कुछ उपयोगी टोटके

kuch upyogi totke  

Ank ke aur Lekh | Sambandhit Lekh | Views : 20893 |  
chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai. ghar men sada ann ka bhandar bana rahe ashlesha nakshatra men baragad vriksh ka ek patta tod kar layen. us patte ko gangajal se chinta marakar dhup dekar prarthana karen ki he annapurna devi mere ghar men sada ann ka bhandar bhara rahe kabhi iski kami n ho. us patte ko chaval ya gehun ke andar daba kar rakh dene se kabhi kami nahin hogi. iska prayog bahut asan hai aur iska prabhav ramban ki tarah hai. - shukla paksh men jis din pushya nakshatra ho tab shvet gunja ki jad ko lakar use dhup dip se puja kar ghar men rakhne se ghar men chori hone ka bhay nahin rahta hai. - sudarshan ki jad ho ya apamarg ki jad ho athva ghunghchi jad ho inko kisi tabij men rakh kar dahini bhuja men bandh lene se hathiyar v shastra se sharir ki raksha ho jati hai. ukt mantra se 21 bar jap karke bandhen (un durge durge rakshini svaha). fasal ki suraksha ke lie safed sarson tatha balu ko ek sath milakar khet ke charon or jal dene se khet men chuhon se, kidon se evan tiddi adi se fasal ki raksha hoti hai. tone-totke ko beasar karne ke lie - purva falguni nakshatra men bahede ka patta lakar ghar men rakh dene se shatru dvara ghatak totke beasar ho jate hain. tantra mantra sabhi se raksha hoti rahti hai. yah bahut hi upyogi patta hai. nind men bhay dur karne ke upay - magha nakshatra men pipal ki jad ko lakar use shuddh jal se dhokar dhup dekar apne takiya men rakhne se kabhi sone men bhay nahin lagta n kharab svapn ate hain. santan prapti hetu - jo stri niahsantan hai jisko banjh bhi bolte hain use purva falguni nakshatra men am ki jad ko gay ke dudh men ghisakar pilane se use santan ho jati hai. is nakshatra men yah prayog karti rahen. isi prakar uttara falguni nakshatra men nim ki jad ko lakar stri apne pas men kisi lal kapde men bandh kar sharir par dharan kare to jo dosh hota hai vah shant ho jata hai. tab santan ho jati hai. bhut-pret dosh ko samapt karne ke lie - hast nakshatra men chanpa ki jad ko kachche dudh v ganga jal se pavitra karke gale men tabij men bharakar dharan karen to yah dosh samapt ho jata hai. gorapan v sundrta hetu - svati nakshatra man mogra ki jad lekar bhains ke dudh men ghisakar pine se rang men parivartan v mukh sundar hota hai. shatruta samapt karne hetu - anuradha nakshatra men chameli ki jad ko lakar gale men tabij men bharakar pahnne se shatru mitra ban jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


vighnaharta ganesh visheshank  September 2013

fyuchar samachar patrika ke vighnaharta ganesh visheshank men ganpti ke prakatya ki katha, ganpti pujan vidhi, uchchisht ganpti pujan, ganpti ke vibhinn svarup, ganpti ke vibhinn rupon ki puja se duahkh nivaran, ganpti ke pramukh tirth sthalon ka parichay, sarvapratham ganpti pujan kyon? adi gyanavardhak alekh sammilit kie gae hain. iske atirikt ek janbaj ke duahkhad ant ki satyaktha, tarkasur ka vadh, ank jyotish ke rahasya evan duahkh nivarak shani ki bhumika jaise rochak alekh vishesh jankari se yukt to hain hi sath hi inko parhne se ap anandit bhi mahsus karenge.

Subscribe

Apne vichar vyakt karein

blog comments powered by Disqus
.