शनि को ध्याइये सदा सुख पाईय

shani ko dhyaiye sada sukh paiya  

Ank ke aur Lekh | Sambandhit Lekh | Views : 3806 |  
navagrahon men shani vastav men ek karmapradhan, satvik, nishpaksh aur nyay priya grah hain. is karan devon ke dev mahadev ne usko manushyon ke ‘karmon ka nirnayak banaya hai, aur yathochit puraskar athva dand dene ka adhikar diya hai. sansar ka pratyek vyakti shani se bhaybhit rahta hai. apni kundli ka kisi jyotishacharya se vivechan karvate samay lagabhag har vyakti sarvapratham puchta hai ki ‘meri janmakundli men shani kupit to nahin hai?’ shani se darne ka karan multah uska ashubh karakatva hai. shani grah mukhyatah ayu, bimari, mrityu ka karan, bhay, dukh, vipatti, dasta, alasya, naukri, mehanat, daridrata danton v pairon ke rog, krishi sadhan, lauh-upakaran, adi se sanbandh rakhta hai. kangni, kodon, udad, kale til, namak, tatha sabhi kali vastuon par usak adhipatya hai. sath hi gupta-vidya, adhyatm aur moksh dilane vala grah bhi shani hi hai. bhartiya jyotish men shani grah ko naisargik ashubh aur kashtakari mana gaya hai. pashchatya jyotish bhi shani ko ‘ivil fet bringr’ arthat dukh lane val grah manta hai. vastav men shani ka is prakar chitran adhura hai. vah vrish, tula, makar aur kunbh lagn men janme jatkon ke lie param shubh faldayak hota hai. shani ek nishpaksh nyayakarta grah hai. jo log anachar aur adharmik karyon men lipt rahte hain, keval unhin ko shani pratadit karta hai. manushyon ke prarabdh (pichle janmon ke karmafala) anusar hi shani ki janma-kundli men sthiti hoti hai. vrishabh aur tula lagn valon ke lie shani ‘yogkark’ (param shubh) hota hai. makar aur kunbh lagn vale jatkon ka lagnesh hokar hitkari hota hai. kundli men shani ashubh, nich, athva ast hone par kashtakari hota hai. balvan shani param sahayak v shubh faldayak hota hai. shani grah ka gochar sabse dhima hai. atah use ‘shanaiah shanaiah shanaishcharay’ se sanbodhit kiya jata hai. uska ek aur nam ‘mandah’ hai. vah ek rashi (300) ka gochar purn karne men sarvadhik dhai varsh leta hai aur manav jivan par dirghakalin prabhav dalta hai. jab shani chandra rashi se barhven, chandra rashi men, tatha chandra rashi se agle bhav men gochar karta hai, is samay ko (2) ga3tra7) varsha) sadhesati se sanbodhit kiya jata hai. yah kram har vyakti ke jivan men 30 varsh ke antral se ata rahta hai. shani ka chandra rashi se chaithe, satven aur athven bhav se gochar ‘‘ashubh dhaiyya’ kahlata hai. shani ka chandrama se tisre, chathe aur gyarhven bhav se gochar shubh faldayak hota hai. anya bhavon men shani ka gochar fal mishrit hota hai. shani 4 agast, 2012 se tula rashi men gochar kar raha hai aur 18 farvri se 8 julai, 2013 tak vakri hai. 2 navanbar, 2014 ko shani vrishchik rashi men gochar karega aur farvri, 2017 tak vahan gochar karega. pathak gan apni janm rashi anusar shani ke shubh-ashubh fal ka anuman svayan kar sakte hain. janmakundli men shani ki ashubh sthiti hone par uski dasha-bhukti, dhaiyya aur sadhesati ke samay jatak ko sansarik drishti se kai prakar ke kashton-asflta, dukh, dhan tatha manhani, sharirik vyadhi, chinta, parivar ke mahatvapurn vyakti ka nidhan adi ka samna karna pad sakta hai. jab kisi parivar ke kai sadasyon ki ek sath shani dasha, dhaiyya ya sadhesati chalti hai tab us samay vah parivar adhik vipattiyan jhelta hai. shubh grahon ki dasha-bhukti hone tatha brihaspati ka shubh gochar hone par samay kam kashtakari hota hai. pauranik katha ke anusar shani devadhidev mahadev ke param shishya hain. unki dharm anurakti aur nishpakshata se prasann hokar shivji ne unhen manushyon ke shubh-ashubh karmafal pradan karne ka adhikar diya tha. sath hi shivji ne shani ko savdhan kiya tha ki jo bhi prani unki (shivji ki) sharan men ayega us vyakti ko shani aur pratadit nahin karega. atah subah nahakar shivling ka jalabhishek -jal, gangajal, kale til ke kuch dane v til ke tel ki kuch bund milakar karna chahie. vahin baithakar ‘un namah shivay’ v ‘un shan shanaishcharay namah’ ki ek-ek mala jap shani pradatt kashton ko kam karta hai. ek anya katha anusar hanuman ji se harne ke bad shani ne apna din (shanivar) bhi unki puja ke lie arpit kar diya tha, aur hanuman ji ke bhakton ko kasht n dene ka vachan bhi diya tha. atah shani-pradatt kashton se nivaran ke lie hanumanji ki puja aradhna ka shastrokt vidhan hai. ‘shani upasna’ ke lie ‘padmapuran’ men varnit raja dasharath dvara ki gai stuti (dasharath stotra) ka pratah kal path karna uttam faldayak mana gaya hai. stotra ke ant men ki gai prarthana is prakar hai:- gyanachaksharnamaste'stu kashyapatmaj sunve. tushto dadasi vai rajyan rushto harsi tatkshanat.. devasur manushyashch siddhavidya dharongaah. tvayan vilokitaah sarve nashan yanti samultah.. prasadan kuru men dev vararho jhamupagtah. (34, 34-35) arthat ‘he gyan netra ! apko namaskar hai. kashyapanandan surya ke putra! apko namaskar hai. ap santusht hone par rajya dete hain aur rusht hone par tatkshan har lete hain. devta, asur, manushya, siddh, vidyadhar aur nag, ye sab apki drishti padne par samul nasht ho jate hain. he dev ! mujh par prasann hoiye. main var pane ke lie apki sharan men aya hun.’’ shani pida hone par nimn kisi bhi mantra ka 23 hajar sankhya ka jap anushthan kisi shanivar aur visheshakar ‘shani amavasya’ ko shani ki pratima ka telabhishek karne ke bad subah se rudraksh ki mala par karna chahie. uske bad kale til se dashansh havan v arti ke bad urad ki dal ko bade ka prasad bantna chahie. 1. un pran prin praun sah shanaishcharay namah. 2. un shan shanaishcharay namah . dhyan rahe ki shani ek nirnayak grah hai. atah shani-pradatt kashton ko sahnshil hi banaya ja sakta hai, purnataya mitaya nahin ja sakta. shani pidit vyakti ko shani upasna ke sath hi dharmanukul acharan bhi karna chahie. mans-madira ka sarvatha tyag kar dena chahie tabhi shani sadhna falibhut hogi. jinka shani shubh hai, evan shani dasha, antardasha, sadhesati, dhaiyya, adi nahin chal rahi hai, unhen bhi sunhre bhavishya hetu shani upasna tatha mantra jap avashya karte rahna chahie. shani aradhna manushyon ke lie param kalyankari hai. isse jivan men satvikta ati hai, aur manav jivan ke lakshya ka gyan dekar moksh ka marg prashast karti hai. ‘nilanjan samabhasan ravi putran yamagrajan. chaya martand sambhutan tam namami shanaishcharam.. un shan shanaishcharay namah.
Kya aapko lekh pasand aaya? Subscribe

Kya aapko lekh pasand aaya? Subscribe


vighnaharta ganesh visheshank  September 2013

fyuchar samachar patrika ke vighnaharta ganesh visheshank men ganpti ke prakatya ki katha, ganpti pujan vidhi, uchchisht ganpti pujan, ganpti ke vibhinn svarup, ganpti ke vibhinn rupon ki puja se duahkh nivaran, ganpti ke pramukh tirth sthalon ka parichay, sarvapratham ganpti pujan kyon? adi gyanavardhak alekh sammilit kie gae hain. iske atirikt ek janbaj ke duahkhad ant ki satyaktha, tarkasur ka vadh, ank jyotish ke rahasya evan duahkh nivarak shani ki bhumika jaise rochak alekh vishesh jankari se yukt to hain hi sath hi inko parhne se ap anandit bhi mahsus karenge.

Subscribe

Apne vichar vyakt karein

blog comments powered by Disqus
.