अग्नि तत्व मेष राशि अष्टम भाव में सूर्य

agni tatva mesh rashi ashtam bhav men surya  

Ank ke aur Lekh | Sambandhit Lekh | Views : 5346 |  
agni tatva mesh rashi ashtam bhav men suya acharya kishor surya ke ashtam bhav aur mesh rashi men hone se jatak vishnu bhakt svarth tyagi, dharm priya evan anek sadgunon vala hota hai. ay adhik hone par bhi jatak dhani nahin ho sakta. kamai ke lie surya dosh prad nahin hai. jatak bare logon ke ashish men rahte hain. arthat unke sansarg men ate hain apne gun ke anusar unko santusht kar pate hain. apriya hone par bhi satya bolne men piche nahin hatte yadi surya ke sath ashtam bhav men chandrama ho to dhan kamane men badha ati hai. mansik vikriti ko kam karta hai. mata-pita ke lie vipatti lata hai. mitron se vishvasghat se taklif pata hai. parantu yadi surya chandrama se shubh ho to jatak dirgh ayu hota hai. mrit vyakti ki sanpatti pata hai. dharmik, gunvan evan bandhupriya hota hai. yadi surya manglyukt ho to jatak pitra hani, gupt shatru se taklif pata hai. vritha bhraman karvata hai. durghatana evan apvad bhi hota hai. yadi surya budh yukt ho. karya men vighn, uchch padasth logon ke sath vivad hota hai. parantu jatak spashtavadi hota hai. yadi surya guru se yukt ho to jatak uttaradhikari se vishesh sutra dvara bhu-sanpatti se labh pata hai. jatak dharmik, gunvan, bahu gyan ka adhikari evan dirgh jivi hota hai. parantu santan evan parivarik vyapar men dukhi hota hai. shukra yukt surya bhagya ka nash karta hai. evan durbuddhi kam shakti evan mand buddhi karvata hai. yadi shani yukt ho to santan ki hani evan jatak murkh, jiddi, hinsak pravritti, dharm se darne vala hota hai. yahan spasht karna chahta haiun ki surya chandra ko markesh dosh nahin hai. parantu yadi surya chandra ke sath pap grah ka sanpark ho jata hai, markesh grah ki drishti evan yukti ho, jan se mar bhi sakte hain. parashar ji ne likha hai- naurandhre surya, chandra arthat surya chandra ko randhra dosh nahin hai. surya atma hai chandrama mastishk ko chalane vala hai arthat atma aur man hi mar jaenge to manushya kaise jivit rah paega. mere anubhav men aya hai ki sanjay gandhi ki mrityu chandra ki mahadsha men hui parantu markesh ki antardasha men durghatana hui. us samay gochar men markesh grah balvan the. isi prakar surya ki mahadsha m markesh ki antardasha men logon ki hriday rog men jan jati hai. jatak svasthya vibhag men pratham shreni ke karmachari hain. unhonne ganit men em. e. (snatk) kiya. sab rajistrar ke rup men kuch din karya kiya uske pashchat arthashastra sanstha men naukri mili. uske bad jab shukra ki mahadsha shuru hui videsh men samajik gyan par risarch kiya. uske pashchat pi. ech. di. ki digri hasil ki. jatak ka surya ashtam bhav men mesh rashi men uchch ke surya budhyukt hain. lagnesh budhyukt hone ke karan aur lagn ko guru ki drishti ne jatak ko adhik balvan banaya. lagn se dasham bhav men shukra mangal rahu baithe hain. budh evan mangal men parivartan yog hai. islie jatak ne atyadhik balvan hokar kam kiya. surya ke sath budh ka hona budh ke gun ka parisfut hota hai. arthat budh ka gun dekhne ko milta hai. islie jatak shuru se sab rajistrar ke adhikari pad par gae. yah budh ka gun hai. budh ke ghar men shukra hone karan budh ko shukra ka bhi gun mila hai. islie mangal budh ke ghar men hone se budh ko mangal ka gun mila. islie svasthya vibhag men karya kiya aur spashtavadi rahe. vivek aur vinamra bhav se unki prashansa bhi hoti hai. parantu budh ek napunsak grah hone ke karan surya rahu mangal shukra ka prabhav budh ke upar hone ke karan jatak kai prakar ke vighnon se jujhte rahe. jatak ki janm ke samay ketu ki mahadsha chal rahi thi. vartaman samay men surya guru ki mahadsha 3-2-2010 tak chalegi. jab surya men rahu ki dasha thi 17-4-2009 tak jatak men charitra gat dosh a gaya kyonki uchch rashi ka shukra vakra hokar saptam bhav men nich ka fal de rahe hain. surya ki mahadsha, rahu ki antardasha men kam umra men jatak ka talak ho gaya. dvadash bhav ka svami surya ashtam bhav men rahu evan chandra se yukt mesh rashi men bhav chalit men mangal bhi ashtam bhav men hai. islie jatak ke sath ye ghatna ghati. is kundli men ashtam bhav men surya ke sath rahu chandra ne ashtam ka sara dosh dikha diya. kendradhipti dosh men doshi guru nich rashi men pancham trikon rashi men nichta ko adhik barhaya. ashtam bhav men surya rahu ko pitri dosh laga hai. islie pita ko apmanit kiya. matrikarak grah chandrama akarak hokar ashtam bhav men ast hai. ashtam bhav ko kisi shubh grah ki drishti bhi nahin hai. pati ka karak guru navansh men uchch ka hai. islie dosh atyadhik barh gaya aur chandra lagn se ashtam bhav men shani aur bhav chakra men ketu ke sath dvitiya bhav men hai dvitiya bhav pati ki ayu ka sthan hai islie pati se vichched ho gaya. is kundli men surya apne ghar se trikon sthan men balvan hokar aur chandrama apne ghar se kendra men dasham bhav men, lagn se ashtam bhav men baithe hain. shani evan mangal ki paraspar drishti hai. kahin bhi shubh drishti dikhai nahin deti visheshakar stri jatak men ashtam bhav talak ya vaidhavya karvata hai. kyonki prakritik pap grah surya, rahu kshin chandrama aur chalit men mangal bhi ashtam bhav men hain. surya, chandra, rahu, mangal koi bhi mahadsha iske lie shubh nahin islie 22 varsh ki umra men jatak kahin ki n rahi. agni tatva rashi sinh rashi men surya ashtamasth hone se pita ko hani deta hai. yadi pap sanpark men ho to bachapan se pita se kasht pata hai. charitra dosh rahta hai. kai durgunon ke karan apni stri se sanbandh thik nahin rahta. badnami milti hai. pita ke vansh ki maryada k karan us mand gun ko adanbar se chipana chahta hai. yadi surya ke sath shubh grah ka sanbandh ho- ayu ko barhata hai. ais vyakti ki gupt sanpatti hoti hai. apni mand prakriti ke karan us sanpatti ko thik se nahin rakh pata prasiddh vyakti dvara anishth hota hai. yadi mangal se sanbandh ho to durghatana se mrityu bhi ho sakti hai. shani ki drishti alp ayu deta hai. guru evan chandra se susanpark hone se ayu men vriddhi deta hai. chandra yukt surya ankhon ko taklif deta hai. budh se yukt surya jatak ko kamuk, dushcharitra, strihin karata hai. agni tatva rashi men ashtam bhav men surya svagrihi hone par bhi shubh fal nahin deta. chanis jatak ki kundli men sinh rashi men surya, mangal, ketu agni tatva rashi men agni tatva grah baithe hain. vartaman samay men 2014 tak shukra ki mahadsha chal rahi hai. surya ki dasha ane se pahle gochar men lagn se ashtam bhav men shani ka prabhav sinh rashi ke upar shani surya ketu mangal ashtam bhav ke upar chalan kar rahe hain aur shukra-shani ki dasha men itni kam umra men dubuddhi aur kurkam men sanlagn raha. shukra kamuk grah aur us par guru ki drishti hone ke bavjud balyavastha men shukra-shani ki dasha men har prakar ke shaukin karyon men laga raha. man bap ke dhan ko urata raha. uttarakalamrit ke anusar shukra-shani kharab fal deta hai. aur vahi hua parhai chorakar baitha hai. dvitiya bhav ko papagrah ki drishti ne ankhon ko taklif di. parhai karne videsh gaya parantu chorakar a gaya. shukra ke bad surya ki dasha aur adhik kharab jaegi. pet men bimari, peshab men pathri, gupt ang men rog aur durghatana ho sakti hai. kort kachhri ke chakkar men padakar dhan ka vyay aur badnami bhi lega. 8-12-2008 tak ketu ki mahadsha thi. vartaman samay men shukra-shukra ki dasha chal rahi hai. is kundli men svagrihi surya ashtam bhav men shubh grah shukra ke sath shatru ke sath ashtam bhav men kafi pareshani de raha hai. lagn se ashtam men gochar men shani ka chalan hone ke karan apna desh chorakar videsh gai. bhagya sthan men budh ko guru ki drishti aur lagnesh shani ki drishti aur dasham bhav men rahu ne uchch pad to dilvaya parantu pita ko adhik kasht diya apni manpsand se vivah karke pashchatap kar rahi hai. surya ashtamesh hokar ashtam bhav men shukra ke sath, chandrama svagrihi hokar saptam bhav men pap grah shani ke sath bhagyesh budh bhagya sthan men uchch ka hokar mangal ke sath apne-apne sthan men balvan hain. kundli men purn kalasarp dosh hai. likhne ka tatparya yah hai ki shubh grah ke sath pap grah ka sanbandh visheshakar ashtam bhav men sinh rashi men surya bavasir ki taklif deta hai. pati sharirik sukh men kami mahsus karta hai jiske karan talak ki naubat ati hai kyonki ashtam bhav gupt ang ke alava kort kachhri jaisi kai viprit ghatnaen deta hai. agni tatva grah agni tatva rashi men ashtam bhav men kabhi sukh nahin de sakta. agni tatva rashi dhanu rashi men ashtam bhav men agni tatva grih surya thora bahut sukh aur thora pitri sukh islie deta hai kyonki dhanu rashi ka svami guru surya ka mitra hai. apne ghar se pancham sthan men arthat sinh rashi se trikon sthan men baithai hain purusharth to deta hai. parantu dukh bhi deta hai kyonki kal purush ki kundli men dhanu rashi navam dharm sthan ho jata hai. islie jatak paropkari evan ishvar bhakt hota hai. devalay evan pavitra sthan men uski mrityu hoti hai. ashtam bhav ka surya hone se santan ka dosh rahne ki sanbhavna hoti hai. santan to deta hai parantu sukh nahin deta. surya yadi chandra yut ho to bahnon ki kshati karvata hai. surya chandra yadi ek dusre ko dekhte hon to jatak mrit vyakti ya bhatri kul ki sampatti prapt karta hai. surya, mangal yuti ya drishti hone se stri sukh to dekhne ko milta hai. sath-sath durghatana bhi karva deta hai budhu yukt surya parhne likhne ke karyon men rukavat dalta hai. guru se sanbandh uttam ayu deta hai. dhan sanpatti ke atirikt bhakti marg aur agrasar karta hai. shani yukt surya bhagyahin, alpayu evan dukh deta hai. shukrayukt surya shatruon ko barhata hai aur svayan rog grast hota hai. vartaman samay men jatak ki shukra-surya ki dasha chal rahi hai. is stri jatak men lagn ka shani saptam bhav aur chandrama ko dekh raha hai. chandra lagn se chandra shani ek dusre ko dekh rahe hain. parantu shukra dasham bhav men lagnesh hokar karm sthan men baithe hain. shukra apne ghar se kendra trikon men baithe hain. islie is stri jatak ko achchi naukri aur achchi arthik sthiti de raha hai. parantu shukra-surya ki dasha men dampatya jivan ke sukhon men kami rahi aur talak ki naubat a gai. jabki saptamesh mangal labh sthan men guru se kanedra men hai. stri jatak ke lie pati ka karak guru ashtam bhav men pirit hai. visheshakar navansh kundli men saptamesh guru ashtam bhav men aur sukh bhav ka svami ashtam men hone se sukh nahin de sakta fir bhi surya ke sath budh aur guru ast nahin hai. jis karan chaturth, pancham, ekadash ka svami guru, surya, budh ashtam bhav men anusandhan (risarcha) ki taraf age barh raha hai. mere vichar men shukra-surya aur shukra-chandra ki dasha yadi nikal jati hai to samjhauta ho sakta hai. kyonki ashtam bhav men kendra trikon ka svami hona ashtam bhav ke shubh fal ko adhik mahatva dega aur talak ruk jaega parantu surya ki dasha 2025-2031 tak pati-patni ek sthan par nahin rah sakte. vartaman samay men jatak ki shukra ki mahadsha men shukra ki antardasha agast 2010 tak chalegi. koi grah apni dasha-antardasha men shubh fal nahin deta. islie jatak ko ab tak shubh fal ki prapti nahin hui. surya shukra ke ashtam bhav men rahne ke karan akhon ko nuksan hua aur shalya chikitsa bhi karvai kyonki surya shukra ki drishti dvitiya bhav arapar parti hai. surya navansh kundli men nich ka hone par agast 2010 ke bad bhi ankhon men taklif bani rahegi. shukra lagnesh hone ke bavjud shatru surya sath shatru brihaspati ke ghar men aur brihaspati ki drishti hone par bhi shukra-surya, shukra-chandrama ki dasha men bhi taklif deta rahega. jahan tak agni tatva rashi surya ki bat hai to surya chaturth sukh sthan ka svami ashtam dusthan men hone se aur nich ka chandrama budh ke sath hone se aur sukh sthan men shani ke hone se mata-pita, janta men apriya karvata hai. guru ki drishti ke karan hi jatak abhi tak jivit hain kyonki surya vrihaspati ke ghar men aur guru ki drishti men hai. ayukarak shani yogkarak hokar kendra men hai. mere vichar men shukra-surya ki dasha men evan shukra-chandra ki dasha men mata-pita ko kasht avashya hoga. prakritik pap grah surya ashtam bhav men chahe uchch ka ho, svagrihi ho ya mitragrihi ho taklif avashya dega.
Kya aapko lekh pasand aaya? Subscribe

Kya aapko lekh pasand aaya? Subscribe


shankh visheshank  August 2009

jyotish men shankh ka kya mahatva hai, vibhinn shankhon ki upyogita, shankh kahan-kahan pae jate hai, shankh kitne prakar ke hote hai tatha ghar men ya pujasthal par kaun sa shankh rakha jana chahie aur kyon? yah visheshank shankhon se apka purn parichay karane men madad karega.

Subscribe

Apne vichar vyakt karein

blog comments powered by Disqus
.