त्रिक भावों में ग्रहों का फल एवं उपाय

trik bhavon men grahon ka fal evan upay  

Ank ke aur Lekh | Sambandhit Lekh | Views : 4225 |  
bhartiya jyotish men trik bhav arthat- chathe, athven aur barhven bhavon ko bure fal ki shreni men rakha gaya hai. chatha ghar jhagde, mukdme, rin, bimari ka ghar to ashtam bhav maut ka ghar, patal ke andhere ka, to dvadash bhav vyay ka, moksh ka aur khule akash ka bhi hota hai. in trik bhavon men sthit grahon ki bhed bhari gatha hai. chatha bhav chathe bhav ko ‘upchy’ bhav bhi kaha jata hai. upachay ka arth hai gatishil. chathe ghar men sthit grah ka shubh ya ashubh prabhav bahut tej raftar ke sath hota hai. yah bhav manushya ke mansik santap, dushmani, bimari, nanihal parivar, naukri, rakhail, bhutbadha, karj aur faujdari mukdme ka karak hai. chathe ghar men sthit vibhinn grahon ka fal lal kitab ke anusar is prakar hota hai. budh kal purush ki kundli ke anusar chathe bhav men sthit budh apne pakke ghar men hota hai tatha chathe ghar ka karak bhi hota hai. isse budh ko dohri shakti mil jati hai. aisa vyakti apni mithi vani se sabko prabhavit karta hai. chathe ghar ke budh hone par yadi dusre ghar men ashubh mangal ho aur brihaspati bhi kundli men bahut achcha n ho to haklane ya gungepan ki sanbhavna ho sakti hai. iske lie achcha upay yah hai ki ghar men maina pakshi pala jae jo shubh budh ka karak hai. chathe ghar ka budh dimagi mehanat ke lie thik hai, sharirik mehanat ke lie nahin. is ghar ka budh chupa hua yogi hota hai. uski vani se nikli dua ya baddua donon puri ho jati hai. upay mitti ka bartan (chota sa ghada) dudh se bharakar kisi viran jagah par dabaen. barish ka pani shishe ki botal men bharakar shishe ke dhakkan se band kar kisi kheti ki jamin men daba den. brihaspati chathe ghar ka guru vyakti ko arthik tangi nahin deta. yah insan ko alsi bana deta hai. is ghar ka guru sharirik rup se kuch kamjor rakhta hai. jigar ka badhna, shugar ki shikayat hona is ghar ke nimn brihaspati ki am bimariyan hai. chathe bhav men sthit guru ki satvin drishti barhven ghar par padti hai, kharch vale ghar par islie aisa vyakti fijulakharch bhi ho jata hai. budh ke pakke ghar men akar guru aisa jan padta hai jaise kisi unchi padvi vale vyakti ko chote pad par kam karna pade. upay kisi se dan dakshina n len. kisi pujari ko kapde dan karne chahie. chane ki dal chah din lagatar kisi dharm sthan men den. shukra shukra grah stri karak hai. aisa shukra striyon ki taraf se virodh paida karta hai. chathe bhav men shukra hone par koi bhi prem sambandh shadi tak nahin pahunchta. chathe ghar ke shukra hone par log achanak se apna vyavsay parivartan bhi kar lete hain fir bhi unki amdni badhti jati hai. aisa shukra surya ki drishti ya surya ka sath hone par patni ki sehat ke lie bura fal dene lagta hai. jab shukra apna bura fal de to uska pahla sanket yah hota hai ki dayen tatha bayen hath ka angutha bina kisi chot ya jakhm dard karne lagta hai. kuch granthon men aise shukra ko santan ki paidaish men badhak mana gaya hai. upay kabhi nange panv n chalen aur patni ko bhi n chalne den. apni poshak ko saf suthra rakhen. chah shukravar safed patthar par chandan ka tilak lagakar bahte pani men baha den. chah kanyaon ko chah din lagatar dudh mishri den.
Kya aapko lekh pasand aaya? Subscribe

Kya aapko lekh pasand aaya? Subscribe


vighnaharta ganesh visheshank  September 2013

fyuchar samachar patrika ke vighnaharta ganesh visheshank men ganpti ke prakatya ki katha, ganpti pujan vidhi, uchchisht ganpti pujan, ganpti ke vibhinn svarup, ganpti ke vibhinn rupon ki puja se duahkh nivaran, ganpti ke pramukh tirth sthalon ka parichay, sarvapratham ganpti pujan kyon? adi gyanavardhak alekh sammilit kie gae hain. iske atirikt ek janbaj ke duahkhad ant ki satyaktha, tarkasur ka vadh, ank jyotish ke rahasya evan duahkh nivarak shani ki bhumika jaise rochak alekh vishesh jankari se yukt to hain hi sath hi inko parhne se ap anandit bhi mahsus karenge.

Subscribe

Apne vichar vyakt karein

blog comments powered by Disqus
.