अक्षरों के विहित अर्थ-2

aksharon ke vihit artha-2  

Ank ke aur Lekh | Sambandhit Lekh | Views : 2041 |  
nam men maujud pratyek akshar ka apna alag mahatva evan prabhav hai. samanyatah sabhi vyaktiyon ke nam evan kulnam sahit nam ke do ya do se adhik hisse hote hain. har varsh parightna ank ke rup men nam ke pratyek hisse ka ek akshar prakat hota hai tatha unka sammilit rup hi parightna ank kaha jata hai. har akshar ka apna svabhav, prabhav evan gun-avgun hota hai. ye bhinna-bhinn akshar apni upasthiti se jivan ki ghatnaon ko prabhavit karte hain. is alekh men ham yahi samjhne ka prayas karenge ki ye akshar jab parightna ank ke rup men prakat hote hain to hamare jivan men ane vali kis achchi-buri ghatna ka sanket karte hain tatha kis prakar hamen ishara samajhakar uska fayda uthana chahie. f.o.x f=6: prem, vivah evan ghar y parivarik dayitva ke karan pratibandh evan lok seva is kal ki pramukh visheshtayen hain. vyavsayik jivan men kartavyon ka nirvahan saflta evan pronnati pradan kar sakta hai. arthik sthiti men sudhar ho sakta hai. svarth vyaktigat evan vyavsayik jivan men ganbhir samasyaen paida kar sakta hai. prem evan vivah ka purn anand lene ke lie ek adarsh samay. samay ki mang ke prati samarpan ki bhavna sundar bhavishya ki ninv rakh sakti hai kintu uttaradayitva utna hi svikar karna chahie jitna nibhaya ja sake. o=15/6: sabhi prabhav f jaise hi kintu adhik prabal sath hi arthik unnati evan labh tatha vyavsay evan ghar ki sthapna ke achche avasar. bachchon ke sath anand evan samasya donon ke lie sanlagnata. sauhardapurn vatavaran, dharmik evan kalatmak sahacharya, yatra evan dosti tatha samajikta is kal men vishesh abhiruchi ke kshetra ho sakte hain. x=24/6: sabhi prabhav th jaise hi kintu adhik sanvedna (2) evan uttaradayitva (4) ke sath. kuch aisi vichitra paristhitiyan a sakti hain jahan tyag evan balidan ki avashyakta pade (kras x). mata-pita evan bachchon ke bich ki samasyaen badh sakti hain, yahan tak ki sambandh bhi tut sakte hain. dharmik athva adhyatmik rujhan athva manvta ki seva karne ki bhavna shanti, yatra, prem evan arthik unnati de sakta hai. sabhi f,o,x kal ki avdhi 6 varshon ki hoti hai. aksharon ke samuh f.f, f.o, f.x evan o.x katrtavya evan uttaradayitva ka sanket karte hain jiske karan thakan, pareshani, simittaen nirasha evan krodh ki bhavna utpann ho sakti hai. o.o ka yog aur bhi adhik uttaradayitva evan adhik krodh ki bhavna ka bodh karate hain. kisi bhi varsh dohre x.x ki upasthiti kafi ganbhir sthiti hai. mata-pita evan bachchon ke bich ganbhir matbhed paida ho sakte hain jiske karan ghar evan vyavsayik jivan donon par pratikul asar pad sakte hain. g.p.y. g=7: shiksha, shodh evan adhyayan ke lie ek adarsh samay. apratim saflta evan dhan ka yog. ghar men khushi evan sukh-shanti, achche dost kintu asamanya pranay sambandh. antaravlokan evan ekangipan samasya utpann kar sakte hain evan svasthya par pratikul prabhav dal sakte hain. is kal men vyakti kafi chaynshil hota hai tatha pasanda-napsand ki dridh ichcha hoti hai. p=16/7: sabhi prabhav g jaise hi kintu vyavsay evan dhan ki lipsa ki apeksha vaigyanik athva visheshagyata vale karyon men atyadhik labh. shikshan, lekhan athva prakashan iske parinam ho sakte hain. is kal men prem, vivah evan sajhedari aram se nahin chal sakta tatha mitratapurn ravaiya nahin hone ke karan samasyaen utpann ho sakti hain. antajrnyan evan antarik jagriti is kal men sanbhav hai. y=25/7: shiksha, shodh, sadhna evan adhyatmikta ke prati gahra jhukav jiske karan antajrnyan evan antarik jagriti sanbhav hota hai. vyavsay men kafi kam ruchi yadyapi ki apni ichchapurti ke lie dhan ki avashyakta hoti hai. akele rahne ki pravritti sajhedari, prem evan vivah men sankat upasthit kar sakta hai. dhyan nahin rakhne par svasthya prabhavit ho sakta hai. vyakti akela evan pahanuch se dur pratit ho sakta hai kintu adhyatmik utthan ki or uske achche karya jari rahenge. sabhi g,p,y kal ki avdhi 7 varsha ki hoti hai. aksharon ke samuh g.g, g.p,g.y.p.p,p.y and y.y bhid evan janta/samajik jivan se alag hone ka sanket karta hai jiske karan galtfhmi evan bhavnatmak bhram paida ho sakte hain. pragti men kathinai ho sakti hai . h.q.z. h=8: kathin shram evan vyavharik anuprayog ke karan ek achcha vyavsayik bal utpann hoga jo arthik unnati, shaktishali pad, satta evan pratishtha pradan kar sakta hai. lagatar prayas, logon evan ghatnaon ka sahi nirnay evan tathyon par dhyan dena avashyak hai. pratishtha ki dekh-bhal evan parivar tatha sambandhiyon ki avashyakta ko pura karne men prayah bahut adhik kharch hote hain. vyavsayik yatraen, lekhan, vachan athva prakashan ke dvara darshanik bhavnaon ka praktikaran tatha sampatti ki kharid-bikri is kal ki dusri gatividhiyan hain. vyavsayik pratibaddhata ke karan prem sanbandh evan parivarik abhiruchi ki bali deni padti hai. q=17/8: sabhi prabhav h jaise hi kintu is apvad ke sath ki vyakti kuch aise asamanya karya chunega ya karega jo samanyatah bahut kam log hi kar sakte hain thik vaise hi jaise nam men q kabhi-kabhi upasthit hota hai. is bat par dhyan dena avashyak hai ki is vichitra vatavaran ki paristhitiyan paida n ho jayen jisse ki vikas avruddh ho jaye evan prem evan vivah mane sankat upasthit ho jaye. rahasyavadi evan gupt vidvatta ke star ki soch ke karan kriyaklap kuch had tak chip jate hain.r z=26/8: sabhi prabhav h jaise hi kintu f ki tarah hi asamanya karya tatha gupt vidya men liptata. asamanya mitrata, pranay sambandh evan vivah kintu ati bhavukta ke karan pareshani utpann ho jati hai. sabhi h,q,z kal ki avdhi 8 varsh ki hoti hai. aksharon ke samuh h.h, h.q, h.z evan o.z bhautik upalabdhiyon ke lie atyadhik karya ka sanket karta hai jiske karan vyaktigat evan parivarik jivan men samasyaen utpann ho sakti hain. q.q ka yog bhavnatmak kathinaiyon evan asamanya vyavhar ke karan vyavsay ki pragti men samasyaen utpann karta hai. kisi bhi varshar z.z ki dohri upasthiti asantulit bhavna ka sanket karta hai. jiske karan sambandhon men samasya utpann ho sakti hai. i.r i=9: mahatvapurn evan natkiya ghatnakram ke karan jivan par gahra prabhav. uchch sanvedna evan bhavukta ko dusron ki madad men lagaya ja sakta hai jiske karan dhan ki prapti evan karya ka nishpadan hoga. is prakar ki sanvedna evan bhavukta ke pradarshan se vyaktigat evan parivarik jivan ki samasyaen bhi kam hongi. svasthya ki raksha karen. lok kalyankari evan manvtavadi karyon ki disha men vyavsayik avasar prapt honge tatha karya men purn saflta milegi. is kal men simitta evan pratibandh ki bhavna apne vyavsayik evan vyaktigat jivan men kisi varchasvakari vyakti ke karan mahsus hogi. apni bhavna, manmaujipan evan gusse par niyantran avashyak hai. sahnshilta evan daya se vilanb ke prabhav ko nakara ja sakta hai. r=18/9: jivan ka ek mahatvapurn kal jismen sabhi prabhav to i ke honge hi parantu kuch apvad ke sath. is kal men apni sanvedna par behatar niyantran prapt kar sakenge tatha kisi vyakti ki varchasvata ke karan simitta ki koi bhavna bhi nahin hogi. r ank jyotish men antim akshar hai. anek bhavnatmak parikshaon se gujrte hue tatha manvta ke uchch adarshon ke lie prem, dhairya evan manviya bhaichare ki bhavna se karya karne par achcha pad evan pratishtha milegi. lok kalyankari, manvtavadi, kalatmak evan srijnatmak karya safltapurvak purn honge. svarthaparata vyavsayik evan vyaktigat jivan men nirasha degi. pranay sambandh evan vivah yadgar ban sakte hain yadi uchch naitikta ka palan karen. beimani ke karan algav athva talak ho sakta hai. shayad yah asimit avsron ke karan jivan ka sarvashreshth kal ho sakta hai. kai aise uttaradayitva honge jo jivan men vishisht chijen jaise prem evan dhan upalabdh karaengi jisse uchch lakshya purn honge. sabhi i,r t kal 9 varsh ki avdhi ke hote hain. aksharon ke samuh i.i evan i.r uchch sanvedna evan bhavnatmak antarvirodh ka sanket karte hain jiska parinam vilanb evan dukh karak hota hai. r.r ka yog dhimi pragti evan upalabdhi men vilanb darshata hai.
Kya aapko lekh pasand aaya? Subscribe

Kya aapko lekh pasand aaya? Subscribe


vighnaharta ganesh visheshank  September 2013

fyuchar samachar patrika ke vighnaharta ganesh visheshank men ganpti ke prakatya ki katha, ganpti pujan vidhi, uchchisht ganpti pujan, ganpti ke vibhinn svarup, ganpti ke vibhinn rupon ki puja se duahkh nivaran, ganpti ke pramukh tirth sthalon ka parichay, sarvapratham ganpti pujan kyon? adi gyanavardhak alekh sammilit kie gae hain. iske atirikt ek janbaj ke duahkhad ant ki satyaktha, tarkasur ka vadh, ank jyotish ke rahasya evan duahkh nivarak shani ki bhumika jaise rochak alekh vishesh jankari se yukt to hain hi sath hi inko parhne se ap anandit bhi mahsus karenge.

Subscribe

Apne vichar vyakt karein

blog comments powered by Disqus
.