लक्ष्मी के साथ गणेश आराधना क्यो?

lakshmi ke sath ganesh aradhna kyo?  

Ank ke aur Lekh | Sambandhit Lekh | Views : 5877 |  
lakshmi ke sath ganesh aradhna kyon ? dipavli ke parva par sadaiv mata lakshmi ke sath ganesh bhagvan ki puja ki jati hai, jabki hamare dharm evan sanskriti ke matanusar lakshmi ke sath bhagvan vishnu ki puja honi chahie. fir aisa matbhed kyon? spasht hai ki dipavli dhan, samriddhi evan aishvarya ka parva hai tatha dhan ki devi hanai lakshmi. lekin yah bhi satya hai ki bina buddhi ke dhan vyarth hai. atah dhan-daulat ki prapti ke lie devi lakshmi tatha buddhi ki prapti ke lie ganesh ji ki puja ka vidhan hai. ganesh siddhidayak devta ke taur par prasiddh hain. jivan ko mangalamay, nirvighn banane tatha shantipurvak vyatit karne ke lie ganesh ji ki aradhna bhi parmavashyak hai. ‘ling puran’ men ganesh ji ke bare men shgavan shiv ke mukh se kahlvaya gaya hai ki ‘‘he vighnavinashak, tum vighnaganon ke svami hone ke karan trilok men sarvatra vandniya evan pujya honge. jo koi abhisht fal ki prapti hetu anya devi-devtaon ki aradhna karega, use sabse pahle tumhari puja karni hogi. tashi unki puja sucharu rup se chal kar sanpurn hogi, anyatha use vighnon se gujrna parega.’’ is prakar ganesh ganpti, ganeshvar, vighneshvar ke rup men prasiddh hue tatha tabhi se unki pratham puja evan sadhna ka niyam ban gaya. lakshmi ka sthayitva bhi buddhi ke dvara hi kiya ja sakta hai. lakshmi ke sath ganesh puja ke sanbandh men kai kinvdantiyan prachlit hain. aisi hi ek kinvdanti ke anusar ek sannyasi ne devi lakshmi ko kari tapasya dvara prasann kiya tatha shahi thath-bat se jivan vyatit karne ki kamna prakat ki. devi lakshmi tathastu kah kar antadhryan ho gayin. ab sannyasi vahan ke rajdrbar men gaya aur sidhe raja ke pas pahunch kar ek jhatke se rajmukut ko niche gira diya. yah dekh kar raja ka chehra gusse se tamtma utha. par tabhi usne dekha ki unke rajmukut se ek bichchu bahar nikal raha hai. yah dekh raja ke man men sannyasi ke prati shraddha umar ayi aur unhen apna mantri banne ke lie agrah kiya. sannyasi to yahi chahta tha. usne jhat se raja ka prastav svikar kar liya. sannyasi ke paramarshanusar rajkaj uttam vidhi se chalne laga. aise hi ek din us sannyasi ne sabko rajdrbar se bahar nikal jane ko kaha. sannyasi par purvavat vishvas rakhte hue raja sahit sab darbari vahan se nikal kar ek maidan men pahunch gaye aur tabhi rajamahal ki divaren dhah gayin. ab to raja ki astha us sannyasi par aisi jami, ki samast rajkarya us sannyasi ke sanketon par hone laga. aise men sannyasi ko svayan par ghamand ho gaya. rajamahal ke bhitar ganesh bhagvan ki ek murti sthapit thi. ghamandi sannyasi ne sevkon ko vah murti vahan se hatane ka adesh diya, kyonki uske vichar men vah murti rajprisar ki shobha bigar rahi thi. agle din mantri bane hue sannyasi ne raja se kaha ki vah fauran apni poshak utar den, kyaneki usmen nag hai. raja ko sannyasi par agadh vishvas tha. islie, darbariyon ki parvah n karte hue, unhonane apni poshak utar di, parantu usmen se koi nag nahin nikla. yah dekh kar raja ko sannyasi par bahut gussa aya aur use kaid men rakhne ka hukm de diya. kaidiyon ki bhanti kuch din gujarne par sannyasi ki hava sarak gayi. usne punah devi lakshmi ki aradhna shuru kar di. lakshmi ne svapn men use darshan dete hue bataya, ki tumhari durdasha ganesh ji ka apman karne ki vajah se hui hai. ganesh buddhi ke devta hain, atah unko naraj karne se tumhari buddhi bhrasht ho gayi hai. ab sannyasi ne pashchatap karte hue ganesh bhagvan se kshama mangi. agle din raja ne svayan vahan pahunch kar use mukt kar diya aur punah mantri pad par bahal kar diya. sannyasi ne ganesh ki murti ko purva sthan par sthapit karva diya tatha unke sath-sath lakshmi ki puja shuru ki, taki dhan evan buddhi donon sath-sath rahen. bas, tabhi se divali par lakshmi ke sath ganesh puja ki pratha aranbh hui.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2009

dipavli par kie jane vale mahatvapurn anushthan evan puja archanaen, dipavli ka dharmik, samajik evan pauranik mahatva, dipavli par panch parvon ka mahatva evan vidhi, dipavli ki pujan vidhi evan muhurt, dipavli par ganesh-lakshmi ji ki puja hi kyon tatha dipavli par prakash evan atishbaji ka mahatva.

Subscribe

Apne vichar vyakt karein

blog comments powered by Disqus
.