सितंबर माह के मुख्य व्रत त्योहार

sitanbar mah ke mukhya vrat tyohar  

Ank ke aur Lekh | Sambandhit Lekh | Views : 2200 |  
5 sitanbar kushagrahni amavasya: bhadra krishn amavasya ko kushagrahni ke nam se jana jata hai. amavasya ko kusha sthan par jakar purva athva uttar mukh hokar baithen. brahmaji ka dhyan karke hun fat is mantra ka uchcharan karke dayen hath se kusha ukhadane. is kusha ko apne ghar men pavitra sthan par rakhen, ek varsh paryant tak ise dev tatha pitri karyon men upyog karen. 9 sitanbar (siddhivinayak vrat): yah vrat bhadra shukla chaturthi ko kiya jata hai. is din madhyahn kal men vighn vinashak ganeshji ka janm hua tha. madhyahn kal men ganesh ji ka shodshopchar vidhi se pujan karna chahie, naivedya men ladduon ka vishesh bhog lagana chahie. sayankal men mantra, jap, arti karke prasad grahan karen. is vrat ko karne se jivan men samast vighn badhaon ka shaman hota hai tatha jivan mangalamay, sukhamay banta hai. is din chandra darshan karne se mithya dosh lagta hai. atah chandrama ko n dekhen. 12 sitanbar (radhashtami vrat): bhadrapad shukla ashtami ko bhagvti shri radha ji ka janm hua tha. is madhyahn kal men shri radha ka pujan karna chahie. samathrya ho to pura upvas karen, athva ek samay ratri men bhojan karen, is vrat ko vidhi-purvak karne se vyakti vraj ke rahasya ko jan leta hai. pitri paksh - shraddh aranbh 19 sitanbar se 4 aktubar tak: manushya ke upar tin prakar ke rin hote hain, dev rin, rishi rin, pitri rin in rinon men pitri rin se mukt hone ke lie pitron ka shraddh, tarpan kiya jata hai. bhadrapad shukla purnima se ashvin krishn amavasya tak solah din paryant tak pitri paksh mana jata hai. jis tithi ko jiske purvaj, mata-pita adi ka dehant hua ho usi tithi ko shraddh paksh men unka tarpan shraddh kiya jata hai. pitron ka shraddh n karne se dosh lagta hai aur jo log apne pitron ka shraddha purvak pratyek varsh shraddh karte hain unke purvaj unhen dhan, yash, ayu , arogyata ka ashirvad pradan karte hain. not: 13 sitanbar ko ashtami tithi madhyahn kal me n hone se arthat 12 sitanbar ko ashtami tithi madhyahn kal men vyapt hai. islie radhashtami ka vrat 12 sitanbar ko karna hi shastra sammat hai.
Kya aapko lekh pasand aaya? Subscribe

Kya aapko lekh pasand aaya? Subscribe


vighnaharta ganesh visheshank  September 2013

fyuchar samachar patrika ke vighnaharta ganesh visheshank men ganpti ke prakatya ki katha, ganpti pujan vidhi, uchchisht ganpti pujan, ganpti ke vibhinn svarup, ganpti ke vibhinn rupon ki puja se duahkh nivaran, ganpti ke pramukh tirth sthalon ka parichay, sarvapratham ganpti pujan kyon? adi gyanavardhak alekh sammilit kie gae hain. iske atirikt ek janbaj ke duahkhad ant ki satyaktha, tarkasur ka vadh, ank jyotish ke rahasya evan duahkh nivarak shani ki bhumika jaise rochak alekh vishesh jankari se yukt to hain hi sath hi inko parhne se ap anandit bhi mahsus karenge.

Subscribe

Apne vichar vyakt karein

blog comments powered by Disqus
.