men mangal ho. yah tinon sthitiyan lagn ke anusar uchch padadhikari banati hain. iske atirikt (ka) kundli men dasham bhav men chandrama sthit ho, dashmesh uchch rashi men ho, bhagyesh lagn se dvitiya bhav men ho. (kha) yadi lagn se dasham bhav men surya sthit ho tatha dashmesh lagn se tisre bhav men sthit ho to aisa vyakti uchch padadhikari hota hai. (ga) yadi chandrama v brihaspati donon lagn se dvitiya bhav men hon tatha dvitiyesh labh bhav men ho evan lagnesh shubh grah se yut ho to aisa vyakti bhi uchch padadhikari hota hai. (gha) kundli men lagnesh tatha chandra rashish kendra men, apne mitra ki rashi men yunt ho v lagn balvan ho to is yog ke prabhav se vyakti uchch padadhikari hota hai. (ra) kundli mane mangal apni uchch rashi athva sva rashi men dasham bhav men ho tatha lagnesh ki drishti us par ho tab bhi vyakti uchch padadhikari hota hai. kisi bhi kundli men mangal, surya, budh, vrihaspati, shani, dasham bhav v dashmesh in sabki sthiti jitni achchi hogi, usi ke anusar jatak ko uchch adhikar prapt hoga. dashmansh kundli ka adhyayan bhi lagn kundli ke saman atyant mahatvapurn hai. iske anusar dvitiya, shashth evan dasham bhav ko artha-trikon mana jata hai. kisi bhi jatak ka karya-kshetra, pragti dhanagam adi par in bhavon ka mahatvapurn prabhav hota hai. dasham bhav men koi bhi uttam sthiti v balanusar sthit grah kisi jatak ke jivan men shubh prabhav, shaktishali v uchch pad tatha jivan men unnati ke avasar pradan karne ke liye paryapt hota hai. sath hi sath saptam bhav ka bhi adhyayan avashyak hota hai. in bhavon men surya ki pradhanta hone par rajneta athva sarkari uchch pad par karyarat adhikari hone ki sanbhavna hoti hai. mangal ki pradhanta hone par pulis, khufiya vibhag athva sena men uchch pad hone ki sanbhavna hoti hai. guru ki achchi sthiti jatak ko achcha vakil, jaj, dharmik pravakta athva bahut khyati prapt jyotirvid banata hai. budh se achcha vyapari, lekhak, ekauntent, lekhan evan prakashan sanbandhi karyon men agraganya vyakti hone ki sanbhavna batai jati hai. shukra ki uchch sthiti filmi kalakar, uchch koti ka gayak, saundarya sanbandhi pratiyogita athva saundarya samagri ka utpadak hone ki kshamata vyakt karti hai. shani ke dvara bhari v nimn koti ke sharirik karya ki sanbhavna rahti hai. rahu se ayat vyapar evan ketu se niryat vyapar ko samjha jata hai. chathe bhav ka balvan hona tatha adhik grahon ki sthiti naukri ki sanbhavna darshati hai, jabki saptam bhav ka balvan hona ya adhik grahon ki sthiti uchch koti ke vyapari hone ka yog darshati hai. lagnesh ki sthiti navam bhav men hone par vyakti ko purnataya svatantra, ichcha-shakti ka dhani banati hai. aise jatkon ke liye apna svatantra vyavsay karna uttam hota hai. yadi saptam men nich, gat, shatru rashigat athva nirbal grahon ke sthiti vyapar men hani ki sanbhavna banati hai. aise jatkon ko kisi vyapari ke adhin karya karna hi adhik upyukt hota hai. dashmesh ki vibhinn bhavon men sthiti bhi mahatvapurn evan nirnayak hoti hai. dashmesh ke lagn men hone par yadi karak budh hai to jatak chanchal prakriti ka hoga. shani hai to balyavastha men bimar hoga, surya hai to svatantra vyavsay karega evan brihaspati hai to prasiddhi, uchcha-pad v man-samman prapt karega. dashmesh ke dvara karya ki disha ka bhi gyan hota hai. dashmesh ke balanusar prasiddhi, uchcha-pad, dhan, samman v padvi ka bhi pata chalta hai. dashmesh dvitiya bhav men ho athva dvitiyesh se yut hone par khandani vyavsay se vyakti dhan arjit karega. dashmesh par viprit prabhav hone par vyakti ke vyavsay men hani uthane ki sanbhavna rahti hai. jyotish shastra men prasiddh panch mahapurush yog bhi vyakti ke jivan men saflta evan uske karya kshetra ke nirdharan men mahatvapurn samjhe jate hain. panchmhapurush yog kundli men mangal, budh, brihaspati, shukra evan shani apni svarashi athva uchch rashi ka hokar kendra men sthit hone par mahapurush yog banta hai. yadi kundli men kendra sthan men mangal sva rashi (mesh-vrishchik) athva uchch rashi makar men sthit ho to ruchak yog ka nirman hota hai. jis vyakti ki kundli men yah yog vidyaman ho vah akarshak vyaktitva vala, prasiddh, prabhavshali tatha kirtivan hota hai. mangal ke dasham bhav men hone par sena, pulis athva rajya men uchch padadhikari ho sakta hai. kundli men kendra sthan men budh apni svarashi athva uchch rashi men ho to bhadra yog ka srijan hota hai. aisa jatak atyant parakrami, tivra buddhi vala, bauddhik karyon men atyant safal, vyaparik karyon men atyant pragti karne vala, dhanvan, vaibhvshali v uchch padadhikari hota hai. kundli men kendra sthan men brihaspati hone par hans yog ka srijan hota hai. aisa jatak sundar, madhurbhashi, buddhiman, dusron ki bhalai karne vala, lokapriya, prashansit evan dirghayu hota hai. kendra sthan men shukra apni sva rashi athva uchch rashi ka hone par malavya yog ka nirman hota hai. aisa jatak sundar, santulit sharir ka, akarshak evan kantiyukt hota hai. vah buddhiman, dhanvan, prasiddh, uttam vahan yukt, uchch shiksha prapt, susanskrit, dirghayu evan khyativan hota hai. kendra sthan men sva-rashi ya uchch rashi ka shani sthit hone par shash-yog hota hai. is yog men janm lene vala jatak atyant prabhavshali, prabhuta sanpann, niti-nipun, kisi varg ka mukhiya hota hai. svayan kam parha-likha hone par bhi achche log uski mathti men kam karte hain. prayah tred-yuniyan lidar tatha pichri jati v varg ka netritva karne vale rajnetaon ki kundli men yah yog paya jata hai. yadi shani uchch rashi ka ho kintu vakri ya ast n ho tab is yog ka vishesh fal milta hai. nich ka athva ast hone par yah yog nishfal ho jate hain. in sabke atirikt mahabhagya yog ka bhi shastron men varnan milta hai. is yog men utpann jatak udar, vikhyat, charitravan, dhanvan, bhumi svami evan aishvaryashali hota hai. is yog vali mahilaen dirgh kal tak sabhi prakar ke sukh aishvarya tatha pati, putra, pautron ka sukh bhogti hain.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2009

dipavli par kie jane vale mahatvapurn anushthan evan puja archanaen, dipavli ka dharmik, samajik evan pauranik mahatva, dipavli par panch parvon ka mahatva evan vidhi, dipavli ki pujan vidhi evan muhurt, dipavli par ganesh-lakshmi ji ki puja hi kyon tatha dipavli par prakash evan atishbaji ka mahatva.

Subscribe

Apne vichar vyakt karein

blog comments powered by Disqus
.