एक जांबाज का दुःखद अंत

ek janbaj ka duahkhad ant  

Ank ke aur Lekh | Sambandhit Lekh | Views : 1641 |  
dilli pulis ke speshal sel ke ek janbaj inspektar badrish datt vastav men bade honhar aur apne kam men bahut hoshiyar the. unki dekh-rekh men pulis ne anek lakshya men saflta purvak hasil kie. kuch din se ve ai.pi.el. 6 men fiksing ke mamle men bhi janch-padtal kar rahe the. pulis mahkme men unhonne apni kabiliyat ke bal par ek alag mukam hasil kar liya tha. apne tej dimag v buddhi ke bal par unhonne bade se bade kes chutkiyon men hal kiye the aur apni imandari v yogyata se ve rashtrapti dvara virta puraskaron se bhi sammanit ho chuke the. pulis men naukri karne vale vyaktiyon ki vyaktigat jindagi bahut hi niras ho jati hai kyonki yah naukri 24 ghante ki hoti hai aur rat-din inhen pulis chaiki men hi bitane padte hain. iska asar vyaktigat jivan par bhi padta hai. yahi badrish ji ke sath bhi hua. unki anupasthiti men unki patni ka mel-jol kisi se badhne laga aur vah bhi apna samay bitane ke lie kisi ka sath talashne lagi. badrish ko jab is bat ki bhanak lagi to unhen yah bardasht n hua aur chanuki ve pulis men the to patni ko bhi range hath pakdne ke uddeshya se ek haiprofail detective agency ki malik gita saksena se mile. gita ne unki patni ke khilaf kafi jankari jutai aur uske adhar par badrish ne apni patni ke khilaf talak ka mukdma dayar kar diya. isi dauran badrish ki mulakaten gita se aksar hone lagi aur ve uske kam karne ke tarike se atyant prabhavit hue. gita atyant mahatvakankshi mahila thi aur uske behad unche khvab the aur use ek uchchavargiya mahila ki tarah rahna pasand tha. uske vyaktigat jivan ki bat karen to uska vivah si.pi.dablyu.di ke ek klark se hua tha jiske sath vah bilkul khush nahin thi. use apne sare sapne chaknachur hote najar ane lage the. usne bachchon ko tyushan padhakar kharchon ko pura karne ki koshish bhi ki. lekin bat n banne par apne pati se talak le liya aur apni ditektiv ejensi shuru kar di. apne samparkon ke madhyam se usne apna netavark kafi faila liya tha. apne bachchon ko padhne ke lie nisangapur bhej diya. pure shan-shaukat se gudganv sthit flait men rahne lagi. gita ke tallukat mumbai pulis ke kuch inspektaron se bhi the. ve log use kam dilane aur uske jasusi ke kamon men bhi uski kafi madad karte the. idhar badrish apni patni par shak se ahat tha to dusri or gita apni ekaki jindagi se ajij. donon ko ek-dusre ke karib ate der nahin lagi. unhen ek-dusre ka sath achcha lagne laga aur badrish gita ke ghar par hi rahne lage. lekin do tanha dilon ka milan ek din unki barbadi ka sabab ban jaega, shayad hi kisi ne socha tha. isi bich aprail men hi gita ka ek dhokha-dhadi ka mamla pulis ke samne aya aur use 21 din jel men bitane pade. halanki badrish se bhi iske bare men batchit ki gai lekin unka kuch sahyog n hone ke karan unhen kuch nahin kaha gaya. badrish ne tan se gita se duri bana li thi aur ve usse apne sare sampark todna chahte the kyonki ve apne bedag kariyar par kisi tarah ka dhabba nahin chahte the. anek kukhyat apradhiyon ko apne buddhi-bal par hi salakhon ke piche pahuncha chuke the. speshal sel men tainat badrish ne andaravalrd ke ishare par ki ja rahi spat fiksing mamle men sarvilans ke jarie kai satoriyon ke fon kal ka byaura jutaya tha aur isi batchit ke adhar par hi unhonne 9 mai ko bina kisi satoriye ko namajad kie mukdma darj karaya tha. ef.ai.ar men likha gaya tha ki ai.pi.el. men maharashtra, gujrat, panjab v dilli samet anek rajyon ke satoriye maich fiks kar rahe hain. isi bich 10 mai ko badrish ko gita ka fon aya aur usne bahut israr kar use apne ghar khane par bulaya. vaise badrish ne ab usse sare sambandh tod liye the par fir bhi vah uski bat ko thukra n sake aur gudganv men uske ghar dinar par chale gaye. irada to tha ki shayad khane ke sath-sath donon ke dilon ka gubar bhi hajm ho jaega par hua ulta. khane ki mej par donon ke dilon ke gubar niklne lage aur sthiti yah ho gai ki gusse men badrish ne apni sarvis pistal nikal kar gita ko goli mar di aur fir khud ko bhi goli mar kar apni bhi jindagi samapt kar di. ek-dusre ke gile-shikve dur karne ki niyat se baithe donon hi maut ki nind so gaye ek janbaj pulis inspektar ka is tarah jana vakai pulis dipartament ke lie bahut bada jhatka tha. ai.pi.el. maich fiksing kes ki taftish ko bhi bada jhatka laga. jis tarah se badrish iske piche lage the ve agar aj hote to shayad bahut si badi machliyan bhi salakhon ke piche hotin.. aiye dekhen badrish ke jyotishiya sitare kya kahte hain: badrish ki kundali men lagnesh evan dashmesh guru pancham sthan men apni uchch rashi men sthit hai jiske falasvarup ye atyant tivra buddhi evan kushal karyakshamata ke dhani the. karmesh brihaspati navansh men bhi svarashi min men hone se inhonne jivan paryant apne karya ko badi nishtha tatha imandari se pura kiya aur kabhi bhi apni chavi ko dhumil nahin hone diya. bhagyesh mangal apni svarashi vrishchik men sthit hone se tatha lagn men shani sthit hone se ye pulis vibhag men apna kariyar banane men safal rahe. parakram bhav par mangal ki drishti hone se, chathe bhav men surya ke apni mul trikon rashi men sthit hone tatha lagnesh ki lagn par purn drishti hone se badrish gambhir tatha sahsi prakriti ke vyakti the aur isi karan inhonne apne karya kshetra ke kathin se kathin karya ko bhi saflta purvak anjam diya. inki kundali men bhagyesh bhagya men hone se bhagya sthan kafi balvan hai aur bhagyesh aur bhagya bhav donon par dashmesh brihaspati ki purn drishti hai islie inhen apne karyakshetra men manniya rashtrapti ke dvara utkrisht karya ke lie virta puraskar prapt hua. vaivahik jivan par drishti dalen to kundali ka saptamesh budh chathe bhav men ashtamesh shukra aur shashthesh surya ke sath sthit hone se atyant ashubh hai jiske karan inko apni patni se shikayat rahi aur usse dhokha bhi mila jisko ye sahan nahin kar pae aur talak ki sthiti a gai. inki kundali ke pancham bhav men kark ka brihaspati sthit hai evan panchmesh chandrama bhi shubh grah ki rashi kanya men sthit hai jisse yahi sanket milta hai ki inke prem sambandh achche vyaktitva vale vyakti se hi rah payenge aur galat karyon ke lie ye apni premika se samjhauta nahin karenge aur ant men yahi hua ki premika ke galat karyon ki vajah se inhonne use goli mar kar khud ko bhi goli mar li. jaimini sutra ke anusar yadi lagnesh char rashi men ho tatha ashtamesh sthir rashi men ho to madhyam ayu hoti hai. lagn aur chandrama donon hi dvisvabhav rashi ka hai jiske karan inki mrityu madhyam ayu men hui. ashtamesh aur saptamesh ki chathe bhav men yuti hone se ashtamesh shukra men ek stri hi inki mrityu ka karan bani. inki mrityu ke samay ashtam bhav men shani ki sadhesati men shani vakri tha tatha gochar ke mangal, rahu v surya se bhi prabhavit tha. v antardasha ashtamesh v ashtam se ashtamesh param akarak v marak shukra ki chal rahi thi.
Kya aapko lekh pasand aaya? Subscribe

Kya aapko lekh pasand aaya? Subscribe


vighnaharta ganesh visheshank  September 2013

fyuchar samachar patrika ke vighnaharta ganesh visheshank men ganpti ke prakatya ki katha, ganpti pujan vidhi, uchchisht ganpti pujan, ganpti ke vibhinn svarup, ganpti ke vibhinn rupon ki puja se duahkh nivaran, ganpti ke pramukh tirth sthalon ka parichay, sarvapratham ganpti pujan kyon? adi gyanavardhak alekh sammilit kie gae hain. iske atirikt ek janbaj ke duahkhad ant ki satyaktha, tarkasur ka vadh, ank jyotish ke rahasya evan duahkh nivarak shani ki bhumika jaise rochak alekh vishesh jankari se yukt to hain hi sath hi inko parhne se ap anandit bhi mahsus karenge.

Subscribe

Apne vichar vyakt karein

blog comments powered by Disqus
.