त्रिक भावों में ग्रहों का फल एवं उपाय

trik bhavon men grahon ka fal evan upay  

Ank ke aur Lekh | Sambandhit Lekh | Views : 2377 |  
athvan bhav ashtam bhav umra ki lambai ko mapta hai islie ise maut ka ghar, patal ke andhere ka ghar kaha jata hai. khoj, akasmik dhan, lanbi bimari, gahri chinta ka pata bhi isi bhav se lagaya jata hai. athven ghar men sthit vibhinn grahan ka fal lal kitab ke anusar is prakar hai. budh athven ghar ke budh ke lie paraspar virodhi mat pae gae hain. kuch vidvanon ke anusar athven ghar ke budh vala vyakti kirtiman, kulvan, raja ke saman prabhavshali hota hai. maharshi vashishth ke anusar vah dusht buddhi, rogi aur sukhhin hota hai. maharshi parashar ke anusar uska koi mitra bandhu nahin hota use ekaki jivan jina padta hai. yah sabhi vivaran atmavirodhi hain. ashtam bhav ke budh vale vyakti gupt vidya ke gyata bhi pae jate hain. budh gyan ka karak grah hai parantu yah gyan athven ghar ke budh se judakar gupt vidya ka gyan ho jata hai jaise kala jadu ya jadu tona, tantrik sadhna adi. jivan men kabhi n kabhi aise insan par jhuthi ya sachchi tohamat jarur lagegi. upay - kisi hijde ko safed kamij dena aur sath hi kali juraben bhi dena. - sabut mung surkh tanbe ke lote men bharakar chalte pani men baha dena. guru ashtam bhavasthit devguru brihaspati aisi gupt sadhna ka karak hai jo satta, shakti, paisa prapt karne ke lie ho. athven ghar ke brihaspati ke bare men kaha gaya hai ki ravan ki maut ka karan ashtam ka brihaspati tha, kark rashi ka. ravan ki sadhna se prapt shaktiyan dusron ke daman ke lie prayog ki gai islie uchch rashi ka brihaspati ashtam hone par maut ka karan bana. ashtam bhavasth brihaspati kisi ki mrityu se prapt dhan ka karak avashya rahta hai chahe vah daulat uske purvajon ki ho athva kisi aur ki mrityu se mile jaise bima kampani men kam karne ke karan kisi ke varison ko mili jaydad se kamishan ki surat men paisa milna. yadi athven ghar ke brihaspati ko rahu ka sath mil jae to apni roji roti kamane ke lie insan ko mehanat nahin karni padti. lal kitab men khana nan 8 ke brihaspati ko shmashan ka sadhu kaha gaya hai jo ghar ki jimmedari se bhagta hai. iska sabse achcha upay hai brihaspati ko dharm sthan arthat dusre ghar men sthapit karna. upay - haldi ki ath ganthen mandir men dena. - ath virvar lagatar kachche sut ko haldi men rangakar pipal ke darakht ke sath bandhna. shukra shukra ek bhogatmak grah hai aur hamare man ki avastha ka bhi karak hai. jis bhi sharirik kriya se hamen khushi mile jaise khana, pahnna...sbhi shukra ke adhin hain. athven ghar men shukra vala vyakti kabhi asani se santusht nahin hota. kai anya granthon men ashtam ke shukra ke bare men likha hai, athven ghar ka shukra patni ke sath achche sanbandh nahin rakhta parantu use parai stri se bada sukh milta hai. aisa shukra shadi ke bahri sambandhon ke lie thik hai parantu shadi se pahle agar koi muhabbat chal rahi ho to use shadi ki surat men nahin ane deta. yah prem vivah nahin hone deta. upay - kale rang ki gay ko ath ravivar ate ka peda dena. - 41 din lagatar gande nale men ful fenkna.
Kya aapko lekh pasand aaya? Subscribe

Kya aapko lekh pasand aaya? Subscribe


parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.