सीता-शुकी संवाद

sita-shuki sanvad  

Ank ke aur Lekh | Sambandhit Lekh | Views : 2385 |  
ek din sitaji sakhiyon ke sath udyan men khel rahi thin. vahan unhen shuk pakshi ka ek joda dikhayi diya jo bada manoram tha. ve donon pakshi ek dali par baithakar is prakar bol rahe the- ‘prithvi par shriram nam se prasiddh ek bade sundar raja honge. unki maharani sita ke nam se vikhyat hongi. shriramji bade buddhiman aur balvan honge. ve samast rajaon ko apne vash men rakhte hue sita ke sath gyarah hajar varshon tak rajya karenge. dhanya hain ve janki devi aur dhanya hain shriram, jo ek dusre ko prapt hokar is prithvi par anandpurvak vihar karenge. unko aisi baten karte dekh sitaji ne socha - ‘ye donon mere hi jivan ki manoram katha kah rahe hain. inhen pakadakar sabhi baten puchun.’ aisa vicharakar unhonne apni sakhiyon ke dvara un donon ko pakdvakar mangvaya aur unse kaha- ‘tum donon bahut sundar ho, darna nahin. batao, tum kaun ho aur kahan se aye ho? ram kaun hain? aur sita kaun hain? tumhen unki jankari kaise hui? in sari baton ko shighratishighra batao. meri or se tumhen koi bhay nahin hona chahiye.’ sitaji ke is prakar puchne par un pakshiyon ne kaha - ‘devi ! valmiki - nam se prasiddh ek bahut bade maharshi hain, jo dharmagyaon men shreshth mane jate hain. ham donon unhin ke ashram men rahte hain. maharshi ne ramayan namak ek mahakavya ki rachna ki hai, jo sada hi man ko priya jan padta hai. unhonne shishyon ko uska adhyayan karaya hai tatha pratidin ve sanpurn praniyon ke hit men sanlagn rahakar uske padyon ka chintan kiya karte hain. uska kalevar bahut bada hai. hamlogon ne use pura-pura suna hai. baranbar uska gan tatha path sunne se hamen bhi uska abhyas ho gaya hai. ram aur sita kaun hain- yah ham batate hain tatha iski bhi suchna dete hain ki shriram ke sath krida karne vali janki ke vishay men kya-kya baten honevali hain, tum dhyan dekar suno. maharshi shring ke dvara karaye hue putreshti-yagya ke prabhav se bhagvan vishnu ram, lakshman, bharat, shatrudhna- ye char sharir dharan karke prakat honge. devangnaen bhi unki uttam katha ka gan karengi. shriram maharshi vishvamitra ke sath bhai lakshman sahit hath men dhanush liye mithila padharenge. vahan ve ek aise dhanush ko (jise dusra koi utha bhi nahin sakega) tod dalenge aur atyant manohar rupvali jankkishori sita ko apni dharmapatni ke rup men grahan karenge. fir unhin ke sath shriramji apne vishal samrajya ka palan karenge. ye tatha aur bhi bahut si baten jo vahan rahte fyuchar paint ke saujanya se samay hamare sunne men ayi hain, sankshep men mainne tumhen bata din. ab ham jana chahte hain, hamen chod do.’ kanon ko atyant madhur pratit hone vali pakshiyon ki ye baten sunakar sitaji ne unhen man men dharan kar liya aur punah unse is prakar pucha - ‘ram kahan honge? kiske putra hain aur kaise ve dulha-vesh men akar janki ko grahan karenge tatha manushyavtar men unka shrivigrah kaisa hoga? unke prashn ko sunakar shuki man hi man jan gayi ki ye hi sita hain. unhen pahchanakar vah samne akar unke charnon men girakar boli- ‘shriram ka mukh kamal ki kali ke saman sundar hoga. netra bade-bade aur khile hue pankaj ki shobha ko dharan karne vale honge. nasika unchi, patli tatha manoharini hogi. donon bhaunhen sundar dhang se mili hone ke karan manohar pratit hongi. gala shankh ke saman sushobhit aur chota hoga. vaksh sthal uttam, chaida aur shobhasanpann hoga, usmen shrivats ka chihn hoga. sundar janghon aur katibhag ki shobha se yukt donon ghutne atyant nirmal honge, jinki bhaktajan aradhna karenge. shriramji ke charnavind bhi param shobhayukt honge aur sabhi bhaktajan unki seva men sada sanlagn rahenge. shriramji aisa hi manohar rup dharan karne vale hain. jiske sau mukh hain, vah bhi unke gunon ka bakhan nahin kar sakta, fir hamare-jaise pakshi ki kya bisat hai. param sundar rup dharan karne vali lavanyamyi lakshmi bhi jinki jhanki karke mohit ho gayin, unhen dekhakar prithvi par dusri kaun stri hai, jo mohit n hogi. unka bal aur parakram mahan hai. ve atyant mohak rup dharan karne vale hain. main shriram ka kahan tak varnan karun, ve sab prakar ke aishvaryamay gunon se yukt hain. param manohar rup dharan karne vali ve janki devi dhanya hain, jo shriramji ke sath hajaron varshon tak prasannatapurvak vihar karengi, parantu sandri ! tum kaun ho? tumhara nam kya hai, jo itni chaturai aur adar ke sath shriram ke gunon ka kirtan sunne ke liye prashn kar rahi ho?’ shuki ki ye baten sunakar jankkumari sita apne janm ki lalit evan manohar charcha karti hui bolin - ‘jise tumlog janki kah rahe ho, vah janak ki putri main hi hun. mere man ko lubhanevale shriram jab yahan akar mujhe svikar karenge, tabhi main tumhen chodungi, anyatha nahin, kyonki tumne apne vachnon se mere man men lobh utpann kar diya hai. ab tum ichchanusar khel karte hue mere ghar men sukh se raho aur mithe-mithe padarth bhojan karo.’ yah sunakar shuki ne jankiji se kaha- ‘sadhvi ! ham van ke pakshi hain, pedon par rahte hain aur sarvatra vicharan karte hain. hamen tumhare ghar men sukh nahin milega. main garbhini hun, apne sthan par jakar bachche paida karungi. uske bad fir tumhare yahan a jaungi.’ uske aisa kahne par bhi sitaji ne use nahin choda. tab uske pati shuk ne vinit vani men utkanthit hokar kaha- ‘sita ! meri sundri bharya ko chod do. ise kyon rakh rahi ho? shobhne ! yah garbhini hai. sada mere man men basi rahti hai. jab yah bachchon ko janm de legi, tab main ise lekar tumhare pas a jaunga.’ shuk ke aisa kahne par jankiji ne kaha- ‘mahamte ! tum aram se ja sakte ho, kintu tumhari yah bharya mera priya karnevali hai. main ise apne pas bade sukh se apni sakhi banakar rakhungi.’ yah sunakar pakshi dukhi ho gaya. usne karunayukt vani men kaha - ‘yogi log jo baten kahte hain vah satya hi hai- kisi se kuch n kahen, maun hokar rahen, nahin to unmatt prani apne vachnrupi dosh ke karan hi bandhan men padta hai. yadi ham is ped par baithakar vartalap n karte hote to hamare liye yah bandhan kaise prapt hota? isliye maun hi rahna chahiye tha.’ itna kahakar pakshi punah bola - ‘sundri ! main apni is bharya ke bina jivit nahin rah sakta, isliye ise chod do. sita ! tum badi achchi ho. meri prarthana man lo.’ is tarah nana prakar ki baten kahakar usne samjhaya, parantu sitaji ne shuki ko nahin choda. tab shuki ne punah kaha - ‘site ! mujhe chod do, anyatha shap de dungi.’ sitaji ne kaha - ‘tum mujhe darati - dhamkati ho ! main isse tumhen nahin chodungi.’ tab shuki ne krodh aur dukh men akul hokar janki ji ko shap diya- ‘ari ! jis prakar tu mujhe is samay apne pati se vilag kar rahi hai, vaise hi tujhe svayan bhi garbhini-avastha men shriram se alag hona padega.’ yon kahakar pativiyog ke shok men uske pran nikal gaye. usne shriramka smaran tatha punah punah ram-nam ka uchcharan karte hue pran-tyag kiya tha, isliye use le jane ke liye sundar viman aya aur vah shuki us par baithakar bhagvan ke dham ko chali gayi. bharya ki mrityu ho jane par shuk shok se atur hokar bola- ‘main manushyon se bhari hui shriram ki nagri ayodhya men janm lunga aur iska badla chukaunga. mere hi vakya men udveg men padakar tumhen pativiyog ka bhari dukh uthana padega.’ yah kahakar usne bhi apna pran chod diya.
Kya aapko lekh pasand aaya? Subscribe

Kya aapko lekh pasand aaya? Subscribe


parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.